iOS 26
iOS 18
இந்தக் கட்டுப்பாட்டை மாற்றினால் இந்தப் பக்கம் தானாக மாற்றப்படும்

iPhoneஇல் கோப்புறைகளில் குறிப்புகளை ஒழுங்கமைத்தல்

குறிப்புகள் செயலியில், உங்கள் குறிப்புகளை கோப்புறைகளாக ஒழுங்கமைத்து, குறிப்புகள் பட்டியலின் மேலே முக்கியமான குறிப்புகளை பின் செய்யலாம்.

கோப்புறைகளை உருவாக்குதல், மறுபெயரிடுதல், நகர்த்துதல் அல்லது நீக்குதல்

  1. iPhoneஇல் குறிப்புகள் செயலிக்குச் செல்லவும்.

  2. கோப்புறைகள் பட்டியலில், பின்வருவனவற்றில் ஒன்றைச் செய்யவும்:

    • கோப்புறையை உருவாக்குதல்: “புதிய கோப்புறை” பட்டன்-ஐத் தட்டி, ஒரு கணக்கைத் தேர்வுசெய்து (உங்களிடம் ஒன்றுக்கு மேற்பட்டவை இருந்தால்), “புதிய கோப்புறை” என்பதைத் தட்டிய பிறகு ஒரு பெயரை உள்ளிடவும்.

    • துணை கோப்புறையை உருவாக்குதல்: ஒரு கோப்புறையைத் தொட்டு பிடித்து அதை மற்றொரு கோப்புறைக்குள் இழுக்கவும்.

    • கோப்புறைக்கு மறுபெயரிடுதல்: ஒரு கோப்புறையைத் தொட்டு பிடித்து “மறுபெயரிடு” என்பதைத் தட்டி புதிய பெயரை உள்ளிடவும்.

    • கோப்புறையை நகர்த்துதல்: கோப்புறையைத் தொட்டுப் பிடித்து அதை ஒரு புதிய இடத்திற்கு இழுக்கவும். கோப்புறையை மற்றொரு கோப்புறைக்குள் இழுத்தால் அது துணைக்கோப்புறையாக மாறும்.

    • கோப்புறையை நீக்குதல்: கோப்புறையில் இடதுபுறமாக ஸ்வைப் செய்து “கோப்புறையை நீக்கு” பட்டன்-ஐத் தட்டவும். அல்லது கோப்புறையைத் தொட்டுப் பிடித்து “நீக்கு” என்பதைத் தட்டவும்.

      உங்கள் முடிவை மாற்றிக்கொண்டால், குறிப்புகளை மீட்டெடுக்க “சமீபத்தில் நீக்கப்பட்ட கோப்புறை” என்பதைத் திறக்கவும்.

குறிப்புகளை பின் செய்தல்

குறிப்புகள் பட்டியலின் மேலே ஒரு முக்கியமான குறிப்பை பின் செய்ய, பின்வருவனவற்றைச் செய்யவும்:

  1. iPhoneஇல் குறிப்புகள் செயலிக்குச் செல்லவும்.

  2. குறிப்புகள் பட்டியலில், குறிப்பைத் தொட்டுப் பிடித்து “குறிப்பை பின் செய்” என்பதைத் தட்டவும். அல்லது குறிப்பில் வலதுபுறமாக ஸ்வைப் செய்து பின் மீது தட்டவும்.

கோப்புறைக் காட்சியை வகைப்படுத்துதல் மற்றும் மாற்றுதல்

  1. iPhoneஇல் குறிப்புகள் செயலிக்குச் செல்லவும்.

  2. குறிப்புகள் பட்டியலில், “கோப்புறைச் செயல்கள்” பட்டன்-ஐத் தட்டி பின்வருவனவற்றில் ஒன்றைச் செய்யவும்:

    • கோப்புறைக் காட்சியை மாற்றுதல்: “கேலரியாகக் காட்டு” அல்லது “பட்டியலாகக் காட்டு” என்பதைத் தேர்வுசெய்யவும்.

    • குறிப்புகளைத் தலைப்பின்படி வகைப்படுத்துதல்: “வகைப்படுத்தும் விதம்” என்பதைத் தட்டி தலைப்பைத் தேர்வுசெய்யவும்.

    • குறிப்புகளைத் தேதியின்படி வகைப்படுத்துதல்: “வகைப்படுத்தும் விதம்” என்பதைத் தட்டி “திருத்தப்பட்ட தேதி”அல்லது “உருவாக்கப்பட்ட தேதி” என்பதைத் தேர்வுசெய்யவும்.

      இயல்பாகவே குறிப்புகள் தேதியின்படி குழுவாக்கப்பட்டிருக்கும். இதை ஆஃப் செய்ய, “கோப்புறைச் செயல்கள்” பட்டன்-ஐத் தட்டி “தேதியின்படி குழுவாக்கு” என்பதைத் தட்டவும்.

    • வகைப்படுத்தல் வரிசையைத் தலைகீழாக்குதல்: "வகைப்படுத்தும் விதம்” என்பதைத் தட்டி “பழையது முதலில்” (தேதியின்படி வகைப்படுத்தினால்) அல்லது “இறங்குவரிசையில்” (தலைப்பின்படி வகைப்படுத்தினால்) என்பதைத் தேர்வுசெய்யவும்.

      உங்கள் கோப்புறைகள் அனைத்திற்கும் இயல்புநிலை வகைப்படுத்தும் முறையைத் தேர்வுசெய்ய, அமைப்புகள்  > செயலிகள் > குறிப்புகள் என்பதற்குச் சென்று “குறிப்புகளை வகைப்படுத்தும் விதம்” என்பதைத் தட்டவும்.

குறிப்பை மற்றொரு கோப்புறைக்கு நகர்த்துதல்

  1. iPhoneஇல் குறிப்புகள் செயலிக்குச் செல்லவும்.

  2. குறிப்புகள் பட்டியலில், குறிப்பில் இடதுபுறமாக ஸ்வைப் செய்து “கோப்புறையை நகர்த்து” பட்டன்-ஐத் தட்டவும். அல்லது குறிப்பைத் தொட்டுப் பிடித்து “நகர்த்து” என்பதைத் தட்டிய பிறகு ஒரு கோப்புறையைத் தேர்வுசெய்யவும்.

இவற்றையும் பாருங்கள்iPhoneஇல் குறிச்சொற்கள் மூலம் குறிப்புகளை ஒழுங்கமைத்தல்iPhoneஇல் ஸ்மார்ட் கோப்புறைகள் மூலம் குறிப்புகளை ஒழுங்கமைத்தல்
Morty Proxy This is a proxified and sanitized view of the page, visit original site.
உதவியாக இருந்ததா?
எழுத்தின் அளவு: 250
அதிகபட்ச எழுத்தின் அளவு: 250
உங்கள் கருத்திற்கு நன்றி.
Morty Proxy This is a proxified and sanitized view of the page, visit original site.