iPadOS 26
iPadOS 18
આ કંટ્રોલમાં ફેરફાર કરવાથી આ પેજ ઑટોમૅટિક રીતે અપડેટ થઈ જશે.

iPadમાં તમારા Freeform બોર્ડમાં સીનને નૅવિગેટ અને રજૂ કરો

તમે તમારા બોર્ડને સેક્શનમાં ગોઠવવા માટે સીન—તમારા બોર્ડના સેવ કરેલા વ્યૂ—સેવ કરી શકો છો પછી ઝડપથી તમારા બોર્ડના તે ભાગોને નૅવિગેટ કરી શકો છો અને અન્ય લોકો સમક્ષ રજૂ કરી શકો છો. તમે બોર્ડને એક પછી એક સેક્શનમાં રજૂ કરી શકો અને બોર્ડને રજૂ કરવાનો ક્રમ ફરી ગોઠવી શકો તે માટે સીન વડે કૉન્ટેંટને ઓળખી શકો છો અને લેબલ કરી શકો છો. તમે બોર્ડના જે ભાગને પ્રિંટ કરવા અથવા PDF તરીકે એક્સપોર્ટ કરવા માંગો છો તેને ઓળખવા માટે પણ સીનનો ઉપયોગ કરી શકો છો.

ખુલ્લા સીન નૅવિગેટર અને ઘણાં સેવ કરવામાં આવેલાં દૃશ્યો સાથે Freeform બોર્ડ.

સીન સેવ કરવા માટે

  1. તમારા iPadમાં Freeform ઍપ પર જાઓ.

  2. કૉન્ટેંટ સાથેનું બોર્ડ ખોલો.

  3. બોર્ડના જે ભાગને તમે તમારા પહેલા સીન તરીકે સ્ક્રીન પર જોવા માંગો છો તેને ફ્રેમ કરો ત્યાં સુધી ઝૂમ અને સ્ક્રોલ કરો.

  4. “સીન” બટન પર ટૅપ કરો.

    તમારા બોર્ડમાં નીચે-ડાબી બાજુ સીન નૅવિગેટર ખુલે છે.

  5. “સીન નૅવિગેટર” બટન પર ટૅપ કરો પછી સીન ઉમેરો પર ટૅપ કરો.

  6. જ્યાં સુધી તમે ઇચ્છતા હોવ તે તમામ સીન કૅપ્ચર ન કરો ત્યાં સુધી આ પગલું રિપીટ કરો : તમારા આગલા સીનને ફ્રેમમાં લાવો, “સીન નૅવિગેટર” બટન પર ટૅપ કરો પછી સીન ઉમેરો પર ટૅપ કરો.

    ટિપ : સીનને ક્રમમાં સેવ કરવા વિષે ચિંતા કરશો નહિ. તમે તેમને કૅપ્ચર કર્યા પછી તેમના ક્રમને સંપાદિત કરી શકો છો.

સીનને નૅવિગેટ કરવા માટે

  1. તમારા iPadમાં Freeform ઍપ પર જાઓ.

  2. સેવ કરેલા સીન સાથેનું બોર્ડ ખોલો.

  3. “સીન” બટન પર ટૅપ કરો પછી નીચેનામાંથી કોઈ પણ એક કરો :

    • “સીન નૅવિગેટર” બટન પર ટૅપ કરો અને પછી તમે જે સીન પર જવા ઇચ્છો છો તેના પર ટૅપ કરો.

    • સીન વચ્ચે મુવ કરવા માટે “પાછળ જાઓ” બટન અને “ફૉરવર્ડ કરો” બટન પર ટૅપ કરો.

નોટ : જો તમે કોઈ અલગ ડિવાઇસ અથવા વ્યૂનો ઉપયોગ કરી રહ્યાં હોવ તો સીન કૅપ્ચર કરનાર વ્યક્તિ કરતાં તમને તે અલગ દેખાશે. ઉદાહરણ તરીકે, જો કોઈએ Mac પર કોઈ સીન કૅપ્ચર કર્યો હોય તો જ્યારે તમે તેને પોર્ટ્રેટ ઓરિએંટેશનમાં iPad પર જુઓ ત્યારે તેને અલગ રીતે ફ્રેમ થઈ શકે છે.

સીનને સંપાદિત કરવા માટે

  1. તમારા iPadમાં Freeform ઍપ પર જાઓ.

  2. સેવ કરેલા સીન સાથેનું બોર્ડ ખોલો.

