iOS 26
iOS 18
ଏହି କଣ୍ଟ‍୍ରୋଲ୍‌କୁ ପରିବର୍ତ୍ତନ କରିବା ଫଳରେ ଏହି ପୃଷ୍ଠା ସ୍ବୟଂଚାଳିତ ଭାବରେ ଅପ୍‌ଡେଟ୍ ହୋଇଯିବ

iPhone ରେ କଲ୍‌ରେ ଥିବାବେଳେ

ଆପଣ iPhone ରେ ଏକ ଫୋନ୍ କଲ୍‌ରେ ଥିବା ସମୟରେ, ଆପଣ ଅଡିଓକୁ ସ୍ପୀକର୍ କିମ୍ବା ଏକ Bluetooth® ଡିଭାଇସ୍‌କୁ ସ୍ବିଚ୍ କରିପାରିବେ।

କଲ୍ ସମୟରେ ଅଡିଓ ଆଡ୍‌ଜଷ୍ଟ୍ କରନ୍ତୁ

ଭଲ୍ଯୂମ୍ ବଦଳାଇବା ପାଇଁ iPhone ର ପାର୍ଶ୍ୱରେ ଥିବା ଭଲ୍ଯୂମ୍ ବଟନ୍ ଦବାନ୍ତୁ। କିମ୍ବା କଲ୍ ବ୍ଯାନର୍‌ରେ ତଳକୁ ସ୍ୱାଇପ୍ କରନ୍ତୁ, ତା’ପରେ ନିମ୍ନଲିଖିତ ମଧ୍ଯରୁ କୌଣସି ଗୋଟିଏ କରନ୍ତୁ:

  • ମ୍ଯୁଟ୍ କରନ୍ତୁ: “ମ୍ଯୁଟ୍ ବଟନ୍”ରେ ଟାପ୍ କରନ୍ତୁ।

  • କଲ୍ ହୋଲ୍ଡ୍‌ରେ ରଖନ୍ତୁ: ମ୍ଯୁଟ୍ ବଟନ୍ ସ୍ପର୍ଶ କରି ହୋଲ୍ଡ୍ କରନ୍ତୁ।

  • ହାତରେ ନଧରି କଥା ହୁଅନ୍ତୁ: “ଅଡିଓ ବଟନ୍”ରେ ଟାପ୍ କରନ୍ତୁ, ତା’ପରେ ଏକ ଅଡିଓ ଗନ୍ତବ୍ୟସ୍ଥଳ ଚୟନ କରନ୍ତୁ।

କଲ୍‌ରେ ଥିବା ସମୟରେ ଅନ୍ଯ ଏକ ଆପ୍ ବ୍ଯବହାର କରନ୍ତୁ

  1. ହୋମ୍ ସ୍କ୍ରୀନ୍‌କୁ ଯାଆନ୍ତୁ, ତା’ପରେ ଆପ୍ ଖୋଲନ୍ତୁ।

  2. କଲ୍‌କୁ ଫେରିବାକୁ, ସ୍କ୍ରୀନ୍ ଉପରେ ଥିବା “ସବୁଜ କଲ୍ ସୂଚକ”ରେ ଟାପ୍ କରନ୍ତୁ।

ଆପଣ ଆଉ ହୋଲ୍ଡ୍‌ରେ ନଥିଲେ ଏକ ନୋଟିଫିକେଶନ୍ ପ୍ରାପ୍ତ କରନ୍ତୁ

ଯେତେବେଳେ ଆପଣଙ୍କୁ ଏକ କଲ୍ ସମୟରେ ହୋଲ୍ଡ୍‌ରେ ରଖାଯାଏ, ଜଣେ ଲାଇଭ୍ ଏଜେଣ୍ଟ୍ ଉପଲବ୍ଧ ହେଲେ ନିଜକୁ ସୂଚିତ କରିବାକୁ ଆପଣ “ହୋଲ୍ଡ୍ ଆସିଷ୍ଟ୍” ବ୍ୟବହାର କରିପାରିବେ ଯାହା ଦ୍ୱାରା ଆପଣଙ୍କୁ ଲାଇନ୍‌ରେ ରହିବାକୁ ପଡ଼ିବ ନାହିଁ।

ଧ‍୍ୟାନ ଦିଅନ୍ତୁ: iPhone 12, iPhone SE (3ୟ ଜେନେରେଶନ୍‌) କିମ୍ବା ପରବର୍ତ୍ତୀ ମଡେଲ୍‌ରେ ଉପଲବ୍ଧ। “ହୋଲ୍ଡ୍‌ ଆସିଷ୍ଟ୍‌” ସମସ୍ତ ଦେଶ କିମ୍ବା ଅଞ୍ଚଳରେ ଉପଲବ୍ଧ ନାହିଁ। “iOS ଓ iPadOS ଫୀଚର୍ ଉପଲବ୍ଧତା ୱେବ୍‌ସାଇଟ୍” ଦେଖନ୍ତୁ।

