iOS 26
iOS 18
ଏହି କଣ୍ଟ‍୍ରୋଲ୍‌କୁ ପରିବର୍ତ୍ତନ କରିବା ଫଳରେ ଏହି ପୃଷ୍ଠା ସ୍ବୟଂଚାଳିତ ଭାବରେ ଅପ୍‌ଡେଟ୍ ହୋଇଯିବ

ଆପଣଙ୍କ iPhone ବ୍ଯାଟରିର ଉପଯୋଗ ଏବଂ ହେଲ୍‌ଥ୍‌କୁ ବୁଝନ୍ତୁ

iPhone ଆପଣଙ୍କ ବ୍ୟାଟରି ଲାଇଫ୍ ବିଷୟରେ ଉପଯୋଗୀ ସୂଚନା ଅଫର୍ କରେ ଯାହା ଆପଣଙ୍କ ଅଭିଜ୍ଞତାକୁ ଉନ୍ନତ କରିବାର ଉପାୟକୁ ଚିହ୍ନଟ କରିବାରେ ସହାୟତା କରେ ଏବଂ ଆପଣଙ୍କ ବ୍ୟାଟରିର ସାମଗ୍ରିକ ସ୍ବାସ୍ଥ୍ୟ ବିଷୟରେ ଗୁରୁତ୍ୱପୂର୍ଣ୍ଣ ସୂଚନା ମଧ‍୍ୟ ପ୍ରଦାନ କରେ।

ଦୈନିକ ଉପଯୋଗ ସୂଚନା ଦେଖନ୍ତୁ

ଦୈନିକ ଉପଯୋଗ ବିଭାଗ ପୂର୍ବ ଦିନ ତୁଳନାରେ ଆଜି ଆପଣଙ୍କ ବ୍ୟାଟରି ଉପଯୋଗର ସାରାଂଶ ପ୍ରଦାନ କରେ। iPhone ନିମ୍ନଲିଖିତ ବ୍ଯାଟରି ଉପଯୋଗ ସୂଚନା ଡିସ୍‌ପ୍ଲେ କରେ:

  • ସମାନ କିମ୍ବା କମ୍ ବ୍ଯବହାର: ଦିନର ଏହି ସମୟ ସୁଦ୍ଧା କେତେବେଳେ ଆପଣଙ୍କ ବ୍ୟାଟରି ବ୍ୟବହାର ସାଧାରଣ ସହ ସମାନ କିମ୍ବା ସାଧାରଣ ଅପେକ୍ଷା କମ୍ ଅଛି ତାହା ଦେଖାଏ (ନୀଳ ରଙ୍ଗରେ)। ଉପଯୋଗ ଏକାଭଳି ଥିବା ସମୟରେ, iPhone ଆଜିର ଉପଯୋଗରେ ଅବଦାନ ଦେଉଥିବା ଶୀର୍ଷରେ ଥିବା ତିନୋଟି ଆପ୍ କିମ୍ବା ସିଷ୍ଟମ୍ ଆକ୍ଟିଭିଟିକୁ ହାଇଲାଇଟ୍ କରେ।

  • ଅଧିକ ଉପଯୋଗ: ଦିନର ଏହି ସମୟ ସୁଦ୍ଧା ଆପଣ ସାଧାରଣ ଅପେକ୍ଷା ଅଧିକ ବ୍ଯାଟରି ବ୍ଯବହାର କରିବା ପରେ (କମଳା ରଙ୍ଗରେ) ଦେଖାଯାଏ। ବୃଦ୍ଧିକୁ ବ‍୍ୟାଖ‍୍ୟା କରିପାରୁଥିବା ଶ୍ରେଷ୍ଠ ତିନୋଟି ଆପ୍ କିମ୍ବା ସିଷ୍ଟମ୍ ଆକ୍ଟିଭିଟିକୁ iPhone ହାଇଲାଇଟ୍ କରେ।

