iOS 26
iOS 18
இந்தக் கட்டுப்பாட்டை மாற்றினால் இந்தப் பக்கம் தானாக மாற்றப்படும்

நீங்கள் வந்துவிட்டதை உங்கள் நண்பர்களுக்குத் தெரியப்படுத்த iPhoneஇல் “செக்-இன்” அம்சத்தைப் பயன்படுத்தல்

செக்-இன் திரையில் ஒரு மேப்பும், டிரைவிங், டிரான்ஸிட், வாக்கிங் ஆகியவற்றிற்கான தோராயமான பயண நேரங்களும் காட்டப்பட்டுள்ளன. கீழே “கூடுதல் நேரத்தைச் சேர்” பட்டன் உள்ளது.

குறிப்பு: செக்-இன்னைப் பயன்படுத்த அனுப்புநர், பெறுநர் ஆகிய இருவரும் iOS 17 அல்லது அதற்குப் பிந்தைய பதிப்பைக் கொண்டிருக்க வேண்டும்.

“செக்-இன்” செயல்படும் விதம்

உங்கள் iPhone வந்துவிட்டதாக உங்கள் நண்பருக்குத் தானாகத் தெரிவிக்க, iPhoneஇல் “செக்-இன்னை” நீங்கள் பயன்படுத்தலாம், மேலும் நீங்கள் செக்-இன்னை நிறைவுசெயவில்லை எனில் என்னென்ன விவரங்கள் அவருக்குக் காட்டப்பட வேண்டும் என்பதையும் தேர்வுசெய்யலாம்.

அதேபோல், ஒரு நண்பர் உங்களுக்கு ஒரு செக்-இன்னை அனுப்பினாலும், அவர்களின் iPhone எதிர்பார்த்தபடி வந்தடையவில்லை என்றால், அதன் இருப்பிடம், பேட்டரி சதவீதம், மொபைல் சிக்னல் மற்றும் பலவற்றை நீங்கள் பார்க்கலாம்.

செக்-இன்னை அனுப்புதல்

  1. உங்கள் iPhoneஇல், மெசேஜஸ் செயலியைத் திறக்கவும்.

  2. திரையின் மேற்புறத்தில் உள்ள “எழுதுக” பட்டன்-ஐத் தட்டி, பெறுநரைச் சேர்க்கவும் அல்லது ஏற்கெனவே உள்ள உரையாடலைத் தேர்ந்தெடுக்கவும்.

  3. “செயலிகள்” பட்டன்-ஐத் தட்டி “மேலும்” என்பதைத் தட்டிய பிறகு “செக்-இன்” என்பதைத் தட்டி “திருத்துக” என்பதைத் தட்டவும்.

  4. பின்வருவனவற்றில் ஒன்றைத் தேர்வுசெய்யவும்:

    • நான் வந்தடையும்போது: சேருமிடம், நீங்கள் பயணம் செய்யும் விதம் (வாகனம் ஓட்டுதல், போக்குவரத்து அல்லது நடைப்பயிற்சி) ஆகியவற்றைக் குறிப்பிடவும், தேவைப்பட்டால் கூடுதல் நேரத்தைச் சேர்க்கவும். உங்கள் iPhone நீண்ட நேரமாக நகராமல் இருந்தால் அல்லது எதிர்பார்த்தபடி சேருமிடத்தைச் சென்றடையவில்லை எனில், உங்கள் பயணத்தை “செக்-இன்” கண்காணித்து உங்கள் நண்பருக்குத் தெரிவிக்கும். சேருமிடத்தை நீங்கள் சென்றடைந்ததும், உங்கள் iPhone வந்துவிட்டதாக “செக்-இன்” தானாகவே நிறைவுசெய்து அதுகுறித்து உங்கள் நண்பருக்குத் தெரிவிக்கும்.

    • டைமருக்குப் பிறகு: கால அளவைக் குறிப்பிடவும்-எடுத்துக்காட்டாக, நீங்கள் புதிதாக ஒருவரைச் சந்திக்கிறீர்கள் என்றால். நீங்கள் அமைக்கும் நேரத்திற்கு முன்பே செக்-இன்னை நீங்கள் நிறைவுசெய்யவில்லை என்றால், “செக்-இன்” அம்சம் உங்கள் நண்பருக்கு அதுகுறித்துத் தெரிவிக்கும்.

  5. “அனுப்பு” பட்டன்-ஐத் தட்டவும்.

    சேருமிடத்தை உங்கள் iPhone சென்றடையாமல் அல்லது நீங்கள் செக்-இன்னை ரத்துசெய்யாமல் இருந்து, நீங்கள் செக்-இன் அறிவிப்பிற்குப் பதிலளிக்கவில்லை என்றால், உங்கள் iPhoneஇன் பயண விவரங்கள் உங்கள் நண்பருக்கு அனுப்பப்படும்.

    எதிர்பார்த்தபடி உங்கள் செக்-இன்னை நிறைவுசெய்யாதபட்சத்தில், உங்கள் நண்பருடன் பகிர்ந்து கொள்ள விரும்பும் விவரங்களை மாற்ற, எந்தெந்த விவரங்களைப் பகிர வேண்டும் என்பதைத் தேர்வுசெய்தல் பிரிவைப் பார்க்கவும்.

