iOS 26
iOS 18
ଏହି କଣ୍ଟ‍୍ରୋଲ୍‌କୁ ପରିବର୍ତ୍ତନ କରିବା ଫଳରେ ଏହି ପୃଷ୍ଠା ସ୍ବୟଂଚାଳିତ ଭାବରେ ଅପ୍‌ଡେଟ୍ ହୋଇଯିବ

iPhone ରେ ଏକ ଗ୍ରୂପ୍ FaceTime କଲ୍ କରନ୍ତୁ

FaceTime ଆପ୍‌ରେ, ଆପଣ ଏକ ଗ୍ରୂପ୍ FaceTime କଲ୍‌ରେ ସର୍ବାଧିକ 32 ଜଣ ଅଂଶଗ୍ରହଣକାରୀଙ୍କ ସହ କଥା ହୋଇପାରିବେ।

ଧ‍୍ୟାନ ଦିଅନ୍ତୁ: ସମସ୍ତ ଦେଶ କିମ୍ବା ଅଞ୍ଚଳରେ ଗ୍ରୂପ୍ FaceTime କଲ୍ ଉପଲବ୍ଧ ନାହିଁ। iOS ଓ iPadOS ଫୀଚର୍ ଉପଲବ୍ଧତା ଓ୍ବେବ୍‌ସାଇଟ୍ ଦେଖନ୍ତୁ।

ଏକ ଗ୍ରୂପ୍ FaceTime କଲ୍ ପାଞ୍ଚ ଜଣ ଅଂଶଗ୍ରହଣକାରୀଙ୍କୁ ପୃଥକ ଟାଇଲ୍‌ରେ ଦେଖାଉଛି।

ଏକ ଗ୍ରୂପ୍ FaceTime କଲ୍ ଆରମ୍ଭ କରନ୍ତୁ

  1. ଆପଣଙ୍କ iPhone ରେ ଥିବା FaceTime ଆପ୍ କୁ ଯାଆନ୍ତୁ।

  2. ନୂଆ କଲ୍‌ରେ ଟାପ୍ କରନ୍ତୁ।

  3. ସ୍କ୍ରୀନ୍‌ର ଶୀର୍ଷ ପାଖରେ ଥିବା ଫିଲ୍ଡ୍‌ରେ, ଆପଣ କଲ୍ କରିବାକୁ ଚାହୁଁଥିବା ଲୋକଙ୍କ ନାମ, ନମ୍ବର୍ କିମ୍ବା ଇମେଲ୍ ଲେଖନ୍ତୁ।

    ଆପଣ କଣ୍ଟାକ୍ଟ୍ ଖୋଲିବାକୁ ଏବଂ ସେଠାରୁ ଲୋକଙ୍କୁ ଯୋଡ଼ିବାକୁ “କଣ୍ଟାକ୍ଟ୍ ଯୋଡ଼ନ୍ତୁ” ବଟନ୍ ରେ ମଧ‍୍ୟ ଟାପ୍ କରିପାରିବେ କିମ୍ବା ପ୍ରସ୍ତାବିତ କଣ୍ଟାକ୍ଟ୍‌ରେ ଟାପ୍ କରିପାରିବେ।

  4. ଏକ ଭିଡିଓ କଲ୍ କରିବାକୁ FaceTime ରେ ଟାପ୍ କରନ୍ତୁ କିମ୍ୱା FaceTime ଅଡିଓ କଲ୍ କରିବାକୁ କଲ୍ ବଟନ୍ ରେ ଟାପ୍ କରନ୍ତୁ।

ପ୍ରତ୍ଯେକ ଅଂଶଗ୍ରହଣକାରୀ ସ୍କ୍ରୀନ୍‌ରେ ଏକ ଶୀର୍ଷକରେ ଦେଖାଯାଆନ୍ତି। ଯେତେବେଳେ ଜଣେ ଅଂଶଗ୍ରହଣକାରୀ କୁହନ୍ତି (ମୌଖିକ କିମ୍ବା ସାଙ୍କେତିକ ଭାଷା ବ୍ଯବହାର କରି) କିମ୍ବା ଆପଣ “ଟାଇଲ୍”ରେ ଟାପ୍ କରନ୍ତି, ସେତେବେଳେ ସେହି ଟାଇଲ୍ ହାଇଲାଇଟ୍ ହୁଏ କିମ୍ବା ଅଧିକ ସ୍ପଷ୍ଟ ହୁଏ। ସ୍କ୍ରୀନ୍‌ରେ ଫିଟ୍ ହୋଇପାରୁନଥିବା ଶୀର୍ଷକଗୁଡ଼ିକ ନିମ୍ନରେ ଏକ ଧାଡ଼ିରେ ଦେଖାଯିବ। ଆପଣ ଦେଖିପାରୁ ନଥିବା ଜଣେ ଅଂଶଗ୍ରହଣକାରୀଙ୍କୁ ଖୋଜିବା ପାଇଁ ଧାଡ଼ି ମଧ୍ଯ ଦେଇ ସ୍ୱାଇପ୍ କରନ୍ତୁ। ଯଦି ଏକ ଇମେଜ୍ ଉପଲବ୍ଧ ନାହିଁ ତେବେ ଟାଇଲ୍‌ରେ ଅଂଶଗ୍ରହଣକାରୀଙ୍କ ଆଦ‍୍ୟ ଅକ୍ଷର ଦେଖାଯାଇପାରେ।

