iOS 26
iOS 18
ଏହି କଣ୍ଟ‍୍ରୋଲ୍‌କୁ ପରିବର୍ତ୍ତନ କରିବା ଫଳରେ ଏହି ପୃଷ୍ଠା ସ୍ବୟଂଚାଳିତ ଭାବରେ ଅପ୍‌ଡେଟ୍ ହୋଇଯିବ

iPhone ରେ ସ୍କ୍ରୀନ୍ ଟାଇମ୍ ସହିତ ଆରମ୍ଭ କରନ୍ତୁ

ଆପଣ ନିଜ ଡିଭାଇସ୍‌ରେ କେତେ ସମୟ ବିତାନ୍ତି ସେ ବିଷୟରେ ସୂଚନା ପାଇପାରିବେ—ଯେଉଁଥିରେ କେଉଁ ଆପ୍ ଓ ୱେବ୍‌ସାଇଟ୍ ବ୍ଯବହାର କରାଯାଏ ଏବଂ କେତେ ସମୟ ପାଇଁ ତାହା ଅନ୍ତର୍ଭୁକ୍ତ। ଆପଣ ଉପଯୋଗ ପାଇଁ ଶେଡ‍୍ୟୂଲ୍ ଓ ସୀମା ମଧ‍୍ୟ ସେଟ୍ କରିପାରିବେ।

ଆପଣ ସ୍କ୍ରୀନ୍ ଟାଇମ୍ ସହାୟତାରେ କ’ଣ କରିପାରିବେ ଏଠାରେ ସେସବୁର ଏକ ଓଭର୍‌ଭ‍୍ୟୂ ଦିଆଯାଇଛି:

ଆପଣ ଜଣେ ଶିଶୁଙ୍କ ପାଇଁ ସ୍କ୍ରୀନ୍ ଟାଇମ୍ ସେଟ୍ ଅପ୍ ମଧ‍୍ୟ କରିପାରିବେ।

ସ୍କ୍ରୀନ୍ ଟାଇମ୍ ଚାଲୁ କରନ୍ତୁ

  1. ଆପଣଙ୍କ iPhone ରେ ଥିବା ସେଟିଂସ୍ ଆପ୍  କୁ ଯାଆନ୍ତୁ।

  2. ସ୍କ୍ରୀନ୍ ଟାଇମ୍‌ରେ ଟାପ୍ କରନ୍ତୁ।

    ଯଦି ଆପଣ ଆପଣଙ୍କ ପିଲାଙ୍କ ପାଇଁ ସ୍କ୍ରୀନ୍ ଟାଇମ୍ ଚାଲୁ କରିବାକୁ ଚାହୁଁଛନ୍ତି, ତେବେ ଆପଣଙ୍କ ପିଲାର ନାମରେ ଟାପ୍ କରନ୍ତୁ।

  3. “ଆପ୍ ଓ ୱେବ୍‌ସାଇଟ୍ ଆକ୍ଟିଭିଟି”ରେ ଟାପ୍‌ କରନ୍ତୁ, ତା’ପରେ “ଆପ୍ ଓ ୱେବ୍‌ସାଇଟ୍ ଆକ୍ଟିଭିଟି ଚାଲୁ କରନ୍ତୁ”ରେ ଟାପ୍‌ କରନ୍ତୁ।

    “ଆପଣ ଆରମ୍ଭ କରିବା ପାଇଁ ଆପ୍ ଓ ଓ୍ବେବ୍‌ସାଇଟ୍ କାର୍ଯ୍ଯକଳାପ ଉପରେ ଟାପ୍ କରନ୍ତୁ” ବୋଲି ଦେଖାଉଥିବା ସ୍କ୍ରୀନ୍ ଟାଇମ୍ ସେଟ୍ ଅପ୍ କରିବା ପାଇଁ ସ୍କ୍ରୀନ୍।

