iOS 26
iOS 18
ଏହି କଣ୍ଟ‍୍ରୋଲ୍‌କୁ ପରିବର୍ତ୍ତନ କରିବା ଫଳରେ ଏହି ପୃଷ୍ଠା ସ୍ବୟଂଚାଳିତ ଭାବରେ ଅପ୍‌ଡେଟ୍ ହୋଇଯିବ

iPhone ରେ ଥିବା FaceTime ରେ ଏକାଠି ଦେଖିବା, ଶୁଣିବା ଏବଂ ଖେଳିବା ପାଇଁ SharePlay ବ୍ଯବହାର କରନ୍ତୁ

FaceTime ଆପ୍‌ରେ SharePlay ସହିତ, ଆପଣ FaceTime କଲ୍‌ରେ ଥିବା ସମୟରେ ବନ୍ଧୁ ଏବଂ ପରିବାର ସହିତ ସମନ୍ୱୟ ରକ୍ଷା କରି TV ଶୋ', ମୂଭି ଏବଂ ମ୍ଯୂଜିକ୍ ଷ୍ଟ୍ରୀମ୍ କରିପାରିବେ। ଆପଣ ଏକ FaceTime କଲ୍ ସମୟରେ ଏବଂ ବନ୍ଧୁମାନଙ୍କ ସହିତ Game Center ରେ ସମର୍ଥିତ ମଲ୍ଟିପ୍ଲେୟର୍ ଗେମ୍ ମଧ୍ୟ ଖେଳିପାରିବେ ଏବଂ ଏକାଠି ସମର୍ଥିତ ଲାଇଭ୍ ସ୍ପୋର୍ଟ୍ସ୍ ଇଭେଣ୍ଟ୍‌ଗୁଡ଼ିକ ଦେଖିପାରିବେ।

ଧ‍୍ୟାନ ଦିଅନ୍ତୁ: ଦୁଇଟି iPhone କୁ ଏକାଠି ହୋଲ୍ଡ୍ କରି ଆପଣ ତତ୍କାଳ SharePlay ଆରମ୍ଭ କରିପାରିବେ। “ଦୁଇଟି iPhone କୁ ପାଖାପାଖି ହୋଲ୍ଡ୍ କରି ଏକ SharePlay ସେଶନ୍ ଆରମ୍ଭ କରନ୍ତୁ” ଦେଖନ୍ତୁ।

FaceTime କଲ୍ ସମୟରେ SharePlay କୁ ଅନ୍ଯ ଆପ୍‌ରେ ମଧ୍ଯ ବ୍ଯବହାର କରାଯାଇପାରିବ। କେଉଁ ଆପ୍‌ଗୁଡ଼ିକ ସମର୍ଥିତ ତାହା ଦେଖିବା ପାଇଁ “ଅଧିକ” ବଟନ୍ ରେ ଟାପ୍ କରନ୍ତୁ, SharePlay ରେ ଟାପ୍ କରନ୍ତୁ, ତା’ପରେ ଆପ୍ ମାଧ୍ଯମରେ ସ୍କ୍ରୋଲ୍ କରନ୍ତୁ।

ଧ‍୍ୟାନ ଦିଅନ୍ତୁ: Apple TV (ପୂର୍ବରୁ Apple TV+ ଥିଲା, ଯାହା କିଛି ଦେଶ ଓ ଅଞ୍ଚଳରେ Friday Night Baseball, Sunday Night Soccer କିମ୍ବା ଉଭୟକୁ ଅନ୍ତର୍ଭୁକ୍ତ କରେ), MLS Season Pass (ଯାହା Sunday Night Soccer କୁ ଅନ୍ତର୍ଭୁକ୍ତ କରେ), Apple TV ଚ୍ୟାନେଲ୍ ଓ SharePlay ସମର୍ଥନ କରୁଥିବା କିଛି ଆପ୍ ପାଇଁ ସବ୍‌ସ୍କ୍ରିପ୍ସନ୍ ଆବଶ୍ୟକ। ଏକ ମୂଭି କିମ୍ବା TV ଶୋ’ କିମ୍ବା ଲାଇଭ୍ ସ୍ପୋର୍ଟସ୍ ଏକାଠି ଦେଖିବା ପାଇଁ, ପ୍ରତ୍ୟେକ ଅଂଶଗ୍ରହଣକାରୀଙ୍କୁ ସର୍ବନିମ୍ନ ସିଷ୍ଟମ୍ ଆବଶ୍ୟକତା ପୂରଣ କରୁଥିବା ନିଜ ଡିଭାଇସ୍‌ରେ, ସବ୍‌ସ୍କ୍ରିପ୍ସନ୍ କିମ୍ବା କ୍ରୟ ମାଧ୍ୟମରେ ବିଷୟବସ୍ତୁ ଆକ୍ସେସ୍ କରିବାକୁ ହେବ। SharePlay ବିଭିନ୍ନ ଦେଶ କିମ୍ବା ଅଞ୍ଚଳରେ କିଛି ମୂଭି, TV ଶୋ' କିମ୍ବା ଲାଇଭ୍ ସ୍ପୋର୍ଟ୍ସ୍ ଇଭେଣ୍ଟ୍ ଶେୟର୍ କରିବାକୁ ସମର୍ଥନ କରିନପାରେ। FaceTime, ଗ୍ରୂପ୍ FaceTime, କିଛି FaceTime ଫୀଚର୍ ଏବଂ ଅନ୍ୟ Apple ସେବାଗୁଡ଼ିକ ସମସ୍ତ ଦେଶ କିମ୍ବା ଅଞ୍ଚଳରେ ଉପଲବ୍ଧ ହୋଇନପାରେ।

