iOS 26
iOS 18
இந்தக் கட்டுப்பாட்டை மாற்றினால் இந்தப் பக்கம் தானாக மாற்றப்படும்

iPhone கேமராவைப் பயன்படுத்தி குறிப்புகள் செயலியில் வார்த்தை மற்றும் ஆவணங்களை ஸ்கேன் செய்தல்

குறிப்புகள் செயலியில், வார்த்தை மற்றும் ஆவணங்களை ஸ்கேன் செய்ய கேமராவைப் பயன்படுத்தலாம்.

ஆவணம் ஸ்கேன் செய்யப்படுவதைக் காட்டும் திரை. "படமெடு” பட்டன் கீழ் மையத்தில் உள்ளது.

வார்த்தையைக் குறிப்பில் ஸ்கேன் செய்தல்

ஆதரிக்கப்படும் மொழிகளில், கேமராவைப் பயன்படுத்தி ஸ்கேன் செய்து உரையை நீங்கள் சேர்க்கலாம்.

  1. iPhoneஇல் குறிப்புகள் செயலிக்குச் செல்லவும்.

  2. குறிப்பில், “இணைப்புகள்” பட்டன்-ஐத் தட்டி “வார்த்தையை ஸ்கேன் செய்” என்பதைத் தட்டவும்.

  3. கேமரா ஃபிரேமிற்குள் வார்த்தை தெரியும் வகையில் iPhoneஐப் பிடிக்கவும்.

  4. வார்த்தையைத் தேர்ந்தெடுக்க “கிராப்” புள்ளிகளைப் பயன்படுத்தவும் அல்லது இழுக்கவும், பிறகு “சேர்” என்பதைத் தட்டவும்.

ஓர் ஆவணத்தை குறிப்பில் ஸ்கேன் செய்தல்

  1. iPhoneஇல் குறிப்புகள் செயலிக்குச் செல்லவும்.

  2. குறிப்பில், “இணைப்புகள்” பட்டன்-ஐத் தட்டி “ஆவணங்களைத் ஸ்கேன் செய்” என்பதைத் தட்டவும்.

  3. ஆவணத்தின் பக்கம் திரையில் காட்டப்படும் வகையில் iPhoneஐப் பிடிக்கவும். “ஃபிளாஷ்”, “ஃபில்டர்கள்” போன்ற அமைப்புகள் எதையேனும் மாற்றி, பின்வருவனவற்றில் ஒன்றைச் செய்யவும்:

    • தன்னியக்கமாகப் படம்பிடித்தல்: iPhoneஐ நிலையாகப் பிடித்துக் கொள்ளவும். பக்கத்தின் எல்லைகளை iPhone கண்டறிந்ததும் அது ஆவணத்தைத் தானாகப் படம்பிடிக்கும். மாற்றங்களைச் செய்ய, சிறுபடத்தைத் தட்டி, “சரிசெய்” போன்ற விருப்பங்களில் ஒன்றைத் தட்டி, மாற்றங்களைச் செய்து, “பின்செல்” பட்டன்-ஐத் தட்டவும்.

    • நேரடியாகப் படம்பிடித்தல்: ”தானியங்கு ஆவணப் படமெடுப்பு செயல்படுத்தப்பட்டது” பட்டன்-ஐத் தட்டி, "படமெடு” பட்டன்-ஐத் தட்டவும். தேவைக்கேற்ப மூலைகளை மாற்றி, “மீண்டும் படமெடு” அல்லது “வைத்திரு” என்பதைத் தட்டவும்.

  4. கூடுதல் பக்கங்களை ஸ்கேன் செய்து, முடித்ததும் “முடிந்தது” பட்டன்-ஐத் தட்டவும்.

    குறிப்பில் ஆவணம் PDF ஆகச் சேமிக்கப்படும்.

இவற்றையும் பாருங்கள்iPhoneஇல் குறிப்புகள் செயலியில் உள்ள PDFகளில் செயல்களை மேற்கொள்ளுதல்iPhoneஇல் குறிப்புகளில் புகைப்படங்கள், வீடியோ மற்றும் பலவற்றைச் சேர்த்தல்
Morty Proxy This is a proxified and sanitized view of the page, visit original site.
உதவியாக இருந்ததா?
எழுத்தின் அளவு: 250
அதிகபட்ச எழுத்தின் அளவு: 250
உங்கள் கருத்திற்கு நன்றி.
Morty Proxy This is a proxified and sanitized view of the page, visit original site.