iOS 26
iOS 18
ଏହି କଣ୍ଟ‍୍ରୋଲ୍‌କୁ ପରିବର୍ତ୍ତନ କରିବା ଫଳରେ ଏହି ପୃଷ୍ଠା ସ୍ବୟଂଚାଳିତ ଭାବରେ ଅପ୍‌ଡେଟ୍ ହୋଇଯିବ

iPhone ରେ ଥିବା Mail ଆପ୍‌ରେ ଇମେଲ୍ ପଠାନ୍ତୁ

ଆପଣ ନିଜ ଯେକୌଣସି ଇମେଲ୍ ଆକାଉଣ୍ଟ୍‌ରୁ ଇମେଲ୍ ମେସେଜ୍ ଲେଖିପାରିବେ, ପଠାଇପାରିବେ ଏବଂ ଶେଡ୍ଯୂଲ୍ କରିପାରିବେ।

ଏକ ଡ୍ରାଫ୍ଟ୍ ଇମେଲ୍ କମ୍ପୋଜ୍ କରାଯାଉଛି।

ଇମେଲ୍ ଲେଖନ୍ତୁ ଏବଂ ପଠାନ୍ତୁ

  1. ଆପଣଙ୍କ iPhone ରେ Mail ଆପ୍ କୁ ଯାଆନ୍ତୁ।

  2. “କମ୍ପୋଜ୍” ବଟନ୍ ରେ ଟାପ୍ କରନ୍ତୁ।

  3. ଇମେଲ୍‌ରେ ଟାପ୍ କରନ୍ତୁ, ତା’ପରେ ଆପଣଙ୍କ ମେସେଜ୍ ଟାଇପ୍ କରନ୍ତୁ।

  4. ଫର୍ମାଟ୍ ବଦଳାଇବା ପାଇଁ, କୀ’ବୋର୍ଡ୍ ଉପରେ ଥିବା “ଟେକ୍ସଟ୍ ଫର୍ମାଟ୍” ବଟନ୍ ଉପରେ ଟାପ୍ କରନ୍ତୁ।

    ଆପଣ ଟେକ୍ସଟ୍‌ର ଫଣ୍ଟ୍ ଷ୍ଟାଇଲ୍ ଏବଂ ରଙ୍ଗ ବଦଳାଇ ପାରିବେ, ଏକ ବୋଲ୍ଡ୍ କିମ୍ବା ଇଟାଲିକ୍ ଷ୍ଟାଇଲ୍ ବ୍ଯବହାର କରିପାରିବେ, ବୁଲେଟ୍ ହୋଇଥିବା କିମ୍ବା ସଂଖ୍ଯାଯୁକ୍ତ ଲିଷ୍ଟ୍ ଯୋଡ଼ିପାରିବେ ଏବଂ ଆହୁରି ଅନେକ କିଛି କରିପାରିବେ।

  5. ଆପଣଙ୍କ ମେସେଜ୍ ପଠାଇବା ପାଇଁ “ପଠାନ୍ତୁ” ବଟନ୍ରେ ଟାପ୍ କରନ୍ତୁ।

ଟିପ୍‌: ଆପଣ ମେସେଜ୍ କମ୍ପୋଜ୍ କରୁଥିବା ସମୟରେ ଷ୍ଟିକର୍ ତିଆରି କରିପାରିବେ ଏବଂ ଯୋଡ଼ିପାରିବେ। iPhone କୀ’ବୋର୍ଡ୍ ସହିତ ଇମୋଜି, Memoji ଏବଂ ଷ୍ଟିକର୍‌ଗୁଡ଼ିକୁ ଯୋଡ଼ନ୍ତୁ ଦେଖନ୍ତୁ।

ପ୍ରାପ୍ତକର୍ତ୍ତାଙ୍କୁ ଯୋଡ଼ନ୍ତୁ

  1. ଆପଣଙ୍କ iPhone ରେ Mail ଆପ୍ କୁ ଯାଆନ୍ତୁ।

  2. “କମ୍ପୋଜ୍” ବଟନ୍ ରେ ଟାପ୍ କରନ୍ତୁ, “ପ୍ରାପ୍ତେଷୁ ଫିଲ୍ଡ୍”ରେ ଟାପ୍ କରନ୍ତୁ, ତା’ପରେ ପ୍ରାପ୍ତକର୍ତ୍ତାଙ୍କ ନାମ ଟାଇପ୍ କରନ୍ତୁ।

