iOS 26
iOS 18
இந்தக் கட்டுப்பாட்டை மாற்றினால் இந்தப் பக்கம் தானாக மாற்றப்படும்

iPhone சாதனத்தில் iCloud பகிர்ந்த புகைப்பட லைப்ரரியில் உள்ளடக்கத்தைச் சேர்த்தல்

ஃபோட்டோஸ் செயலியில் iCloud பகிர்ந்த புகைப்பட லைப்ரரியை அமைத்த அல்லது இணைந்த பிறகு, பல்வேறு வழிகளில் புகைப்படங்களையும் வீடியோக்களையும் நீங்கள் தொடர்ந்து சேர்க்கலாம்:

  • உங்கள் தனிப்பட்ட லைப்ரரியிலிருந்து புகைப்படங்களை நேரடியாக நகர்த்துதல்

  • நீங்கள் நேரடியாக எடுத்த புகைப்படங்களையும் வீடியோக்களையும் கேமரா -இல் இருந்து பகிர்ந்த லைப்ரரியில் சேமிக்கலாம்

  • பகிர்ந்த லைப்ரரியில் மற்ற உறுப்பினர்கள் அருகில் இருக்கும்போது நீங்கள் எடுக்கும் புகைப்படங்களைப் பகிரலாம்

  • நீங்கள் வீட்டில் எடுத்த புகைப்படங்களையும் வீடியோக்களையும் பகிர்தல்

குறிப்பு: iCloud பகிர்ந்த புகைப்பட லைப்ரரியைப் பயன்படுத்த iOS 16.1, iPadOS 16.1, macOS 13 அல்லது அதற்குப் பிந்தைய பதிப்புகள் குறைந்தபட்ச சிஸ்டம் தேவைகள் ஆகும். பகிர்ந்த லைப்ரரியில் சேர்க்கப்பட்ட புகைப்படங்களும் வீடியோக்களும் மென்பொருளின் முந்தைய பதிப்புகளைக் கொண்ட சாதனங்களில் கிடைக்காது.

iCloud பகிர்ந்த புகைப்பட லைப்ரரியில் புகைப்படங்களையும் வீடியோக்களையும் நேரடியாகச் சேர்த்தல்

உங்கள் தனிப்பட்ட லைப்ரரியிலிருந்து தனிப்பட்ட புகைப்படங்களையும் வீடியோக்களையும் iCloud பகிர்ந்த புகைப்பட லைப்ரரியில் சேர்க்கலாம்.

  1. உங்கள் iPhone சாதனத்தில் உள்ள ஃபோட்டோஸ் செயலிக்குச் செல்லவும்.

  2. நீங்கள் சேர்க்க விரும்பும் புகைப்படம் அல்லது வீடியோவைத் தட்டவும். இல்லையெனில், ஒரே நேரத்தில் பல புகைப்படங்களையும் வீடியோக்களையும் சேர்க்க, “தேர்ந்தெடு” என்பதைத் தட்டி, நீங்கள் சேர்க்க விரும்பும் சிறுபடங்களைத் தட்டவும்.

  3. “மேலும்” பட்டன்-ஐத் தட்டி, “பகிர்ந்த லைப்ரரிக்கு நகர்த்து” என்பதைத் தட்டவும்.

    ஃபோட்டோஸ் செயலியில் ஒரு புகைப்படம் திறந்துள்ளது. திரையின் மேல்பகுதியில் “பகிர்ந்த லைப்ரரிக்கு நகர்த்து” என்ற விருப்பம் உள்ளது.

    உதவிக்குறிப்பு: பகிர்ந்த லைப்ரரியில் நீங்கள் சேர்க்க விரும்பக்கூடிய புகைப்படங்கள் மற்றும் வீடியோக்களுக்கான பரிந்துரைகளைப் பார்க்க, “சேகரிப்புகள்” என்பதைத் தட்டி, மேல் வலது மூலையில் உங்கள் கணக்கைத் தட்டி, “பகிர்ந்த லைப்ரரிக்கானவை” என்பதைத் தட்டவும்.

பகிர்ந்த லைப்ரரிக்கு உள்ளடக்கம் நகர்த்தப்பட்ட பிறகு, அது இனி உங்கள் தனிப்பட்ட லைப்ரரியில் இருக்காது மேலும் பகிர்ந்த லைப்ரரியானது பங்கேற்பாளர்கள் அனைவருக்குமே தெரியும். பகிர்ந்த லைப்ரரியில் இருந்து உள்ளடக்கத்தை உங்கள் தனிப்பட்ட லைப்ரரிக்கு மீண்டும் நகர்த்த, மேலே உள்ள படிநிலைகளைப் பின்பற்றவும். ஆனால், “பகிர்ந்த லைப்ரரிக்கு நகர்த்து” என்பதற்குப் பதிலாக “தனிப்பட்ட லைப்ரரிக்கு நகர்த்து” என்பதைத் தட்டவும்.

