iOS 26
iOS 18
இந்தக் கட்டுப்பாட்டை மாற்றினால் இந்தப் பக்கம் தானாக மாற்றப்படும்

பேக்-அப்பில் இருந்து அனைத்து உள்ளடக்கத்தையும் iPhoneக்கு மீட்டமைத்தல்

பேக்-அப்பில் உள்ள உள்ளடக்கம், அமைப்புகள் மற்றும் செயலிகளைப் புதிய அல்லது புதிதாக அழிக்கப்பட்ட iPhoneக்கு மீட்டமைக்கலாம்.

முக்கியம்: உங்கள் iPhoneஐ மீட்டெடுக்க, உங்களிடம் ஒரு பேக்-அப் இருக்க வேண்டும். iPhoneஐ பேக்-அப் செய்தல் பிரிவைப் பார்க்கவும்.

iCloud பேக்-அப்பில் இருந்து iPhoneஐ மீட்டமைத்தல்

  1. உங்கள் iPhoneஐ ஆன் செய்யவும்.

    “Hello” என்ற திரை காட்டப்பட வேண்டும். உங்கள் சாதனத்தை நீங்கள் ஏற்கெனவே அமைத்திருந்தால், இந்தப் படிகளைப் பின்பற்றி உங்கள் பேக்-அப்பில் இருந்து மீட்டெடுக்க, அதன் உள்ளடக்கம் அனைத்தையும் அழிக்க வேண்டியிருக்கும்.

  2. பின்வருவனவற்றில் ஒன்றைச் செய்யவும்:

    • நீங்களாகவே அமைக்க, “iCloud பேக்-அப்பில் இருந்து மீட்டெடு” என்பதைத் தட்டி திரையில் காட்டப்படும் வழிமுறைகளைப் பின்பற்றவும்.

    • உங்களிடம் iOS 11, iPadOS 13 அல்லது அதற்குப் பிந்தைய பதிப்பைக் கொண்ட மற்றொரு iPhone, iPad அல்லது iPod touch இருந்தால், உங்கள் புதிய சாதனத்தைத் தானாக அமைக்க “விரைவுத் தொடக்கம்” அம்சத்தை நீங்கள் பயன்படுத்தலாம். உங்களின் பல அமைப்புகள், முன்னுரிமைகள் மற்றும் iCloud கீசெயினைப் பாதுகாப்பாக நகலெடுக்க இரண்டு சாதனங்களையும் ஒன்றுக்கொன்று அருகில் வைத்து திரையில் காட்டப்படும் வழிமுறைகளைப் பின்பற்றவும். உங்கள் iCloud பேக்-அப்பில் இருந்து உங்களின் மீதமுள்ள தரவையும் உள்ளடக்கத்தையும் உங்கள் புதிய சாதனத்திற்கு மீட்டெடுக்கலாம்.

      அல்லது, இரண்டு சாதனங்களிலும் iOS 12.4, iPadOS 13 அல்லது அதற்குப் பிந்தைய பதிப்பு இருந்தால் உங்களின் முந்தைய சாதனத்தில் இருந்து புதிய சாதனத்திற்கு அனைத்துத் தரவையும் வயர்லெஸ் முறையில் இடமாற்றலாம். இடமாற்றச் செயல்முறை முடியும் வரை உங்கள் சாதனங்கள் ஒன்றுக்கொன்று அருகில் வைக்கப்பட்டு பவரில் இணைக்கப்பட்டிருக்க வேண்டும்.

உங்கள் Apple கணக்கில் உள்நுழையுமாறு கேட்கப்படும். உங்கள் Apple கணக்கை நீங்கள் மறந்துவிட்டால், iforgot.apple.com தளத்திற்குச் செல்லவும்.

கம்ப்யூட்டர் பேக்-அப்பில் இருந்து iPhoneஐ மீட்டமைத்தல்

  1. USB கேபிளைப் பயன்படுத்தி, பேக்-அப் உள்ள கம்ப்யூட்டரில் உங்களின் புதிய அல்லது புதிதாக தரவுகள் அழிக்கப்பட்ட iPhoneஐ இணைக்கவும்.

  2. பின்வருவனவற்றில் ஒன்றைச் செய்யவும்:

    • Macஇல் (macOS 10.15 அல்லது அதற்குப் பிந்தைய பதிப்புகளைக் கொண்டது): Finder சைடுபாரில் உங்கள் iPhoneஐத் தேர்ந்தெடுத்து “நம்பகமானது” என்பதை கிளிக் செய்த பிறகு “இந்த பேக்-அப்பில் இருந்து மீட்டெடு” என்பதை கிளிக் செய்யவும்.

    • Mac (macOS 10.14 அல்லது அதற்கு முந்தைய பதிப்பைக் கொண்டது) அல்லது Windows சாதனத்தில்: iTunes செயலியைத் திறந்து iTunes சாளரத்தின் மேல் இடதுபுறத்திற்கு அருகில் உள்ள iPhone போன்ற பட்டனை கிளிக் செய்து “சுருக்கவிவரம்” என்பதை கிளிக் செய்த பிறகு “பேக்-அப்பை மீட்டெடு” என்பதை கிளிக் செய்யவும்.

      குறிப்பு: iTunesஇன் சமீபத்திய பதிப்பைப் பயன்படுத்துதல். iTunesஇன் சமீபத்திய பதிப்பிற்குப் புதுப்பித்தல் என்ற Apple உதவிக் கட்டுரையைப் பார்க்கவும்.

  3. பட்டியலில் இருந்து உங்கள் பேக்-அப்பைத் தேர்ந்தெடுத்து, “தொடர்க” என்பதை கிளிக் செய்யவும்.

உங்கள் பேக்-அப் என்கிரிப்ட் செய்யப்பட்டிருந்தால், உங்கள் கோப்புகளையும் அமைப்புகளையும் மீட்டெடுப்பதற்கு முன்பு பாஸ்வேர்டை உள்ளிட வேண்டும்.

உங்கள் iPhone, iPad அல்லது iPod touchஐ பேக்-அப்பில் இருந்து மீட்டெடுத்தல் மற்றும் உங்கள் iPhone, iPad அல்லது iPod touchஐ மீட்டெடுக்க முடியவில்லை என்றால் என்ன செய்வது? என்ற Apple உதவிக் கட்டுரைகளைப் பார்க்கவும்.

Morty Proxy This is a proxified and sanitized view of the page, visit original site.
உதவியாக இருந்ததா?
எழுத்தின் அளவு: 250
அதிகபட்ச எழுத்தின் அளவு: 250
உங்கள் கருத்திற்கு நன்றி.
Morty Proxy This is a proxified and sanitized view of the page, visit original site.