iPadમાં ઇમેલ અકાઉંટ ઉમેરો અને કાઢી નાખો

Mail ઍપનો ઉપયોગ કરીને ઇમેલ મોકલવા અને પ્રાપ્ત કરવા માટે જેનો તમે ઉપયોગ કરવા માંગતા હો તે ઇમેલ અકાઉંટને ઉમેરવું જરૂરી છે. જ્યારે તમે પહેલીવાર Mail ખોલો ત્યારે તમને અકાઉંટ સેટ અપ કરવાનું કહેવામાં આવે છે. કોઈ પણ સમયે તમે તમારા iPadમાં વધારાનાં ઇમેલ અકાઉંટ ઉમેરી શકો છો અથવા જેની તમને હવેથી જરૂર ન હોય એવાં ઇમેલ અકાઉંટ કાઢી શકો છો.

ઇમેલ અકાઉંટ ઉમેરો

તમે Mail ઍપમાં એક અથવા વધુ ઇમેલ અકાઉંટ ઉમેરી શકો છો જેથી તમે એક જગ્યાએ તમારા તમામ ઇમેલ પ્રાપ્ત કરી શકો અને તમારા કોઈ પણ અકાઉંટમાંથી સરળતાથી ઇમેલ મોકલી શકો.

  1. તમારા iPadમાં સેટિંગ્સ ઍપ પર જાઓ.

  2. ઍપ્સ પર ટૅપ કરો પછી Mail પર ટૅપ કરો.

  3. Mail અકાઉંટ પર ટૅપ કરો પછી “અકાઉંટ ઉમેરો” પર ટૅપ કરો.

  4. તમારું ઇમેલ અડ્રેસ એંટર કરો, “આગળ” પર ટૅપ કરો પછી તમારા ઇમેલ અકાઉંટની માહિતી એંટર કરો.

નોટ : જો તમે એક કરતાં વધુ અકાઉંટ સેટ અપ કરો તો તમારો ઇમેલ મેસેજ કંપોઝ કરતી વખતે તમે કયા અકાઉંટમાંથી મોકલવા માંગો છો તે પસંદ કરી શકો છો. જુઓ : અલગ અકાઉંટમાંથી ઇમેલ મોકલો.

તમારા ઇમેલ અકાઉંટ માટે ફેચ શેડ્યૂલ સેટ કરો

જો તમે એવું અકાઉંટ ઉમેરશો જે પુશ સૂચનાઓને સપોર્ટ કરતું નથી તો તમે અકાઉંટ માટે નવા ઇમેલ ચેક કરવા માટે શેડ્યૂલ સેટ કરી શકો છો.

  1. તમારા iPadમાં સેટિંગ્સ ઍપ પર જાઓ.

  2. ઍપ્સ પર ટૅપ કરો પછી Mail પર ટૅપ કરો.

  3. Mail અકાઉંટ પર ટૅપ કરો પછી નવો ડેટા ફેચ કરો પર ટૅપ કરો.

  4. ફેચ હેઠળ શેડ્યૂલ પસંદ કરો.

    ઑટોમૅટિક રીતે ડિફૉલ્ટ સિલેક્શન છે જેનો અર્થ છે કે જ્યારે તમારું iPad ચાર્જ થઈ રહ્યું હોય અને Wi-Fi સાથે કનેક્ટ હોય ત્યારે નવો ડેટા ડાઉનલોડ કરવામાં આવે છે. આ શરતોની બહાર વધુ વખત આવવા માટે સમયનિર્ધારિત શેડ્યૂલ પસંદ કરો.

ઇમેલ અકાઉંટનો ઉપયોગ કરવાનું હંગામી ધોરણે બંધ કરો

જો તમે તમારા iPadમાં અકાઉંટમાંથી ઇમેલ મોકલવાનું અને પ્રાપ્ત કરવાનું ટેંપરરી રીતે બંધ કરવા માંગતા હોવ તો તમે તેને સેટિંગ્સમાં બંધ કરી શકો છો. તમે તેને કોઈ પણ સમયે સરળતાથી પાછું ચાલુ કરી શકો છો.

  1. તમારા iPadમાં સેટિંગ્સ ઍપ પર જાઓ.

  2. ઍપ્સ પર ટૅપ કરો પછી Mail પર ટૅપ કરો.

