iOS 26
iOS 18
ଏହି କଣ୍ଟ‍୍ରୋଲ୍‌କୁ ପରିବର୍ତ୍ତନ କରିବା ଫଳରେ ଏହି ପୃଷ୍ଠା ସ୍ବୟଂଚାଳିତ ଭାବରେ ଅପ୍‌ଡେଟ୍ ହୋଇଯିବ

iPhone ରେ ପରିବାର ଶେୟର୍ କରିବା ସହିତ ପ‍୍ୟାରେଣ୍ଟଲ୍ କଣ୍ଟ୍ରୋଲ୍ ସେଟ୍ ଅପ୍ କରନ୍ତୁ

ଫ୍ଯାମିଲି ଶେୟରିଂ ସହିତ, ଅର୍ଗାନାଇଜର୍ କିମ୍ବା ପିତାମାତା/ଅଭିଭାବକ ଭାବରେ ମନୋନୀତ ଅନ୍ଯ କୌଣସି ବୟସ୍କ, ଫ‍୍ୟାମିଲି ଶେୟରିଂ ଗ୍ରୂପ୍‌ରେ ପିଲା କିମ୍ବା ଅନ୍ଯ ସଦସ୍ଯଙ୍କ ପାଇଁ ପ‍୍ୟାରେଣ୍ଟଲ୍ କଣ୍ଟ୍ରୋଲ୍ ସେଟ୍ ଅପ୍ କରିପାରିବେ। ଆପଣ ସ୍କ୍ରୀନ୍ ଟାଇମ୍ ବ୍ଯବହାର କରି ଆପଣଙ୍କ ପିଲାମାନେ ଆପ୍ ଏବଂ ୱେବ୍‌ସାଇଟ୍‌ରେ କେତେ ସମୟ ବିତାନ୍ତି, ସେମାନେ କେଉଁ କଣ୍ଟେଣ୍ଟ୍ ଆକ୍ସେସ୍ କରିପାରିବେ ଏବଂ ସେମାନେ କାହା ସହ ଯୋଗାଯୋଗ କରିପାରିବେ ତାହା ପରିଚାଳନା କରିପାରିବେ। ଆପଣ “କିଣିବା ପାଇଁ ପଚାରନ୍ତୁ” ମଧ୍ୟ ଚାଲୁ କରିପାରିବେ, ଯାହା ପିତାମାତାଙ୍କୁ ସେମାନଙ୍କ ପିଲାଙ୍କ ପାଇଁ ଯୋଗ୍ୟ କ୍ରୟ ଏବଂ ମାଗଣା ଡାଉନ୍‌ଲୋଡ୍ ଅନୁମୋଦନ କରିବାକୁ ଆବଶ୍ୟକ କରେ।

ଫ୍ୟାମିଲି ଶେୟରିଂ ସଦସ୍ଯଙ୍କ ପ୍ରକାର ବିଷୟରେ ଜାଣନ୍ତୁ।

ଧ‍୍ୟାନ ଦିଅନ୍ତୁ: ଆପଣ 18 ବର୍ଷରୁ କମ୍ ବୟସର ପିଲାଙ୍କ ପାଇଁ ଏକ ଡିଭାଇସ୍ ସେଟ୍ ଅପ୍ କରିବା ସମୟରେ, କମ‍୍ୟୂନିକେଶନ୍ ନିରାପତ୍ତା ଏବଂ ୱେବ୍ କଣ୍ଟେଣ୍ଟ୍ ସୀମା ଡିଫଲ୍ଟ୍ ଭାବରେ ଚାଲୁ ହୋଇଥାଏ ଏବଂ ପରବର୍ତ୍ତୀ ସମୟରେ ସ୍କ୍ରୀନ୍ ଟାଇମ୍ ସେଟିଂସ୍‌ରେ ପରିଚାଳନା କରାଯାଇପାରିବ। (ଏହି ବୟସ ଦେଶ କିମ୍ବା ଅଞ୍ଚଳ ଅନୁୟାୟୀ ଭିନ୍ନ ହୋଇଥାଏ।)