FaceTime କଲ୍ ସମୟରେ ଭିଡିଓ ଏକାଠି ଦେଖନ୍ତୁ

FaceTime କଲ୍ ସମୟରେ, ସିଙ୍କ୍ କରି ଆପଣ ବନ୍ଧୁ ଏବଂ ପରିବାର ସହିତ ସହ ମୂଭି ଏବଂ TV ଶୋ’ ଦେଖିପାରିବେ। ଆପଣ ସମର୍ଥିତ ଲାଇଭ୍ ସ୍ପୋର୍ଟ୍ସ୍ ଇଭେଣ୍ଟ୍ ମଧ୍ଯ ଦେଖିପାରିବେ।

  1. ଏକ FaceTime କଲ୍ କିମ୍ବା ଏକ ଗ୍ରୁପ୍ FaceTime କଲ୍ ଆରମ୍ଭ କରନ୍ତୁ।

  2. “ଅଧିକ” ବଟନ୍ ରେ ଟାପ୍ କରନ୍ତୁ, SharePlay ରେ ଟାପ୍ କରନ୍ତୁ, ତା'ପରେ "ଏକାଠି ଶୁଣନ୍ତୁ ଏବଂ ଚଲାନ୍ତୁ" ତଳେ "ଏକ ଆପ୍"ରେ ଟାପ୍ କରନ୍ତୁ (ଉଦାହରଣ ସ୍ୱରୂପ, Apple TV ଆପ୍)।

    ବିକଳ୍ପ ଭାବରେ ଆପଣ ହୋମ୍ ସ୍କ୍ରୀନ୍‌କୁ ଯାଆନ୍ତୁ, ତା'ପରେ, SharePlay ସମର୍ଥନ କରୁଥିବା ଏକ ଭିଡିଓ ଷ୍ଟ୍ରିମିଂ ଆପ୍ ଖୋଲନ୍ତୁ।

  3. ଆପଣ ଦେଖିବାକୁ ଚାହୁଁଥିବା ଏକ ଶୋ’, ମୂଭି କିମ୍ବା ଲାଇଭ୍ ସ୍ପୋର୍ଟସ୍ ଇଭେଣ୍ଟ୍‌କୁ ଚୟନ କରନ୍ତୁ।

  4. ଚୟନ କରି କଲ୍‌ରେ ଥିବା ସମସ୍ତଙ୍କ ସହ ଦେଖିବା ଆରମ୍ଭ କରିବାକୁ, “ଚଲାନ୍ତୁ” ବଟନ୍‌ରେ ଟାପ୍ କରନ୍ତୁ, ତା’ପରେ SharePlay ଚୟନ କରନ୍ତୁ (ଯଦି ଏହା ଦେଖାଯାଏ)। (ଭିଡିଓ ଦେଖିବା ପାଇଁ କଲ୍‌ରେ ଥିବା ଅନ୍ଯମାନଙ୍କୁ “SharePlay ରେ ଯୋଗ ଦିଅନ୍ତୁ”ରେ ଟାପ୍ କରିବାକୁ ପଡ଼ିପାରେ।)

