iOS 26
iOS 18
ଏହି କଣ୍ଟ‍୍ରୋଲ୍‌କୁ ପରିବର୍ତ୍ତନ କରିବା ଫଳରେ ଏହି ପୃଷ୍ଠା ସ୍ବୟଂଚାଳିତ ଭାବରେ ଅପ୍‌ଡେଟ୍ ହୋଇଯିବ

iPhone ରେ ଦୁର୍ବଳ କିମ୍ବା ବିପଦଗ୍ରସ୍ତ ପାସ୍‌ୱର୍ଡ୍ ପରିବର୍ତ୍ତନ କରନ୍ତୁ

ଆପଣ ଓ୍ବେବ୍‌ସାଇଟ୍ ଏବଂ ଆପ୍ ପାଇଁ ନିଜର ପାସ୍‌ୱର୍ଡ୍ ତିଆରି କରି ଷ୍ଟୋର୍ କରିବା ସମୟରେ, iPhone ସ୍ୱୟଂଚାଳିତ ଭାବରେ ସାଧାରଣ ଦୁର୍ବଳତାଗୁଡ଼ିକ ଚିହ୍ନଟ କରିଥାଏ (ଉଦାହରଣ ସ୍ୱରୂପ, ଯଦି ସେଗୁଡ଼ିକ ସହଜରେ ଅନୁମାନ କରାଯାଏ କିମ୍ବା ଏକାଧିକ ଥର ବ୍ଯବହାର କାରାଯାଏ)। iPhone ମଧ୍ଯ ସୁରକ୍ଷିତ ଭାବରେ ଆପଣଙ୍କ ପାସ୍‌ୱର୍ଡ୍‌ଗୁଡ଼ିକୁ ନିରୀକ୍ଷଣ କରିପାରିବ ଏବଂ ସେଗୁଡ଼ିକ ଜଣାଶୁଣା ଡେଟା ଲିକ୍‌ରେ ଦେଖାଗଲେ ଆପଣଙ୍କୁ ଆଲର୍ଟ୍ କରିପାରିବ।

ଏକ ଦୁର୍ବଳ କିମ୍ବା ବିପଦଗ୍ରସ୍ତ ପାସ୍‌ୱର୍ଡ୍‌କୁ ପରିବର୍ତ୍ତନ କରନ୍ତୁ

  1. ଆପଣଙ୍କ iPhone ରେ ଥିବା ପାସ୍‌ୱର୍ଡ୍ ଆପ୍ କୁ ଯାଆନ୍ତୁ।

  2. ସୁରକ୍ଷାରେ ଟାପ୍ କରନ୍ତୁ।

    ଯଦି ଏକ ଆକାଉଣ୍ଟ୍‌ରେ ଏକ ଦୁର୍ବଳ କିମ୍ବା ବିପଦଗ୍ରସ୍ତ ପାସ୍‌ୱର୍ଡ୍ ଥାଏ, ତେବେ ଏକ ମେସେଜ୍ ଏହି ସମସ୍ଯାକୁ ବର୍ଣ୍ଣନା କରେ।

  3. ଏକ ଆକାଉଣ୍ଟ୍‌ରେ ଟାପ୍ କରନ୍ତୁ।

  4. ପାସ୍‌ୱର୍ଡ୍ ଫିଲ୍ଡ୍‌ରେ ଟାପ୍ କରନ୍ତୁ, ତା’ପରେ “ପାସ୍‌ୱର୍ଡ୍ କପି କରନ୍ତୁ”ରେ ଟାପ୍ କରନ୍ତୁ, ଯାହା ଦ୍ୱାରା ଆପଣ ଅନୁରୋଧ କରାଯାଇଥିବା ସ୍ଥାନରେ ଏହାକୁ ପେଷ୍ଟ୍ କରିପାରିବେ—ଉଦାହରଣ ସ୍ୱରୂପ, ଯେତେବେଳେ ଆପଣ ଏକ ନୂଆ ପାସ୍‌ୱର୍ଡ୍ ତିଆରି କରନ୍ତି ଏବଂ ଆପଣଙ୍କୁ ନିଜ ପୁରୁଣା ପାସ୍‌ୱର୍ଡ୍ ଲେଖିବାକୁ କୁହାଯାଏ।

