iPadમાં FaceTimeમાં ઑડિઓ કૉલ ટૂલનો ઉપયોગ કરવા માટે

અમુક દેશ અને વિસ્તારમાં જ્યારે તમે કોઈ અન્ય વ્યક્તિ સાથે વાત કરી રહ્યા હોવ ત્યારે તમે FaceTime ઑડિઓ કૉલ રેકોર્ડ કરી શકો છો અને નોટ્સ ઍપમાં કૉલની ટ્રાંસ્ક્રિપ્ટ જોઈ શકો છો. Apple Intelligenceને સપોર્ટ કરતા iPad મૉડલમાં તમે નોટ્સમાં ઑડિઓ રેકૉર્ડિંગનો સારાંશ જોઈ શકો છો.

જ્યારે તમે હોલ્ડ પર હોવ ત્યારે લાઇવ એજંટ ઉપલબ્ધ થાય ત્યારે સૂચના મેળવવા માટે હોલ્ડ સહાયનો પણ ઉપયોગ કરી શકો છો.

ઑડિઓ કૉલ રેકોર્ડ કરવા માટે

તમે શરૂ કરો તે પહેલાં તમારી ભાષા અને વિસ્તારમાં કૉલ રેકૉર્ડિંગ ઉપલબ્ધ છે કે નહિ તે જોવા માટે iOS અને iPadOS ફીચર ઉપલબ્ધતા વેબસાઇટ તપાસો અને ખાતરી કરો કે અન્ય કૉલ સહભાગી રેકોર્ડ કરવા દેવા માટે તૈયાર છે.

  1. FaceTime ઍપમાં આમને-સામને ઑડિઓ કૉલ દરમિયાન “વધુ” બટન પર ટૅપ કરીને પછી કૉલ રેકૉર્ડિંગ પર ટૅપ કરો.

    બંને કૉલ સહભાગીઓને કૉલ રેકોર્ડ કરવામાં આવી રહ્યો હોવાની ઑડિઓ નોટિસ સંભળાય છે.

  2. રેકૉર્ડિંગ રોકવા માટે રોકો બટન પર ટૅપ કરો.

    જો રોકો બટન ન દેખાય તો “વધુ” બટન પર ટૅપ કરીને પછી કૉલ રેકૉર્ડિંગની બાજુમાં બંધ કરો પર ટૅપ કરો. તમે કૉલ સમાપ્ત કરો ત્યારે કૉલ રેકૉર્ડિંગ પણ બંધ થાય છે.

કૉલ રેકૉર્ડિંગ નોટ્સ ઍપમાં કૉલ રેકૉર્ડિંગ ફોલ્ડરમાં ઑટોમૅટિક રીતે સેવ થાય છે.

કૉલ રેકોર્ડિંગ પ્લે કરો

  1. તમારા iPadમાં નોટ્સ ઍપ પર જાઓ.

  2. કૉલ રેકોર્ડિંગ ફોલ્ડરમાં નોટ સિલેક્ટ કરો પછી પ્લે કરો બટન પર ટૅપ કરો.

કૉલ ટ્રાંસક્રિપ્ટ જુઓ

સિલેક્ટ કરેલા વિસ્તાર અને ભાષામાં તમે નોટ્સ ઍપમાં રેકોર્ડ કરેલા કૉલની ટ્રાંસક્રિપ્ટ જોઈ શકો છો. ટ્રાંસક્રિપ્ટ તરત ઉપલબ્ધ ન હોઈ શકે—તમને ટ્રાંસક્રિપ્શન ચાલુ હોવાનો મેસેજ દેખાઈ શકે છે.

નોટ : ટ્રાંસક્રિપ્શન પર ભરોસો કરતા પહેલાં તેની ચોકસાઈ વેરિફાઈ કરો. તે કદાચ વાર્તાલાપની ચોક્કસ રજૂઆત ન હોય.

  1. તમારા iPadમાં નોટ્સ ઍપ પર જાઓ.

  2. કૉલ રેકૉર્ડિંગ ફોલ્ડરમાં નોટ સિલેક્ટ કરો પછી “વધુ” બટન પર ટૅપ કરો.

    નોટ : સપોર્ટેડ ભાષામાં બોલાયેલા શબ્દો ઑટોમૅટિક રીતે ટ્રાંસ્ક્રાઇબ કરવામાં આવે છે. જો તમને ટ્રાંસક્રિપ્ટ ન દેખાય તો તમારો iPad ન્યૂનતમ જરૂરિયાતો પૂરી કરતો નથી અથવા સપોર્ટેડ ભાષા શોધી શકતો નથી.

    ટ્રાંસક્રિપ્ટમાં દરેક વાક્ય બોલનારની ઓળખ કરવામાં આવે છે.