    ଆପଣ ଟାଇପ୍ କରିବା ସମୟରେ Mail ସ୍ୱୟଂଚାଳିତ ଭାବରେ ଆପଣଙ୍କ କଣ୍ଟାକ୍ଟ୍‌ରୁ ଲୋକଙ୍କ ପରାମର୍ଶ ଦେଇଥାଏ।

    ଆପଣ କଣ୍ଟାକ୍ଟ୍ ଖୋଲିବାକୁ “କଣ୍ଟାକ୍ଟ୍ ଯୋଡ଼ନ୍ତୁ” ବଟନ୍ ରେ ମଧ୍ଯ ଟାପ୍ କରିପାରିବେ ଏବଂ ସେଠାରୁ ପ୍ରାପ୍ତକର୍ତ୍ତାଙ୍କୁ ଯୋଡ଼ିପାରିବେ।

  3. ଯଦି ଆପଣ ଅନ୍ୟ ଲୋକଙ୍କୁ ଏକ କପି ପଠାଇବାକୁ ଚାହୁଁଛନ୍ତି, ତେବେ Cc/Bcc ଫିଲ୍ଡ୍‌ରେ ଟାପ୍ କରନ୍ତୁ, ତା’ପରେ ନିମ୍ନଲିଖିତ ମଧ୍ୟରୁ ଯେକୌଣସି ଗୋଟିଏ କରନ୍ତୁ:

    • Cc ଫିଲ୍ଡ୍‌ରେ ଟାପ୍ କରନ୍ତୁ, ତା’ପରେ ଆପଣ ଯେଉଁମାନଙ୍କ କପି ପଠାଉଛନ୍ତୁ ସେହି ଲୋକମାନଙ୍କ ନାମ ଲେଖନ୍ତୁ।

    • Bcc ଫିଲ୍ଡ୍‌ରେ ଟାପ୍ କରନ୍ତୁ, ତା’ପରେ ସେହି ଲୋକମାନଙ୍କ ନାମ ଲେଖନ୍ତୁ ଯେଉଁମାନଙ୍କୁ ଅନ୍ଯ ପ୍ରାପ୍ତକର୍ତ୍ତା ଦେଖନ୍ତୁ ବୋଲି ଆପଣ ଚାହାନ୍ତି ନାହିଁ।

ଟିପ୍‌: ଆପଣ ପ୍ରାପ୍ତକର୍ତ୍ତାମାନଙ୍କ ନାମ ଲେଖିବା ପରେ, ଆପଣ ଠିକଣା ଫିଲ୍ଡ୍‌ରେ ସେମାନଙ୍କ ନାମଗୁଡ଼ିକୁ ପୁଣି କ୍ରମବଦ୍ଧ କରିପାରିବେ କିମ୍ୱା ସେମାନଙ୍କୁ ଗୋଟିଏ ଠିକଣା ଫିଲ୍ଡ୍‌ରୁ ଅନ୍ୟ ଠିକଣା ଫିଲ୍ଡ୍‌କୁ ଡ୍ରାଗ୍ କରିପାରିବେ—ଉଦାହରଣ ସ୍ୱରୂପ, Bcc ଫିଲ୍ଡ୍‌କୁ, ଯଦି ଆପଣ ନିଷ୍ପତ୍ତି ନିଅନ୍ତି ଯେ ଆପଣ ସେମାନଙ୍କ ନାମ ଦେଖାନଯାଉ।

ଇମେଲ୍ ମେସେଜ୍‌ରେ ହାଇପର୍‌ଲିଙ୍କ୍ ଯୋଡ଼ନ୍ତୁ

  1. Safari କିମ୍ବା ଅନ୍ୟ ଏକ ୱେବ୍ ବ୍ରାଉଜର୍‌ରେ ଏକ ୱେବ୍‌ପୃଷ୍ଠାର URL କପି କରନ୍ତୁ।

  2. ଆପଣ Mail ରେ, ଏକ ମେସେଜ୍ କମ୍ପୋଜ୍ କରିବା ସମୟରେ, ଆପଣ ଲିଙ୍କ୍ କରିବାକୁ ଚାହୁଁଥିବା ଟେକ୍ସଟ୍ ହାଇଲାଇଟ୍ କରନ୍ତୁ।