ଏକ ଚାଲୁଥିବା କଲ୍ ସ୍କ୍ରୀନ୍ ଏକ ବ୍ଯାନର୍ ଦେଖାଉଛି, ଯାହା ପଚାରୁଛି ଯେ କଲର୍ ଆଉ ହୋଲ୍ଡ୍‌ରେ ନଥିବା ସମୟରେ ସେ ହୋଲ୍ଡ୍ ଆସିଷ୍ଟ୍ ବ୍ଯବହାର କରି ଏକ ନୋଟିଫିକେଶନ୍ ପ୍ରାପ୍ତ କରିବା ପାଇଁ ଚାହାଁନ୍ତି ନା ନାହିଁ।

  1. ଆପଣଙ୍କ iPhone ରେ ଫୋନ୍ ଆପ୍ କୁ ଯାଆନ୍ତୁ।

  2. ଆପଣ ଏକ କଲ୍‌ରେ ଥିବା ସମୟରେ ହୋଲ୍ଡ୍‌ରେ ରହିଥିଲେ, “ଅଧିକ” ବଟନ୍ ରେ ଟାପ୍ କରନ୍ତୁ, ତା'ପରେ “ହୋଲ୍ଡ୍ ଆସିଷ୍ଟ୍”ରେ ଟାପ୍ କରନ୍ତୁ।

    ଗୁରୁତ୍ବପୂର୍ଣ୍ଣ: ଆପଣ କଲ୍‌ରୁ ବାହାରି ଯିବା ପୂର୍ବରୁ ଆପଣଙ୍କ ରିଂ ସେଟିଂସ୍ ଯାଞ୍ଚ କରନ୍ତୁ। ଯଦି ଆପଣଙ୍କ iPhone ନୀରବ ଥାଏ କିମ୍ବା “ଡିଷ୍ଟର୍ବ୍ କରନ୍ତୁ ନାହିଁ”ରେ ଥାଏ, ତେବେ ଜଣେ ଏଜେଣ୍ଟ୍ ଉପଲବ୍ଧ ଥିବା ସମୟରେ ଆପଣ ଇନ୍‌କମିଂ କଲ୍ ଶୁଣିବେ ନାହିଁ। “iPhone ସାଇଲେଣ୍ଟ୍ କରନ୍ତୁ” ଦେଖନ୍ତୁ।

  3. ଜଣେ ଏଜେଣ୍ଟ୍ ଉପଲବ୍ଧ ହେଲେ “ହୋଲ୍ଡ୍ ଆସିଷ୍ଟ୍” ଆପଣଙ୍କୁ ସୂଚିତ କରିବ ଏବଂ ଆପଣ ମିସ୍ କରିଥିବା କଲ୍‌ର ଅଂଶକୁ ଟ୍ରାନ୍ସ୍‌କ୍ରାଇବ୍ କରିବ। କଲ୍‌ରେ ପୁଣି ଯୋଗଦେବା ପାଇଁ “କଲ୍‌ର ଉତ୍ତର ଦିଅନ୍ତୁ” ବଟନ୍ ରେ ଟାପ୍ କରନ୍ତୁ।

ଧ‍୍ୟାନ ଦିଅନ୍ତୁ: ଫୋନ୍ ସ୍ୱୟଂଚାଳିତ ଭାବରେ ମଧ‍୍ୟ ହୋଲ୍ଡ୍ ମ୍ଯୂଜିକ୍‌କୁ ଚିହ୍ନଟ କରିପାରିବ ଏବଂ ଆପଣଙ୍କୁ ହୋଲ୍ଡ୍ ଆସିଷ୍ଟ୍ ଆରମ୍ଭ କରିବା ପାଇଁ ପ୍ରମ୍ପ୍ଟ୍ କରିପାରିବ। ସେଟିଂସ୍ > ଆପ୍ > ଫୋନ୍‌କୁ ଯାଆନ୍ତୁ, ତା’ପରେ ହୋଲ୍ଡ ଆସିଷ୍ଟ୍ ଡିଟେକ୍ସନ୍‌କୁ ଚାଲୁ କରନ୍ତୁ।