  3. ટ્રાંસક્રિપ્ટ જોતી વખતે તમે નીચેનામાંથી કોઈ પણ એક કરી શકો છો :

    • ચોક્કસ પૉઇંટ પરથી ઑડિઓ પ્લે કરવા માટે : તમે જે ટેક્સ્ટ સાંભળવા માંગો છો તેને સિલેક્ટ કરો.

    • ટ્રાંસક્રિપ્ટ સર્ચ કરવા માટે : “વધુ” બટન પર ટૅપ કરો પછી “ટ્રાંસક્રિપ્ટમાં શોધો” પર ટૅપ કરો.

    • ટ્રાંસક્રિપ્ટ કૉપિ કરવા માટે : “વધુ” બટન પર ટૅપ કરો પછી “નોટમાં ટ્રાંસક્રિપ્ટ ઉમેરો” અથવા “ટ્રાંસક્રિપ્ટ કૉપિ કરો” પસંદ કરો.

    • ઑડિઓ રેકૉર્ડિંગ સેવ કરવા અથવા ડિલીટ કરવા માટે : “વધુ” બટન પર ટૅપ કરો પછી “ઑડિઓને ફાઇલમાં સેવ કરો” અથવા “ડિલીટ કરો” પસંદ કરો.

      નોટ : ઑડિઓ રેકોર્ડિંગ ડિલીટ કરવાથી ટ્રાંસક્રિપ્ટ પણ ડિલીટ થઈ જાય છે.

    • રેકોર્ડિંગનું વેવફૉર્મ જોવા માટે : “ટ્રાંસક્રિપ્ટ છુપાવો” બટન પર ટૅપ કરો.

જો Apple Intelligence* ચાલુ હોય તો રેકોર્ડ કરેલા FaceTime કૉલનો તમે સારાંશ બનાવી શકો છો. જુઓ : નોટ્સમાં Apple Intelligenceનો ઉપયોગ કરો.

કૉલ રેકૉર્ડિંગ બંધ કરવા માટે

કૉલ રેકોર્ડિંગ ડિફૉલ્ટ રૂપે ચાલુ છે પરંતુ તમે તેને બંધ કરી શકો છો.

  1. તમારા iPadમાં સેટિંગ્સ ઍપ પર જાઓ.

  2. ઍપ્સ પર ટૅપ કરો પછી ફોન પર ટૅપ કરો.

  3. ઑડિઓ કૉલ રેકૉર્ડિંગ પર ટૅપ કરીને પછી ઑડિઓ કૉલ રેકૉર્ડિંગ બંધ કરો.

હોલ્ડ સહાયનો ઉપયોગ કરો

જ્યારે તમને FaceTime ઑડિઓ કૉલ દરમિયાન હોલ્ડ પર રાખવામાં આવે ત્યારે તમે લાઇવ એજંટ ઉપલબ્ધ હોય ત્યારે સૂચિત થવા માટે હોલ્ડ સહાયનો ઉપયોગ કરી શકો છો. જુઓ : જ્યારે તમે હવેથી હોલ્ડ પર ન હોવ ત્યારે સૂચના પ્રાપ્ત કરો.

*Apple Intelligence નીચેની ભાષાઓ માટે સપોર્ટ સાથે બીટામાં ઉપલબ્ધ છે : અંગ્રેજી, ડેનિશ, ડચ, ફ્રેંચ, જર્મન, ઇટાલિયન, નોર્વેજિયન, પોર્ટુગીઝ, સ્પેનિશ, સ્વીડિશ, ટર્કિશ, ચીની (સરળીકૃત), ચીની (પરંપરાગત), જાપાનીઝ, કોરિયન અને વિયેતનામીઝ. અમુક ફીચર તમામ ભાષા અથવા વિસ્તારમાં ઉપલબ્ધ ન પણ હોઈ શકે. ભાષા અને ફીચરની ઉપલબ્ધતા અને સિસ્ટમની જરૂરિયાતો વિષે વધુ માહિતી માટે Apple સપોર્ટ લેખ જુઓ : Apple Intelligence કેવી રીતે મેળવવું.
આ પણ જુઓiPadમાં FaceTime ઑડિઓ સેટિંગ્સ બદલોiPadમાં FaceTime કૉલ સ્ક્રીન અને ફિલ્ટર કરો
Morty Proxy This is a proxified and sanitized view of the page, visit original site.
મદદરૂપ થયું?
અક્ષરની સીમા 250
મહત્તમ અક્ષરની સીમા 250 છે.
તમારા પ્રતિસાદ બદલ ખૂબ ખૂબ આભાર.
Morty Proxy This is a proxified and sanitized view of the page, visit original site.