iPadOS 26
iPadOS 18
આ કંટ્રોલમાં ફેરફાર કરવાથી આ પેજ ઑટોમૅટિક રીતે અપડેટ થઈ જશે.

iPadમાં ક્વિક નોટ્સનો ઉપયોગ કરો

તમે iPad પર કોઈ પણ ઍપ અથવા સ્ક્રીન પર માહિતી લખવા માટે ક્વિક નોટ્સનો ઉપયોગ કરી શકો છો. ક્વિક નોટમાં લિંક, ઇમેજ, ટૅગ અને ઉલ્લેખ ઉમેરો જેથી કરીને તમે મહત્ત્વપૂર્ણ નામ, સંખ્યા અને આઇડિયા સરળતાથી મેળવી શકો. જ્યારે તમે Safariમાં ટેક્સ્ટને હાઇલાઇટ કરો છો અથવા ઍપમાંથી કોઈ લિંક ઉમેરો છો ત્યારે આગામી વખતે તમે સાઇટ પર જાઓ ત્યારે તમને ક્વિક નોટ થંબનેલ દેખાય છે જે તમને અગાઉ તમે જે જોઈ રહ્યા હતા તેના પર લઈ જાય છે.

આઇલેન્ડના નકશા પર વિંડો ઓવરલેમાં ક્વિક નોટ. નોટમાં ટેક્સ્ટ અને નકશાથી લિંક કરવાનો વિકલ્પ છે.

તમે નોટ્સ ઍપમાં તમારી તમામ ક્વિક નોટ ઍક્સેસ કરી શકો છો. અને જ્યારે તમે તમારા iPad પર ક્વિક નોટ બનાવો છો ત્યારે તમે તમારા iPhone અને Mac પર પણ નોટ જોઈ શકો છો.

ક્વિક નોટ બનાવવા માટે

ક્વિક નોટ બનાવવા માટે નીચેનામાંથી કોઈ પણ એક કરો :

  • કોઈ પણ ઍપ અથવા સ્ક્રીનમાંથી : કંટ્રોલ સેંટરમાં “ક્વિક નોટ” બટન ઉમેરો પછી “ક્વિક નોટ” બટન પર ટૅપ કરો. તમે પૂર્ણ કરો ત્યારે પૂર્ણ બટન પર ટૅપ કરો.

  • સપોર્ટેડ ઍપમાંથી : “શેર કરો” બટન પર ટૅપ કરીને વધુ પર ટૅપ કરીને પછી ક્વિક નોટમાં ઉમેરો પર ટૅપ કરો. તમે પૂર્ણ કરો ત્યારે પૂર્ણ બટન પર ટૅપ કરો.

  • જો તમારું iPad Apple એક્સટર્નલ કીબોર્ડ સાથે કનેક્ટેડ હોય તો ક્વિક નોટ્સ ખોલવા માટે Globe-Q કીબોર્ડ શૉર્ટકટનો ઉપયોગ કરો. જો ક્વિક નોટ્સ પહેલાંથી જ ખુલેલી હોય તો તમે નવી નોટ બનાવવા માટે કમાંડ-Nનો ઉપયોગ કરી શકો છો.

કૉર્નર જેસ્ચરથી ક્વિક નોટ્સ લો

Apple Pencilનો ઉપયોગ કરીને ડિસ્પ્લેના નીચે જમણા ખૂણેથી ઉપર સ્વાઇપ કરો.

ટિપ : તમે તમારી આંગળીથી પણ આ જેસ્ચર કરી શકો છો—સેટિંગ્સ  > મલ્ટીટાસ્કિંગ & જેસ્ચર પર જાઓ પછી “ખૂણામાંથી આંગળીથી સ્વાઇપ કરો” ચાલુ કરો.

સેટિંગ્સ  > ઍપ્સ > નોટ્સ પર જાઓ, કોર્નર જેસ્ચર પર ટૅપ કરો પછી નીચેમાંથી કોઈ પણ એક કરો :

  • “ખૂણામાંથી આંગળીથી સ્વાઇપ કરવાની અનુમતિ આપો” ચાલુ અથવા બંધ કરો.

  • “ડાબા ખૂણામાં સ્વાઇપ કરો” અથવા “જમણા ખૂણામાં સ્વાઇપ કરો” પર ટૅપ કરો અને પછી ઍક્શન પસંદ કરો.

ક્વિક નોટ્સ જોવા અને ગોઠવવા માટે

  1. તમારા iPadમાં નોટ્સ ઍપ પર જાઓ.

  2. ફોલ્ડર લિસ્ટમાં ક્વિક નોટ્સ પર ટૅપ કરો.

    ફોલ્ડરની સૂચી બતાવવા માટે તમારે “સાઇડબાર ટૉગલ કરો” બટન પર ટૅપ કરવાની જરૂર પડી શકે છે.

નોટ : જ્યાં સુધી તમે ક્વિક નોટને અલગ ફોલ્ડરમાં મુવ ન કરો ત્યાં સુધી તમે તેને લૉક કરી શકશો નહિ.

જો તમે વ્યક્તિગત ક્વિક નોટને અન્ય ફોલ્ડરમાં મુવ કરો છો તો તે સ્ટૅન્ડર્ડ નોટ બની જાય છે અને હવે પછીથી અન્ય ઍપમાં ક્વિક નોટ તરીકે નહિ દેખાય.

આ પણ જુઓiPadમાં તમારી નોટમાં સર્ચ કરોiPadમાં નોટ્સમાં કીબોર્ડ શૉર્ટકટનો ઉપયોગ કરો
Morty Proxy This is a proxified and sanitized view of the page, visit original site.
મદદરૂપ થયું?
અક્ષરની સીમા 250
મહત્તમ અક્ષરની સીમા 250 છે.
તમારા પ્રતિસાદ બદલ ખૂબ ખૂબ આભાર.
Morty Proxy This is a proxified and sanitized view of the page, visit original site.