ଆପଣଙ୍କ ସମସ୍ତ ଡିଭାଇସ୍‌ରେ ସ୍କ୍ରୀନ୍ ଟାଇମ୍ ବ୍ଯବହାର କରନ୍ତୁ

ଆପଣ ସମାନ Apple ଆକାଉଣ୍ଟ୍‌ରେ ସାଇନ୍ ଇନ୍ କରିଥିବା ଆପଣଙ୍କର ସମସ୍ତ iPhone, iPad ଓ Mac ରେ ଆପଣଙ୍କ ସ୍କ୍ରୀନ୍ ଟାଇମ୍ ସେଟିଂସ୍ ଓ ରିପୋର୍ଟ୍ ସିଙ୍କ୍ କରିପାରିବେ। ଏହାର ଅର୍ଥ ହେଉଛି ଆପଣଙ୍କ ଡାଉନ୍‌ଟାଇମ୍ ଶେଡ୍ଯୂଲ୍, ସୀମା ଓ ଉପଯୋଗ ଡେଟା ଆପଣଙ୍କର ସମସ୍ତ ଡିଭାଇସ୍‌ଗୁଡ଼ିକରେ ଶେୟର୍ କରାଯାଏ। ଆପଣଙ୍କର ସମସ୍ତ ଡିଭାଇସ୍‌ରେ ଆପଣଙ୍କ ମିଳିତ ସ୍କ୍ରୀନ୍ ଟାଇମ୍ ଆକ୍ଟିଭିଟି ମଧ‍୍ୟ ଦେଖିପାରିବେ।

  1. ଆପଣଙ୍କ iPhone ରେ ଥିବା ସେଟିଂସ୍ ଆପ୍  କୁ ଯାଆନ୍ତୁ।

  2. ସ୍କ୍ରୀନ୍ ଟାଇମ୍‌ରେ ଟାପ୍ କରନ୍ତୁ।

    ଯଦି ଆପଣ ଆପଣଙ୍କ ପିଲାଙ୍କ ପାଇଁ ଏହି ଫୀଚର୍ ଚାଲୁ କରିବାକୁ ଚାହୁଁଛନ୍ତି, ତେବେ ଆପଣଙ୍କ ପିଲାଙ୍କ ନାମରେ ଟାପ୍ କରନ୍ତୁ।

  3. “ସମସ୍ତ ଡିଭାଇସ୍‌ରେ ଶେୟର୍‌ କରନ୍ତୁ” ଚାଲୁ କରନ୍ତୁ। (ଆପଣଙ୍କୁ ତଳକୁ ସ୍କ୍ରୋଲ୍ କରିବାକୁ ପଡ଼ିପାରେ।)

ଯେତେବେଳେ “ସମସ୍ତ ଡିଭାଇସ୍‌ରେ ଶେୟର୍ କରନ୍ତୁ” ଚାଲୁ ଥାଏ, ଆପଣ ସେଟ୍ କରିଥିବା ଯେକୌଣସି ସ୍କ୍ରୀନ୍ ଟାଇମ୍ ସୀମା କିମ୍ବା ଶେଡ୍ଯୂଲ୍ ଆପଣଙ୍କ iPhone, iPad ଓ Mac ପାଇଁ ପ୍ରଯୁଜ୍ୟ ହୋଇଥାଏ। ଯଦି ଆପଣ “ସମସ୍ତ ଡିଭାଇସ୍‌ରେ ଶେୟର୍ କରନ୍ତୁ” ବନ୍ଦ କରନ୍ତି, ତେବେ ପ୍ରତ୍ଯେକ ଡିଭାଇସ୍ ନିଜର ଅଲଗା ସ୍କ୍ରୀନ୍ ଟାଇମ୍ ସେଟିଂସ୍ ବଜାୟ ରଖିଥାନ୍ତି।

