iOS 26
iOS 18
இந்தக் கட்டுப்பாட்டை மாற்றினால் இந்தப் பக்கம் தானாக மாற்றப்படும்

உங்கள் ஷாட்டை அமைக்க iPhone கேமரா கருவிகளைப் பயன்படுத்துதல்

புகைப்படம் எடுப்பதற்கு முன், உங்கள் ஷாட்டைப் பிரத்தியேகமாக்கவும் மேம்படுத்தவும் உங்கள் iPhone சாதனத்தில் உள்ள கேமரா கருவிகளைப் பயன்படுத்தலாம்.

கேமரா திறக்கப்பட்டு புகைப்படப் பயன்முறையில் உள்ளது. திரையின் கீழ்ப்பகுதியில் பின்வரும் கேமரா கட்டுப்பாடுகளுக்கான பட்டன்கள் உள்ளன: ஃப்ளாஷ், நேரலை, டைமர், எக்ஸ்போஷர், ஸ்டைல்கள் மற்றும் ஆஸ்பெக்ட்.

ஃபோகஸ் மற்றும் எக்ஸ்போஷரை நேரடியாகச் சரிசெய்தல்

புகைப்படம் எடுப்பதற்கு முன்பு, iPhone கேமராவானது தானாகவே ஃபோகஸ் மற்றும் எக்ஸ்போஷரை அமைக்கும். மேலும் முகம் கண்டறிதல் அம்சம் பல்வேறு முகங்களில் இருந்து எக்ஸ்போஷரை சமநிலைப்படுத்தும். போகஸ் மற்றும் எக்ஸ்போஷரை நேரடியாகச் சரிசெய்ய விரும்பினால், பின்வருவனவற்றைச் செய்யவும்:

  1. உங்கள் iPhoneஇல் உள்ள கேமரா செயலியைத் திறக்கவும்.

  2. ஃபோகஸ் பகுதியை நகர்த்த விரும்பும் இடத்தில், திரை மீது தட்டவும்.

  3. “எக்ஸ்போஷரை சரிசெய்” பட்டன்ஐ ஃபோகஸ் பகுதிக்கு அருகே, மேலே அல்லது கீழே இழுத்துச் செல்வதன் மூலம் எக்ஸ்போஷரைச் சரிசெய்யலாம்.

    கேமரா திறக்கப்பட்டு புகைப்படப் பயன்முறையில் உள்ளது. வியூஃபைண்டரில், ஒரு சப்ஜெக்ட் மீது ஃபோகஸ் லாக் செய்யப்பட்டிருக்கும் மற்றும் சப்ஜெட்டுக்கு அடுத்து ஒளியளவைச் சரிசெய்வதற்கான ஸ்லைடர் இருக்கும்.

    உதவிக்குறிப்பு: எடுக்கவிருக்கும் ஷாட்களுக்காக உங்கள் மேனுவல் ஃபோகஸ் மற்றும் எக்ஸ்போஷர் அமைப்புகளை லாக் செய்ய, AE/AF லாக் என்பதைப் பார்க்கும்வரை ஃபோகஸ் பகுதியைத் தொட்டுப் பிடிக்கவும். அமைப்புகளை அன்லாக் செய்ய திரையைத் தட்டவும்.

    ஆதரிக்கப்படும் மாடல்களில், கிடைக்கக்கூடிய கேமரா அமைப்புகளைக் காட்டும் ஓவர்லே ஒன்றைத் திறக்க கேமரா கட்டுப்பாட்டை லேசாக இருமுறை அழுத்தவும். கேமரா கட்டுப்பாட்டில் உள்ள விரலை எக்ஸ்போஷர் அமைப்புக்கு ஸ்லைட் செய்து, அதைத் தேர்ந்தெடுக்க லேசாக அழுத்தவும். எக்ஸ்போஷர் அளவுகளைச் சரிசெய்ய உங்கள் விரலால் ஸ்லைடு செய்யவும்.

எக்ஸ்போஷர் அமைப்பை லாக் செய்தல்

எடுக்கவிருக்கும் புகைப்படங்களுக்கான எக்ஸ்போஷர் அமைப்பை நீங்கள் சரிசெய்து லாக் செய்யலாம்.

  1. உங்கள் iPhoneஇல் உள்ள கேமரா செயலியைத் திறக்கவும்.

  2. “கேமரா கட்டுப்பாடுகள்” பட்டன்-ஐத் தட்டவும் அல்லது திரையின் கீழ்ப்பகுதியில் காட்டப்படும் கேமரா பயன்முறைகளில் இருந்து மேல்நோக்கி ஸ்வைப் செய்யவும்.

