iPadOS 26
iPadOS 18
આ કંટ્રોલમાં ફેરફાર કરવાથી આ પેજ ઑટોમૅટિક રીતે અપડેટ થઈ જશે.

iPadમાં FaceTime સાથે શરૂ કરો

Wi-Fi અથવા મોબાઇલ ડેટા પર મિત્રો અને પરિવાર સાથે આમને-સામને મુલાકાત કરવા માટે FaceTime ઍપનો ઉપયોગ કેવી રીતે કરવો તે જાણો. FaceTime કૉલમાં હોવ ત્યારે તમે ટીવી શો અને મૂવિ પણ જોઈ શકો છો, સંગીત સાંભળી શકો છો અને સાથે મળીને વર્કઆઉટ પણ કરી શકો છો.

ડિફૉલ્ટ કૉલિંગ ઍપ વિકલ્પ, FaceTime ચાલુ અથવા બંધ કરવા માટેનો કંટ્રોલ અને FaceTime માટે ઉપયોગ થઈ રહેલું Apple અકાઉંટ બતાવતી FaceTime સેટિંગ્સ સ્ક્રીન.

FaceTime સેટ અપ કરો

સેટિંગ્સ ઍપ પર જાઓ, ઍપ્સ પર ટૅપ કરો પછી FaceTime પર ટૅપ કરો. ખાતરી કરો કે તમે તમારા Apple અકાઉંટમાં સાઇન ઇન કર્યું છે અને FaceTime ચાલુ છે. તમે ડિફૉલ્ટ કૉલિંગ ઍપની નીચે ઑડિઓ કૉલ માટે ડિફૉલ્ટ કૉલિંગ વિકલ્પ પસંદ કરી શકો છો. જો “FaceTime દ્વારા તમારો સંપર્ક કરવાનાં માધ્યમો”ની નીચે એક કરતાં વધુ સંપર્ક માધ્યમ દેખાતા હોય તો તમે તેને સિલેક્ટ કરવા અથવા સિલેક્શન હટાવવા માટે ટૅપ કરી શકો છો.

iPadમાં નવી FaceTime વિંડો. “પ્રતિ” ફીલ્ડમાં નામ એંટર કરવામાં આવે છે અને તેની નીચે બે સૂચવેલા સંપર્ક દેખાય છે.

FaceTime કૉલ કરો

FaceTime ઍપ ખોલીને નવો પર ટૅપ કરીને પછી તમે જેને કૉલ કરવા માંગો છો તે વ્યક્તિ (અથવા લોકો)નું નામ, નંબર અથવા ઇમેલ એંટર કરો. વીડિયો કૉલ કરવા માટે FaceTime પર અથવા ઑડિઓ કૉલ કરવા માટે “કૉલ” બટન પર ટૅપ કરો. ગ્રૂપ FaceTime કૉલમાં તમે કૉલમાં મહત્તમ 32 લોકો સાથે વાત કરી શકો છો.

FaceTime વીડિયો કૉલ પ્રગતિમાં છે, જે નીચે ડાબી બાજુએ એક સહભાગીને બતાવે છે. અન્ય ત્રણ સહભાગીની ઇમેજ બાકીની સ્ક્રીનને ભરી દે છે. નીચે જમણી બાજુએ કૅમેરા, માઇક્રોફોન, વધુ અને કૉલ સમાપ્ત કરો બટન છે.

FaceTime કંટ્રોલનો ઉપયોગ કરો

FaceTime કૉલ પર હોવ ત્યારે તમારા કૅમેરા અથવા માઇકને ચાલુ અથવા બંધ કરવા, તમારી સ્ક્રીન શેર કરવા વગેરે માટે FaceTime કંટ્રોલનો ઉપયોગ કરો. જો તમને કંટ્રોલ દેખાતા ન હોય તો તમારી સ્ક્રીન પર ટૅપ કરો.

iPadની હોમ સ્ક્રીન જેમાં iPhoneમાંથી આવતા FaceTime વીડિયો કૉલની સૂચના ઉપર બતાવેલી છે. તમારા iPad પર કૉલ મુવ કરવા માટે સ્વિચ કરો પર ટૅપ કરો.

FaceTime કૉલને બીજા ડિવાઇસ પર સ્વિચ કરો

જ્યારે તમે ઘણાં ડિવાઇસ પર તમારા Apple અકાઉંટમાં સાઇન ઇન કર્યું હોય ત્યારે તમે તેમાંથી એક પર FaceTime કૉલ શરૂ કરી શકો છો પછી તેને તમારા iPad પર મુવ કરી શકો છો. તમે તમારા કૉલને તમારા iPadમાંથી બીજા ડિવાઇસ પર પણ મુવ કરી શકો છો. તમે જે ડિવાઇસ પર સ્વિચ કરવા માંગતા હોવ તેમાં સ્ક્રીનમાં ઉપર FaceTime વીડિયો કૉલ બટન અથવા FaceTime ઑડિઓ કૉલ બટન પર અથવા “આ [ડિવાઇસ] પર કૉલ મુવ કરો” સૂચન પર ટૅપ કરો પછી સ્વિચ કરો પર ટૅપ કરો.

તમે જે વ્યક્તિને કૉલ કરો છો તે અનુપલબ્ધ છે એવું બતાવતી રેકૉર્ડ વીડિયો સ્ક્રીન. સ્ક્રીનમાં “ફરી કૉલ કરો” અને “વીડિયો રેકોર્ડ કરો” બટન હોય છે જેને તમે તમારો વીડિયો મેસેજ રેકોર્ડ કરવા માટે ટૅપ કરી શકો છો.

વીડિયો મેસેજ મોકલો

જો કોઈ તમારા FaceTime વીડિયો કૉલનો જવાબ ન આપે તો તમે વીડિયો મેસેજ છોડી શકો છો. “વીડિયો રેકોર્ડ કરો” પર ટૅપ કરો પછી તમારો મેસેજ રેકોર્ડ કરો. તમે રેકૉર્ડિંગ સમાપ્ત કરી લો ત્યારે રોકો બટન પર ટૅપ કરો પછી “મોકલો” બટન પર ટૅપ કરો.

વધુ જાણવા માંગો છો?

નોટ : તમામ ફીચર અને કૉન્ટેંટ તમામ દેશ અથવા વિસ્તારમાં ઉપલબ્ધ નથી.

Morty Proxy This is a proxified and sanitized view of the page, visit original site.
મદદરૂપ થયું?
અક્ષરની સીમા 250
મહત્તમ અક્ષરની સીમા 250 છે.
તમારા પ્રતિસાદ બદલ ખૂબ ખૂબ આભાર.
Morty Proxy This is a proxified and sanitized view of the page, visit original site.