புகைப்படங்களையும் வீடியோக்களையும் கேமராவிலிருந்து நேரடியாக iCloud பகிர்ந்த புகைப்பட லைப்ரரியில் சேர்த்தல்

பகிர்ந்த iCloud புகைப்பட லைப்ரரியை அமைத்த அல்லது இணைந்த பிறகு, உங்கள் கேமராவை திறக்கும்போது, உங்கள் புகைப்படங்களையும் வீடியோக்களையும் தனிப்பட்ட லைப்ரரியில் சேமிக்கவும் மற்றும் அவற்றை உங்கள் பகிர்ந்த லைப்ரரியில் சேமிக்கவும் மற்றும் அவற்றுக்கு இடையில் மாறவும் உதவும் “பகிர்ந்த லைப்ரரி” பட்டன் திரையின் மேல் பகுதியில் தோன்றுகிறது. இயல்புநிலையில், கேமரா உங்கள் தனிப்பட்ட லைப்ரரியில் சேமிக்கப்படும். மாற, பகிர்ந்த லைப்ரரியில் சேமிக்க “தனிப்பட்ட லைப்ரரி” பட்டன் என்பதைத் தட்டவும். உங்கள் தனிப்பட்ட லைப்ரரிக்குத் திரும்ப “பகிர்ந்த லைப்ரரி” பட்டன் என்பதைத் தட்டவும்.

அமைவு செயல்முறையை நீங்கள் முடித்த பிறகு இந்த அம்சத்தை ஆன் அல்லது ஆஃப் செய்ய, அமைப்புகள்  > செயலிகள் > ஃபோட்டோஸ் > பகிர்ந்த லைப்ரரி > கேமராவில் இருந்து பகிர்தல் என்பதற்குச் சென்று, கேமராவில் இருந்து பகிர்தல் என்பதை ஆன் அல்லது ஆஃப் செய்யவும்.

பங்கேற்பாளர்கள் அருகில் இருக்கும்போது iCloud பகிர்ந்த புகைப்பட லைப்ரரியில் புகைப்படங்களையும் வீடியோக்களையும் சேர்த்தல்

நீங்கள் பகிர்ந்த iCloud புகைப்பட லைப்ரரியை அமைக்கும்போது அல்லது சேரும்போது, பகிர்ந்த லைப்ரரியின் பிற பங்கேற்பாளர்களுக்கு அருகில் நீங்கள் இருக்கும்போது நீங்கள் எடுத்த புகைப்படங்கள் பகிர்ந்த லைப்ரரியில் தானாகச் சேர்க்கப்படுவதைத் தேர்வுசெய்யலாம்.

உங்கள் பகிர்ந்த லைப்ரரியின் பங்கேற்பாளர்கள் அருகில் இருக்கும்போது கண்டறிய iPhoneஐ அனுமதிக்க, பங்கேற்பாளர்கள் அவர்களது சாதனத்தில் அவர்களது Apple கணக்கில் உள்நுழைந்திருக்க வேண்டும் மேலும் அமைப்புகள்  > Bluetooth என்பதில் Bluetooth® ஆன் செய்யப்பட்டிருக்க வேண்டும்.

அமைவு செயல்முறையை நீங்கள் முடித்த பிறகு இந்த அம்சத்தை ஆன் அல்லது ஆஃப் செய்ய, பின்வருவனவற்றைச் செய்யவும்:

  1. உங்கள் iPhone சாதனத்தில் உள்ள ஃபோட்டோஸ் செயலிக்குச் செல்லவும்.

  2. “சேகரிப்புகள்” என்பதைத் தட்டவும்.

  3. மேல் வலது மூலையில் உள்ள உங்கள் கணக்கைத் தட்டவும்.

  4. “பகிர்ந்த லைப்ரரி” என்பதைத் தட்டி, “கேமராவிலிருந்து பகிர்தல்” என்பதைத் தட்டவும்.

  5. “தானாகப் பகிர்” என்பதைத் தட்டவும்.