  5. “ପାସ୍‌ୱର୍ଡ୍ ପରିବର୍ତ୍ତନ କରନ୍ତୁ”ରେ ଟାପ୍ କରନ୍ତୁ, ତା’ପରେ ଓ୍ବେବ୍‌ସାଇଟ୍ କିମ୍ବା ଆପ୍‌ରେ ଆପଣଙ୍କ ପାସ୍‌ୱର୍ଡ୍ ପରିବର୍ତ୍ତନ କରନ୍ତୁ।

    ଯଦି ଓ୍ବେବ୍‌ସାଇଟ୍ କିମ୍ବା ଆପ୍ ଆପଣଙ୍କୁ ପାସ୍‌କୀ’ ବ୍ଯବହାର କରିବା କିମ୍ବା Apple ସହ ସାଇନ୍ ଇନ୍ କରିବା ପାଇଁ ଅପ୍‌ଗ୍ରେଡ୍ କରିବାକୁ ଅନୁମତି ଦିଅନ୍ତି, ତେବେ ଆପଣ ସେହି ଫୀଚର୍‌ଗୁଡ଼ିକର ସୁରକ୍ଷା ଏବଂ ସୁବିଧାର ଲାଭ ଉଠାଇପାରିବେ। ଯଦି ଆପଣ ନିଜର ପାସ୍‌ୱର୍ଡ୍ ପରିବର୍ତ୍ତନ କରିବା ସମୟରେ ଅପ୍‌ଗ୍ରେଡ୍ ବିକଳ୍ପ ନ ଦିଅନ୍ତି, ତେବେ ଅନେକ ଆକାଉଣ୍ଟ୍ iPhone କୁ ସ୍ୱୟଂଚାଳିତ ଭାବରେ ଏକ ଦୃଢ଼ ପାସ୍‌ୱର୍ଡ୍ ତିଆରି କରନ୍ତୁକୁ ଅନୁମତି ଦେବ ଯାହା ଆପଣଙ୍କୁ ମନେରଖିବାକୁ ପଡ଼ିବ ନାହିଁ।

ଧ‍୍ୟାନ ଦିଅନ୍ତୁ: ଯଦି iPhone ଆପଣଙ୍କୁ ଆଉ ଉପଲବ୍ଧ ନଥିବା ଏକ ଓ୍ବେବ୍‌ସାଇଟ୍ କିମ୍ବା ଆପ୍ ପାଇଁ ଏକ ପାସ୍‌ୱର୍ଡ୍ ବିଷୟରେ ଚେତାବନୀ ଦିଏ, ତେବେ ଆପଣ ନିଜ iPhone ଏବଂ iCloud କୀ’ଚେନ୍‌ରୁ ଏହାର ଆକାଉଣ୍ଟ୍‌କୁ କାଢ଼ିପାରିବେ। ନିଜ iPhone ରେ ପାସ୍‌ୱର୍ଡ୍ ଆପ୍‌କୁ ଯାଆନ୍ତୁ, “ସାମସ୍ତ”ରେ ଟାପ୍ କରନ୍ତୁ, ତା’ପରେ ଆକାଉଣ୍ଟ୍‌ରେ ବାମକୁ ସ୍ୱାଇପ୍ କରନ୍ତୁ।

ସୁରକ୍ଷା ସୁପାରିଶ ଲୁଚାନ୍ତୁ

ଆପଣ ଏକ ସୁରକ୍ଷା ସୁପାରିଶକୁ ଲୁଚାଇ ପାରିବେ, ଯାହାଦ୍ୱାରା ଯଦି ଆପଣ ଏହାର ସମାଧାନ କରିବାରେ ଅସମର୍ଥ ହୁଅନ୍ତି ତେବେ ଆପଣଙ୍କୁ ଏହାର ସମୀକ୍ଷା କରିବା ଜାରି ରଖିବାକୁ ପଡ଼ିବ ନାହିଁ।