  3. “ପେଷ୍ଟ୍ କରନ୍ତୁ”ରେ ଟାପ୍ କରନ୍ତୁ।

ଇମେଲ୍ ଡ୍ରାଫ୍ଟ୍‌ରେ ଏକ ଲିଙ୍କ୍ ଏଡିଟ୍ କରନ୍ତୁ

  1. ଆପଣଙ୍କ iPhone ରେ Mail ଆପ୍ କୁ ଯାଆନ୍ତୁ।

  2. ଆପଣ ଲେଖୁଥିବା ମେସେଜ୍‌ରେ ଏକ ଲିଙ୍କ୍ କିମ୍ବା ଲିଙ୍କ୍ ହୋଇଥିବା ଟେକ୍ସଟ୍‌ରେ ଟାପ୍ କରନ୍ତୁ, ତା’ପରେ ଡାଉନ୍ ତୀରରେ ଟାପ୍ କରନ୍ତୁ।

  3. ନିମ୍ନଲିଖିତ ମଧ୍ୟରୁ ଗୋଟିଏ କରନ୍ତୁ:

    • ଲିଙ୍କ୍ ପ୍ରୀଭ୍ଯୂ ଦେଖାନ୍ତୁ: ହାଇପର୍‌ଲିଙ୍କ୍ ହୋଇଥିବା ଟେକ୍ସଟ୍‌କୁ ଏକ ରିଚ୍ ଏମ୍ବେଡ୍ କରାଯାଇଥିବା ଓ୍ବେବ୍‌ସାଇଟ୍ ପ୍ରୀଭ୍ଯୂ ଇମେଜ୍‌କୁ ପରିବର୍ତ୍ତନ କରନ୍ତୁ।

    • ଲିଙ୍କ୍ ଖୋଲନ୍ତୁ: ଏକ ୱେବ୍ ବ୍ରାଉଜର୍‌ରେ ସେହି ୱେବ୍‌ସାଇଟ୍‌କୁ ଯାଆନ୍ତୁ।

    • ଲିଙ୍କ୍ ଏଡିଟ୍ କରନ୍ତୁ: ଲିଙ୍କ୍‌ର URL କୁ ବଦଳାନ୍ତୁ।

    • ଲିଙ୍କ୍ କାଢ଼ି ଦିଅନ୍ତୁ: ଆପଣଙ୍କ ମେସେଜ୍ ଡ୍ରାଫ୍ଟ୍‌ରୁ ଲିଙ୍କ୍ ଡିଲିଟ୍ କରନ୍ତୁ।

    • ଟେକ୍ସଟ୍ ବିବରଣୀ ଏଡିଟ୍ କରନ୍ତୁ: ଲିଙ୍କ୍ ହୋଇଥିବା ଟେକ୍ସଟ୍ ବଦଳାନ୍ତୁ।

ଇମେଲ୍ ଠିକଣା କ୍ଯାପ୍‌ଚର୍ କରିବାକୁ କ୍ୟାମେରା ବ୍ୟବହାର କରନ୍ତୁ

iPhone ରେ ଥିବା Mail ଆପ୍ ବ୍ୟବହାର କରି ଏକ ବ୍ୟବସାୟୀକ କାର୍ଡ୍, ପୋଷ୍ଟର୍ ଇତ୍ଯାଦିରେ ପ୍ରିଣ୍ଟ୍ କରାଯାଇଥିବା ଏକ ଇମେଲ୍ ଠିକଣା ସ୍କାନ୍ କରିବାକୁ ଆପଣ ଲାଇଭ୍ ଟେକ୍ସ୍‌ଟ୍ ବ୍ୟବହାର କରିପାରିବେ। ଏହା ଏକ ଠିକଣାକୁ ମାନ୍ଯୁଅଲି ନଲେଖି ଆପଣଙ୍କୁ ଶୀଘ୍ର ଇମେଲ୍ ଆରମ୍ଭ କରିବାକୁ ଅନୁମତି ଦିଏ।

  1. ଆପଣଙ୍କ iPhone ରେ କ‍୍ୟାମେରା ଆପ୍ କୁ ଯାଆନ୍ତୁ।

  2. iPhone କୁ ଏପରି ରଖନ୍ତୁ ଯେପରି କ୍ଯାମେରା ଫ୍ରେମ୍ ମଧ୍ଯରେ ଇମେଲ୍ ଠିକଣା ଦେଖାଯିବ।

  3. ଇମେଲ୍ ଠିକଣାରେ ଟାପ୍ କରନ୍ତୁ, ତା’ପରେ କ୍ୟାମେରା ଫିଲ୍ଡ୍‌ର ନିମ୍ନ-ଡାହାଣ କୋଣରେ ଥିବା “ଟେକ୍ସଟ୍ ଚିହ୍ନଟ କରନ୍ତୁ” ବଟନ୍ରେ ଟାପ୍ କରନ୍ତୁ।