வீட்டில் எடுத்த புகைப்படங்களையும் வீடியோக்களையும் iCloud பகிர்ந்த புகைப்பட லைப்ரரியில் தானாகச் சேர்த்தல்

நீங்கள் பகிர்ந்த iCloud புகைப்பட லைப்ரரியை அமைக்கும்போது அல்லது சேரும்போது, வீட்டில் எடுத்த புகைப்படங்களையும் வீடியோக்களையும் பகிர்ந்த லைப்ரரியில் தானாகச் சேர்ப்பதைத் தேர்வுசெய்யலாம்.

அமைவு செயல்முறையை நீங்கள் முடித்த பிறகு இந்த அம்சத்தை ஆன் அல்லது ஆஃப் செய்ய, பின்வருவனவற்றைச் செய்யவும்:

  1. உங்கள் iPhone சாதனத்தில் உள்ள ஃபோட்டோஸ் செயலிக்குச் செல்லவும்.

  2. “சேகரிப்புகள்” என்பதைத் தட்டவும்.

  3. மேல் வலது மூலையில் உள்ள உங்கள் கணக்கைத் தட்டவும்.

  4. “பகிர்ந்த லைப்ரரி” என்பதைத் தட்டி, “கேமராவிலிருந்து பகிர்தல்” என்பதைத் தட்டவும்.

  5. வீட்டில் இருக்கும்போது பகிர்வதை ஆன் அல்லது ஆஃப் செய்யவும்.

iCloud பகிர்ந்த புகைப்பட லைப்ரரிக்கான பகிர்தல் பரிந்துரைகளை ஆன் அல்லது ஆஃப் செய்தல்

பகிர்ந்த லைப்ரரியின் பங்கேற்பாளர்கள் அருகில் இருக்கும்போது நீங்கள் எடுத்த புகைப்படங்கள் அல்லது அமைவுச் செயல்பாட்டின்போது நீங்கள் ஆர்வம்காட்டிய நபர்களின் புகைப்படங்கள் போன்ற பகிர்தல் பரிந்துரைகள் உங்கள் iCloud பகிர்ந்த புகைப்பட லைப்ரரியில் நீங்கள் சேர்க்க விரும்பும் புகைப்படங்களைப் பரிந்துரைக்கும். பகிர்தல் பரிந்துரைகளை மறுஆய்வு செய்வதற்கான அறிவிப்பை iPhone அனுப்புகிறது. பரிந்துரைகளை ஆன் அல்லது ஆஃப் செய்ய, இந்தப் படிகளைப் பின்பற்றவும்:

  1. உங்கள் iPhone சாதனத்தில் உள்ள ஃபோட்டோஸ் செயலிக்குச் செல்லவும்.

  2. “சேகரிப்புகள்” என்பதைத் தட்டவும்.

  3. மேல் வலது மூலையில் உள்ள உங்கள் கணக்கைத் தட்டவும்.

  4. “பகிர்ந்த லைப்ரரி” என்பதைத் தட்டி, “பகிர்ந்த லைப்ரரியின் பரிந்துரைகள்” என்பதை ஆன் அல்லது ஆஃப் செய்யவும்.

கூடுதல் நபர்களுக்கான பகிர்தல் பரிந்துரைகளைப் பெற விரும்பினால், “நபர்களைச் சேர்” என்பதைத் தட்டி, ஒருவரைத் தட்டி, “சேர்” என்பதைத் தட்டவும். அந்த நபர் பகிர்ந்த லைப்ரரியில் உறுப்பினராக இருக்க வேண்டியதில்லை.

பகிர்ந்த லைப்ரரியில் உள்ள உள்ளடக்கங்களை அணுகுதல் குறித்த தகவல்களுக்கு, iCloud பகிர்ந்த புகைப்பட லைப்ரரியுடன் சேர்ந்த பிறகு உங்கள் புகைப்படங்களை காணவில்லை எனில் என்ற Apple உதவிக் கட்டுரையைப் பார்க்கவும்.

இவற்றையும் பாருங்கள்iPhone சாதனத்தில் புகைப்படங்களையும் வீடியோக்களையும் பகிர்தல்iPhone சாதனத்தில் உள்ள ஃபோட்டோஸ் செயலியில் பகிர்ந்த ஆல்பங்களை உருவாக்குதல்
Morty Proxy This is a proxified and sanitized view of the page, visit original site.
உதவியாக இருந்ததா?
எழுத்தின் அளவு: 250
அதிகபட்ச எழுத்தின் அளவு: 250
உங்கள் கருத்திற்கு நன்றி.
Morty Proxy This is a proxified and sanitized view of the page, visit original site.