iOS 26
iOS 18
இந்தக் கட்டுப்பாட்டை மாற்றினால் இந்தப் பக்கம் தானாக மாற்றப்படும்

iPhoneஇல் உள்ள மேப்ஸ் செயலியில் உள்ள “இடங்கள்” பக்கத்தில் இடங்களையும் குறிப்புகளையும் சேர்த்தல்

பின் செய்தவை, இடங்கள், வழிகாட்டிகள், வழித்தடங்கள் ஆகிய அனைத்தையும் ஒரே இடத்தில் நீங்கள் கண்டறியலாம்: மேப்ஸ் செயலியில் உள்ள உங்கள் இடங்கள். சேமிக்கப்பட்ட இடங்களில் நீங்கள் மட்டுமே பார்க்கக்கூடிய வகையில் தனிப்பட்ட குறிப்புகளைச் சேர்க்கலாம், நீங்கள் அடிக்கடி செல்லும் இடங்களை எளிதாக அணுகும் வகையில் அவற்றை பின் செய்யலாம்.

மேப்ஸில் உள்ள “இடங்கள்” திரையில் பின்செய்தவை, சேமித்த இடங்கள், வழிகாட்டிகள் போன்ற இட வகைகளின் பட்டியல் காட்டப்பட்டுள்ளது. இதற்குக் கீழே, சமீபத்தில் சேர்க்கப்பட்டவை பிரிவில் இதுவரை பார்த்த இடங்கள் பட்டியலிடப்பட்டுள்ளன.

ஓர் இடத்தைச் சேமித்தல்

  1. உங்கள் iPhoneஇல் மேப்ஸ் செயலிக்குச் செல்லவும்.

  2. இடத்திற்கான கார்டு காட்டப்படும்போது பின்வருவனவற்றில் ஏதேனும் ஒன்றைச் செய்யுங்கள்:

    • “சேர்” பட்டன்-ஐத் தட்டவும். அது “சேர்க்கப்பட்டது” பட்டன் ஆக மாறும்.

    • “மேலும்” பட்டன்-ஐத் தட்டிய பிறகு “இடங்களில் சேர்” என்பதைத் தட்டவும்.

இடத்தில் குறிப்புகளைச் சேர்த்தல்

ஓர் இடம் தொடர்பாக நீங்கள் சேர்த்த குறிப்புகளை எப்போது வேண்டுமானாலும் வாசிக்கலாம். நீங்கள் ஓர் இடத்தைப் பகிரும்போது, பகிரப்பட்ட இணைப்புடன் கூடிய உரையாக உங்கள் குறிப்பு காட்டப்படும், ஆனால் அந்த இடத்திற்கான மற்ற நபரின் குறிப்புகளில் சேமிக்கப்படாது.

  1. உங்கள் iPhoneஇல் மேப்ஸ் செயலிக்குச் செல்லவும்.

  2. இடத்திற்கான கார்டு காட்டப்படும்போது “மேலும்” பட்டன்-ஐத் தட்டி, “குறிப்பைச் சேர்” என்பதைத் தட்டவும்.

  3. எழுதி முடித்த பிறகு “முடிந்தது” பட்டன்-ஐத் தட்டவும்.

இடத்தில் குறிப்பைச் சேர்ப்பது, அந்த இடத்தை உங்கள் “இடங்கள்” பிரிவில் சேமிக்கும்.

“இடங்கள்” பிரிவில் ஓர் இடத்தின் பின்னைச் சேர்த்தல்

மேப்ஸ், CarPlay ஆகியவற்றில் எளிதாகப் பார்க்க, நீங்கள் அடிக்கடி செல்லும் இடங்களை பின் செய்யலாம். அவை “இடங்கள்” பக்கத்திலும் பின் செய்தவை பட்டியலுக்குக் கீழேயும் ஐகான்களாகக் காட்டப்படும்.

மேப்ஸ் செயலியில் “இடங்கள்”, “சமீபத்தியவை”ஆகியவற்றில் பின்கள் காட்டப்பட்டுள்ளன.

  1. உங்கள் iPhoneஇல் மேப்ஸ் செயலிக்குச் செல்லவும்.

  2. “இடங்கள்” என்பதற்குக் கீழேயுள்ள “சேர்” பட்டன்-ஐத் தட்டி (நீங்கள் இடதுபுறமாக ஸ்வைப் செய்ய வேண்டியிருக்கலாம்), தேடிப் பார்க்கவும் அல்லது ஒரு பரிந்துரையைத் தட்டவும். நீங்கள் பின்னையும் சேர்க்கலாம்.

  3. வீடு, பணியிடம், பள்ளி போன்றவற்றை நீங்கள் பின் செய்திருந்தால், பின்வருவனவற்றில் ஒன்றைச் செய்யலாம்:

    • அதை ஒரு வகையுடன் பொருத்த: வீடு, பணியிடம், பள்ளி ஆகியவற்றில் ஒன்றைத் தேர்ந்தெடுக்கவும்.

    • உங்கள் கார்டுடன் ஒத்திசைக்க: “தொடர்பு கார்டில் சேர்” என்பதைத் தட்டவும்.

  4. “முடிந்தது” பட்டன்-ஐத் தட்டவும்.

பின் விவரத்தைத் திருத்துதல் என்ற இணைப்பைப் பார்க்கவும்.

“இடங்கள்” பிரிவில் இருந்து ஓர் இடத்தை அகற்றுதல்

  1. உங்கள் iPhoneஇல் மேப்ஸ் செயலிக்குச் செல்லவும்.

  2. “இடங்கள்” என்பதைத் தட்டவும்.

  3. “மேலும்” பட்டன்-ஐத் தட்டிய பிறகு “இடங்களில் இருந்து நீக்கு” என்பதைத் தட்டவும்.

இடத்திற்கான கார்டு காட்டப்பட்டால், “சேர்க்கப்பட்டது” பட்டன்-ஐத் தட்டவும். அது “சேர்” பட்டன் ஆக மாறும்.

“இடங்கள்” பக்கத்தில் இருந்து ஓர் இடத்தை நீக்கினால் அதில் தனிப்பட்ட முறையில் நீங்கள் சேர்த்த குறிப்புகளும் நீக்கப்படும்.

இவற்றையும் பாருங்கள்iPhoneஇல் உள்ள மேப்ஸில் பிரத்தியேக வழிகாட்டிகள் உள்ள இடங்களை ஒழுங்கமைத்தல்iPhoneஇல் உள்ள மேப்ஸில் பொதுப் போக்குவரத்து வழிகளைப் பெறுதல்
Morty Proxy This is a proxified and sanitized view of the page, visit original site.
உதவியாக இருந்ததா?
எழுத்தின் அளவு: 250
அதிகபட்ச எழுத்தின் அளவு: 250
உங்கள் கருத்திற்கு நன்றி.
Morty Proxy This is a proxified and sanitized view of the page, visit original site.