  4. ଏକ ମେସେଜ୍ ଡ୍ରାଫ୍ଟ୍ କରିବାକୁ, କ୍ୟାମେରା ଫିଲ୍ଡ୍‌ର ନିମ୍ନ-ବାମ ପାର୍ଶ୍ୱରେ ଥିବା ଇମେଲ୍ ଠିକଣାରେ ଟାପ୍ କରନ୍ତୁ।

ଟିପ୍‌: ଆପଣ ଏକ ଫଟୋରୁ ଏକ ଇମେଲ୍ ଠିକଣା ମଧ୍ୟ କ୍ୟାପ୍‌ଚର୍ କରିପାରିବେ। ଏକ ଫଟୋ କିମ୍ବା ଭିଡିଓରେ କଣ୍ଟେଣ୍ଟ୍ ସହିତ ଇଣ୍ଟରାକ୍ଟ୍ କରିବାକୁ ଲାଇଭ୍ ଟେକ୍ସ୍‌ଟ୍ ବ୍ଯବହାର କରନ୍ତୁ ଦେଖନ୍ତୁ।

“ପରେ ପଠାନ୍ତୁ” ସହିତ ଏକ ଇମେଲ୍ ଶେଡ୍ଯୁଲ୍ କରନ୍ତୁ

  1. ଆପଣଙ୍କ iPhone ରେ Mail ଆପ୍ କୁ ଯାଆନ୍ତୁ।

  2. ଆପଣ ଲେଖିୁଥିବା ମେସେଜ୍‌ରେ “ପଠାନ୍ତୁ” ବଟନ୍କୁ ସ୍ପର୍ଶ କରି ହୋଲ୍ଡ୍ କରନ୍ତୁ, ତା’ପରେ ଆପଣ ମେସେଜ୍ କେତେବେଳେ ପଠାଇବାକୁ ଚାହୁଁଛନ୍ତି ତାହା ବାଛନ୍ତୁ।

    ଅଧିକ ବିକଳ୍ପ ଦେଖିବା ପାଇଁ “ପରେ ପଠାନ୍ତୁ” ଉପରେ ଟାପ୍ କରନ୍ତୁ।

ସ୍ୱୟଂଚାଳିତ ଭାବରେ ନିଜକୁ ଏକ କପି ପଠାନ୍ତୁ

  1. ଆପଣଙ୍କ iPhone ରେ ଥିବା ସେଟିଂସ୍ ଆପ୍  କୁ ଯାଆନ୍ତୁ।

  2. ଆପ୍‌ରେ ଟାପ୍ କରନ୍ତୁ, ତା’ପରେ Mail ରେ ଟାପ୍ କରନ୍ତୁ।

  3. “ସର୍ବଦା ନିଜକୁ Bcc ରେ ରଖନ୍ତୁ” ଚାଲୁ କରନ୍ତୁ (କମ୍ପୋଜିଂ ତଳେ)।

ଭିନ୍ନ ଆକାଉଣ୍ଟ୍‌ରୁ ଇମେଲ୍ ପଠାନ୍ତୁ

ଆପଣଙ୍କ ପାଖରେ ଏକରୁ ଅଧିକ ଇମେଲ୍ ଆକାଉଣ୍ଟ୍ ଥିଲେ ଆପଣ କେଉଁ ଆକାଉଣ୍ଟ୍‌ରୁ ଇମେଲ୍ ପଠାଇବେ ତାହା ନିର୍ଦ୍ଦିଷ୍ଟ କରିପାରିବେ।

  1. ଆପଣଙ୍କ iPhone ରେ Mail ଆପ୍ କୁ ଯାଆନ୍ତୁ।

  2. ଆପଣଙ୍କ ମେସେଜ୍ ଡ୍ରାଫ୍ଟ୍‌ରେ, Cc/Bcc ଫିଲ୍ଡ୍‌ରେ ଟାପ୍ କରନ୍ତୁ।

  3. “ଫ୍ରମ୍” ଫିଲ୍ଡ୍‌ରେ ଟାପ୍ କରନ୍ତୁ, ତା’ପରେ ଏକ ଆକାଉଣ୍ଟ୍ ବାଛନ୍ତୁ।

ଆପଣଙ୍କ ଇମେଲ୍‌କୁ ସଂକ୍ଷିପ୍ତ କରିବା, ପ୍ରୂଫ୍-ରିଡ୍ କରିବା ଏବଂ ସଂଶୋଧନ କରିବା ପାଇଁ ଲେଖିବା ଟୂଲ୍ ବ୍ଯବହାର କରନ୍ତୁ

