iOS 26
iOS 18
இந்தக் கட்டுப்பாட்டை மாற்றினால் இந்தப் பக்கம் தானாக மாற்றப்படும்

iPhone சாதனத்தில் மேம்பட்ட கேமரா அமைப்புகளை மாற்றுதல்

உங்கள் புகைப்படங்களை இன்னும் விரைவாக படம் பிடிக்கவும், உங்கள் புகைப்படங்களுக்காக வடிவமைக்கப்பட்ட மற்றும் மேம்பட்ட தோற்றத்தைப் பயன்படுத்தவும், கேமரா ஃபிரேமுக்கு வெளியே உள்ளவற்றைப் பார்க்கவும் உங்களை அனுமதிக்கும் மேம்பட்ட iPhone கேமரா அம்சங்களைக் குறித்து அறிந்துகொள்ளவும்.

முதன்மை கேமராவின் இயல்புநிலைத் தெளிவுத்திறனை மாற்றுதல்

ஆதரிக்கப்படும் மாடல்களில், முதன்மை அல்லது Fusion கேமராக்களின் இயல்புநிலைத் தெளிவுத்திறனை 24 MP என்பதிலிருந்து 12 MP ஆக மாற்றலாம்.

அமைப்புகள்  > கேமரா > ஃபார்மெட்கள் > புகைப்பட பயன்முறை என்பதற்குச் சென்று, 12 MP அல்லது 24 MP என்பதைத் தேர்வுசெய்யவும்.

48 MP தெளிவுத்திறனில் படம்பிடிக்க, அமைப்புகள்  > கேமரா > ஃபார்மெட்கள் என்பதற்குச் சென்று, தெளிவுத்திறன் கட்டுப்பாடு அல்லது ProRAW & தெளிவுத்திறன் கட்டுப்பாட்டை (உங்கள் மாடலைப் பொறுத்து) ஆன் செய்யவும்.

“ProRAW & தெளிவுத்திறன் கட்டுப்பாடு” அம்சத்தை ஆன் செய்த, இயல்புநிலை கம்ப்ரஷன் வடிவமைப்பைத் தேர்வுசெய்யலாம். நீங்கள் பயன்படுத்த விரும்பும் வடிவமைப்பை ஆன் மற்றும் ஆஃப் செய்ய கேமராவைத் திறந்து, திரையின் மேலே உள்ள கட்டுபாட்டைத் தட்டவும்.

முதன்மை மற்றும் Fusion கேமரா லென்ஸைப் பிரத்தியேகமாக்குவது குறித்துத் தெரிந்துகொள்ள iPhoneஇல் முதன்மை கேமரா லென்ஸைப் பிரத்தியேகமாக்குதல் என்ற கட்டுரையைப் பார்க்கவும்.

ஃபிரேமுக்கு வெளியே உள்ளவற்றைக் காட்டும் அம்சத்தை ஆஃப் செய்தல் மற்றும் ஆன் செய்தல்

ஆதரிக்கப்படும் மாடல்களில், பரந்த ஃபீல்ட் காட்சியில் கேமரா சிஸ்டத்தில் உள்ள வேறொரு லென்ஸைப் பயன்படுத்தி எதைப் படமெடுக்க முடியும் என்பதை உங்களுக்குக் காட்ட, ஃபிரேமுக்கு வெளியே உள்ள உள்ளடக்கத்தை கேமரா முன்னோட்டம் காட்டுகிறது. “ஃபிரேமுக்கு வெளியே காட்டு” அம்சம் இயல்புநிலையில் ஆன் செய்யப்பட்டுள்ளது.

ஃபிரேமுக்கு வெளியே உள்ளவற்றைக் காட்டும் அம்சத்தை ஆஃப் செய்ய அமைப்புகள்  > கேமரா என்பதற்குச் சென்று, “ஃபிரேமுக்கு வெளியே உள்ளவற்றைக் காட்டு” என்பதை ஆஃப் செய்யவும்.

“வேகமாகப் படமெடுத்தலுக்கு முன்னுரிமையளி” அம்சத்தை ஆன் செய்தல் மற்றும் ஆஃப் செய்தல்

ஷட்டர் பட்டனை விரைவாகத் தட்டும்போது அதிகப் புகைப்படங்களைப் பிடிக்க அனுமதிக்கும் வகையில், “வேகமாகப் படமெடுத்தலுக்கு முன்னுரிமையளி” அமைப்பானது படங்கள் செயலாக்கப்படும் விதத்தை மாற்றியமைக்கிறது. வேகமாகப் படமெடுத்தலுக்கு முன்னுரிமையளி இயல்புநிலையாக ஆன் ஆகிறது.