  3. “எக்ஸ்போஷர்” என்பதைத் தட்டி, அளவைச் சரிசெய்ய ஸ்லைடரை இழுக்கவும்.

    அடுத்த முறை நீங்கள் கேமராவைத் திறக்கும் வரை எக்ஸ்போஷர் லாக் செய்யப்பட்டிருக்கும். நீங்கள் கேமராவைத் திறக்கும்போது அது மீட்டமைக்கப்படாமல் இருப்பதற்கு எக்ஸ்போஷர் கட்டுப்பாட்டைச் சேமிக்க, அமைப்புகள்  > கேமரா > அமைப்புகளைத் தக்கவைத்தல் என்பதற்குச் சென்று, “எக்ஸ்போஷர் அட்ஜஸ்ட்மென்ட்” அமைப்பை ஆன் செய்யவும்.

  4. மெனுவை மூட “மூடுக” பட்டன்-ஐத் தட்டவும்.

ஃபிளாஷை ஆன் அல்லது ஆஃப் செய்தல்

தேவைப்படும்போது ஃபிளாஷை தானாகப் பயன்படுத்தும் வகையில் உங்கள் iPhone கேமரா அமைக்கப்பட்டுள்ளது. நீங்கள் புகைப்படம் எடுப்பதற்கு முன்பு ஃபிளாஷை நேரடியாகக் கட்டுப்படுத்த, பின்வருவனவற்றைச் செய்யவும்:

  1. உங்கள் iPhoneஇல் உள்ள கேமரா செயலியைத் திறக்கவும்.

  2. “கேமரா கட்டுப்பாடுகள்” பட்டன்-ஐத் தட்டவும் அல்லது திரையின் கீழ்ப்பகுதியில் காட்டப்படும் கேமரா பயன்முறைகளில் இருந்து மேல்நோக்கி ஸ்வைப் செய்யவும்.

  3. “ஃபிளாஷ்” என்பதைத் தட்டவும். ஃபிளாஷ் ஆன், ஃபிளாஷ் ஆஃப், ஃபிளாஷ் தன்னியக்கம் ஆகியவற்றுக்கு இடையே மாற மீண்டும் தட்டவும்.

  4. மெனுவை மூட, மெனுவுக்கு வெளியே உள்ள திரையைத் தட்டவும்.

உதவிக்குறிப்பு: கேமரா திரையில் ஃபிளாஷ் பட்டன் எப்போதும் காட்டப்பட வேண்டுமெனில், அமைப்புகள் > கேமரா > இண்டிகேட்டர்கள் என்பதற்குச் சென்று “ஃபிளாஷ்" என்பதை ஆன் செய்யவும்.

ஃபில்டரைப் பயன்படுத்தி புகைப்படம் எடுத்தல்

iPhone 12 அல்லது அதற்கு முந்தைய மாடல்களில், உங்கள் புகைப்படத்திற்கு வண்ணமயமான எஃபெக்ட்டைக் கொடுக்க ஃபில்டரைப் பயன்படுத்தலாம்.

மற்ற அனைத்து iPhone மாடல்களிலும், ஃபோட்டோகிராஃபிக் ஸ்டைல்கள் அம்சத்தைப் பயன்படுத்தி உங்கள் புகைப்படங்களுக்குப் பிரத்தியேகத் தோற்றத்தை வழங்கலாம்.

  1. உங்கள் iPhoneஇல் உள்ள கேமரா செயலியைத் திறக்கவும்.

    கேமராவானது புகைப்படம் அல்லது போர்ட்ரெய்ட் பயன்முறையில் இருப்பதை உறுதிசெய்யவும். கேமரா பயன்முறைகளுக்கு இடையே மாறுதல் என்பதைப் பார்க்கவும்.

  2. “கேமரா கட்டுப்பாடுகள்” பட்டன்-ஐத் தட்டவும் அல்லது திரையின் கீழ்ப்பகுதியில் காட்டப்படும் கேமரா பயன்முறைகளில் இருந்து மேல்நோக்கி ஸ்வைப் செய்யவும்.

  3. விருப்பங்களுக்கான் முன்னோட்டத்தைப் பார்க்க, “ஃபில்டர்” என்பதைத் தட்டி, இடதுபுறமாக அல்லது வலதுபுறமாக ஸ்வைப் செய்யவும்.

  4. படமெடுக்க “ஷட்டர்” பட்டனைத் தட்டவும்.

  5. ஃபில்டரைப் பயன்படுத்துவதை நிறுத்த, “அசல்” என்பதைத் தேர்ந்தெடுக்கவும்.