ସମାନ ଲାଇନ୍‌ରେ ଏକ ଦ୍ୱିତୀୟ କଲ୍‌ର ଉତ୍ତର ଦିଅନ୍ତୁ

ଯଦି ଆପଣ ଏକ କଲ୍‌ରେ ଅଛନ୍ତି ଏବଂ ଦ୍ୱିତୀୟ କଲ୍ ପ୍ରାପ୍ତ କରନ୍ତି, ନିମ୍ନଲିଖିତ ମଧ୍ଯରୁ ଗୋଟିଏ କରନ୍ତୁ:

  • କଲ୍ ଅଣଦେଖା କରି ଏହାକୁ ଭଏସ୍‌କଲ୍‌କୁ ପଠାନ୍ତୁ: “ଭଏସ୍‌ମେଲ୍‌କୁ ପଠାନ୍ତୁ”ରେ ଟାପ୍ କରନ୍ତୁ।

  • ଏକ ଟେକ୍ସ୍‌ଟ୍ ମେସେଜ୍ ସହିତ ଦ୍ୱିତୀୟ କଲ୍‌ର ଉତ୍ତର ଦିଅନ୍ତୁ: ମେସେଜ୍‌ରେ ଟାପ୍ କରନ୍ତୁ।

  • କଲ୍‌କୁ ଫେରିବା ପାଇଁ ଏକ ରିମାଇଣ୍ଡର୍ ସେଟ୍ କରନ୍ତୁ: “ମୋତେ ରିମାଇଣ୍ଡ୍ କରନ୍ତୁ”ରେ ଟାପ୍ କରନ୍ତୁ, ତା’ପରେ ଆପଣ କଲ୍ କରିବା ପାଇଁ କେତେବେଳେ ରିମାଇଣ୍ଡର୍ ଚାହୁଁଛନ୍ତି ବାଛନ୍ତୁ।

  • ପ୍ରଥମ କଲ୍ ଶେଷ କରନ୍ତୁ ଏବଂ ନୂଆଟିର ଉତ୍ତର ଦିଅନ୍ତୁ: ଏକ GSM ନେଟ୍‌ୱର୍କ୍ ବ୍ଯବହାର କରିବା ସମୟରେ, “ଶେଷ ଓ ଗ୍ରହଣ କରନ୍ତୁ”ରେ ଟାପ୍ କରନ୍ତୁ। ଏକ CDMA ନେଟ୍‌ୱାର୍କ୍ ସହ, “ସମାପ୍ତ କରନ୍ତୁ”ରେ ଟାପ୍ କରନ୍ତୁ; ଦ୍ୱିତୀୟ କଲ୍ ପୁଣି ରିଂ ହେଲ, “ଗ୍ରହଣ କରନ୍ତୁ”ରେ ଟାପ୍ କରନ୍ତୁ କିମ୍ୱା iPhone ଲକ୍ ହୋଇଥିଲେ ସ୍ଲାଇଡର୍‌କୁ ଡ୍ରାଗ୍ କରନ୍ତୁ।

  • ପ୍ରଥମ କଲ୍ ହୋଲ୍ଡ୍‌ରେ ରଖନ୍ତୁ ଏବଂ ନୂଆଟିର ଉତ୍ତର ଦିଅନ୍ତୁ: “ହୋଲ୍ଡ୍ କରନ୍ତୁ ଓ ଗ୍ରହଣ କରନ୍ତୁ”ରେ ଟାପ୍ କରନ୍ତୁ।

    କଲ୍ ହୋଲ୍ଡ୍‌ରେ ଥିବା ବେଳେ କଲ୍‌ଗୁଡିକ ମଧ୍ୟରେ ସ୍ୱିଚ୍ କରିବାକୁ, “ସ୍ୱାପ୍”ରେ ଟାପ୍ କରନ୍ତୁ କିମ୍ୱା ଉଭୟ ପକ୍ଷଙ୍କ ସହ ଏକାଥରରେ କଥାବାର୍ତ୍ତା କରିବାକୁ “କଲ୍ ମର୍ଜ୍ କରନ୍ତୁ”ରେ ଟାପ୍ କରନ୍ତୁ। ଏକ କନ୍‌ଫରେନ୍ସ କିମ୍ବା ଥ୍ରୀ-ୱେ କଲ୍ ଆରମ୍ଭ କରନ୍ତୁ ଦେଖନ୍ତୁ।