    କଲ୍‌ରେ ଥିବା ସମସ୍ତ ବ୍ଯକ୍ତି ଯେଉଁମାନଙ୍କ ପାଖରେ କଣ୍ଟେଣ୍ଟ୍‌ର ଆକ୍ସେସ୍ ଅଛି, ସେମାନଙ୍କ ପାଇଁ ଭିଡିଓ ଏକା ସମୟରେ ଚାଲିବା ଆରମ୍ଭ କରେ। ଯେଉଁ ଲୋକମାନଙ୍କ ପାଖରେ ଆକ୍ସେସ୍ ନାହିଁ, ସେମାନଙ୍କୁ ଆକ୍ସେସ୍ (ସବ୍‌ସ୍କ୍ରିପ୍‌ଶନ୍, ଏକ ଟ୍ରାଞ୍ଜେକ୍ସନ୍ କିମ୍ବା ଏକ ମାଗଣା ଟ୍ରାୟଲ୍ ମାଧ୍ଯମରେ, ଯଦି ଉପଲବ୍ଧ ଥାଏ) ପାଇବାକୁ କୁହାଯାଇଛି।

ବିଷୟବସ୍ତୁ ଦେଖୁଥିବା ପ୍ରତ୍ଯେକ ବ୍ଯକ୍ତି ପ୍ଲେ, ପୋଜ୍, ରିୱାଇଣ୍ଡ୍ କିମ୍ବା ଫାଷ୍ଟ୍-ଫର୍‌ୱର୍ଡ୍ କରିବା ପାଇଁ ପ୍ଲେବ୍ଯାକ୍ କଣ୍ଟ୍ରୋଲ୍ ବ୍ଯବହାର କରିପାରିବେ। (କ୍ଲୋଜ୍ ହୋଇଥିବା କ୍ଯାପ୍ସନିଂ ଏବଂ ଭଲ୍ଯୁମ୍ ପରି ସେଟିଂସ୍ ପ୍ରତ୍ଯେକ ବ୍ଯକ୍ତିଙ୍କ ଦ୍ୱାରା ପୃଥକ୍ ଭାବରେ ନିୟନ୍ତ୍ରିତ ହୋଇଥାଏ।)

ଆପଣ ଅନ୍ୟ ଆପ୍ ବ୍ୟବହାର କରୁଥିବା ସମୟରେ ଭିଡିଓ ଦେଖିବା ଜାରି ରଖିବା ପାଇଁ ପିକ୍ଚର୍ ଇନ୍ ପିକ୍ଚର୍ ବ୍ୟବହାର କରିପାରିବେ- ଖାଦ୍ୟ ଅର୍ଡର୍ କରିପାରିବେ, ଆପଣଙ୍କ ଇମେଲ୍ ଯାଞ୍ଚ କରିପାରିବେ କିମ୍ବା ଯେତେବେଳେ ଆପଣ ମୂଭି କିମ୍ବା ଶୋ’ର ସାଉଣ୍ଡ୍‌ରେ ବାଧା ଦେବାକୁ ଚାହାନ୍ତି ନାହିଁ, ସେତେବେଳେ ଟେକ୍ସ୍‌ଟ୍ ସାହାଯ୍ଯରେ ଆଲୋଚନା କରିବା ପାଇଁ ମେସେଜ୍ ଆପ୍‌କୁ ଯାଇପାରିବେ।

FaceTime କଲ୍ ସମୟରେ, ଏକ ସମର୍ଥିତ ଆପ୍‌ରୁ ଏକାଠି ଭିଡିଓ ଦେଖିବା ପାଇଁ ବନ୍ଧୁମାନଙ୍କୁ ଆମନ୍ତ୍ରଣ କରନ୍ତୁ

ଆପଣ ସର୍ବନିମ୍ନ ସିଷ୍ଟମ୍ ଆବଶ୍ୟକତା ପୂରଣ କରୁଥିବା ଏକ iPhone ରେ, ଭିଡିଓ ବିଷୟବସ୍ତୁ ବ୍ରାଉଜିଂ କରୁଥିବା କିମ୍ବା ଦେଖୁଥିବା ସମୟରେ Apple TV ଆପ୍ (କିମ୍ବା ଅନ୍ୟ ସମର୍ଥିତ ଭିଡିଓ ଆପ୍)ରେ ଏକ FaceTime କଲ୍ ଆରମ୍ଭ କରିପାରିବେ ଏବଂ SharePlay ବ୍ୟବହାର କରି ଅନ୍ୟମାନଙ୍କ ସହିତ ସିଙ୍କ୍‌ରେ ଆଇଟମ୍ ଶେୟର୍ କରିପାରିବେ। କଲ୍‌ରେ ଥିବା ସମସ୍ତେ ସବ୍‌ସ୍କ୍ରିପ୍ସନ୍ କିମ୍ବା କ୍ରୟ ମାଧ୍ଯମରେ ନିଜ ଡିଭାଇସ୍‌ରେ ସମାନ ପ୍ରକାରର ବିଷୟବସ୍ତୁ ଆକ୍ସେସ୍ କରିବାର ଆବଶ୍ଯକତା ରହିଛି।