  6. மெனுவை மூட “மூடுக” பட்டன்-ஐத் தட்டவும்.

“ஃபோட்டோஸ்” செயலியில் புகைப்படத்தின் பில்டரை அகற்றலாம் அல்லது மாற்றலாம். புகைப்படம் அல்லது வீடியோவிற்கு ஃபில்டர் எஃபெக்ட்டுகளைப் பயன்படுத்துதல் என்பதைப் பார்க்கவும்.

டைமரைப் பயன்படுத்துதல்

உங்கள் iPhone கேமராவில் ஷாட் எடுக்க உங்களுக்குத் தேவையான நேரத்தை எடுத்துக்கொள்ள ஒரு டைமரை அமைக்கலாம்.

  1. உங்கள் iPhoneஇல் உள்ள கேமரா செயலியைத் திறக்கவும்.

  2. “கேமரா கட்டுப்பாடுகள்” பட்டன்-ஐத் தட்டவும் அல்லது திரையின் கீழ்ப்பகுதியில் காட்டப்படும் கேமரா பயன்முறைகளில் இருந்து மேல்நோக்கி ஸ்வைப் செய்யவும்.

  3. “டைமர்” என்பதைத் தட்டி 3 விநாடி, 5 விநாடி, 10 விநாடி ஆகியவற்றில் ஒன்றைத் தட்டவும்.

  4. டைமரைத் தொடங்கி ஃபிரேமிற்குள் செல்ல ஷட்டர் பட்டனைத் தட்டவும்.

  5. டைமரைப் பயன்படுத்துவதை நிறுத்த, “கேமரா கட்டுப்பாடுகள்” பட்டன்-ஐத் தட்டி, “டைமர்” என்பதைத் தட்டி “ஆஃப்” என்பதைத் தட்டவும்.

தோற்ற விகிதத்தை மாற்றுதல்

1:1, 4:3, 16:9 ஆகிய தோற்றவிகிதங்களில் ஒன்றை நீங்கள் தேர்வுசெய்யலாம்.

  1. உங்கள் iPhoneஇல் உள்ள கேமரா செயலியைத் திறக்கவும்.

  2. “கேமரா கட்டுப்பாடுகள்” பட்டன்-ஐத் தட்டவும் அல்லது திரையின் கீழ்ப்பகுதியில் காட்டப்படும் கேமரா பயன்முறைகளில் இருந்து மேல்நோக்கி ஸ்வைப் செய்யவும்.

  3. 1: 1, 4:3, 16:9 ஆகிய தோற்ற விகிதங்களில் ஒன்றைத் தேர்வுசெய்ய, “தோற்றவிகிதம்” என்பதைத் தட்டி மீண்டும் தட்டவும்.

  4. மெனுவை மூட, மெனுவுக்கு வெளியே உள்ள திரையைத் தட்டவும்.

உங்கள் ஷாட்டை நேராக்க கிரிட் மற்றும் லெவலைப் பயன்படுத்துதல்

கேமரா திரையில் உள்ள கிரிட் அல்லது லெவலைப் பார்த்து, நீங்கள் புகைப்படத்தைச் சீராக்கலாம், கம்போஸ் செய்யலாம்.

  1. உங்கள் iPhoneஇல் உள்ள அமைப்புகள் செயலிக்குச் செல்லவும்.

  2. “கேமரா” என்பதைத் தட்டி, “கிரிட் மற்றும் லெவல்” என்பதை ஆன் செய்யவும்.

நீங்கள் புகைப்படம் எடுத்த பிறகு, ஷாட்களை மேலும் சீரமைக்கவும், கிடைமட்ட மற்றும் செங்குத்தான காட்சியைச் சரிசெய்யவும் ஃபோட்டோஸ் செயலியில் உள்ள எடிட்டிங் கருவிகளைப் பயன்படுத்தலாம். புகைப்படம் அல்லது வீடியோவை நேராக்கி அதன் காட்சியமைப்பைச் சரிசெய்தல் என்ற இணைப்பைப் பார்க்கவும்.

இவற்றையும் பாருங்கள்iPhone கேமரா அடிப்படைகள்iPhone சாதனத்தில் மேம்பட்ட கேமரா அமைப்புகளை மாற்றுதல்
Morty Proxy This is a proxified and sanitized view of the page, visit original site.
உதவியாக இருந்ததா?
எழுத்தின் அளவு: 250
அதிகபட்ச எழுத்தின் அளவு: 250
உங்கள் கருத்திற்கு நன்றி.
Morty Proxy This is a proxified and sanitized view of the page, visit original site.