ସ୍କ୍ରୀନ୍ ଟାଇମ୍ ସାରାଂଶ ଦେଖନ୍ତୁ

ଆପଣ ସ୍କ୍ରୀନ୍ ଟାଇମ୍ ଚାଲୁ କରିବା ପରେ ଯେକୌଣସି ସମୟରେ ନିଜ ଡିଭାଇସ୍ ଉପଯୋଗ ରିପୋର୍ଟ୍ ଦେଖିପାରିବେ, ଯେଉଁଥିରେ ଆପଣ ନିର୍ଦ୍ଦିଷ୍ଟ ପ୍ରକାରର ଆପ୍ ବ୍ଯବହାର କରିବାରେ କେତେ ସମୟ ବିତାନ୍ତି, ଆପଣ ନିଜ iPhone ଏବଂ ଅନ୍ଯ ଡିଭାଇସ୍ କେତେ ଥର ଧରିଛନ୍ତି, କେଉଁ ଆପ୍ ଆପଣଙ୍କୁ ସବୁଠାରୁ ଅଧିକ ନୋଟିଫିକେଶନ୍ ପଠାଏ ଇତ୍ଯାଦି ଅନ୍ତର୍ଭୁକ୍ତ।

  1. ଆପଣଙ୍କ iPhone ରେ ଥିବା ସେଟିଂସ୍ ଆପ୍  କୁ ଯାଆନ୍ତୁ।

  2. ସ୍କ୍ରୀନ୍ ଟାଇମ୍‌ରେ ଟାପ୍ କରନ୍ତୁ।

    ଯଦି ଆପଣ ଆପଣଙ୍କ ପିଲାଙ୍କ ପାଇଁ ସ୍କ୍ରୀନ୍ ଟାଇମ୍ ସାରାଂଶ ଦେଖିବାକୁ ଚାହୁଁଛନ୍ତି, ତେବେ ଆପଣଙ୍କ ପିଲାଙ୍କ ନାମରେ ଟାପ୍ କରନ୍ତୁ।

  3. “ସବୁ ଆପ୍ ଏବଂ ୱେବ୍‌ସାଇଟ୍‌ ଆକ୍ଟିଭିଟି ଦେଖନ୍ତୁ”ରେ ଟାପ୍‌ କରନ୍ତୁ, ତା’ପରେ ଆପଣ କେଉଁ ଡିଭାଇସ୍‌ର ବ୍ଯବହାର କରିବାକୁ ଚାହୁଁଛନ୍ତି ତାହା ଚୟନ କରିବାକୁ ଡିଭାଇସ୍ ଉପରେ ଟାପ୍ କରନ୍ତୁ।

  4. ସାପ୍ତାହିକ ବ୍ୟବହାରର ସାରାଂଶ ଦେଖାଇବା ପାଇଁ “ସପ୍ତାହ”ରେ ଟାପ୍ କରନ୍ତୁ କିମ୍ବା ଦୈନନ୍ଦିନ ବ୍ୟବହାର ସାରାଂଶ ଦେଖାଇବା ପାଇଁ “ଦିନ” ଉପରେ ଟାପ୍ କରନ୍ତୁ।

    ସ୍କ୍ରୀନ୍ ଟାଇମ୍ ସ୍ବୟଂଚାଳିତ ଭାବରେ ଆପଣଙ୍କ ଆକ୍ଟିଭିଟିକୁ ବର୍ଗରେ ଗ୍ରୂପ୍ କରେ—ଯେପରିକି ମନୋରଞ୍ଜନ ଓ ସୃଜନଶୀଳତା।

    ଧ‍୍ୟାନ ଦିଅନ୍ତୁ: ଯେଉଁ ସ୍କ୍ରୀନ୍ ଟାଇମ୍ ଆକ୍ଟିଭିଟି ଏକ ବର୍ଗରେ ଫିଟ୍ ହୁଏ ନାହିଁ, ତାହା ଆପଣଙ୍କ ସ୍କ୍ରୀନ୍ ଟାଇମ୍ ସାରାଂଶରେ ଧୂସର ରଙ୍ଗର ଦେଖାଯାଇପାରେ।

    ଆପଣ ଆପଣଙ୍କ ହିଷ୍ଟ୍ରି ଦେଖିବା ପାଇଁ ଆପଣଙ୍କ ସ୍କ୍ରୀନ୍ ଟାଇମ୍ ସାରାଂଶରେ ବାମ ଓ ଡାହାଣକୁ ସ୍ବାଇପ୍ କରିପାରିବେ।