ଏକ ଗ୍ରୂପ୍ FaceTime କଲ୍ ସମୟରେ କହୁଥିବା କିମ୍ବା ସାଇନ୍ ଇନ୍ କରୁଥିବା ବ୍ୟକ୍ତିଙ୍କ ଟାଇଲ୍‌କୁ ଅଧିକ ସୁସ୍ପଷ୍ଟ ହେବାରୁ ରୋକିବା ପାଇଁ, ସେଟିଂସ୍ ଆପ୍ କୁ ଯାଆନ୍ତୁ, ଆପ୍‌ରେ ଟାପ୍ କରନ୍ତୁ, FaceTime ରେ ଟାପ୍ କରନ୍ତୁ, ତା'ପରେ "ସ୍ୱୟଂଚାଳିତ ପ୍ରୋମିନେନ୍ସ୍” ତଳେ “କହୁଥିବା”କୁ ବନ୍ଦ କରନ୍ତୁ।

ଧ‍୍ୟାନ ଦିଅନ୍ତୁ: ସାଙ୍କେତିକ ଭାଷା ଚିହ୍ନଟ କରିବାକୁ ଉପସ୍ଥାପକ ପାଇଁ ସମର୍ଥିତ ମଡେଲ୍ ଆବଶ୍ଯକ। ଏହାବ୍ୟତୀତ ଉଭୟ ଉପସ୍ଥାପକ ଏବଂ ଅଂଶଗ୍ରହଣକାରୀଙ୍କର iOS 14, iPadOS 14, macOS 11 କିମ୍ବା ପରବର୍ତ୍ତୀ ଭର୍ଶନ୍ ଥିବା ଆବଶ୍ୟକ।

ଏକ ଗ୍ରୁପ୍ ମେସେଜ୍ ବାର୍ତ୍ତାଳାପରୁ ଏକ ଗ୍ରୁପ୍ FaceTime କଲ୍ ଆରମ୍ଭ କରନ୍ତୁ

ଏକ ଗ୍ରୂପ୍ iMessage ବାର୍ତ୍ତାଳାପରେ, ଆପଣ ମେସେଜ୍‌ରେ ଚାଟ୍ କରୁଥିବା ସମସ୍ତ ଲୋକଙ୍କ ସହିତ ଏକ ଗ୍ରୂପ୍ FaceTime କଲ୍ ଆରମ୍ଭ କରିପାରିବେ।

  1. iMessage ବାର୍ତ୍ତାଳାପର ଶୀର୍ଷ ଡାହାଣ ପଟେ ଥିବା FaceTime ବଟନ୍ରେ ଟାପ୍ କରନ୍ତୁ।

  2. FaceTime ଅଡିଓ କିମ୍ବା FaceTime ଭିଡିଓରେ ଟାପ୍ କରନ୍ତୁ।

ଗୋଟିଏ କଲ୍‌ରେ ଅନ୍ଯ ଜଣେ ବ୍ଯକ୍ତିଙ୍କୁ ଯୋଡ଼ନ୍ତୁ

FaceTime କଲ୍ ମଧ୍ଯରେ ଯେକୌଣସି ସମୟରେ ଯେକୌଣସି ଅଂଶଗ୍ରହଣକାରୀ ଅନ୍ଯ ଜଣେ ବ୍ଯକ୍ତିଙ୍କୁ ଯୋଡ଼ିପାରିବେ।

  1. ନିମ୍ନଲିଖିତ ମଧ୍ୟରୁ ଗୋଟିଏ କରନ୍ତୁ:

    • ୱାନ୍-ଅନ୍-ୱାନ୍ FaceTime କଲ୍ ସମୟରେ: FaceTime କଣ୍ଟ୍ରୋଲ୍ ଦେଖାଇବା ପାଇଁ ସ୍କ୍ରୀନ୍‌ରେ ଟାପ୍ କରନ୍ତୁ (ଯଦି ସେଗୁଡ଼ିକ ଦୃଶ୍ଯମାନ ନୁହେଁ), “ଅଧିକ” ବଟନ୍ ରେ ଟାପ୍ କରନ୍ତୁ, ତା’ପରେ “ଲୋକଙ୍କୁ ଯୋଡ଼ନ୍ତୁ”ରେ ଟାପ୍ କରନ୍ତୁ।