ସେଟ୍ଅପ୍ ସମୟରେ ପ‍୍ୟାରେଣ୍ଟଲ୍ କଣ୍ଟ୍ରୋଲ୍ କଷ୍ଟମାଇଜ୍ କରନ୍ତୁ

ଯେତେବେଳେ ଆପଣ ଆପଣଙ୍କ ଫ୍ୟାମିଲି ଶେୟରିଂ ଗ୍ରୂପ୍‌ରେ ଏକ ପିଲାକୁ ଯୋଡ଼ନ୍ତି କିମ୍ବା ଏକ ପିଲା ପାଇଁ ଏକ ଡିଭାଇସ୍ ସେଟ୍ ଅପ୍ କରନ୍ତି, ଆପଣ ଆରମ୍ଭରୁ ଅଭିଭାବକୀୟ ନିୟନ୍ତ୍ରଣ କଷ୍ଟମାଇଜ୍ କରିପାରିବେ। ଆପଣ ଯେକୌଣସି ସମୟରେ ସେହି ସେଟିଂସ୍ ପରିବର୍ତ୍ତନ ପାରିବେ।

ନିମ୍ନଲିଖିତ ମଧ୍ଯରୁ କୌଣସି ଗୋଟିଏ ଯୋଡ଼ିବାକୁ ସେଟ୍ଅପ୍ ସମୟରେ ଅନ୍‌ସ୍କ୍ରୀନ୍ ନିର୍ଦ୍ଦେଶାବଳୀ ଅନୁସରଣ କରନ୍ତୁ:

  • ଆପ୍, ବହି, TV ଶୋ’ ଏବଂ ମୂଭି ବିଷୟବସ୍ତୁ ପାଇଁ ବୟସ ସମ୍ବନ୍ଧୀୟ ପ୍ରତିବନ୍ଧକ

  • ନିର୍ଦ୍ଦିଷ୍ଟ ଆପ୍ ପାଇଁ ଡାଉନ୍‌ଟାଇମ୍ ଏବଂ ସୀମା

  • ଆପଣଙ୍କ ପିଲା କାହା ସହିତ ଯୋଗାଯୋଗ କରିପାରିବ ତାହା ଉପରେ କଟକଣା

  • କ୍ରୟ କିମ୍ବା ଦେୟମୁକ୍ତ ଡାଉନ୍‌ଲୋଡ୍ ପାଇଁ ଅନୁମୋଦନ

Apple ସହାୟତା ଆର୍ଟିକଲ୍ ”ଆପଣଙ୍କ ପିଲାଙ୍କ iPhone, iPad, ଓ iPod touch ରେ ପ୍ୟାରେଣ୍ଟଲ୍ କଣ୍ଟ୍ରୋଲ୍ ବ‍୍ୟବହାର କରନ୍ତୁ” ଦେଖନ୍ତୁ।

ସମ୍ବେଦନଶୀଳ ବିଷୟବସ୍ତୁ ବିଷୟରେ ଚେତାବନୀ ପ୍ରାପ୍ତ କରନ୍ତୁ

ସ୍କ୍ରୀନ୍ ଟାଇମ୍ ଯାଞ୍ଚ କରିପାରିବ ଯେ ଆପଣ କିମ୍ବା ଅନ୍ୟ ପରିବାର ସଦସ୍ୟମାନେ କୌଣସି ଯୌନ ଉତ୍ତେଜକ ଫଟୋ କିମ୍ବା ଭିଡିଓ ପ୍ରାପ୍ତ କରିଛନ୍ତି କିମ୍ବା ପଠାଇଛନ୍ତି କି ନାହିଁ, ଯେପରିକି ମେସେଜ୍, AirDrop ଏବଂ FaceTime ଆପ୍। “ଜଣେ ପିଲାର iPhone ରେ ଥିବା ଯୋଗାଯୋଗରେ ସମ୍ବେଦନଶୀଳ ଇମେଜ୍ ଓ ଭିଡିଓ ଯାଞ୍ଚ କରିବା ଚାଲୁ କିମ୍ବା ବନ୍ଦ କରନ୍ତୁ” ଦେଖନ୍ତୁ।

ଆପଣ ସମ୍ବେଦନଶୀଳ ବିଷୟବସ୍ତୁକୁ ମଧ୍ଯ ବ୍ଲକ୍ କରିପାରିବେ ଏବଂ କ୍ରୟ ଉପରେ ପ୍ରତିବନ୍ଧ ସେଟ୍ କରିପାରିବେ। ବିଷୟବସ୍ତୁକୁ ବ୍ଲକ୍ କରନ୍ତୁ ଏବଂ iTunes ଓ ap Store କ୍ରୟଗୁଡ଼ିକୁ ରୋକନ୍ତୁ ଦେଖନ୍ତୁ।