iPhone ସେଟିଂସ୍‌ରେ ଥିବା ବ୍ଯାଟରି ଉପଯୋଗ ସ୍କ୍ରୀନ୍ ବ୍ଯାଟରି ଉପଯୋଗ ବିଷୟରେ ଗ୍ରାଫ୍ ଏବଂ ସୂଚନା ଡିସ୍‌ପ୍ଲେ କରେ। ଶୀର୍ଷରେ ଥିବା ଏକ ବାର୍ ଗ୍ରାଫ୍ ଗତ ଆଠ ଦିନ ମଧ‍୍ୟରେ ବ୍ଯାଟରି ଉପଯୋଗ ଦର୍ଶାଏ। ଏହା ତଳେ, ଅନ‍୍ୟ ଏକ ଗ୍ରାଫ୍ ସାମ୍ପ୍ରତିକ ଦିନସାରାର ବ୍ଯାଟରି ଲେଭଲ୍‌ର ବିବରଣୀ ଦର୍ଶାଉଛି, ଯାହା ଚାର୍ଜିଂ ଅବଧିକୁ ସୂଚିତ କରୁଛି।

ଦୈନିକ ଉପଯୋଗ ସୂଚନା ଦେଖିବା ପାଇଁ:

  1. ଆପଣଙ୍କ iPhone ରେ ଥିବା ସେଟିଂସ୍ ଆପ୍ କୁ ଯାଆନ୍ତୁ।

  2. ବ୍ଯାଟରିରେ ଟାପ୍ କରନ୍ତୁ।

ଅତିରିକ୍ତ ବ୍ୟାଟରି ଉପଯୋଗ ସୂଚନା ଦେଖନ୍ତୁ

ଆପଣ ଆଜି ଏବଂ ଗତ ସପ୍ତାହ ପାଇଁ ଆପଣଙ୍କ ଆପ୍ ଏବଂ ସିଷ୍ଟମ୍ ଆକ୍ଟିଭିଟି ବ୍ୟବହାର ବିଷୟରେ ଅଧିକ ସୂଚନା ଏକ୍ସ୍‌ପ୍ଲୋର୍ କରିପାରିବେ।

  1. ଆପଣଙ୍କ iPhone ରେ ଥିବା ସେଟିଂସ୍ ଆପ୍ କୁ ଯାଆନ୍ତୁ।

  2. “ବ୍ଯାଟରି”ରେ ଟାପ୍ କରନ୍ତୁ, “ସମସ୍ତ ବ୍ଯାଟରି ଉପଯୋଗ ଦେଖନ୍ତୁ”ରେ ଟାପ୍ କରନ୍ତୁ, ତା’ପରେ ଗୋଟିଏ ଦିନରେ ଟାପ୍ କରନ୍ତୁ।

iPhone ର ସେଟିଂସ୍‌ରେ ଥିବା ବ୍ଯାଟରି ଉପଯୋଗ ସ୍କ୍ରୀନ୍। ଏହା ଦୁଇଟି ଗ୍ରାଫ୍ ଦେଖାଏ: ଶୀର୍ଷ ଗ୍ରାଫ୍ ଗତ ସପ୍ତାହର ଦୈନିକ ବ୍ୟାଟରି ଉପଯୋଗ ଏବଂ ନିମ୍ନ ଗ୍ରାଫ୍ ଚାର୍ଜିଂ ଅବଧି ସମେତ ଚୟନିତ ଦିନସାରାର ବ୍ୟାଟରି ଲେଭଲ୍ ବିବରଣୀ ଡିସ୍‌ପ୍ଲେ କରେ। ଗ୍ରାଫ୍ ତଳେ, ଏହା ମୋଟ ସ୍କ୍ରୀନ୍‌ର ସକ୍ରିୟ ଏବଂ ନିଷ୍କ୍ରିୟ ସମୟକୁ ସଂକ୍ଷେପରେ ବର୍ଣ୍ଣନା କରେ।

ଆପ୍ ଏବଂ ସିଷ୍ଟମ୍ ଆକ୍ଟିଭିଟି ସୂଚନା ଦେଖନ୍ତୁ

ଆପ୍ ଏବଂ ସିଷ୍ଟମ୍ ଆକ୍ଟିଭିଟି ବିଭାଗ ପ୍ରତ‍୍ୟେକ ଆପ୍ ଏବଂ ସିଷ୍ଟମ୍ ଟାସ୍କ୍ ଦ୍ବାରା ବ‍୍ୟବହୃତ ବ‍୍ୟାଟରିର ପ୍ରତିଶତକୁ ଲିଷ୍ଟ୍ କରି ଆପଣଙ୍କ ବ‍୍ୟାଟରି କ’ଣ ବ୍ଯବହାର କରୁଛି ତାହା ବୁଝିବାରେ ଆପଣଙ୍କୁ ସହାୟତା କରେ।