Apple Intelligence* ସହାୟତାରେ, ଆପଣ ଲିଖନ ଟୂଲ୍ ବ୍ୟବହାର କରି ଚୟନିତ ଟେକ୍ସ୍‌ଟ୍‌କୁ ଗୋଟିଏ ଟାପ୍‌ରେ ସଂକ୍ଷେପ କରିପାରିବେ, ଆପଣଙ୍କ କାର୍ଯ୍ୟକୁ ପ୍ରୁଫ୍‌ରୀଡ୍ କରିପାରିବେ ଏବଂ ସଠିକ୍ ଶବ୍ଦ ଏବଂ ଟୋନ୍ ଖୋଜିବାରେ ସହାୟତା କରିବା ପାଇଁ ସମାନ ଟେକ୍ସ୍‌ଟ୍‌ର ବିଭିନ୍ନ ଭର୍ଶନ୍ ତିଆରି କରିପାରିବେ। Apple Intelligence ସାହାଯ‍୍ୟରେ ଲିଖନ ଟୂଲ୍ ବ୍ଯବହାର କରନ୍ତୁ ଦେଖନ୍ତୁ।

*Apple Intelligence ନିମ୍ନଲିଖିତ ଭାଷାଗୁଡ଼ିକ ପାଇଁ ସମର୍ଥନ ସହିତ ବୀଟାରେ ଉପଲବ୍ଧ: ଇଂରାଜୀ, ଡାନିଶ୍, ଡଚ୍, ଫରାସୀ, ଜର୍ମାନ୍, ଇଟାଲୀୟ, ନର୍‌ୱେଜିଅନ୍, ପର୍ତ୍ତୁଗୀଜ୍, ସ୍ପାନିଶ୍, ସ୍ୱିଡିଶ୍, ତୁର୍କୀ, ଚାଇନିଜ୍ (ସରଳୀକୃତ), ଚାଇନିଜ୍ (ପାରମ୍ପରିକ), ଜାପାନୀ, କୋରିଆନ୍ ଓ ଭିଏତ୍‌ନାମୀ। କେତେକ ଫୀଚର୍ ସମସ୍ତ ଭାଷା କିମ୍ବା ଅଞ୍ଚଳରେ ଉପଲବ୍ଧ ହୋଇନପାରେ। ଭାଷା ଓ ଫୀଚର୍ ଉପଲବ୍ଧତା ଏବଂ ସିଷ୍ଟମ୍ ଆବଶ‍୍ୟକତା ବିଷୟରେ ଅଧିକ ସୂଚନା ପାଇଁ Apple ସହାୟତା ଆର୍ଟିକଲ୍ Apple Intelligence କିପରି ପ୍ରାପ୍ତ କରିବେ ଦେଖନ୍ତୁ।
ଏହା ମଧ‍୍ୟ ଦେଖନ୍ତୁiPhone ରେ ଥିବା Mail ଆପ୍‌ରେ ଆପଣଙ୍କ ଇମେଲ୍ ଯାଞ୍ଚ କରନ୍ତୁiPhone ରେ ଥିବା Mail ଆପ୍‌ରେ ଇମେଲ୍‌ଗୁଡ଼ିକର ଉତ୍ତର ଦିଅନ୍ତୁ ଏବଂ ଫର୍‌ୱର୍ଡ୍ କରନ୍ତୁiPhone ରେ ଇମେଲ୍ ଆକାଉଣ୍ଟ୍‌କୁ ଯୋଡ଼ନ୍ତୁ ଓ କାଢ଼ି ଦିଅନ୍ତୁ
Morty Proxy This is a proxified and sanitized view of the page, visit original site.
ସହାୟକ କି?
କ‍୍ୟାରେକ୍ଟର୍ ସୀମା: 250
ସର୍ବାଧିକ କ‍୍ୟାରେକ୍ଟର୍ ସୀମା 250 ଅଟେ।
ଆପଣଙ୍କ ମତାମତ ପାଇଁ ଧନ‍୍ୟବାଦ।
Morty Proxy This is a proxified and sanitized view of the page, visit original site.