iPadOS 26
iPadOS 18
આ કંટ્રોલમાં ફેરફાર કરવાથી આ પેજ ઑટોમૅટિક રીતે અપડેટ થઈ જશે.

માર્ગદર્શિત ઍક્સેસથી iPadમાં એક ઍપ લૉક કરો

માર્ગદર્શિત ઍક્સેસથી તમે iPadને ટેંપરરી રીતે એક ઍપ પૂરતું પ્રતિબંધિત કરી શકો છો. જ્યારે તમે બાળકને તમારા iPadનો ઉપયોગ કરવા દો અથવા જ્યારે તમે કોઈ કાર્ય પર ધ્યાન કેંદ્રિત કરવા માંગો છો ત્યારે આ ઉપયોગી થઈ શકે છે. તમે સમય મર્યાદા સેટ કરી શકો છો અને સ્ક્રીનના કયાં ફીચર, હાર્ડવેર બટન અને વિસ્તાર ઉપલબ્ધ છે તે કસ્ટમાઇઝ કરી શકો છો.

માર્ગદર્શિત ઍક્સેસ સેટ અપ થઈ રહ્યું હોવાનું બતાવતી iPad સ્ક્રીન. iPadને ફક્ત કેલક્યુલેટર ઍપ પર ટેંપરરી રીતે લૉક કરવામાં આવી રહ્યું છે અને ઍપના એક બટનને અક્ષમ કરવામાં આવ્યું છે.

માર્ગદર્શિત ઍક્સેસ સેટ અપ કરવા માટે

  1. તમારા iPadમાં સેટિંગ્સ  ઍપ પર જાઓ.

  2. ઍક્સેસિબિલિટી પર ટૅપ કરીને માર્ગદર્શિત ઍક્સેસ પર ટૅપ કરીને પછી માર્ગદર્શિત ઍક્સેસ ચાલુ કરો.

  3. માર્ગદર્શિત ઍક્સેસ સેશન માટે નીચેનામાંથી કોઈ પણ એક કરો :

    • પાસકોડથી સેશન સમાપ્ત કરો : “પાસકોડ સેટિંગ્સ” પર ટૅપ કરીને “માર્ગદર્શિત ઍક્સેસ પાસકોડ સેટ કરો” પર ટૅપ કરો પછી પાસકોડ એંટર કરો.

    • Face ID અથવા Touch IDથી સેશન સમાપ્ત કરો : “પાસકોડ સેટિંગ્સ” પર ટૅપ કરો પછી Face ID (Face ID સાથેના iPadમાં) અથવા Touch ID (iPadનાં અન્ય મૉડલમાં) ચાલુ કરો.

    • સમય સીમા જાહેર કરવા માટે સાઉંડ પ્લે કરો : સમય સીમા પર ટૅપ કરીને સાઉંડ પર ટૅપ કરો પછી સાઉંડ સિલેક્ટ કરો અથવા અન્ય વિકલ્પ બ્રાઉઝ કરવા માટે ટોન સ્ટોર પર ટૅપ કરો.

    • બોલાતી સમય સીમા સાંભળો : સમય સીમા પર ટૅપ કરીને પછી માર્ગદર્શિત ઍક્સેસ સેશન સમાપ્ત થાય તે પહેલાં બાકી રહેલો સમય સાંભળવા માટે બોલો ચાલુ કરો.

    • સેશન દરમિયાન ઍક્સેસિબિલિટી શૉર્ટકટને અનુમતિ આપો : ઍક્સેસિબિલિટી શૉર્ટકટ ચાલુ કરો.

    • iPadને ઑટોમૅટિક રીતે લૉક થવામાં કેટલો સમય લાગવો જોઈએ તે સેટ કરો : “ડિસ્પ્લે ઑટો-લૉક” પર ટૅપ કરો પછી વિકલ્પ સિલેક્ટ કરો.

માર્ગદર્શિત ઍક્સેસ સેશન શરૂ કરો

  1. તમે જે ઍપનો ઉપયોગ કરવા માંગો છો તે ખોલો.