ପିଲାଙ୍କ ପାଇଁ ସ୍କ୍ରୀନ୍ ଟାଇମ୍ ସେଟ୍ ଅପ୍ କରନ୍ତୁ

ସ୍କ୍ରୀନ୍ ଟାଇମ୍ ଆପଣଙ୍କୁ ଡାଉନ୍‌ଟାଇମ୍, ଆପ୍ ବ୍ଯବହାର, କଣ୍ଟାକ୍ଟ୍, ବିଷୟବସ୍ତୁ ରେଟିଂ ଇତ୍ଯାଦି ପାଇଁ ସେଟିଂସ୍ ପରିଚାଳନା କରିବାକୁ ଅନୁମତି ଦିଏ। ସ୍କ୍ରୀନ୍ ଟାଇମ୍ ବ୍ଯବହାର କରିବା ପାଇଁ, ଆପଣଙ୍କ ପିଲା ଏକ ଯୋଗ୍ଯ ଡିଭାଇସ୍ ବ୍ଯବହାର କରୁଥିବା ଆବଶ୍ଯକ। Apple ସହାୟତା ଆର୍ଟିକଲ୍‌ରେ iCloud ପାଇଁ ସିଷ୍ଟମ୍ ଆବଶ୍ଯକତାରେ ସ୍କ୍ରୀନ୍ ଟାଇମ୍ ବିଭାଗ ଦେଖନ୍ତୁ।

  1. ଆପଣଙ୍କ iPhone ରେ ଥିବା ସେଟିଂସ୍ ଆପ୍  କୁ ଯାଆନ୍ତୁ।

  2. “ପରିବାର”ରେ ଟାପ୍ କରନ୍ତୁ, ତା'ପରେ ଯେଉଁ ପିଲାଙ୍କ ପାଇଁ ଆପଣ ସ୍କ୍ରୀନ୍ ଟାଇମ୍ ସେଟ୍ ଅପ୍ କରିବାକୁ ଚାହୁଁଛନ୍ତି ତାଙ୍କୁ ଚୟନ କରନ୍ତୁ।

  3. ସ୍କ୍ରୀନ୍ ଟାଇମ୍‌ରେ ଟାପ୍ କରନ୍ତୁ, “ଜାରି ରଖନ୍ତୁ”ରେ ଟାପ୍ କରନ୍ତୁ, ତା’ପରେ ନିମ୍ନଲିଖିତ ମଧ୍ଯରୁ ଯେକୌଣସି ଗୋଟିଏ କରନ୍ତୁ:

    • ୱେବ୍ ବିଷୟବସ୍ତୁ ପାଇଁ ପ୍ରତିବନ୍ଧକ ପରିବର୍ତ୍ତନ କରନ୍ତୁ: “ୱେବ୍ ବିଷୟବସ୍ତୁ”ରେ ଟାପ୍ କରନ୍ତୁ, ତା’ପରେ ଏକ ବିକଳ୍ପ ବାଛନ୍ତୁ।

    • ଆପ୍ ବ୍ୟବହାର କରିବା ପାଇଁ ଏକ ରେଟିଂ ସେଟ୍ କରନ୍ତୁ: “ଆପ୍”ରେ ଟାପ୍ କରନ୍ତୁ, ତା’ପରେ ଆପ୍ ବ୍ଯବହାରକୁ ଅନୁମତି ଦେବା ପାଇଁ ଏକ ବୟସ-ଉପଯୁକ୍ତ ରେଟିଂ ବାଛନ୍ତୁ (ଉଦାହରଣ ସ୍ୱରୂପ, “ଅନୁମତି ଦିଅନ୍ତୁ ନାହିଁ”, 4+, 9+) କିମ୍ବା “ବୟସ ନିର୍ବିଶେଷରେ ଆପ୍ ବ୍ଲକ୍ କରିବାକୁ “ଅନୁମତି ଦିଅନ୍ତୁ ନାହିଁ” ବାଛନ୍ତୁ।

