iOS 26
iOS 18
இந்தக் கட்டுப்பாட்டை மாற்றினால் இந்தப் பக்கம் தானாக மாற்றப்படும்

iPhoneஇல் FaceTime அழைப்பைத் தடுத்து அதை ஸ்பேம் எனப் புகாரளித்தல்

FaceTime செயலியில், தெரியாத அழைப்பாளர்களிடமிருந்து வரும் FaceTime அழைப்புகளைத் தடுக்கலாம், மேலும் அவற்றை ஸ்பேம் அல்லது ஜங்க் எனப் புகாரளிக்கலாம்.

FaceTime அழைப்பைத் தடுத்தல்

நீங்கள் தேவையற்ற FaceTime அழைப்பைப் பெற்றால், அந்த அழைப்பாளரைத் தடுக்கலாம். பின்வரும் ஒன்றைச் செய்யவும்:

  • அழைப்பு ரிங் ஆகும்போது, அழைப்பு அறிவிப்பின் இடதுபுறத்தைத் தட்டி, திரையின் மேலே உள்ள “FaceTimeஇல் சேர்” என்பதைத் தட்டி, “அழைப்பாளரைத் தடு” என்பதைத் தட்டவும்.

  • அழைப்பின்போது மின்னஞ்சல் முகவரி அல்லது ஃபோன் எண்ணைத் தட்டி, “அழைப்பாளரைத் தடு” என்பதைத் தட்டி, “தடு” என்பதைத் தட்டவும். (மின்னஞ்சல் முகவரி அல்லது ஃபோன் எண் காட்டப்படுவதற்கு நீங்கள் FaceTime சாளரத்தைத் தட்ட வேண்டியிருக்கலாம்.)

  • உங்கள் FaceTime அழைப்பு வரலாற்றில் உள்ள அழைப்பைத் தட்டி, “தொடர்பைத் தடு” என்பதைத் தட்டி, “தடு” என்பதைத் தட்டவும்.

குழு FaceTime அழைப்பைத் தடுத்தல்

தெரியாத அழைப்பாளர்களிடமிருந்து தேவையற்ற குழு FaceTime அழைப்பை நீங்கள் பெற்றால், பின்வரும் ஒன்றைச் செய்து அந்த அழைப்பைத் தொடங்கியவரை (அல்லது அனைத்துப் பங்கேற்பாளர்களையும்) தடுக்கலாம்:

  • அழைப்பு ஒலிக்கும்போது: அறிவிப்பின் இடது பக்கத்தில் தட்டி சாளரத்தை விரிவுபடுத்தவும். அதன் பிறகு, திரையின் மேற்புறத்தில் உள்ள நபர்களின் எண்ணிக்கையைத் தட்டி “அனைத்துப் பங்கேற்பாளர்களையும் தடு” என்பதைத் தட்டவும்.

  • குழு FaceTime அழைப்பின்போது: திரையின் மேற்புறத்தில் உள்ள நபர்களின் எண்ணிக்கையைத் தட்டி “தெரியாத பங்கேற்பாளர்களைத் தடு” அல்லது “அனைத்துப் பங்கேற்பாளர்களையும் தடு” என்பதைத் தட்டவும்.

  • குழு FaceTime அழைப்பு முடிந்த பிறகு: அழைப்பு வரலாற்றில் உள்ள அழைப்பைத் தட்டி, “அனைத்துப் பங்கேற்பாளர்களையும் தடு” என்பதைத் தட்டவும்.

FaceTime அழைப்பை ஸ்பேம் எனப் புகாரளித்தல்

தெரியாத அழைப்பாளரிடமிருந்து தேவையற்ற FaceTime அழைப்பை நீங்கள் பெற்றால், அந்த அழைப்பை ஸ்பேம் என Appleக்குப் புகாரளிக்கலாம். உங்கள் அழைப்பு வரலாற்றில் உள்ள டைலைத் தொட்டுப் பிடித்து, “ஸ்பேமைப் புகாரளி” என்பதைத் தட்டவும்.

அழைப்பாளரைத் தடுப்புநீக்குதல்

பின்வரும் ஒன்றைச் செய்யவும்:

  • FaceTime செயலியில்: அழைப்பு வரலாற்றில் உள்ள அழைப்பைத் தட்டவும். அழைப்பாளரின் தொடர்புத் தகவலைத் தட்டவும் (அழைப்பு ஒரு குழு FaceTime அழைப்பாக இருந்தால்), பின்னர் “தொடர்பைத் தடுப்புநீக்கு” என்பதைத் தட்டவும்.

  • அமைப்புகள் செயலியில்: “செயலிகள்” என்பதைத் தட்டி, FaceTime என்பதைத் தட்டி, பிறகு “தடுக்கப்பட்ட தொடர்புகள்” என்பதைத் தட்டவும். தொடர்புத் தகவலில் இடதுபக்கம் ஸ்வைப் செய்து, “தடுப்புநீக்கு” என்பதைத் தட்டவும்.

இவற்றையும் பாருங்கள்உங்கள் iPhone அல்லது iPadஇல் ஃபோன் எண்களையும் தொடர்புகளையும் தடுத்தல்iPhoneஇல் FaceTime அழைப்புகளை ஸ்கிரீன் மற்றும் ஃபில்டர் செய்தல்
Morty Proxy This is a proxified and sanitized view of the page, visit original site.
உதவியாக இருந்ததா?
எழுத்தின் அளவு: 250
அதிகபட்ச எழுத்தின் அளவு: 250
உங்கள் கருத்திற்கு நன்றி.
Morty Proxy This is a proxified and sanitized view of the page, visit original site.