ଆପଣ ଏକ ଆପ୍ କିମ୍ବା ସିଷ୍ଟମ୍ ଆକ୍ଟିଭିଟି ଅନ୍ତର୍ଗତ କିମ୍ବା ଅଧିକ ବିବରଣୀ ଦେଖିବା ପାଇଁ ଏକ ଆପ୍‌ରେ ଟାପ୍ କଲେ ନିମ୍ନଲିଖିତ ସୂଚନା ଦେଖିପାରନ୍ତି। ସେଗୁଡ଼ିକର ଅର୍ଥ ନିମ୍ନଲିଖିତ ଭାବରେ:

  • ସ୍କ୍ରୀନ୍‌ରେ: ଆପ୍ କିମ୍ବା ସିଷ୍ଟମ୍ ଆକ୍ଟିଭିଟି ଖୋଲା ଥିଲା ଏବଂ ଆପଣଙ୍କ ସ୍କ୍ରୀନ୍‌ରେ ଦେଖାଯାଉଥିଲା। ଅନ୍‌ସ୍କ୍ରୀନ୍ ଟାଇମ୍‌ର ଦୀର୍ଘ ଅବଧି, ପୂର୍ବବର୍ତ୍ତୀ ଦିନ ତୁଳନାରେ ଅଧିକ ବ୍ଯାଟରି ଉପଯୋଗକୁ ବ‍୍ୟାଖ‍୍ୟା କରିପାରେ।

  • ବ୍ୟାକ୍‌ଗ୍ରାଉଣ୍ଡ୍: ବ‍୍ୟାକ୍‌ଗ୍ରାଉଣ୍ଡ୍ ଟାଇମ୍‌ର ଦୀର୍ଘ ଅବଧି, ପୂର୍ବବର୍ତ୍ତୀ ଦିନ ତୁଳନାରେ ଅଧିକ ବ୍ଯାଟରି ଉପଯୋଗକୁ ବ‍୍ୟାଖ‍୍ୟା କରିପାରେ। ବ୍ୟାକ୍‌ଗ୍ରାଉଣ୍ଡ୍ ଆକ୍ଟିଭିଟି ମଧ‍୍ୟରେ ଦିଗନିର୍ଦ୍ଦେଶ, ମ୍ୟୂଜିକ୍ ଚଲାଇବା, ଫଟୋ ସିଙ୍କ୍ କରିବା, ମେଲ୍ ଫେଚ୍ କରିବା ଇତ‍୍ୟାଦି ଅନ୍ତର୍ଭୁକ୍ତ।

  • ମୋବାଇଲ୍ କଭରେଜ୍: ଆପ୍‌କୁ ଏକ ଲୋ ସିଗ୍‌ନଲ୍ ପରିବେଶରେ ବ୍ଯବହାର କରାଯାଇଥିଲା, ଯାହା ଅଧିକ ବ୍ଯାଟରି ଉପଯୋଗ କରିଥିଲା।

  • ନୋଟିଫିକେଶନ୍: ଆପ୍ କିମ୍ବା ସିଷ୍ଟମ୍ ଆକ୍ଟିଭିଟି ଆପଣଙ୍କ ଡିଭାଇସ୍‌କୁ ସକ୍ରିୟ କରିଛି ଏବଂ ନୂଆ ସୂଚନା ଯାଞ୍ଚ କରିବା ପାଇଁ ବ୍ଯାଟରି ବ୍ଯବହାର କରିଛି। ଏହା କେତେଥର ହେବ ତାହା ହ୍ରାସ କରିବା ପାଇଁ ଆପଣ ଏକ ଆପ୍‌ର ନୋଟିଫିକେଶନ୍ ସେଟିଂସ୍ ପରିଚାଳନା କରିପାରିବେ।