  1. Apple TV ଆପ୍ ରେ (କିମ୍ବା ଅନ୍ଯ ସମର୍ଥିତ ଭିଡିଓ ଆପ୍‌ରେ), ଆପଣ ଶେୟର୍ କରିବାକୁ ଚାହୁଁଥିବା ଏକ ଶୋ’, ମୂଭି କିମ୍ବା ଲାଇଭ୍ ସ୍ପୋର୍ଟ୍ସ୍ ଇଭେଣ୍ଟ୍ ଖୋଜନ୍ତୁ।

  2. ଆଇଟମ୍‌ର ବିବରଣୀ ଦେଖିବା ପାଇଁ ଏହା ଉପରେ ଟାପ୍ କରନ୍ତୁ, “ଶେୟର୍ କରନ୍ତୁ” ବଟନ୍ ରେ ଟାପ୍ କରନ୍ତୁ, ତା’ପରେ “SharePlay” ବଟନ୍ ରେ ଟାପ୍ କରନ୍ତୁ।

  3. “To” ଫିଲ୍ଡ୍‌ରେ, ଆପଣ ଶେୟର୍ କରିବାକୁ ଚାହୁଁଥିବା କଣ୍ଟାକ୍ଟ୍ ଲେଖନ୍ତୁ, ତା’ପରେ “FaceTime”ରେ ଟାପ୍ କରନ୍ତୁ।

  4. ଯେତେବେଳେ FaceTime କଲ୍ ସଂଯୋଗ ହୁଏ, SharePlay ବ୍ୟବହାର ଆରମ୍ଭ କରିବାକୁ "ଆରମ୍ଭ କରନ୍ତୁ କିମ୍ୱା ଚଲାନ୍ତୁ”ରେ ଟାପ୍ କରନ୍ତୁ।

    ଦେଖିବା ଆରମ୍ଭ କରିବା ପାଇଁ, ପ୍ରାପ୍ତକର୍ତ୍ତାମାନେ “ଖୋଲନ୍ତୁ”ରେ ଟାପ୍ କରନ୍ତି।

ଧ‍୍ୟାନ ଦିଅନ୍ତୁ: ଯଦି ବିଷୟବସ୍ତୁ ସବ୍‌ସ୍କ୍ରିପ୍ସନ୍ ଆବଶ୍ଯକ କରେ, ତେବେ ସବ୍‌ସ୍କ୍ରାଇବର୍ ନଥିବା ଲୋକମାନେ ଦେଖିବା ପୂର୍ବରୁ ସବ୍‌ସ୍କ୍ରାଇବ୍ କରିପାରିବେ।

ଭିଡିଓ ଚାଲିବା ଆରମ୍ଭ ହେବା ପରେ, ଆପଣ ଏହାକୁ Apple TV 4K କୁ ଷ୍ଟ୍ରୀମ୍ କରିପାରିବେ। “SharePlay ରେ ଆପଣ ଯାହା ଦେଖୁଛନ୍ତି ତାହା Apple TV 4K କୁ ପଠାନ୍ତୁ” ଦେଖନ୍ତୁ।

ଆପଣ SharePlay ରେ ଯାହା ଦେଖୁଛନ୍ତି ତାହା Apple TV 4K କୁ ପଠାନ୍ତୁ

ଯଦି ଆପଣ ପୂର୍ବରୁ iPhone ରେ ଏକାଠି ଏକ ଭିଡିଓ ଦେଖିବା ଆରମ୍ଭ କରିସାରିଛନ୍ତି, ତେବେ ଆପଣ ଏହାକୁ ବଡ଼ ସ୍କ୍ରୀନ୍‌ରେ ଉପଭୋଗ କରିବା ପାଇଁ Apple TV 4K କୁ ପଠାଇପାରିବେ।

iPhone ରେ, ନିମ୍ନଲିଖିତ ମଧ୍ଯରୁ ଗୋଟିଏ କରନ୍ତୁ:

  • ଷ୍ଟ୍ରିମିଂ ଆପ୍‌ରେ, “AirPlay” ବଟନ୍ରେ ଟାପ୍ କରନ୍ତୁ, ତା'ପରେ Apple TV କୁ ପ୍ଲେବ୍ୟାକ୍ ଗନ୍ତବ୍ୟସ୍ଥଳ ଭାବରେ ଚୟନ କରନ୍ତୁ।

  • କଣ୍ଟ୍ରୋଲ୍ ସେଣ୍ଟର୍ ଖୋଲନ୍ତୁ, “AirPlay” ବଟନ୍ ରେ ଟାପ୍ କରନ୍ତୁ, ତା’ପରେ Apple TV କୁ ପ୍ଲେବ୍ୟାକ୍ ଗନ୍ତବ୍ୟ ଭାବରେ ବାଛନ୍ତୁ।

Apple TV 4K ରେ ଭିଡିଓ ସିଙ୍କ୍‌ରେ ଚାଲେ ଏବଂ ଆପଣ ନିଜ iPhone ରେ ବାର୍ତ୍ତାଳାପ ଜାରି ରଖିପାରିବେ।

Apple TV 4K ୟୁଜର୍ ଗାଇଡ୍‌ରେ “SharePlay ବ୍ୟବହାର କରି ଏକାଠି ଦେଖନ୍ତୁ” ଦେଖନ୍ତୁ।

FaceTime କଲ୍ ସମୟରେ ଏକାଠି ମ୍ଯୁଜିକ୍ ଶୁଣନ୍ତୁ

FaceTime କଲ୍‌ରେ ଆପଣ ଅନ୍ଯମାନଙ୍କ ସହ ମିଶି ଏକ ଆଲ୍‌ବମ୍ କିମ୍ବା ଫେଭରିଟ୍ ପ୍ଲେଲିଷ୍ଟ୍ ଶୁଣି ପାରିବେ। କଲ୍‌ରେ ଥିବା ଯେକୌଣସି ବ୍ୟକ୍ତି ଯାହାର ଏକ ଡିଭାଇସ୍‌ରେ ମ୍ୟୁଜିକ୍ ଆକ୍ସେସ୍ ଅଛି (ଉଦାହରଣ ସ୍ୱରୂପ, ଏକ ସବ୍‌ସ୍କ୍ରିପ୍ସନ୍, ନେଣଦେଣ, କିମ୍ବା ଏକ ଦେୟମୁକ୍ତ ପରୀକ୍ଷଣ ମାଧ୍ୟମରେ) ଯାହା ସର୍ବନିମ୍ନ ସିଷ୍ଟମ୍ ଆବଶ୍ୟକତା ପୂରଣ କରିପାରେ, ଶୁଣିପାରେ, ପରବର୍ତ୍ତୀ କ'ଣ ଅଛି ଦେଖିପାରେ, ଏକ ଶେୟର୍ ହୋଇଥିବା ଧାଡ଼ିରେ ଗୀତ ଯୋଡିପାରେ ଇତ୍ଯାଦି।

  1. ଏକ FaceTime କଲ୍ କିମ୍ବା ଏକ ଗ୍ରୁପ୍ FaceTime କଲ୍ ଆରମ୍ଭ କରନ୍ତୁ।

  2. “ଅଧିକ” ବଟନ୍ ରେ ଟାପ୍ କରନ୍ତୁ, SharePlay ରେ ଟାପ୍ କରନ୍ତୁ, ତା'ପରେ "ଏକାଠି ଶୁଣନ୍ତୁ ଏବଂ ଚଲାନ୍ତୁ”ର ନିମ୍ନରେ ଥିବା ଏକ ମ୍ୟୂଜିକ୍ ଷ୍ଟ୍ରିମିଂ ଆପ୍‌ରେ ଟାପ୍ କରନ୍ତୁ (ଉଦାହରଣ ସ୍ୱରୂପ, ମ‍୍ୟୂଜିକ୍ ଆପ୍)।