    ଆପ୍ ଏବଂ ବର୍ଗ ଅନୁସାରେ ଆପ୍‌ରେ ବିତାଇଥିବା ମୋଟ ସମୟର ପରିମାଣ ଦର୍ଶାଉଥିବା ଏକ ସାପ୍ତାହିକ ସ୍କ୍ରୀନ୍ ଟାଇମ୍ ରିପୋର୍ଟ୍।

ସ୍କ୍ରୀନ୍ ଟାଇମ୍ ବନ୍ଦ କରନ୍ତୁ

  1. ଆପଣଙ୍କ iPhone ରେ ଥିବା ସେଟିଂସ୍ ଆପ୍  କୁ ଯାଆନ୍ତୁ।

  2. ସ୍କ୍ରୀନ୍ ଟାଇମ୍‌ରେ ଟାପ୍ କରନ୍ତୁ।

    ଯଦି ଆପଣ ଆପଣଙ୍କ ପିଲାଙ୍କ ପାଇଁ ସ୍କ୍ରୀନ୍ ଟାଇମ୍ ବନ୍ଦ କରିବାକୁ ଚାହୁଁଛନ୍ତି, ତେବେ ଆପଣଙ୍କ ପିଲାଙ୍କ ନାମରେ ଟାପ୍ କରନ୍ତୁ।

  3. ନିମ୍ନଲିଖିତ ମଧ୍ୟରୁ ଗୋଟିଏ କରନ୍ତୁ:

    • ଆପ୍ ଓ ୱେବ୍‌ସାଇଟ୍ ଆକ୍ଟିଭିଟି ବନ୍ଦ କରନ୍ତୁ: ତଳକୁ ସ୍କ୍ରୋଲ୍ କରନ୍ତୁ, ତା’ପରେ “ଆପ୍‌ ଓ ୱେବ୍‌ସାଇଟ୍‌ ଆକ୍ଟିଭିଟି ବନ୍ଦ କରନ୍ତୁ”ରେ ଟାପ୍‌ କରନ୍ତୁ।

      ଟିପ୍‌: ସ୍କ୍ରୀନ୍ ଟାଇମ୍ ବନ୍ଦ କରିବାର ସବୁଠାରୁ ସହଜ ଉପାୟ ହେଉଛି ଆପ୍ ଓ ୱେବ୍‌ସାଇଟ୍ ଆକ୍ଟିଭିଟି ବନ୍ଦ କରିବା। ଆପ୍ ଓ ୱେବ୍‌ସାଇଟ୍‌ ଆକ୍ଟିଭିଟି ବନ୍ଦ କରିବା ଦ୍ବାରା ରିପୋର୍ଟିଂ, ଡାଉନ୍‌ଟାଇମ୍, ଆପ୍‌ ଲିମିଟ୍ ଏବଂ “ସର୍ବଦା ଅନୁମତିପ୍ରାପ୍ତ” ବନ୍ଦ ହୋଇଯାଏ।

    • ଡାଉନ୍‌ଟାଇମ୍ ବନ୍ଦ କରନ୍ତୁ: ଡାଉନ୍‌ଟାଇମ୍‌ରେ ଟାପ୍ କରନ୍ତୁ, ତା’ପରେ “ଶେଡ‍୍ୟୂଲ୍ ହୋଇଛି” ବନ୍ଦ କରନ୍ତୁ।

    • ଆପ୍ ସୀମା ବନ୍ଦ କରନ୍ତୁ: ଆପ୍ ସୀମାରେ ଟାପ୍ କରନ୍ତୁ, ଏକ ସୀମାରେ ବାମକୁ ସ୍ବାଇପ୍ କରନ୍ତୁ, ତା’ପରେ “ଡିଲୀଟ୍ କରନ୍ତୁ”ରେ ଟାପ୍ କରନ୍ତୁ।