    குறிப்பு: நீங்கள் ஒரு செக்-இன்னைத் தொடங்கிய பிறகு சேவையை இழந்தால் அல்லது உங்கள் iPhone பவர் ஆஃப் செய்யப்பட்டால், உங்கள் செக்-இன்னைப் பெறுபவர் தாமதமான அல்லது முன்கூட்டிய அறிவிப்பைப் பெறலாம், மேலும் நீங்கள் அவருடன் பகிர்ந்த iPhone விவரங்களைப் பார்ப்பதற்கான விருப்பத்தைக் கொண்டிருக்கலாம்.

உங்கள் செக்-இன்னில் நேரத்தைச் சேர்த்தல்

உங்களுக்கு கூடுதல் நேரம் தேவைப்பட்டால், உங்கள் செக்-இன்னில் கூடுதல் நேரத்தைச் சேர்க்கலாம்.

  1. உங்கள் iPhoneஇல், மெசேஜஸ் செயலியைத் திறக்கவும்.

  2. நீங்கள் செக்-இன்னை அனுப்பிய நண்பருடனான உரையாடலைத் திறக்கவும்.

  3. செக்-இன் மெசேஜில், “விவரங்கள்” என்பதைத் தட்டி, “நேரத்தைச் சேர்” என்பதைத் தட்டிய பிறகு விருப்பங்களில் ஒன்றைத் தேர்ந்தெடுக்கவும்.

செக்-இன்னை ரத்துசெய்தல்

உங்கள் பயணம் முடிந்துவிட்டாலோ, ஏதேனும் காரணத்தால் உங்கள் அமர்வை முடிக்க விரும்பினாலோ, அதுகுறித்து உங்கள் நண்பருக்குத் தெரியப்படுத்த உங்கள் செக்-இன்னை ரத்துசெய்யலாம்.

  1. உங்கள் iPhoneஇல், மெசேஜஸ் செயலியைத் திறக்கவும்.

  2. நீங்கள் செக்-இன்னை அனுப்பிய நண்பருடனான உரையாடலைத் திறக்கவும்.

  3. செக்-இன் மெசேஜில், “விவரங்கள்” என்பதைத் தட்டி, “செக்-இன்னை ரத்துசெய்” என்பதைத் தட்டி உறுதிசெய்யவும்.

எந்தெந்த விவரங்களைப் பகிர வேண்டும் என்பதைத் தேர்வுசெய்தல்

செக்-இன் செய்யும்போது உங்கள் நண்பருடன் பகிர்ந்துகொள்ளும் விவரங்களை நீங்கள் மாற்றலாம்.

  1. உங்கள் iPhoneஇல் அமைப்புகள்  > செயலிகள் > மெசேஜஸ் என்பதற்குச் செல்லவும்.

  2. கீழ்ப்பகுதிக்கு ஸ்க்ரால் செய்து “தரவை செக்-இன் செய்” என்பதைத் தட்டவும்.

  3. எதிர்பார்த்தபடி உங்கள் செக்-இன்னை நிறைவுசெய்யவில்லை என்றால் நீங்கள் பகிர விரும்பும் விவரங்களைத் தேர்வுசெய்யவும்:

    • குறிப்பிட்ட விவரங்கள்: உங்கள் iPhone மற்றும் Apple Watchஇன் நெட்வொர்க் சிக்னல் மற்றும் பேட்டரி விவரங்களுடன் சேர்த்து, உங்களின் தற்போதைய இருப்பிடத்தையும் பகிரலாம்.

    • முழு விவரங்கள்: நீங்கள் பயணித்த பாதை, உங்கள் iPhoneஐ நீங்கள் கடைசியாக அன்லாக் செய்த நேரம் அல்லது உங்கள் Apple Watchஐக் கழட்டிய நேரம் ஆகியவற்றுடன் சேர்த்து, மேலே குறிப்பிடப்பட்டுள்ள தரவை (தற்போதைய இருப்பிடம், நெட்வொர்க் சிக்னல் மற்றும் பேட்டரி விவரங்கள்) பகிரலாம்.

இவற்றையும் பாருங்கள்உங்கள் மருத்துவ ஐடியை அமைத்துக் காட்சிப்படுத்துதல்உங்கள் iPhoneஇல் சாட்டிலைட் மூலம் சாலையோர உதவியைக் கோருதல்iPhoneஇல் சாட்டிலைட் மூலம் மெசேஜ் அனுப்புதல்iPhoneஇல் “இடம் அறி” செயலியில் உங்கள் இருப்பிடத்தை சாட்டிலைட் வழியாக அனுப்புதல்
Morty Proxy This is a proxified and sanitized view of the page, visit original site.
உதவியாக இருந்ததா?
எழுத்தின் அளவு: 250
அதிகபட்ச எழுத்தின் அளவு: 250
உங்கள் கருத்திற்கு நன்றி.
Morty Proxy This is a proxified and sanitized view of the page, visit original site.