  2. માર્ગદર્શિત ઍક્સેસ ચાલુ કરવા માટે નીચેનામાંથી કોઈ પણ એક કરો :

    Siri: Siriને આવું કંઈક કહો “Turn on Guided Access.” Siriનો ઉપયોગ કેવી રીતે કરવો તે જાણો.

  3. સ્ક્રીનના જે વિસ્તારને તમે અક્ષમ કરવા માંગો છો ત્યાં વર્તુળ કરો. માસ્કને સ્થિતિમાં ડ્રૅગ કરો અથવા તેની સાઇઝ ઍડજસ્ટ કરવા માટે હૅન્ડલનો ઉપયોગ કરો.

  4. સેશન સેટિંગ્સ પર ટૅપ કરીને પછી નીચેનામાંથી કોઈ પણ ચાલુ અથવા બંધ કરો :

    • ટૉપ બટન

    • વૉલ્યૂમ બટન

    • Motion (iPadને પોર્ટ્રેટમાંથી લેંડસ્કેપમાં સ્વિચ થતું રોકવા અથવા અન્ય Motionને પ્રતિસાદ આપતા રોકવા માટે)

    • સોફ્ટવેર કીબોર્ડ

    • ટચ

    • સમય મર્યાદા

  5. પૂર્ણ પર ટૅપ કરીને પછી શરૂ કરો પર ટૅપ કરો.

માર્ગદર્શિત ઍક્સેસ સેશન સમાપ્ત કરો

જ્યારે તમે માર્ગદર્શિત ઍક્સેસ સેટ અપ કરો છો ત્યારે તમે પસંદ કરેલા પાસકોડ વિકલ્પોના આધારે માર્ગદર્શિત ઍક્સેસ સેશન સમાપ્ત કરવા માટે તમે તમારો માર્ગદર્શિત ઍક્સેસ પાસકોડ એંટર કરશો અથવા Face IDનો ઉપયોગ કરશો.

  • પાસકોડનો ઉપયોગ કરવા માટે : ટૉપ બટન (Face ID સાથેના iPad પર) અથવા હોમ બટન (iPadના અન્ય મૉડલ પર) પર ટ્રિપલ ક્લિક કરીને પછી તમારો માર્ગદર્શિત ઍક્સેસ પાસકોડ એંટર કરો.

  • Face ID અથવા ટચ IDનો ઉપયોગ કરવા માટે : જો તમે માર્ગદર્શિત ઍક્સેસ પાસકોડ સેટિંગ્સમાં Face ID અથવા Touch ID વિકલ્પ ચાલુ કર્યો હોય તો ટૉપ બટન અથવા હોમ બટન પર ટ્રિપલ-ક્લિક કરીને પછી તમારા iPadને Face ID અથવા Touch ID (તમારા iPadના મૉડલને આધારે)થી અનલૉક કરો.

સરળીકૃત ઇંટરફેસ અને કોર ફીચરના કસ્ટમાઇઝ કરી શકાય તેવા સેટ સાથે iPad સેટ અપ કરવા માટે અસિસ્ટિવ ઍક્સેસ યૂઝર ગાઇડ જુઓ.

આ પણ જુઓiPadમાં ફોકસ સેટ અપ કરોiPadમાં Safariમાં લેખ વાંચતી વખતે વિચલન છુપાવોiPadમાં ઑનસ્ક્રીન મોશન કસ્ટમાઇઝ કરોiPadમાં કૉગ્નિટિવ ઍક્સેસિબિલિટી ફીચર
Morty Proxy This is a proxified and sanitized view of the page, visit original site.
મદદરૂપ થયું?
અક્ષરની સીમા 250
મહત્તમ અક્ષરની સીમા 250 છે.
તમારા પ્રતિસાદ બદલ ખૂબ ખૂબ આભાર.
Morty Proxy This is a proxified and sanitized view of the page, visit original site.