  1. ଆପଣଙ୍କ iPhone ରେ ଥିବା ପାସ୍‌ୱର୍ଡ୍ ଆପ୍ କୁ ଯାଆନ୍ତୁ।

  2. ସୁରକ୍ଷାରେ ଟାପ୍ କରନ୍ତୁ।

  3. ଏକ ଆକାଉଣ୍ଟ୍‌ରେ ଟାପ୍ କରନ୍ତୁ, ତା’ପରେ “ଲୁଚାନ୍ତୁ” ରେ ଟାପ୍ କରନ୍ତୁ।

ଆପଣ ଲୁଚାଇ ରଖିଥିବା ଏକ ସୁରକ୍ଷା ସୁପାରିଶ ଦେଖାଇବା ପାଇଁ, ସୁରକ୍ଷା ଉପରେ ଟାପ୍ କରନ୍ତୁ, ସ୍କ୍ରୀନ୍‌ର ଶୀର୍ଷରେ “ଲୁକ୍କାୟିତ ଥିବା ସୁପାରିଶଗୁଡ଼ିକୁ ଦେଖାନ୍ତୁ” ବଟନ୍ରେ ଟାପ୍ କରନ୍ତୁ, ଏକ ଆକାଉଣ୍ଟ୍ ଉପରେ ଟାପ୍ କରନ୍ତୁ, ତା’ପରେ "ଅନ୍‌ହାଇଡ୍ କରନ୍ତୁ"ରେ ଉପରେ ଟାପ୍ କରନ୍ତୁ।

ବିପଦଗ୍ରସ୍ତ ପାସ୍‌ୱର୍ଡ୍ ଚିହ୍ନଟକରଣକୁ ଚାଲୁ କିମ୍ବା ବନ୍ଦ କରନ୍ତୁ

iPhone ଆପଣଙ୍କ ପାସ୍‌ୱର୍ଡ୍‌ଗୁଡ଼ିକୁ ନିରୀକ୍ଷଣ କରିପାରିବ ଏବଂ ଯଦି ସେଗୁଡ଼ିକ ଜଣାଶୁଣା ଡେଟା ଲିକ୍‌ରେ ଦେଖାଯାଏ ତେବେ ଆପଣଙ୍କୁ ଆଲର୍ଟ୍ କରିପାରିବ।

  1. ଆପଣଙ୍କ iPhone ରେ ଥିବା ସେଟିଂସ୍ ଆପ୍ କୁ ଯାଆନ୍ତୁ।

  2. ଆପ୍‌ରେ ଟାପ୍ କରନ୍ତୁ, ତା’ପରେ ପାସ୍‌ୱର୍ଡ୍‌ରେ ଟାପ୍ କରନ୍ତୁ।

  3. “ବିପଦଗ୍ରସ୍ତ ପାସ୍‌ୱର୍ଡ୍ ଚିହ୍ନଟ କରନ୍ତୁ”କୁ ଚାଲୁ କିମ୍ବା ବନ୍ଦ କରନ୍ତୁ।

ଏହା ମଧ‍୍ୟ ଦେଖନ୍ତୁiPhone ରେ ସ୍ୱୟଂଚାଳିତ ଭାବରେ ଦୃଢ଼ ପାସ୍‌ୱର୍ଡ୍ ପୂରଣ କରନ୍ତୁ
Morty Proxy This is a proxified and sanitized view of the page, visit original site.
ସହାୟକ କି?
କ‍୍ୟାରେକ୍ଟର୍ ସୀମା: 250
ସର୍ବାଧିକ କ‍୍ୟାରେକ୍ଟର୍ ସୀମା 250 ଅଟେ।
ଆପଣଙ୍କ ମତାମତ ପାଇଁ ଧନ‍୍ୟବାଦ।
Morty Proxy This is a proxified and sanitized view of the page, visit original site.