iOS 26
iOS 18
இந்தக் கட்டுப்பாட்டை மாற்றினால் இந்தப் பக்கம் தானாக மாற்றப்படும்

iPhone சாதனத்தில் உள்ள Apple TV செயலியில் நிகழ்ச்சிகள், திரைப்படங்கள் மற்றும் பலவற்றைக் கண்டறிதல்

நீங்கள் தலைப்பு, விளையாட்டு மற்றும் நடிகர்கள் போன்ற குறிப்பிட்ட பிரிவுகளின்படி டிவி நிகழ்ச்சிகள் மற்றும் திரைப்படங்களைப் பார்க்க Apple TV செயலியில் உள்ள “தேடல்” தாவலைப் பயன்படுத்தலாம். சந்தா செலுத்திப் பெறக்கூடிய ஸ்ட்ரீமிங் சேவையான Apple TVஐ Apple TV தாவல் மூலம் நீங்கள் எளிதில் அணுகலாம். அதில் முன்னிலைப்படுத்தப்பட்ட Apple Originals மூலம் விருது பெற்ற திரைப்படங்கள், தொடர்கள், சுவாரஸ்யமான நாடகங்கள், அற்புதமான ஆவணப்படங்கள், சிறார் பொழுதுபோக்கு, நகைச்சுவை மற்றும் பலவற்றை நீங்கள் பார்க்கலாம்.

குறிப்பு: உங்கள் நாடு அல்லது வட்டாரத்தைப் பொறுத்து Apple மீடியா சேவைகள் கிடைப்பது மாறுபடலாம். Apple மீடியா சேவைகள் கிடைக்கும் தன்மை என்ற Apple உதவிக் கட்டுரையைப் பார்க்கவும்.

முன்னிலைப்படுத்தப்பட்ட Apple Original, ஒரு தலைப்பு, பிளே பட்டன், எபிசோடின் விளக்கம் ஆகியவை ஒரு Apple TV தாவலில் காட்டப்பட்டுள்ளன. கீழே, இடமிருந்து வலமாக முகப்பு, Apple TV, ஸ்டோர், லைப்ரரி மற்றும் தேடல் தாவல்கள் உள்ளன.
Apple TV செயலியில் சந்தா மூலம் Stick ஸ்ட்ரீம் செய்யப்படுகிறது

Apple TVஇல் தேடுதல்

  1. உங்கள் iPhone சாதனத்தில் உள்ள Apple TV செயலிக்குச் செல்லவும்.

  2. Apple TVஐத் தட்டி, பின்வருவனவற்றில் ஒன்றைச் செய்யவும்:

    • முன்னிலைப்படுத்தப்பட்டவற்றைப் பார்க்க, திரையின் மேல்பகுதியில் இடதுபுறமாக ஸ்வைப் செய்யவும்.

    • புதிய வெளியீடுகள், தொகுக்கப்பட்ட சேகரிப்புகள், தனிப்பயனாக்கப்பட்ட பரிந்துரைகள் ஆகியவற்றைப் பார்க்க, கீழ்நோக்கி ஸ்க்ரால் செய்துவிட்டு, கிடைக்கக்கூடிய விருப்பங்களைப் பார்க்க இடது அல்லது வலதுபுறமாக ஸ்வைப் செய்யவும்.

      உதவிக்குறிப்பு: ஒரு வகையின் கீழ் உள்ள அனைத்து ஐட்டங்களையும் பார்க்கவோ, ஒரு தொகுப்பைப் பற்றிய கூடுதல் தகவல்களைப் பார்க்கவோ வரிசையின் தலைப்பைத் தட்டவும்.

அந்தக் குறிப்பிட்ட வகைகள் சார்ந்த உள்ளடக்கத்தைப் பார்க்க முகப்பு, ஸ்டோர் மற்றும் லைப்ரரி தாவல்களையும் தட்டலாம்.

குறிப்பிட்ட நிகழ்ச்சிகள், திரைப்படங்கள் மற்றும் பலவற்றைத் தேடுதல்

ஒரு நிகழ்ச்சி அல்லது நடிகர் போன்ற குறிப்பிட்ட ஒன்றைத் தேடும்போது, தேடல் தாவலைப் பயன்படுத்தவும்.

  1. உங்கள் iPhone சாதனத்தில் உள்ள Apple TV செயலிக்குச் செல்லவும்.

  2. “தேடு” பட்டன்-ஐத் தட்டி, பிரிவைத் தட்டவும் அல்லது முந்தைய தேடல்களைப் பார்க்க தேடல் புலத்தைத் தட்டவும் அல்லது புதிய தேடலை உள்ளிடவும்.

    உதவிக்குறிப்பு: நீங்கள் தேட முயலும்போது, இயல்பான மொழியில் நீங்கள் தேடுவதை விவரிக்கவும்-எடுத்துக்காட்டாக, “திருப்பங்களுடனான பிரபல நாடகங்கள்”.

Apple TVக்குச் சந்தா தேவை. சில நாடுகள் மற்றும் வட்டாரங்களில் பின்வருவனவற்றில் சில அல்லது அனைத்தும் இதற்கான சந்தாவில் அடங்கும்: வெள்ளிக்கிழமை இரவு நடைபெறும் பேஸ்பால், மேஜர் லீக் சாக்கர் (MLS) மற்றும் Formula 1. சில அம்சங்களும் உள்ளடக்கங்களும் சில நாடுகள் அல்லது வட்டாரங்களில் கிடைக்காது. Apple TV செயலியில் வாடகைக்கு எடுக்கவோ வாங்கவோ கிடைக்கும் மூன்றாம் தரப்பு பிராண்டட் சந்தாச் சேவைகள் அல்லது உள்ளடக்கங்கள் Apple TV சந்தாவில் அடங்காது.
இவற்றையும் பாருங்கள்iPhoneஇல் உள்ள Apple TV செயலியில் பார்க்கத் தொடங்குதல் மற்றும் பிளேபேக்கைக் கட்டுப்படுத்துதல்iPhone சாதனத்தில் உள்ள Apple TV செயலியில் முகப்புத் தாவலைப் பிரத்தியேகமாக்குதல்iPhone சாதனத்தில் உள்ள Apple TV செயலியில் ஐட்டங்களை வாங்குதல், வாடகைக்கு எடுத்தல் அல்லது முன்கூட்டியே ஆர்டர் செய்தல்
Morty Proxy This is a proxified and sanitized view of the page, visit original site.
உதவியாக இருந்ததா?
எழுத்தின் அளவு: 250
அதிகபட்ச எழுத்தின் அளவு: 250
உங்கள் கருத்திற்கு நன்றி.
Morty Proxy This is a proxified and sanitized view of the page, visit original site.