iOS 26
iOS 18
இந்தக் கட்டுப்பாட்டை மாற்றினால் இந்தப் பக்கம் தானாக மாற்றப்படும்

வழிகாட்டப்பட்ட அணுகல் மூலம் ஒரு செயலியில் iPhoneஐ லாக் செய்தல்

வழிகாட்டப்பட்ட அணுகல் மூலம், நீங்கள் ஒரு செயலியில் iPhoneஐத் தற்காலிகமாக கட்டுப்படுத்தலாம். உங்கள் iPhoneஐப் பயன்படுத்த பிள்ளையை அனுமதிக்கும்போது அல்லது ஒரு பணியில் கவனம் செலுத்த விரும்பும்போது இது பயனுள்ளதாக இருக்கும். நேர வரம்பை நீங்கள் அமைக்கலாம், மேலும் திரையின் எந்தெந்த அம்சங்கள், வன்பொருள் பட்டன்கள் மற்றும் பகுதிகள் கிடைக்க வேண்டும் என்பதைப் பிரத்தியேகப்படுத்தலாம்.

வழிகாட்டப்பட்ட அணுகல் அமைக்கப்படுவதைக் காட்டும் iPhone திரை. கால்குலேட்டர் செயலியை மட்டும் பயன்படுத்தும் வகையிலும் செயலில் உள்ள பட்டன்களில் ஒன்று முடக்கப்பட்ட நிலையிலும் தற்காலிகமாக லாக் செய்யப்பட்டிருக்கும் iPhone.

வழிகாட்டப்பட்ட அணுகல் அம்சத்தை அமைத்தல்

  1. iPhoneஇல் அமைப்புகள்  செயலிக்குச் செல்லவும்.

  2. அணுகல்தன்மை என்பதைத் தட்டி, வழிகாட்டப்பட்ட அணுகல் என்பதைத் தட்டவும், பின்னர் வழிகாட்டப்பட்ட அணுகலை ஆன் செய்யவும்.

  3. வழிகாட்டப்பட்ட அணுகல் அமர்வுகளுக்கு, பின்வருவனவற்றில் ஒன்றைச் செய்யவும்:

    • பாஸ்கோடு மூலம் அமர்வை முடிக்க: “பாஸ்கோடு அமைப்புகள்” என்பதைத் தட்டி, “வழிகாட்டப்பட்ட அணுகல் பாஸ்கோடை அமை” என்பதைத் தட்டி, பாஸ்கோடை உள்ளிடவும்.

    • Face ID அல்லது Touch ID மூலம் அமர்வை முடிக்க: “பாஸ்கோடு அமைப்புகள்” என்பதைத் தட்டி, Face IDஐ (Face ID உள்ள iPhone) அல்லது Touch IDஐ (மற்ற iPhone மாடல்களில்) ஆன் செய்யவும்.

    • நேர வரம்புகளை அறிவிப்பதற்கு ஒலியை பிளே செய்ய: “நேர வரம்புகள்” என்பதைத் தட்டி, “ஒலி” என்பதைத் தட்டி, ஒலியைத் தேர்ந்தெடுக்கவும் அல்லது மற்ற விருப்பங்களைத் தேடிப் பார்க்க “டோன் ஸ்டோர்” என்பதைத் தட்டவும்.

    • நேர வரம்புகள் சொல்லப்படுவதைக் கேட்க: “நேர வரம்புகள்” என்பதைத் தட்டி, “வழிகாட்டப்பட்ட அணுகல் அமர்வு முடிவடைவதற்கு முன்பு மீதமுள்ள நேரம் சொல்லப்படுவதைக் கேட்டல்” என்பதை ஆன் செய்யவும்.

    • அமர்வின்போது அணுகல்தன்மைச் சுருக்கவழியை அனுமதிக்க: அணுகல்தன்மைச் சுருக்கவழியை ஆன் செய்யவும்.

    • iPhone தானாக லாக் செய்யப்படுவதற்கு எடுக்கக்கூடிய நேரத்தை அமைத்தல்: “டிஸ்ப்ளேவைத் தானாகப் பூட்டுதல்” என்பதைத் தட்டி ஒரு விருப்பத்தைத் தேர்ந்தெடுக்கவும்.

வழிகாட்டப்பட்ட அணுகல் அமர்வைத் தொடங்குதல்

  1. நீங்கள் பயன்படுத்த விரும்பும் செயலிக்குச் செல்லவும்.