iPhone ସେଟିଂସ୍‌ରେ ଥିବା ବ‍୍ୟାଟରି ଉପଯୋଗ ସ୍କ୍ରୀନ୍ “ଆପ୍ ଏବଂ ସିଷ୍ଟମ୍ ଆକ୍ଟିଭିଟି ଉପଯୋଗ” ଲିଷ୍ଟ୍ ବିଷୟରେ ସୂଚନା ଡିସ୍‌ପ୍ଲେ କରେ ଯାହା ଏହା କେଉଁ ଆପ୍ ବ‍୍ୟାଟରି ପାୱାର୍ ଖର୍ଚ୍ଚ୍ କରୁଛି ତାହା ଦର୍ଶାଏ। ପ୍ରତ୍ଯେକ ଆପ୍ ଏହାର ବ୍ଯାଟରି ଉପଯୋଗର ଅନୁରୂପ ପ୍ରତିଶତ ଏବଂ ଏହାର ଅନ୍-ସ୍କ୍ରୀନ୍ କିମ୍ବା ବ‍୍ୟାକ୍‌ଗ୍ରାଉଣ୍ଡ୍ ଆକ୍ଟିଭିଟି ଟାଇମ୍ ସହିତ ଲିଷ୍ଟ୍ ହୋଇଛି।

ଆପ୍ ଏବଂ ସିଷ୍ଟମ୍ ଆକ୍ଟିଭିଟି ସୂଚନା ଦେଖିବା ପାଇଁ:

  1. ଆପଣଙ୍କ iPhone ରେ ଥିବା ସେଟିଂସ୍ ଆପ୍ କୁ ଯାଆନ୍ତୁ।

  2. ନିମ୍ନଲିଖିତ ମଧ୍ୟରୁ ଗୋଟିଏ କରନ୍ତୁ:

    • ଆଜି ଦେଖନ୍ତୁ: ବ୍ଯାଟରିରେ ଟାପ୍ କରନ୍ତୁ, ତା’ପରେ ତଳକୁ ସ୍କ୍ରୋଲ୍ କରନ୍ତୁ।

    • ଆଜି ଏବଂ ପୂର୍ବବର୍ତ୍ତୀ ଦିନ ପାଇଁ ଅତିରିକ୍ତ ବ୍ୟାଟରି ସୂଚନା ଦେଖନ୍ତୁ: ବ୍ଯାଟରିରେ ଟାପ୍ କରନ୍ତୁ, “ସମସ୍ତ ବ୍ଯାଟରି ଉପଯୋଗ ଦେଖନ୍ତୁ”ରେ ଟାପ୍ କରନ୍ତୁ, ଗୋଟିଏ ଦିନରେ ଟାପ୍ କରନ୍ତୁ, ତା’ପରେ ତଳକୁ ସ୍କ୍ରୋଲ୍ କରନ୍ତୁ।

  3. ଏକ ଆପ୍‌ର ବ‍୍ୟାଟରି ଉପଯୋଗ ଏବଂ ପ୍ରତ‍୍ୟେକ ଦିନର ଆକ୍ଟିଭିଟି ସମେତ, ଅଧିକ ବିବରଣୀ ଦେଖିବା ପାଇଁ ଏଥିରେ ଟାପ୍ କରନ୍ତୁ।

ଆପଣଙ୍କ iPhone ଶେଷ ଥର କେବେ ଚାର୍ଜ୍ ହୋଇଥିଲା ଦେଖନ୍ତୁ

iPhone ବ୍ଯାଟରି ଶେଷ ଥର ପାଇଁ କେବେ ପୂର୍ଣ୍ଣ ଭାବରେ ଚାର୍ଜ୍ ହୋଇଥିଲା ଏବଂ ଚାର୍ଜର୍‌ରୁ କେବେ ସଂଯୋଗ ବିଚ୍ଛିନ୍ନ ହୋଇଥିଲା, ତାହା ଦେଖାଏ। ଚାର୍ଜ୍ କରିବା ସମୟରେ, iPhone 80% ଏବଂ 100% ପର୍ଯ୍ଯନ୍ତ ପହଞ୍ଚିବା ପାଇଁ ଆନୁମାନିକ ସମୟକୁ ଡିସ୍‌ପ୍ଲେ କରେ। ଚାର୍ଜ୍ କରିବା ବିଷୟରେ ଅଧିକ ଜାଣିବା ପାଇଁ iPhone ର ବ୍ଯାଟରି ଚାର୍ଜ୍ କରନ୍ତୁ ଦେଖନ୍ତୁ।