    ବିକଳ୍ପ ଭାବରେ, ଆପଣ ହୋମ୍ ସ୍କ୍ରୀନ୍‌କୁ ଯାଇପାରିବେ, ତା'ପରେ, SharePlay ସମର୍ଥିତ ଏକ ମ‍୍ୟୂଜିକ୍ ଷ୍ଟ୍ରିମିଂ ଆପ୍ ଖୋଲନ୍ତୁ।

  3. ଆପଣ ଶୁଣିବାକୁ ଚାହୁଁଥିବା ମ୍ଯୁଜିକ୍ ଚୟନ କରନ୍ତୁ, ତା’ପରେ ଏକାଠି ମ୍ଯୁଜିକ୍ ଶୁଣିବା ଆରମ୍ଭ କରିବା ପାଇଁ “ଚଲାନ୍ତୁ”ବଟନ୍‌ରେ ଟାପ୍ କରନ୍ତୁ। (ମ୍ଯୁଜିକ୍ ଶୁଣିବା ପାଇଁ କଲ୍‌ରେ ଥିବା ଅନ୍ଯମାନଙ୍କୁ “SharePlay ରେ ଯୋଗ ଦିଅନ୍ତୁ”ରେ ଟାପ୍ କରିବାକୁ ପଡ଼ିପାରେ।)

    କଲ୍‌ରେ ଥିବା ପ୍ରତ୍ଯେକଙ୍କ ପାଇଁ, ଯେଉଁମାନଙ୍କ ପାଖରେ ବିଷୟବସ୍ତୁର ଆକ୍ସେସ୍ ଅଛି ସେମାନଙ୍କ ପାଇଁ ମ୍ୟୁଜିକ୍ ଏକା ସମୟରେ ଚାଲୁହେବା ଆରମ୍ଭ କରେ। ଯେଉଁ ଲୋକମାନଙ୍କ ପାଖରେ ଆକ୍ସେସ୍ ନାହିଁ, ସେମାନଙ୍କୁ ଆକ୍ସେସ୍ (ସବ୍‌ସ୍କ୍ରିପ୍‌ଶନ୍, ଏକ ଟ୍ରାଞ୍ଜେକ୍ସନ୍ କିମ୍ବା ଏକ ମାଗଣା ଟ୍ରାୟଲ୍ ମାଧ୍ଯମରେ, ଯଦି ଉପଲବ୍ଧ ଥାଏ) ପାଇବାକୁ କୁହାଯାଇଛି।

ଗୀତକୁ ପୋଜ୍, ରିୱାଇଣ୍ଡ୍, ଫାଷ୍ଟ୍-ଫର୍‌ୱର୍ଡ୍ କରିବା, ଏକ ଭିନ୍ନ ଭାଗକୁ ଯିବା ପାଇଁ ସ୍କ୍ରବ୍ କରିବା କିମ୍ବା ପରବର୍ତ୍ତୀ ଟ୍ରାକ୍‌କୁ ଯିବା ପାଇଁ ପ୍ରତ୍ଯେକ ବ୍ଯକ୍ତି ମ୍ଯୁଜିକ୍ କଣ୍ଟ୍ରୋଲ୍ ବ୍ଯବହାର କରିପାରିବେ। ଏବଂ କଲ୍‌ରେ ଥିବା ଯେକୌଣସି ବ୍ଯକ୍ତି ଶେୟର୍ ହୋଇଥିବା ଧାଡ଼ିରେ ଗୀତ ଯୋଡ଼ିପାରିବେ।

FaceTime କଲ୍ ସମୟରେ ଏକ ସମର୍ଥିତ ଆପ୍‌ରୁ ବନ୍ଧୁମାନଙ୍କୁ ଏକାଠି ମ୍ଯୁଜିକ୍ ଶୁଣିବା ପାଇଁ ଆମନ୍ତ୍ରଣ କରନ୍ତୁ

