iOS 26
iOS 18
இந்தக் கட்டுப்பாட்டை மாற்றினால் இந்தப் பக்கம் தானாக மாற்றப்படும்

iPhone சாதனத்தில் உள்ள “இசை” செயலியில் பிரத்தியேகமாக்கப்பட்ட பரிந்துரைகளைப் பெறுதல்

நீங்கள் Apple Music சந்தா சேர்ந்தவுடன், உங்கள் விருப்பங்களின் அடிப்படையில் பிளேலிஸ்ட்கள், ஆல்பங்கள், பாடல்களைப் பார்க்கும்படி தேர்வுசெய்துகொள்ளலாம். இசை வழங்கும் பரிந்துரைகளை நீங்கள் விரும்பவில்லை எனில், உங்கள் “இதுவரை கேட்டவை” அம்சத்தை ஆஃப் செய்யலாம்.

இசைச் செயலியில் உள்ள முகப்புத் தாவலின் மேற்புறம் “அதிகம் கேட்கப்பட்டவை” பிரிவு காட்டப்பட்டுள்ளது. உங்களுக்காகத் தேர்ந்தெடுக்கப்பட்ட கூடுதல் இசையைப் பார்க்க இடது அல்லது வலதுபக்கம் ஸ்வைப் செய்யலாம். சமீபத்தில் பிளே செய்தவை கீழே உள்ளன.

உங்களுக்கு பிடித்த வகைப்பிரிவுகளையும் கலைஞர்களையும் தேர்ந்தெடுத்தல்

நீங்கள் முதலில் முகப்பைத் தட்டும்போது, உங்களுக்கு பிடித்ததை Apple Music இடம் சொல்லும்படி கேட்கப்படுவீர்கள். இசையைப் பரிந்துரைக்கும்போது Apple Music இந்த முன்னுரிமைகளைப் பயன்படுத்துகிறது.

  1. iPhoneஇல் உள்ள இசை செயலிக்குச் செல்லவும்.

  2. நீங்கள் விரும்பும் வகைப்பிரிவுகளைத் தட்டவும் (நீங்கள் விரும்புபவற்றை இருமுறை தட்டவும், நீங்கள் பொருட்படுத்தாத வகைப்பிரிவுகளைத் தொட்டுப் பிடிக்கவும்).

  3. “அடுத்து” என்பதைத் தட்டி தோன்றும் கலைஞர்களுக்கும் அதையே செய்யவும்.

உங்கள் கேட்கும் பழக்கத்தைப் புறக்கணிக்கும்படி Apple Musicக்குத் தெரிவித்தல்

நீங்கள் “இதுவரை கேட்டவை” அம்சத்தை ஆஃப் செய்யலாம். இதைச் செய்வதன் மூலம் Apple Music உங்கள் கேட்கும் பழக்கக்கங்களை புறக்கணிக்கிறது மேலும் புதிய இசை பரிந்துரைகள் மற்றும் மீண்டும் பிளே செய்த பிளேலிஸ்ட்களின் உள்ளடக்கங்களைச் சரிசெய்கிறது.

  1. iPhoneஇல் உள்ள அமைப்புகள்  செயலிக்குச் செல்லவும்.

  2. “செயலிகள்” என்பதைத் தட்டி “இசை” என்பதைத் தட்டவும்.

  3. “இதுவரை கேட்டவை” அம்சத்தைப் பயன்படுத்துவதை ஆஃப் செய்யவும்.

Apple Musicஇல் நீங்கள் பிளே செய்யும் இசை அனைத்தையும் உங்களைப் பின்தொடர்பவர்களுக்குக் காட்டாமல் இந்தச் செயல் மறைக்கிறது. குறிப்பிட்ட பிளேலிஸ்ட்கள் அல்லது ஆல்பங்களை மட்டும் மறைக்க, உங்களைப் பின்தொடர்பவர்களிடமிருந்து இசையை மறைத்தல் என்ற இணைப்பைப் பார்க்கவும்.

உதவிக்குறிப்பு: “கேட்டல் வரலாற்றைப் பயன்படுத்து” அம்சத்தை ஆஃப் செய்ய, நீங்கள் பிரத்தியேக ஃபோகஸை உருவாக்கலாம். எடுத்துக்காட்டாக, நீங்கள் ஒரு பெற்றோராக இருந்து, உங்களுக்குப் பிடித்த பாடல்களைக் கேட்டுக்கொண்டிருக்கும்போது, உங்கள் குழந்தை அவர்களுக்குப் பிடித்ததைக் கேட்க விரும்பினால், நீங்கள் அந்த ஃபோகஸை ஆன் செய்யலாம், அப்போது அவர்களின் பாடல்கள் உங்கள் பரிந்துரைகளைப் பாதிக்காது.

இவற்றையும் பாருங்கள்iPhone சாதனத்தில் இசையை பிளே செய்தல்iPhone சாதனத்தில் நீங்கள் கேட்டு ரசிக்கும் இசை குறித்து Apple Musicக்குத் தெரிவித்தல்
Morty Proxy This is a proxified and sanitized view of the page, visit original site.
உதவியாக இருந்ததா?
எழுத்தின் அளவு: 250
அதிகபட்ச எழுத்தின் அளவு: 250
உங்கள் கருத்திற்கு நன்றி.
Morty Proxy This is a proxified and sanitized view of the page, visit original site.