ଧ‍୍ୟାନ ଦିଅନ୍ତୁ: CDMA ରେ, ଯଦି ଦ୍ୱିତୀୟ କଲ୍ ଆଉଟ୍‌ଗୋଇଂ ଥାଏ, ତେବେ ଆପଣ କଲ୍‌ଗୁଡ଼ିକ ମଧ୍ଯରେ ସ୍ୱିଚ୍ଚ୍ କରିପାରିବେ ନାହିଁ କିନ୍ତୁ ଆପଣ କଲ୍‌ଗୁଡ଼ିକୁ ମର୍ଜ୍ କରିପାରିବେ। ଯଦି ଦ୍ୱିତୀୟ କଲ୍‌ଟି ଇନ୍‌କମିଂ କଲ୍ ଅଟେ, ତେବେ ଆପଣ କଲ୍‌ଗୁଡ଼ିକୁ ମର୍ଜ୍ କରିପାରିବେ ନାହିଁ। ଯଦି ଆପଣ ଦ୍ୱିତୀୟ କଲ୍ କିମ୍ବା ମର୍ଜ୍ ହୋଇଥିବା କଲ୍ ସମାପ୍ତ କରନ୍ତି, ତେବେ ଉଭୟ କଲ୍ ସମାପ୍ତ ହୋଇଯିବ।

ଡୁଆଲ୍ ସିମ୍ ଥିବା ମଡେଲ୍ରେ ନିମ୍ନୋକ୍ତ ବିଷୟକୁ ନୋଟ୍ କରନ୍ତୁ:

  • ଅନ୍ଯ ଲାଇନ୍ ଏକ କଲ୍ ପାଇଁ ବ୍ଯବହୃତ ହେଉଥିବା ସମୟରେ କଲ୍ ଗ୍ରହଣ କରିବା ପାଇଁ ସେହି ଲାଇନ୍‌କୁ ସକ୍ଷମ କରିବାକୁ ଏକ ଲାଇନ୍ ପାଇଁ Wi-Fi କଲିଂ ଚାଲୁ କରିବା ଆବଶ୍ଯକ। ଯଦି ଗୋଟିଏ ଲାଇନ୍ କଲ୍ ପାଇଁ ବ୍ଯବହୃତ ହେଉଥିବା ସମୟରେ ଆପଣ ଅନ୍ଯ ଲାଇନ୍‌ରେ କଲ୍ ଗ୍ରହଣ କରନ୍ତି, ଏବଂ କୌଣସି Wi-Fi ସଂଯୋଗ ଉପଲବ୍ଧ ନଥାଏ, ସେତେବେଳେ iPhone ଅନ୍ଯ ଲାଇନ୍‌ର କଲ୍ ପ୍ରାପ୍ତ କରିବାକୁ କଲ୍ ପାଇଁ ବ୍ଯବହୃତ ଲାଇନ୍‌ର ମୋବାଇଲ୍ ଡେଟା ବ୍ଯବହାର କରେ। ଚାର୍ଜ୍ ଲାଗୁ ହୋଇପାରେ। ଅନ୍ଯ ଲାଇନ୍‌ର କଲ୍ ଗ୍ରହଣ କରିବା ପାଇଁ, କଲ୍ ପାଇଁ ବ୍ଯବହୃତ ହେଉଥିବା ଲାଇନ୍‌କୁ ଆପଣଙ୍କ ମୋବାଇଲ୍ ଡେଟା ସେଟିଂସ୍‌ରେ ଡେଟା ବ୍ଯବହାର ପାଇଁ ଅନୁମତି ଦେବାକୁ ହେବ (“ମୋବାଇଲ୍ ସେବା ଡେଟା ସ୍ବିଚ୍ ଚାଲୁ କରିବାକୁ ଅନୁମତି ଦିଅନ୍ତୁ” ସହିତ ଡିଫଲ୍ଟ୍ ଲାଇନ୍ ଭାବରେ କିମ୍ବା ନନ୍ ଡିଫଲ୍ଟ୍ ଲାଇନ୍ ଭାବରେ)।

  • ଯଦି ଆପଣ ଗୋଟିଏ ଲାଇନ୍ ପାଇଁ Wi-Fi କଲିଂ ଚାଲୁ ନ କରନ୍ତି, ସେହି ଲାଇନ୍‌ରେ କୌଣସି ଇନ୍‌କମିଂ ଫୋନ୍ କଲ୍ (ଜରୁରୀକାଳୀନ ସେବାଗୁଡ଼ିକରୁ କଲ୍ ସମେତ) ଅନ୍ଯ ଲାଇନ୍ ବ୍ଯବହାର ହେଉଥିବା ସମୟରେ ସିଧାସଳଖ ଭଏସ୍‌ମେଲ୍ (ଯଦି ଆପଣଙ୍କ ନେଟ୍‌ୱର୍କ୍ ପ୍ରଦାନକାରୀଠାରୁ ଉପଲବ୍ଧ)କୁ ଯାଆନ୍ତି; ଆପଣଙ୍କ ମିସ୍ ହୋଇଥିବା କଲ୍ ନୋଟିଫିକେଶନ୍ ଗ୍ରହଣ କରିପାରିବେ ନାହିଁ।