ଏକ iPhone ଯାହା ସର୍ବନିମ୍ନ ସିଷ୍ଟମ ଆବଶ୍ୟକତା ପୂରଣ କରେ, ସେଥିରେ ଆପଣ ମ୍ୟୁଜିକ୍ ଆପ୍ (କିମ୍ୱା ଅନ୍ୟ ସମର୍ଥିତ ମ୍ୟୁଜିକ୍ ଆପ୍)ରେ ଏକ FaceTime କଲ୍ ଆରମ୍ଭ କରିପାରିବେ ଏବଂ କଲ୍‌ରେ ଅନ୍ୟମାନଙ୍କ ସହିତ ସମନ୍ଵୟ ରକ୍ଷା କରି ମ୍ୟୁଜିକ୍ ଶେୟର୍ କରିବାକୁ SharePlay ବ୍ୟବହାର କରିପାରିବେ। ଗୀତକୁ ପୋଜ୍, ରିୱାଇଣ୍ଡ୍, ଫାଷ୍ଟ୍-ଫର୍‌ୱର୍ଡ୍ କରିବା କିମ୍ବା ଏହାର ଏକ ଭିନ୍ନ ଭାଗକୁ ଯିବା ପାଇଁ ସ୍କ୍ରବ୍ କରିବାକୁ ପ୍ରତ୍ଯେକ ବ୍ଯକ୍ତି ମ୍ଯୁଜିକ୍ କଣ୍ଟ୍ରୋଲ୍ ବ୍ଯବହାର କରିପାରିବେ। ଏବଂ SharePlay ବ୍ଯବହାର କରୁଥିବା ଯେକୌଣସି ବ୍ଯକ୍ତି ଶେୟର୍ ହୋଇଥିବା ଧାଡ଼ିରେ ଗୀତ ଯୋଡ଼ିପାରିବେ। ଆପଣ ଯେଉଁ ଲୋକମାନଙ୍କ ସହିତ ଶେୟର୍ କରିବାକୁ ଚାହାନ୍ତି, ସେମାନଙ୍କ ପାଖରେ ମ୍ଯୁଜିକ୍‌ର ଆକ୍ସେସ୍ ଥିବା ଆବଶ୍ଯକ (ଉଦାହରଣ ସ୍ୱରୂପ ସବ୍‌ସ୍କ୍ରିପ୍ସନ୍ ମାଧ୍ଯମରେ)।

  1. ମ‍୍ୟୂଜିକ୍ ଆପ୍ (କିମ୍ବା ଅନ୍ୟ ସମର୍ଥିତ ମ୍ୟୂଜିକ୍ ଆପ୍)କୁ ଯାଆନ୍ତୁ, ତା'ପରେ ଆପଣ ଶେୟର୍ କରିବାକୁ ଚାହୁଁଥିବା ମ୍ୟୂଜିକ୍‌ରେ ଟାପ୍ କରନ୍ତୁ।

  2. “ଅଧିକ” ବଟନ୍ ରେ ଟାପ୍ କରନ୍ତୁ, “ଶେୟର୍ କରନ୍ତୁ” ବଟନ୍ ରେ ଟାପ୍ କରନ୍ତୁ, ତା’ପରେ “SharePlay” ବଟନ୍ ରେ ଟାପ୍ କରନ୍ତୁ।

  3. “To” ଫିଲ୍ଡ୍‌ରେ, ଆପଣ ଶେୟର୍ କରିବାକୁ ଚାହୁଁଥିବା କଣ୍ଟାକ୍ଟ୍ ଲେଖନ୍ତୁ, ତା’ପରେ “FaceTime”ରେ ଟାପ୍ କରନ୍ତୁ।

  4. FaceTime କଲ୍ ସଂଯୋଗ ହେଲେ, “ଆରମ୍ଭ କରନ୍ତୁ”ରେ ଟାପ୍ କରନ୍ତୁ।

    ଶୁଣିବା ଆରମ୍ଭ କରିବାକୁ, ପ୍ରାପ୍ତକର୍ତ୍ତାମାନେ FaceTime କଣ୍ଟ୍ରୋଲ୍‌ର ଶୀର୍ଷରେ “ଗୀତ ଶୀର୍ଷକ”ରେ ଟାପ୍ କରନ୍ତି, ତାପରେ “ଖୋଲନ୍ତୁ”ରେ ଟାପ୍ କରନ୍ତି। କଲ୍‌ରେ ଥିବା ପ୍ରତ୍ଯେକଙ୍କ ପାଇଁ, ଯେଉଁମାନଙ୍କ ପାଖରେ ବିଷୟବସ୍ତୁର ଆକ୍ସେସ୍ ଅଛି ସେମାନଙ୍କ ପାଇଁ ମ୍ୟୁଜିକ୍ ଏକା ସମୟରେ ଚାଲୁହେବା ଆରମ୍ଭ କରେ।