  1. ଆପଣଙ୍କ iPhone ରେ ଥିବା ସେଟିଂସ୍ ଆପ୍ କୁ ଯାଆନ୍ତୁ।

  2. ବ୍ଯାଟରିରେ ଟାପ୍ କରନ୍ତୁ।

ଆପଣଙ୍କ iPhone ର ବ୍ଯାଟରି ସ୍ୱାସ୍ଥ୍ଯର ସମୀକ୍ଷା କରନ୍ତୁ

iPhone ଆପଣଙ୍କ ବ୍ଯାଟରିର କ୍ଷମତା ବିଷୟରେ ସୂଚନା ଡିସ୍‌ପ୍ଲେ କରେ। iPhone 15 କିମ୍ବା ତା’ର ପରବର୍ତ୍ତୀ ମଡେଲ୍‌ରେ, ଆପଣ ବ୍ଯାଟରି ହେଲ୍‌ଥ୍, ସାଇକଲ୍ ଗଣନା, ନିର୍ମାଣ ତାରିଖ ଏବଂ ପ୍ରଥମ ବ୍ଯବହାର ତାରିଖ ଭଳି ବିବରଣୀ ମଧ୍ଯ ଦେଖିପାରିବେ।

  1. ଆପଣଙ୍କ iPhone ରେ ସେଟିଂସ୍ ଆପ୍  କୁ ଯାଆନ୍ତୁ।

  2. “ବ‍୍ୟାଟରି”ରେ ଟାପ୍ କରନ୍ତୁ, ତା'ପରେ ନିମ୍ନଲିଖିତ ଯେକୌଣସି ଗୋଟିଏ କରନ୍ତୁ:

    • iPhone 14 କିମ୍ବା ଏହାର ପୂର୍ବବର୍ତ୍ତୀ ଭର୍ଶନ୍‌ରେ: ବ‍୍ୟାଟରି ହେଲ୍‌ଥ୍ ଓ ଚାର୍ଜିଂରେ ଟାପ୍ କରନ୍ତୁ।

    • iPhone 15 କିମ୍ବା ଏହାର ପରବର୍ତ୍ତୀ ଭର୍ଶନ୍‌ରେ: “ବ୍ୟାଟରି ହେଲ୍‌ଥ୍”ରେ ଟାପ୍ କରନ୍ତୁ।

ବ୍ଯବହାର ଏବଂ ସେଟିଂସ୍ ଅନୁସାରେ ବ୍ଯାଟରି ଲାଇଫ୍ ଏବଂ ଚାର୍ଜ୍ ସାଇକଲ୍ ଭିନ୍ନ ହୋଇଥାଏ। ଆପଣଙ୍କ ବ୍ଯାଟରିର କାର୍ଯ୍ଯଦକ୍ଷତା ଏବଂ ଜୀବନକାଳ କିପରି ବଢ଼ାଇବେ ଜାଣିବା ପାଇଁ Apple ସହାୟତା ଆର୍ଟିକଲ୍ iPhone ବ୍ଯାଟରି ଏବଂ କାର୍ଯ୍ୟଦକ୍ଷତା ଦେଖନ୍ତୁ।

iPhone ବ୍ଯାଟରିକୁ Apple କିମ୍ବା ଗୋଟିଏ Apple ପ୍ରାଧିକୃତ ସେବା ପ୍ରଦାନକାରୀ ଦ୍ବାରା ସର୍ଭିସ୍ କିମ୍ବା ରିସାଇକଲ୍ କରିବା ଉଚିତ। ବ୍ଯାଟରି ସେବା ଏବଂ ରିସାଇକ୍ଲିଂ ୱେବ୍‌ସାଇଟ୍ ଦେଖନ୍ତୁ।

ଏହା ମଧ‍୍ୟ ଦେଖନ୍ତୁiPhone ବ୍ଯାଟରି ଚାର୍ଜିଂ ଅପ୍ଟିମାଇଜ୍ କରନ୍ତୁiPhone ରେ ପାୱର୍ ମୋଡ୍ ସହିତ ବ୍ଯାଟରି ଲାଇଫ୍ ସେଭ୍ କରନ୍ତୁ
Morty Proxy This is a proxified and sanitized view of the page, visit original site.
ସହାୟକ କି?
କ‍୍ୟାରେକ୍ଟର୍ ସୀମା: 250
ସର୍ବାଧିକ କ‍୍ୟାରେକ୍ଟର୍ ସୀମା 250 ଅଟେ।
ଆପଣଙ୍କ ମତାମତ ପାଇଁ ଧନ‍୍ୟବାଦ।
Morty Proxy This is a proxified and sanitized view of the page, visit original site.