    ଯଦି ଆପଣଙ୍କ ଏକ ଲାଇନ୍ ବ୍ଯସ୍ତ ଥିବା କିମ୍ବା ସେବାରେ ନଥିବା ସମୟରେ ଗୋଟିଏ ଲାଇନ୍‌ରୁ ଅନ୍ଯ ଲାଇନ୍‌କୁ ସର୍ତ୍ତମୂଳକ କଲ୍ ଫର୍‌ୱର୍ଡିଂ ସେଟ୍ ଅପ୍ କରନ୍ତି, (ଯଦି ଆପଣଙ୍କ ନେଟ୍‌ୱର୍କ୍ ପ୍ରଦାନକାରୀଙ୍କଠାରୁ ଉପଲବ୍ଧ ଥାଏ), ତେବେ କଲ୍‌ଗୁଡ଼ିକ ଭଏସ୍‌ମେଲ୍‌କୁ ଯାଏ ନାହିଁ; ସେଟ୍ଅପ୍ ସୂଚନା ପାଇଁ ଆପଣଙ୍କ ନେଟ୍‌ୱର୍କ୍ ପ୍ରଦାନକାରୀଙ୍କ ସହିତ ଯୋଗାଯୋଗ କରନ୍ତୁ।

ଲାଇଭ୍ ଅନୁବାଦ ବ୍ଯବହାର କରନ୍ତୁ

ଯଦି Apple Intelligence* ଚାଲୁ ଅଛି, ତେବେ ଆପଣ ଫୋନ୍ କଲ୍ ସମୟରେ କଥିତ ଅନୁବାଦ ପାଇବା ପାଇଁ ଏହାକୁ ବ୍ଯବହାର କରିପାରିବେ। ମେସେଜ୍, କଲ୍ ଏବଂ ବାର୍ତ୍ତାଳାପ ଅନୁବାଦ କରନ୍ତୁ ଦେଖନ୍ତୁ।

*Apple Intelligence ନିମ୍ନଲିଖିତ ଭାଷାଗୁଡ଼ିକ ପାଇଁ ସମର୍ଥନ ସହିତ ବୀଟାରେ ଉପଲବ୍ଧ: ଇଂରାଜୀ, ଡାନିଶ୍, ଡଚ୍, ଫରାସୀ, ଜର୍ମାନ୍, ଇଟାଲୀୟ, ନର୍‌ୱେଜିଅନ୍, ପର୍ତ୍ତୁଗୀଜ୍, ସ୍ପାନିଶ୍, ସ୍ୱିଡିଶ୍, ତୁର୍କୀ, ଚାଇନିଜ୍ (ସରଳୀକୃତ), ଚାଇନିଜ୍ (ପାରମ୍ପରିକ), ଜାପାନୀ, କୋରିଆନ୍ ଓ ଭିଏତ୍‌ନାମୀ। କେତେକ ଫୀଚର୍ ସମସ୍ତ ଭାଷା କିମ୍ବା ଅଞ୍ଚଳରେ ଉପଲବ୍ଧ ହୋଇନପାରେ। ଭାଷା ଓ ଫୀଚର୍ ଉପଲବ୍ଧତା ଏବଂ ସିଷ୍ଟମ୍ ଆବଶ‍୍ୟକତା ବିଷୟରେ ଅଧିକ ସୂଚନା ପାଇଁ Apple ସହାୟତା ଆର୍ଟିକଲ୍ Apple Intelligence କିପରି ପ୍ରାପ୍ତ କରିବେ ଦେଖନ୍ତୁ।
ଏହା ମଧ‍୍ୟ ଦେଖନ୍ତୁiPhone ରେ ଫୋନ୍ କଲ୍ ସମୟରେ ସ୍କ୍ରୀନ୍ ଶେୟର୍ କରନ୍ତୁ
Morty Proxy This is a proxified and sanitized view of the page, visit original site.
ସହାୟକ କି?
କ‍୍ୟାରେକ୍ଟର୍ ସୀମା: 250
ସର୍ବାଧିକ କ‍୍ୟାରେକ୍ଟର୍ ସୀମା 250 ଅଟେ।
ଆପଣଙ୍କ ମତାମତ ପାଇଁ ଧନ‍୍ୟବାଦ।
Morty Proxy This is a proxified and sanitized view of the page, visit original site.