    • ମିଡିଆ ବିଷୟବସ୍ତୁକୁ ଅନୁମତି ଦିଅନ୍ତୁ କିମ୍ବା ବ୍ଲକ୍ କରନ୍ତୁ: ଏକ ପ୍ରକାରର ମିଡିଆର ବିଷୟବସ୍ତୁ ଉପରେ ଟାପ୍ କରନ୍ତୁ, ତା’ପରେ ଏହା ପାଇଁ ଏକ ବୟସ-ଉପଯୁକ୍ତ ରେଟିଂ ବାଛନ୍ତୁ।

  4. ସ୍କ୍ରୀନ୍ ଟାଇମ୍ ବିକଳ୍ପ ସେଟ୍ ଅପ୍ କରିବା ପାଇଁ ଅନ୍‌ସ୍କ୍ରୀନ୍ ନିର୍ଦ୍ଦେଶାବଳୀ ଅନୁସରଣ କରନ୍ତୁ।

    ସ୍କ୍ରୀନ୍ ଟାଇମ୍ ବିଷୟରେ ସୂଚନା ପାଇଁ, ଜଣେ ପରିବାର ସଦସ୍ଯଙ୍କ ପାଇଁ ସ୍କ୍ରୀନ୍ ଟାଇମ୍ ସେଟ୍ ଅପ୍ କରନ୍ତୁ ଦେଖନ୍ତୁ।

    ଭିନ୍ନ ଭିନ୍ନ କଣ୍ଟେଣ୍ଟ୍ ଓ ଗୋପନୀୟତା କଟକଣା ବିଷୟରେ ଅଧିକ ଜାଣିବା ପାଇଁ Apple ସହାୟତା ଆର୍ଟିକଲ୍ ”ଆପଣଙ୍କ ପିଲାଙ୍କ iPhone, iPad, ଓ iPod touch ରେ ପ୍ୟାରେଣ୍ଟଲ୍ କଣ୍ଟ୍ରୋଲ୍ ବ‍୍ୟବହାର କରନ୍ତୁ” ଦେଖନ୍ତୁ।

ଯଦି ଆପଣଙ୍କ ପିଲା ଅଧିକ ସ୍କ୍ରୀନ୍ ଟାଇମ୍ ପାଇଁ ଅନୁରୋଧ କରେ, ତେବେ ଆପଣ ସେଟିଂସ୍ ସ୍କ୍ରୀନ୍ ଟାଇମ୍ କିମ୍ବା ମେସେଜ୍ ରେ ଅନୁରୋଧକୁ ଅନୁମୋଦନ କିମ୍ବା ଅସ୍ୱୀକାର କରିପାରିବେ।

ଜଣେ ପିଲାଙ୍କ ପାଇଁ “କିଣିବା ପାଇଁ ପଚାରନ୍ତୁ” ଚାଲୁ କରନ୍ତୁ

“ଆପଣ କିଣିବା ପାଇଁ ପଚାରନ୍ତୁ” ସେଟ୍ ଅପ୍ କରିବା ସମୟରେ, ପରିବାର ଗ୍ରୂପ୍‌ରେ ଏକ ପିଲାର କ୍ରୟ ଫ୍ଯାମିଲି ଅର୍ଗାନାଇଜର୍ କିମ୍ବା ପିତାମାତା କିମ୍ବା ଅଭିଭାବକଙ୍କ ଦ୍ବାରା ଅନୁମୋଦନ ପ୍ରାପ୍ତ କରିଥିବା ଆବଶ୍ଯକ।

  1. ଆପଣଙ୍କ iPhone ରେ ଥିବା ସେଟିଂସ୍ ଆପ୍  କୁ ଯାଆନ୍ତୁ।

  2. ପରିବାରରେ ଟାପ୍ କରନ୍ତୁ, ତା’ପରେ ଯେଉଁ ପିଲାଙ୍କ ପାଇଁ “କିଣିବାକୁ ପଚାରନ୍ତୁ” ସେଟ୍ ଅପ୍ କରିବାକୁ ଚାହୁଁଛନ୍ତି ତାଙ୍କୁ ଚୟନ କରନ୍ତୁ।

