iOS 26
iOS 18
இந்தக் கட்டுப்பாட்டை மாற்றினால் இந்தப் பக்கம் தானாக மாற்றப்படும்

iPhoneஇல் உள்ள Safari உலாவியில் தனிப்பட்ட தகவல்களை நிரப்புதல்

iPhoneஇல் சேமிக்கப்பட்டுள்ள உங்கள் தனிப்பட்ட தகவல்களைப் பயன்படுத்தி, தொடர்புத் தகவல்களையும் பயனர் பெயர்களையும் பாஸ்வேர்டுகளையும் தானாகவே நிரப்பலாம்.

பேமெண்ட் தகவல்கள் தானாக நிரப்பப்படும் வகையிலும் அமைக்கலாம்.

“தானாக நிரப்புதல்” அம்சத்தை அமைத்தல்

ஆன்லைன் படிவங்கள் விரைவாக நிரப்பப்படுவதற்கு உதவும் வகையில், iPhoneஇல் தனிப்பட்ட தகவல்களை நீங்கள் சேமிக்கலாம்.

  1. iPhoneஇல் அமைப்புகள் செயலிக்குச் செல்லவும்.

  2. “செயலிகள்” என்பதைத் தட்டி “Safari” என்பதைத் தட்டவும்.

  3. “தானாக நிரப்புதல்” என்பதைத் தட்டி, “தொடர்புத் தகவலைப் பயன்படுத்து” என்பதை ஆன் செய்யவும்.

  4. “எனது தகவல்” என்பதைத் தட்டி, உங்கள் தொடர்பு கார்டைத் தேர்வுசெய்யவும்.

    Safariஇல் உள்ள இணையப் பக்கங்களில் “தானாக நிரப்புதல்” என்பதைத் தட்டும்போது அந்தக் கார்டிலிருந்து தொடர்பு தகவல் உள்ளிடப்படும்.

உங்கள் தொடர்புத் தகவலைத் தானாக நிரப்புதல்

“தானாக நிரப்புதல்” அம்சத்தைப் பயன்படுத்தி ஆன்லைன் படிவங்களில் உங்கள் தனிப்பட்ட தகவல்களை விரைவாகச் சேர்க்கலாம்.

  1. உங்கள் iPhone சாதனத்தில் உள்ள Safari செயலிக்குச் செல்லவும்.

  2. “தானாக நிரப்புதல்” அம்சத்தை ஆதரிக்கும் இணையதளத்தில் உள்ள படிவத்தில் காலியாக உள்ள புலத்தைத் தட்டவும்.

  3. கீபோர்டுக்கு மேலே உள்ள “தொடர்பைத் தானாக நிரப்பு” என்பதைத் தட்டி தொடர்பைத் தேர்ந்தெடுக்கவும்.

  4. மாற்றங்களைச் செய்ய அதற்கான புலத்தைத் தட்டவும்.

குறிப்பு: உங்கள் தொடர்புப் பட்டியலில் இருந்து மற்றொரு நபரின் தகவலை உள்ளிட நீங்கள் “தானாக நிரப்புதல்” அம்சத்தைப் பயன்படுத்தலாம். உதாரணத்திற்கு, நீங்கள் ஒரு பரிசை வாங்கி நண்பருக்கு அனுப்பினால் அவர் முகவரியை உள்ளிட “தானாக நிரப்புதல்” அம்சத்தைப் பயன்படுத்தலாம். “தொடர்பைத் தானாக நிரப்பு” என்பதைத் தட்டி “பிற தொடர்பு” என்பதைத் தட்டிய பிறகு அவர்களின் தொடர்பு கார்டைத் தேர்வுசெய்யவும்.

உங்கள் பாஸ்வேர்டுகளைத் தானாக நிரப்புதல்

இணையதளங்களிலும் செயலிகளிலும் நீங்கள் சேவைகளுக்காக பதிவுசெய்யும்போது, உங்கள் பல கணக்குகளுக்கான வலுவான பாஸ்வேர்டுகளை உருவாக்கவும் சேமிக்கவும் iPhoneஐ நீங்கள் அனுமதிக்கலாம். வலுவான பாஸ்வேர்டுகளைத் தானாக நிரப்புதல் என்ற இணைப்பைப் பார்க்கவும்.

முக்கியம்: "பாதுகாப்பானதல்ல" என்ற எச்சரிக்கை காட்டப்படும் தளங்களில் உங்கள் பாஸ்வேர்டை ஒருபோதும் உள்ளிட வேண்டாம். நீங்கள் Safari மூலம் உலாவும்போது "பாதுகாப்பானது அல்ல" என்ற எச்சரிக்கை காட்டப்படுவதைப் பார்த்தால் என்பதற்கான Apple உதவிக் கட்டுரையைப் பார்க்கவும்.

“தானாக நிரப்புதல்” அம்சத்தை ஆஃப் செய்தல்

உங்கள் தொடர்புத் தகவல் மற்றும் பாஸ்வேர்டுகளுக்கு “தானாக நிரப்புதல்” அம்சத்தை ஆஃப் செய்யலாம். உங்கள் தொடர்புத் தகவல் உடனடியாக கிடைக்காத சூழ்நிலைகளில் உதாரணத்திற்கு, நீங்கள் மற்றவர்களுடன் ஒரு சாதனத்தைப் பகிரும்போது இது உதவியாக இருக்கும்.

  • உங்கள் தொடர்புத் தகவலுக்கு “தானாக நிரப்புதல்” அம்சத்தை ஆஃப் செய்தல்: அமைப்புகள்  > செயலிகள் > Safari > தானாக நிரப்புதல் என்பதற்குச் சென்று “தொடர்புத் தகவலைப் பயன்படுத்து” என்பதை ஆஃப் செய்யவும்.

  • பாஸ்வேர்டுகளுக்கு “தானாக நிரப்புதல்” அம்சத்தை ஆஃப் செய்ய: அமைப்புகள் > பொது அமைப்புகள் > தானாக நிரப்புதல் & பாஸ்வேர்டுகள் என்பதற்குச் சென்று, "பாஸ்வேர்டுகள் மற்றும் பாஸ்கீகளைத் தானாக நிரப்புதல்" அம்சத்தை ஆஃப் செய்யவும்.

இவற்றையும் பாருங்கள்iPhone சாதனத்தில் உள்ள Apple வாலெட் செயலியைப் பற்றிய தகவல்கள்iPhone சாதனத்தில் உள்ள Safari செயலியில் பாஸ்கீகள் மூலம் உள்நுழைதல்iPhone சாதனத்தில் Safariஐப் பிரத்தியேகமாக்க நீட்டிப்புகளைப் பதிவிறக்குதல்iPhone சாதனத்தில் ஒருமுறை மட்டுமே பயன்படுத்தப்படும் சரிபார்ப்புக் குறியீடுகளைத் தானாக நிரப்புதல்
Morty Proxy This is a proxified and sanitized view of the page, visit original site.
உதவியாக இருந்ததா?
எழுத்தின் அளவு: 250
அதிகபட்ச எழுத்தின் அளவு: 250
உங்கள் கருத்திற்கு நன்றி.
Morty Proxy This is a proxified and sanitized view of the page, visit original site.