  3. Mail અકાઉંટ પર ટૅપ કરીને પછી તમે જે ઇમેલ અકાઉંટ બંધ કરવા માંગો છો તેના પર ટૅપ કરો.

  4. નીચેનામાંથી કોઈ પણ એક કરો :

    • iCloud ઇમેલ અકાઉંટ બંધ કરો : “આ iPadમાં ઉપયોગ કરો” બંધ કરો.

    • બીજું ઇમેલ અકાઉંટ બંધ કરો : Mail બંધ કરો.

ટિપ : તમે પસંદ કરેલા સમય દરમિયાન માત્ર ચોક્કસ ઇમેલ અકાઉંટમાંથી સૂચનાઓ પ્રાપ્ત કરવા માટે તમે ફોકસ ફિલ્ટરનો ઉપયોગ કરી શકો છો. ઉદાહરણ તરીકે તમે સપ્તાહાંતમાં અથવા તમે વેકેશન પર હોવ ત્યારે તમારા કામકાજના ઇમેલ અકાઉંટમાંથી સૂચનાઓને સાઇલેંટ કરી શકો છો. જુઓ : iPadમાં ફોકસ સેટ અપ કરો.

ઇમેલ અકાઉંટ ડિલીટ કરો

તમે Mail ઍપમાંથી અને તમારા iPadમાં ઇમેલ અકાઉંટનો ઉપયોગ કરતી તમામ ઍપ્સમાંથી તે ઇમેલ અકાઉંટને કાઢી શકો છો.

નોટ : આ ઍક્શનથી ઇમેલ અકાઉંટ રદ નથી થતું; તેનાથી ફક્ત તમારા iPadમાંથી તેને કાઢવામાં આવે છે. અકાઉંટને સંપૂર્ણ રીતે બંધ કરવા માટે તમારા ઇમેલ અકાઉંટ પ્રોવાઇડરનો સંપર્ક કરો.

  1. તમારા iPadમાં સેટિંગ્સ ઍપ પર જાઓ.

  2. ઍપ્સ પર ટૅપ કરો પછી Mail પર ટૅપ કરો.

  3. Mail અકાઉંટ પર ટૅપ કરીને પછી તમે જે ઇમેલ અકાઉંટને કાઢી નાખવા માંગો છો તેના પર ટૅપ કરો.

  4. “સાઇન આઉટ કરો” અથવા “અકાઉંટ ડિલીટ કરો” પર ટૅપ કરો.

    નોટ : જો પછીથી તમારો વિચાર બદલાય તો તમે ઇમેલ અકાઉંટને તમારા iPadમાં પાછું ઉમેરી શકો છો. ઇમેલ અકાઉંટ ઉમેરોમાં પગલાંઓને અનુસરો.

Mail ઍપને તમારી હોમ સ્ક્રીન પર પાછી ઉમેરો

જો તમારી હોમ સ્ક્રીન પર તમને Mail ઍપ દેખાતી ન હોય તો તમે તેને ઍપ લાઇબ્રેરીમાં શોધી શકો છો અને તેને પાછી ઉમેરી શકો છો.

  1. હોમ સ્ક્રીન પર તમને ઍપ લાઇબ્રેરી ન દેખાય ત્યાં સુધી ડાબી બાજુ સ્વાઇપ કરો.

  2. સર્ચ ફીલ્ડમાં “Mail” એંટર કરો.

  3. “Mail” ઍપ આઇકન ટચ અને હોલ્ડ કરો પછી “હોમ સ્ક્રીનમાં ઉમેરો” પર ટૅપ કરો.

તમારી હોમ સ્ક્રીન તમારા અનુરૂપ બનાવવા માટે તેને ફરી ગોઠવવા માટે આજુબાજુ ઍપ અને વિજેટ મુવ કરો પર જાઓ.

આ પણ જુઓiPadમાં Mailમાં તમારો ઇમેલ તપાસોiPadમાં Mailમાં ઇમેલ મોકલોiPadમાં iCloud Mail દ્વારા કસ્ટમ ઇમેલ ડોમેન સેટ અપ કરો
Morty Proxy This is a proxified and sanitized view of the page, visit original site.
મદદરૂપ થયું?
અક્ષરની સીમા 250
મહત્તમ અક્ષરની સીમા 250 છે.
તમારા પ્રતિસાદ બદલ ખૂબ ખૂબ આભાર.
Morty Proxy This is a proxified and sanitized view of the page, visit original site.