  3. “କିଣିବା ପାଇଁ ପଚାରନ୍ତୁ”ରେ ଟାପ୍ କରନ୍ତୁ, ତା’ପରେ “କିଣିବା ପାଇଁ ପଚାରନ୍ତୁ” ଚାଲୁ କରନ୍ତୁ।

“କିଣିବାକୁ ପଚାରନ୍ତୁ” ଅନୁରୋଧର ଉତ୍ତର କିପରି ଦେବେ ସେ ସମ୍ବନ୍ଧୀୟ ସୂଚନା ପାଇଁ, “Apple ସହାୟତା ଆର୍ଟିକଲ୍ ”କିଣିବାକୁ ପଚାରନ୍ତୁ” ଅନୁରୋଧ ସହାୟତାରେ ପିଲାମାନେ କ’ଣ କିଣୁଛନ୍ତି ତାହା ଅନୁମୋଦନ କରନ୍ତୁ” ଦେଖନ୍ତୁ।

ଧ‍୍ୟାନ ଦିଅନ୍ତୁ: “କିଣିବାକୁ କୁହନ୍ତୁ” ପାଇଁ ବୟସ ସୀମା ଅଞ୍ଚଳ ଅନୁସାରେ ଭିନ୍ନ ଭିନ୍ନ ହୋଇଥାଏ। ଯୁକ୍ତରାଷ୍ଟ୍ର ଆମେରିକାରେ, 18 ବର୍ଷରୁ କମ୍ ବୟସର କୌଣସି ପରିବାର ସଦସ୍ଯଙ୍କ ପାଇଁ “କିଣିବାକୁ ପଚାରନ୍ତୁ”କୁ ଫ‍୍ୟାମିଲି ଅର୍ଗାନାଇଜର୍ ଚାଲୁ କରିପାରିବେ; 13 ବର୍ଷରୁ କମ୍ ବୟସର ପିଲାମାନଙ୍କ ପାଇଁ, ଏହା ଡିଫଲ୍ଟ୍ ଭାବରେ ଚାଲୁ ଅଛି।

ଜଣେ ପିଲାର ବ୍ୟତିକ୍ରମ ଅନୁରୋଧର ଉତ୍ତର ଦିଅନ୍ତୁ

ଯଦି ଆପଣଙ୍କ ପାଖରେ “କିଣିବାକୁ ପଚାରନ୍ତୁ” ଏବଂ “ଆପ୍ ପ୍ରତିବନ୍ଧକ” ସେଟ୍ ଅପ୍ ଅଛି, ତେବେ ଆପଣଙ୍କ ପିଲା ସେମାନଙ୍କ ପାଇଁ ସେଟ୍ କରାଯାଇଥିବା ବୟସ ପ୍ରତିବନ୍ଧକ ଉପରେ ଥିବା ଏକ ଆପ୍ କିମ୍ବା ଏକ ଗେମ୍ ଡାଉନ୍‌ଲୋଡ୍ କରିବାକୁ ଏକ ବ୍ଯତିକ୍ରମ ପାଇଁ କହିପାରିବେ।

ଆପ୍ ପ୍ରତିବନ୍ଧକ ବିଷୟରେ ସୂଚନା ପାଇଁ, “iPhone ରେ ଜଣେ ପିଲାଙ୍କ ପାଇଁ ସ୍କ୍ରୀନ୍ ଟାଇମ୍ ସେଟ୍ ଅପ୍ କରନ୍ତୁ” ଦେଖନ୍ତୁ।

  • ନୋଟିଫିକେଶନ୍ କିମ୍ବା ମେସେଜ୍ ବ୍ୟବହାର କରି ଉତ୍ତର ଦିଅନ୍ତୁ: ଆପଣଙ୍କ ପିଲା ସହିତ ଥିବା ନୋଟିଫିକେଶନ୍ କିମ୍ବା ମେସେଜ୍‌ରେ (କିମ୍ବା ଆପଣଙ୍କ ପିଲା ଏବଂ ଅନ୍ୟ ପିତାମାତା/ଅଭିଭାବକ), “ଅନୁରୋଧ ସମୀକ୍ଷା କରନ୍ତୁ”ରେ ଟାପ୍ କରନ୍ତୁ, ତା’ପରେ “ଅନୁମୋଦନ କରନ୍ତୁ” କିମ୍ବା “ଅସ୍ୱୀକାର କରନ୍ତୁ”ରେ ଟାପ୍ କରନ୍ତୁ।