வேகமாகப் படமெடுத்தலுக்கு முன்னுரிமையளி அமைப்பை ஆஃப் செய்ய, அமைப்புகள்  > கேமரா என்பதற்குச் சென்று, “வேகமாகப் படமெடுத்தலுக்கு முன்னுரிமையளி” அமைப்பை ஆஃப் செய்யவும்.

லென்ஸ் திருத்தத்தை ஆஃப் செய்தல் மற்றும் ஆன் செய்தல்

ஆதரிக்கப்படும் மாடல்களில், முன்பக்க கேமராவில் எடுக்கப்படும் புகைப்படங்களின் இயற்கையான தோற்றத்தை இன்னும் அதிகமாகக் கொண்டுவர, லென்ஸ் திருத்தம் அமைப்பு முன்பக்க கேமரா அல்லது அல்ட்ரா வைட் கேமரா மூலம் எடுக்கப்படும் படங்களுக்கு சரிசெய்கிறது. லென்ஸ் திருத்தம் இயல்புநிலையாக ஆன் ஆகிறது.

லென்ஸ் திருத்தம் அம்சத்தை ஆஃப் செய்ய, அமைப்புகள்  > கேமரா என்பதற்குச் சென்று, லென்ஸ் திருத்தத்தை ஆஃப் செய்யவும்.

காட்சி கண்டறிதலை ஆஃப் செய்தல், ஆன் செய்தல்

iPhone 12 மாடல்களில், காட்சிக் கண்டறிதல் அமைப்பானது நீங்கள் எதைப் புகைப்படம் எடுக்கிறீர்கள் என்பதை அடையாளம் கண்டு அந்தக் காட்சியின் சிறந்த அம்சங்களை வெளியே கொண்டுவர ஒட்டுமொத்த தோற்றத்தைப் பயன்படுத்தும். காட்சி கண்டறிதல் அம்சம் இயல்புநிலையாக ஆன் ஆகிறது.

காட்சி கண்டறிதல் அம்சத்தை ஆஃப் செய்ய, அமைப்புகள்  > கேமரா என்பதற்குச் சென்று, காட்சி கண்டறிதலை ஆஃப் செய்யவும்.

“மெசேஜஸ்” செயலியில் எடுக்கப்பட்ட புகைப்படங்களைச் சேமிப்பதை நிறுத்துதல்

“மெசேஜஸ்” செயலியில் நீங்கள் எடுக்கும் புகைப்படங்கள் தானாகவே “ஃபோட்டோஸ்” செயலியில் உள்ள உங்கள் லைப்ரரியில் சேமிக்கப்படும்.

இந்த அம்சத்தை ஆஃப் செய்ய, அமைப்புகள்  > கேமரா என்பதற்குச் சென்று “படமெடுத்தவற்றைப் புகைப்பட லைப்ரரியில் சேமி” என்பதை ஆஃப் செய்யவும்.

“லென்ஸைச் சுத்தம் செய்தல்” அம்சத்தை ஆஃப் செய்தல்

ஆதரிக்கப்படும் மாடல்களில், உங்கள் லென்ஸில் மாசுபடிந்துள்ளதா என்று iPhone கண்டறிந்து மிகத் தெளிவான புகைப்படத்தை நீங்கள் எடுக்க லென்ஸைச் சுத்தம் செய்யும்படி உங்களிடம் பரிந்துரைக்கும்.

“லென்ஸைச் சுத்தம் செய்தல்” அம்சத்தை ஆஃப் செய்ய, அமைப்புகள்  > கேமரா என்பதற்குச் சென்று, “லென்ஸைச் சுத்தம் செய்தல்” அம்சத்தை ஆஃப் செய்யவும்.

இவற்றையும் பாருங்கள்உங்கள் ஷாட்டை அமைக்க iPhone கேமரா கருவிகளைப் பயன்படுத்துதல்iPhone சாதனத்தில் கேமரா அமைப்புகளைச் சேமித்தல்
Morty Proxy This is a proxified and sanitized view of the page, visit original site.
உதவியாக இருந்ததா?
எழுத்தின் அளவு: 250
அதிகபட்ச எழுத்தின் அளவு: 250
உங்கள் கருத்திற்கு நன்றி.
Morty Proxy This is a proxified and sanitized view of the page, visit original site.