  2. வழிகாட்டப்பட்ட அணுகலை ஆன் செய்ய, பின்வருவனவற்றில் ஒன்றைச் செய்யவும்:

    Siri: Siriஐக் கேளுங்கள் அம்சத்தைப் பயன்படுத்தி இதுபோன்ற எதையேனும் சொல்லுங்கள்: “Turn on Guided Access.” Siriஐ எப்படிப் பயன்படுத்துவது என்பதை அறிக.

  3. நீங்கள் முடக்க விரும்பும் திரையின் எந்தப் பகுதியையும் வட்டமிடவும். மாஸ்க்கை ஒரு நிலைக்கு இழுக்கவும் அல்லது அதன் அளவை சரிசெய்ய ஹேண்டில்களைப் பயன்படுத்தவும்.

  4. அமர்வு அமைப்புகள் என்பதைத் தட்டி, பின்வருவனவற்றில் ஒன்றை ஆன் அல்லது ஆஃப் செய்யவும்:

    • பக்கவாட்டு பட்டன்

    • ஒலியளவு பட்டன்கள்

    • இயக்கம் (iPhone செங்குத்துப் பயன்முறையில் இருந்து கிடைமட்டப் பயன்முறைக்கு மாறுவதையோ பிற இயக்கங்களுக்குப் பதிலளிப்பதையோ தவிர்க்க)

    • மென்பொருள் கீபோர்டு

    • தொடுதல்

    • கால வரம்பு

  5. “முடிந்தது” என்பதைத் தட்டி, “தொடங்கு” என்பதைத் தட்டவும்.

முக்கியம்: வழிகாட்டப்பட்ட அணுகலைப் பயன்படுத்தும் போது “விபத்துக் கண்டறிதல்” மற்றும் “அவசரகாலச் சேவைகள்” அம்சங்கள் கிடைக்காது. “விபத்துக் கண்டறிதல்” அம்சத்தைப் பயன்படுத்தவோ அவசரகால அழைப்புகளைச் செய்யவோ வழிகாட்டப்பட்ட அணுகலில் இருந்து வெளியேறவும்.

வழிகாட்டப்பட்ட அணுகல் அமர்வை முடித்தல்

வழிகாட்டப்பட்ட அணுகலை அமைக்கும்போது நீங்கள் தேர்ந்தெடுத்த பாஸ்கோடு விருப்பங்களைப் பொறுத்து, வழிகாட்டப்பட்ட அணுகல் அமர்வை முடிக்க உங்கள் வழிகாட்டப்பட்ட அணுகல் பாஸ்கோடை உள்ளிட வேண்டும் அல்லது Face IDஐப் பயன்படுத்த வேண்டும்.

  • பாஸ்கோடைப் பயன்படுத்துதல்: பக்கவாட்டு பட்டனை (Face ID உடன் கூடிய iPhoneஇல்) அல்லது முகப்பு பட்டனை (மற்ற iPhone மாடல்களில்) மூன்று முறை கிளிக் செய்து உங்களின் வழிகாட்டப்பட்ட அணுகல் பாஸ்கோடை உள்ளிடவும்.

  • Face ID அல்லது Touch IDஐப் பயன்படுத்துதல்: வழிகாட்டப்பட்ட அணுகல் பாஸ்கோடு அமைப்புகளில் உள்ள Face ID அல்லது Touch ID விருப்பத்தை ஆன் செய்தால், பக்கவாட்டு பட்டனை அல்லது முகப்பு பட்டனை மூன்று முறை கிளிக் செய்து iPhoneஐ Face ID (உங்கள் iPhone மாடலைப் பொறுத்து) அல்லது Touch ID மூலம் அன்லாக் செய்யவும்.

எளிய இடைமுகம் மற்றும் பிரத்தியேகமாக்கக்கூடிய முக்கிய அம்சங்களின் தொகுப்புடன் iPhoneஐ அமைக்க, உதவிகரமான அணுகலுக்கான பயனர் வழிகாட்டியைப் பார்க்கவும்.

இவற்றையும் பாருங்கள்iPhoneஇல் ஃபோகஸை அமைத்தல்iPhone சாதனத்தில் உள்ள Safari செயலியில் கட்டுரைகளைப் படிக்கும்போது கவனச்சிதறல்களை மறைத்தல்iPhoneஇல் திரையின் நகர்வைப் பிரத்தியேகமாக்குதல்iPhoneஇல் உள்ள அறிவாற்றல் சார்ந்த அணுகல் அம்சங்கள்
Morty Proxy This is a proxified and sanitized view of the page, visit original site.
உதவியாக இருந்ததா?
எழுத்தின் அளவு: 250
அதிகபட்ச எழுத்தின் அளவு: 250
உங்கள் கருத்திற்கு நன்றி.
Morty Proxy This is a proxified and sanitized view of the page, visit original site.