    • ଗ୍ରୂପ୍ FaceTime କଲ୍ ସମୟରେ: ସ୍କ୍ରୀନ୍‌ର ଶୀର୍ଷରେ ଥିବା “ଲୋକଙ୍କ ସଂଖ‍୍ୟା”ରେ ଟାପ୍ କରନ୍ତୁ, ତା’ପରେ “ଲୋକଙ୍କୁ ଯୋଡ଼ନ୍ତୁ”ରେ ଟାପ୍ କରନ୍ତୁ।

  2. ଆପଣ ଯୋଡ଼ିବାକୁ ଚାହୁଁଥିବା ବ୍ୟକ୍ତିଙ୍କ ନାମ, ନମ୍ବର୍ କିମ୍ବା ଇମେଲ୍ ଲେଖନ୍ତୁ କିମ୍ବା କଣ୍ଟାକ୍ଟ୍‌ରୁ କେହି ଜଣେ ବ‍୍ୟକ୍ତିଙ୍କୁ ଯୋଡ଼ିବା ପାଇଁ “କଣ୍ଟାକ୍ଟ୍ ଯୋଡ଼ନ୍ତୁ” ବଟନ୍ ରେ ଟାପ୍ କରନ୍ତୁ। ଆପଣ ଏକାଧିକ ଲୋକଙ୍କୁ ଯୋଡ଼ିପାରିବେ।

  3. “ଲୋକଙ୍କୁ ଯୋଡ଼ନ୍ତୁ”ରେ ଟାପ୍ କରନ୍ତୁ।

ଏକ ଗ୍ରୁପ୍ FaceTime କଲ୍‌ରେ ଯୋଗ ଦିଅନ୍ତୁ

କେହି ଆପଣଙ୍କୁ ଏକ ଗ୍ରୁପ୍ FaceTime କଲ୍‌ରେ ଯୋଗ ଦେବାକୁ ଆମନ୍ତ୍ରଣ କଲେ, ଆପଣ ଇନ୍‌କମିଂ କଲ୍‌ର ଏକ ନୋଟିଫିକେଶନ୍ ପ୍ରାପ୍ତ କରନ୍ତି-ଆପଣ ହୁଏତ ଏଥିରେ ଯୋଗ ଦେଇପାରିବେ କିମ୍ବା ଏହାକୁ ପ୍ରତ୍ୟାଖ୍ୟାନ କରିପାରିବେ। ଏକ FaceTime କଲ୍‌ର ଉତ୍ତର ଦିଅନ୍ତୁ ଦେଖନ୍ତୁ।

ଗୋଟିଏ ଗ୍ରୂପ୍ FaceTime କଲ୍ ଛାଡ଼ିଯାଅନ୍ତୁ

ଯେକୌଣସି ସମୟରେ ଏକ ଗ୍ରୂପ୍ କଲ୍ ଛାଡ଼ିବା ପାଇଁ, FaceTime କଣ୍ଟ୍ରୋଲ୍‌ରେ ଯାଇ “ଯୋଡ଼ନ୍ତୁ” ବଟନ୍ ରେ ଟାପ୍ କରନ୍ତୁ କିମ୍ବା ଅଂଶଗ୍ରହଣକାରୀଙ୍କ ଲିଷ୍ଟ୍ ଦେଖିବା ସମୟରେ “ଛାଡ଼ି ଦିଅନ୍ତୁ”ରେ ଟାପ୍ କରନ୍ତୁ।

ଯଦି ଜଣେ କିମ୍ବା ଅଧିକ ଅଂଶଗ୍ରହଣକାରୀ ରହନ୍ତି ତେବେ କଲ୍ ସକ୍ରିୟ ରହିବ।

ଏହା ମଧ‍୍ୟ ଦେଖନ୍ତୁiPhone ରେ ଥିବା FaceTime ରେ ଏକାଠି ଦେଖିବା, ଶୁଣିବା ଏବଂ ଖେଳିବା ପାଇଁ SharePlay ବ୍ଯବହାର କରନ୍ତୁiPhone ରେ ଏକ FaceTime କଲ୍ ପାଇଁ ଏକ ଲିଙ୍କ୍ ତିଆରି କରନ୍ତୁ
Morty Proxy This is a proxified and sanitized view of the page, visit original site.
ସହାୟକ କି?
କ‍୍ୟାରେକ୍ଟର୍ ସୀମା: 250
ସର୍ବାଧିକ କ‍୍ୟାରେକ୍ଟର୍ ସୀମା 250 ଅଟେ।
ଆପଣଙ୍କ ମତାମତ ପାଇଁ ଧନ‍୍ୟବାଦ।
Morty Proxy This is a proxified and sanitized view of the page, visit original site.