ଧ‍୍ୟାନ ଦିଅନ୍ତୁ: ଯେଉଁମାନଙ୍କ ପାଖରେ ଆପଣଙ୍କ ଦ୍ୱାରା ଶେୟର୍ କରାଯାଇଥିବା ବିଷୟବସ୍ତୁର ଆକ୍ସେସ୍ ନାହିଁ, ସେମାନଙ୍କୁ ଆକ୍ସେସ୍ ପାଇବା ପାଇଁ କୁହାଯାଇଛି।

FaceTime କଲ୍ ସମୟରେ Game Center ରେ ବନ୍ଧୁମାନଙ୍କ ସହ ଗେମ୍ ଖେଳନ୍ତୁ

ଆପଣ ଏକ FaceTime କଲ୍‌ରେ Game Center ରେ ବନ୍ଧୁମାନଙ୍କ ସହିତ ସମର୍ଥିତ ମଲ୍ଟିପ୍ଲେୟର୍ ଗେମ୍ ଖେଳିପାରିବେ। ଆପଣ ପ୍ରଥମେ ସେଟିଂସ୍ ଆପ୍ ରେ ଆପଣଙ୍କ Game Center ପ୍ରୋଫାଇଲ୍ ସେଟ୍ ଅପ୍ ଏବଂ ପରିଚାଳନା କରିବା, ବନ୍ଧୁ ଯୋଡ଼ିବା ଆବଶ‍୍ୟକ, ତା’ପରେ, App Store ରେ Game Center ପାଇଁ ଏକ ସମର୍ଥିତ ମଲ୍ଟିପ୍ଲେୟର୍ ଗେମ୍ ଖୋଜନ୍ତୁ ଏବଂ ଡାଉନ୍‌ଲୋଡ୍ କରନ୍ତୁ।

ଏକ FaceTime କଲ୍ ସମୟରେ, ଗେମ୍ ଖୋଲନ୍ତୁ “SharePlay, ଆରମ୍ଭ କରନ୍ତୁ”ରେ ଟାପ୍ କରନ୍ତୁ, ତା'ପରେ ଅନ୍‌ସ୍କ୍ରୀନ୍ ନିର୍ଦ୍ଦେଶାବଳୀ ଅନୁସରଣ କରନ୍ତୁ।

“iPhone ରେ ଥିବା Apple Games ଆପ୍‌ରେ ବନ୍ଧୁମାନଙ୍କ ସହ ଖେଳନ୍ତୁ” ଦେଖନ୍ତୁ।

SharePlay ଆପଣଙ୍କୁ Apple Fitness+ ବ୍ଯବହାର କରି ଅନ୍ଯମାନଙ୍କ ସହିତ ଓ୍ବର୍କ୍‌ଆଉଟ୍ କରିବାକୁ ଦେଇଥାଏ। ଆପଣଙ୍କ iPhone, iPad, କିମ୍ୱା AppleTV ରେ Apple ସହାୟତା ଆର୍ଟିକଲ୍ Apple Fitness+ ସହିତ SharePlay ବ୍ୟବହାର କରନ୍ତୁ ଦେଖନ୍ତୁ।

ବାର୍ତ୍ତାଳାପ ସମୟରେ ଆପ୍, ୱେବ୍ ପେଜ୍ ଇତ୍ଯାଦି ଦେଖାଇବା ପାଇଁ ଆପଣ ନିଜ ସ୍କ୍ରୀନ୍ ମଧ୍ଯ ଶେୟର୍ କରିପାରିବେ। FaceTime କଲ୍‌ରେ ଆପଣଙ୍କ ସ୍କ୍ରୀନ୍ ଶେୟର୍ କରନ୍ତୁ ଦେଖନ୍ତୁ।

ଏହା ମଧ‍୍ୟ ଦେଖନ୍ତୁiPhone ରେ ଏକ ଗ୍ରୂପ୍ FaceTime କଲ୍ କରନ୍ତୁiPhone ରେ ଏକ FaceTime କଲ୍‌ରେ ଆପଣଙ୍କ ସ୍କ୍ରୀନ୍ ଶେୟର୍ କରନ୍ତୁ
Morty Proxy This is a proxified and sanitized view of the page, visit original site.
ସହାୟକ କି?
କ‍୍ୟାରେକ୍ଟର୍ ସୀମା: 250
ସର୍ବାଧିକ କ‍୍ୟାରେକ୍ଟର୍ ସୀମା 250 ଅଟେ।
ଆପଣଙ୍କ ମତାମତ ପାଇଁ ଧନ‍୍ୟବାଦ।
Morty Proxy This is a proxified and sanitized view of the page, visit original site.