iOS 26
iOS 18
இந்தக் கட்டுப்பாட்டை மாற்றினால் இந்தப் பக்கம் தானாக மாற்றப்படும்

iPhoneஇல் உள்ள “கடிகாரம்” செயலியில் விழிப்பதற்கான அலாரத்தை மாற்றுதல்

உடல்நலம் செயலியில் உறக்க அட்டவணையை நீங்கள் அமைத்திருந்தால் விழிப்பதற்கான அலாரத்தை நீங்கள் மாற்றலாம்.

விழிப்பதற்கான அலாரத்தை மாற்றுதல்

  1. உங்கள் iPhoneஇல் கடிகாரம் செயலிக்குச் செல்லவும்.

  2. அலாரங்கள் என்பதைத் தட்டி “மாற்று” என்பதைத் தட்டவும்.

  3. பின்வருவனவற்றில் ஒன்றைச் செய்யவும்:

    • விழிப்பதற்கான நேரத்தை மட்டும் மாற்ற: “ஒலிக்கும் அலாரம்” பட்டன்-ஐ இழுக்கவும்.

    • உறக்க அட்டவணையில் மாற்றம் செய்ய: “உறக்க நேரம்” பட்டன், “ஒலிக்கும் அலாரம்” பட்டன் ஆகியவற்றுக்கு இடையே உள்ள வளைகோட்டை இழுத்து நகர்த்தவும். (உங்கள் உறக்க நேரமும் விழித்தெழும் நேரமும் ஒரே நேரத்தில் மாறும், உறக்கக் காலத்தில் மாற்றம் இருக்காது.)

    விழிப்பதற்கான அடுத்த அலாரத்தை மாற்றுவதற்கான திரை காடப்பட்டுள்ளது. “ஒலிக்கும் அலாரம்” பட்டனின் நிலையை மாற்றி அலாரத்தின் நேரத்தை அமைப்பது காடப்பட்டுள்ளது.

  4. கீழே “அலாரம் விருப்பங்கள்” என்பதற்கு ஸ்க்ரால் செய்யவும். அலாரத்தை ஆன் செய்து, பின்வரும் விருப்பங்களில் ஏதேனும் ஒன்றை மாற்றவும்:

    • ஒலிகள் & ஹேப்டிக்ஸ்: அதிர்வு அல்லது ரிங்டோனைத் தேர்வுசெய்ய இதைத் தட்டவும்.

    • அலாரத்தின் அளவு: ஸ்லைடரை இழுக்கவும்.

    • ஒத்திவைத்தல்: உங்கள் அலாரத்துடன் “ஒத்திவை” பட்டனைப் பார்க்க ஆன் செய்யவும்.

    • ஒத்திவைப்புக் காலம்: அலாரம் எந்தக் கால அளவிற்கு இடைநிறுத்தப்பட வேண்டும் என்பதைத் தேர்வுசெய்யவும்.

  5. “முடிந்தது” பட்டன்-ஐத் தட்டி, “அடுத்த அலாரத்தை மட்டும் மாற்று” என்பதைத் தட்டவும்.

    குறிப்பு: “இந்த அட்டவணையை மாற்று” என்பதைத் தட்டினால், உங்கள் உறக்க அட்டவணையில் உள்ள உங்கள் தொடர்ச்சியான “விழித்தெழுதல்” அலாரமும் புதுப்பிக்கப்படும்.

விழிப்பதற்கான அடுத்த அலாரத்தைத் தாண்டி உறக்க அட்டவணையை நீட்டிக்க, “உடல்நலம்” செயலியில் “உறக்க அட்டவணையைத் திருத்து” என்பதைத் தட்டவும். (உடல்நலம் செயலியில் உறக்க அட்டவணைகளைத் திருத்துதல் என்பதைப் பார்க்கவும்.)

உங்கள் அடுத்த “விழித்தெழுதல்” அலாரத்தை ஆஃப் செய்தல்

  1. உங்கள் iPhoneஇல் கடிகாரம் செயலிக்குச் செல்லவும்.

  2. அலாரங்கள் என்பதைத் தட்டி “மாற்று” என்பதைத் தட்டவும்.

  3. கீழே ஸ்க்ரால் செய்து, “அலாரம் விருப்பங்கள்” என்பதைத் தட்டி, அலாரத்தை ஆஃப் செய்யவும்.

  4. “முடிந்தது” பட்டன்-ஐத் தட்டி, “அடுத்த அலாரத்தை மட்டும் மாற்று” என்பதைத் தட்டவும்.

    குறிப்பு: “இந்த அட்டவணையை மாற்று” என்பதைத் தட்டினால், உங்கள் உறக்க அட்டவணையில் உள்ள உங்கள் தொடர்ச்சியான “விழித்தெழுதல்” அலாரமும் புதுப்பிக்கப்படும்.

“விழித்தெழுதல்” அலாரத்தை அகற்றுதல்

  1. உங்கள் iPhoneஇல் கடிகாரம் செயலிக்குச் செல்லவும்.

  2. “உடல்நலம்” செயலியில், “மாற்று” என்பதைத் தட்டிய பிறகு “உறக்க அட்டவணையைத் திருத்து” என்பதைத் தட்டவும்.

  3. உறக்க அட்டவணையை ஆஃப் செய்யவும்.

“உடல்நலம்” செயலியில், நீங்கள் உறக்க அட்டவணையை நீக்கலாம் அல்லது அனைத்து உறக்க அட்டவணைகளையும் ஆஃப் செய்யலாம்.

இவற்றையும் பாருங்கள்iPhoneஇல் “கடிகாரம்” செயலியில் ஸ்டாப்வாட்ச் மூலம் நேரத்தைக் கண்காணித்தல்உங்கள் முதல் தொடர்ச்சியான உறக்க அட்டவணையை அமைத்தல்iPhone சாதனத்தில் உள்ள உடல்நலம் செயலியில் அலாரங்களை ஆஃப் செய்து உறக்க அட்டவணைகளை நீக்குதல்
Morty Proxy This is a proxified and sanitized view of the page, visit original site.
உதவியாக இருந்ததா?
எழுத்தின் அளவு: 250
அதிகபட்ச எழுத்தின் அளவு: 250
உங்கள் கருத்திற்கு நன்றி.
Morty Proxy This is a proxified and sanitized view of the page, visit original site.