  • ସେମାନଙ୍କ ଡିଭାଇସ୍‌ରେ ସିଧାସଳଖ ଉତ୍ତର ଦିଅନ୍ତୁ: iPhone କିମ୍ବା iPad ରେ, App Store କିମ୍ବା Games ଆପ୍ କୁ ଯାଆନ୍ତୁ, ତା’ପରେ ସମ୍ପୃକ୍ତ ଆପ୍ କିମ୍ବା ଗେମ୍‌ରେ ଟାପ୍ କରନ୍ତୁ। “ବ୍ୟକ୍ତିଗତ ଭାବେ ଅନୁମୋଦନ କରନ୍ତୁ”ରେ ଟାପ୍ କରନ୍ତୁ, ତା’ପରେ ଆପଣଙ୍କ Apple ଆକାଉଣ୍ଟ୍ ସୂଚନା ଲେଖନ୍ତୁ। Mac ରେ, App Store କୁ ଯାଆନ୍ତୁ, ତା’ପରେ ସମ୍ପୃକ୍ତ ଆପ୍ କିମ୍ବା ଗେମ୍‌ରେ କ୍ଲିକ୍ କରନ୍ତୁ। “ବ୍ୟକ୍ତିଗତ ଭାବେ ଅନୁମୋଦନ କରନ୍ତୁ”ରେ କ୍ଲିକ୍ କରନ୍ତୁ, ତା’ପରେ ଆପଣଙ୍କ Apple ଆକାଉଣ୍ଟ୍ ସୂଚନା ଲେଖନ୍ତୁ।

ଆପଣ ସେଟିଂସ୍ > ସ୍କ୍ରୀନ୍ ଟାଇମ୍ > [ଆପଣଙ୍କ ପିଲାର ନାମ] > କଣ୍ଟେଣ୍ଟ୍ ଓ ଗୋପନୀୟତା ପ୍ରତିବନ୍ଧକ > App Store, ମିଡିଆ, ୱେବ୍ ଏବଂ ଗେମ୍ > ଆପ୍‌କୁ ଯାଇ ଆପଣଙ୍କ ପିଲାର ପୂର୍ବରୁ ଅନୁମୋଦିତ ଆପ୍ ବ୍ୟତିକ୍ରମର ଏକ ଲିଷ୍ଟ୍ ଦେଖିପାରିବେ ଏବଂ ପରିଚାଳନା କରିପାରିବେ।

ଆପଣ ଗୋଟିଏ ପିଲା ପାଇଁ Apple Cash ପାରିବାରିକ ଆକାଉଣ୍ଟକୁ ମଧ୍ଯ ସେଟ୍ ଅପ୍ କରିପାରିବେ। ଫ୍ୟାମିଲି ଶେୟରିଂ ସହିତ Apple Cash ଓ Apple Card ବ୍ଯବହାର କରନ୍ତୁ (କେବଳ U.S.) ଦେଖନ୍ତୁ।

ଏହା ମଧ‍୍ୟ ଦେଖନ୍ତୁApple ସହାୟତା ଆର୍ଟିକଲ୍: ଯଦି ଆପଣ ନିଜର ସ୍କ୍ରୀନ୍ ଟାଇମ୍ ପାସ୍‌କୋଡ୍ ଭୁଲିଯାଇଛନ୍ତିApple ସହାୟତା ଆର୍ଟିକଲ୍: ଯଦି “କିଣିବାକୁ ପଚାରନ୍ତୁ” କାମ କରୁନାହିଁiPhone ରେ ଜଣେ ପିଲାଙ୍କ ପାଇଁ ସ୍କ୍ରୀନ୍ ଟାଇମ୍ ସେଟ୍ ଅପ୍ କରନ୍ତୁ
Morty Proxy This is a proxified and sanitized view of the page, visit original site.
ସହାୟକ କି?
କ‍୍ୟାରେକ୍ଟର୍ ସୀମା: 250
ସର୍ବାଧିକ କ‍୍ୟାରେକ୍ଟର୍ ସୀମା 250 ଅଟେ।
ଆପଣଙ୍କ ମତାମତ ପାଇଁ ଧନ‍୍ୟବାଦ।
Morty Proxy This is a proxified and sanitized view of the page, visit original site.