  3. “સીન” બટન પર ટૅપ કરીને “સીન નૅવિગેટર” બટન પર ટૅપ કરીને પછી નીચેનામાંથી કોઈ પણ એક કરો :

    • સીનનું નામ બદલવા માટે : તમે જેનું નામ બદલવા માંગો છો તે સીનને ટચ કરી દબાવી રાખો, સીનનું નામ બદલો પર ટૅપ કરીને પછી નવું નામ એંટર કરીને પછી પૂર્ણ બટન પર ટૅપ કરો.

    • સીનને ફરી ફ્રેમ કરો : બોર્ડના અન્ય ભાગ પર જઈને તમે જે સીનને ફરીથી ફ્રેમ કરવા માગો છો તેને ટચ કરી દબાવી રાખો પછી સીન બદલો પર ટૅપ કરો.

    • વ્યૂ ક્રમ ફરી ગોઠવો : સંપાદિત કરો પર ટૅપ કરીને “ક્રમ ફરી ગોઠવો” બટનને ટચ કરી દબાવી રાખો પછી સીનને ઉપર અથવા નીચે ડ્રૅગ કરીને પછી પૂર્ણ બટન પર ટૅપ કરો.

    • સીન ડિલીટ કરો : સીન પર ડાબી બાજુ સ્વાઇપ કરીને પછી ડિલીટ કરો પર ટૅપ કરો.

તમામ સીન પ્રિંટ અથવા એક્સપોર્ટ કરવા માટે

  1. તમારા iPadમાં Freeform ઍપ પર જાઓ.

  2. સેવ કરેલા સીન સાથેનું બોર્ડ ખોલો.

  3. ઍક્શન મેન્યૂ બટન પર ટૅપ કરો અને પછી નીચેનામાંથી કોઈ પણ એક કરો :

    • પ્રિંટ પર ટૅપ કરીને સીન પર ટૅપ કરો અને પછી “પ્રિંટ કરો” પર ટૅપ કરો.

    • “PDF તરીકે એક્સપોર્ટ કરો” પર ટૅપ કરીને સીન પર ટૅપ કરો અને પછી તેને શેર કરવાની રીત પસંદ કરો અથવા ફાઇલમાં સેવ કરો પર ટૅપ કરો.

ટિપ : પ્રિંટ કરેલા અને એક્સપોર્ટ કરેલા સીન ડિફૉલ્ટ રૂપે તમારા ડિવાઇસની સાઇઝ પ્રમાણે હોય છે. સીનને ફ્રેમ કરવામાં આવેલા તેમના મૂળ રૂપમાં પ્રિંટ કરવા માટે Freeform વિકલ્પ પર ટૅપ કરો પછી કૅપ્ચરિંગ ડિવાઇસ સિલેક્ટ કરો.

એક સીનને પ્રિંટ અથવા એક્સપોર્ટ કરવા માટે

  1. તમારા iPadમાં Freeform ઍપ પર જાઓ.

  2. સેવ કરેલા સીન સાથેનું બોર્ડ ખોલો.

  3. “સીન” બટન પર ટૅપ કરો પછી “સીન નૅવિગેટર” બટન પર ટૅપ કરો.

  4. સીનના નામને ટચ કરીને હોલ્ડ કરો પછી નીચેનામાંથી કોઈ પણ એક કરો :

    • “સીન પ્રિંટ કરો” પર ટૅપ કરો અને પછી “પ્રિંટ કરો” પર ટૅપ કરો.

    • “સીનને PDF તરીકે એક્સપોર્ટ કરો” પર ટૅપ કરો પછી તેને શેર કરવાની રીત પસંદ કરો અથવા ફાઇલમાં સેવ કરો પર ટૅપ કરો.

ટિપ : જો તમે પહેલાંથી જ સીન નૅવિગેટરમાં હોવ તો તમે જે કોઈ પણ સીનને પ્રિંટ અથવા એક્સપોર્ટ કરવા માંગો છો તેની બાજુમાં “વધુ” બટન પર ટૅપ કરી શકો છો.

તમામ સહભાગીઓ બોર્ડમાં સેવ કરેલા કોઈ પણ સીનને ઍક્સેસ કરી શકે છે.

આ પણ જુઓiPadમાં Freeform બોર્ડની કૉપિ અથવા PDF મોકલોiPadમાં Freeform બોર્ડ પર કોલૅબરેટ કરોiPadમાં Freeform બોર્ડ પર આઇટમની પોઝિશન ગોઠવો
Morty Proxy This is a proxified and sanitized view of the page, visit original site.
મદદરૂપ થયું?
અક્ષરની સીમા 250
મહત્તમ અક્ષરની સીમા 250 છે.
તમારા પ્રતિસાદ બદલ ખૂબ ખૂબ આભાર.
Morty Proxy This is a proxified and sanitized view of the page, visit original site.