ଏକ ନଜରରେ ଆପଣଙ୍କ ଡିଭାଇସ୍‌ର ବ୍ଯବହାର ଯାଞ୍ଚ କରିବାକୁ ସ୍କ୍ରୀନ୍ ଟାଇମ୍ ୱିଜେଟ୍ ବ୍ଯବହାର କରନ୍ତୁ

ଆପଣ ନିଜ ହୋମ୍ ସ୍କ୍ରୀନ୍‌ରେ ସ୍କ୍ରୀନ୍ ଟାଇମ୍ ୱିଜେଟ୍ ଯୋଡ଼ି ଆପଣଙ୍କ ଡିଭାଇସ୍‌ର ବ୍ଯବହାର ଶୀଘ୍ର ଯାଞ୍ଚ କରିପାରିବେ। ୱିଜେଟ୍ ଆପଣଙ୍କ ସ୍କ୍ରୀନ୍ ଟାଇମ୍ ସାରାଂଶରୁ ସୂଚନା ପ୍ରଦର୍ଶିତ କରେ-ଆପଣ ୱିଜେଟ୍ ଯେତେ ବଡ଼ କରିବେ, ଏହା ସେତେ ଅଧିକ ସୂଚନା ଡିସ୍‌ପ୍ଲେ କରିବ।

ଯଦି ଆପଣ ଫ୍ଯାମିଲି ଶେୟରିଂ ମାଧ୍ଯମରେ ଜଣେ ପିଲା ପାଇଁ ସ୍କ୍ରୀନ୍ ଟାଇମ୍ ସେଟ୍ ଅପ୍ କରନ୍ତି ତେବେ ଆପଣ ନିଜ ପରିବାର ଗ୍ରୂପ୍‌ରେ ଥିବା ଲୋକମାନଙ୍କ ଲିଷ୍ଟ୍‌ ଦେଖିବା ପାଇଁ ଓ୍ବିଜେଟ୍‌ରେ ଟାପ୍‌ କରିପାରିବେ। ଆପଣ ଯେଉଁ ପିଲାର ରିପୋର୍ଟ୍ ଦେଖିବାକୁ ଚାହୁଁଛନ୍ତି ତାଙ୍କ ନାମରେ ଟାପ୍ କରନ୍ତୁ।

ଆପଣଙ୍କ ସ୍କ୍ରୀନ୍‌ରେ ଗୋଟିଏ ଦେଖାଯିବା ସମୟରେ ଆପଣ ଏକ ସ୍କ୍ରୀନ୍ ଟାଇମ୍ ସାପ୍ତାହିକ ରିପୋର୍ଟ୍ ନୋଟିଫିକେଶନ୍ ଟାପ୍ କରି ମଧ୍ଯ ନିଜର ସାରାଂଶ ଦେଖିପାରିବେ। (ଯଦି ନୋଟିଫିକେଶନ୍ ଅଦୃଶ୍ଯ ହୋଇଯାଏ, ତେବେ ଆପଣ ଏହାକୁ ନୋଟିଫିକେଶନ୍ ସେଣ୍ଟର୍‌ରେ ଖୋଜିପାରିବେ।)

ଏହା ମଧ‍୍ୟ ଦେଖନ୍ତୁiPhone ରେ ଏକ ସ୍କ୍ରୀନ୍ ଟାଇମ୍ ପାସ୍‌କୋଡ୍ ତିଆରି କରନ୍ତୁ, ପରିଚାଳନା କରନ୍ତୁ ଏବଂ ଟ୍ରାକ୍ ରଖନ୍ତୁiPhone ରେ ପରିବାର ଶେୟରିଂ ସେଟ୍ ଅପ୍ କରନ୍ତୁ
Morty Proxy This is a proxified and sanitized view of the page, visit original site.
ସହାୟକ କି?
କ‍୍ୟାରେକ୍ଟର୍ ସୀମା: 250
ସର୍ବାଧିକ କ‍୍ୟାରେକ୍ଟର୍ ସୀମା 250 ଅଟେ।
ଆପଣଙ୍କ ମତାମତ ପାଇଁ ଧନ‍୍ୟବାଦ।
Morty Proxy This is a proxified and sanitized view of the page, visit original site.