iOS 26
iOS 18
ଏହି କଣ୍ଟ‍୍ରୋଲ୍‌କୁ ପରିବର୍ତ୍ତନ କରିବା ଫଳରେ ଏହି ପୃଷ୍ଠା ସ୍ବୟଂଚାଳିତ ଭାବରେ ଅପ୍‌ଡେଟ୍ ହୋଇଯିବ

ନିଜ Mac ରୁ ଆପଣଙ୍କ iPhone କୁ କଣ୍ଟ୍ରୋଲ୍ କରନ୍ତୁ

ଆପଣଙ୍କ ଆଖପାଖର Mac ରୁ ନିଜ iPhone କୁ ନିୟନ୍ତ୍ରଣ କରିବା ପାଇଁ ଆପଣ iPhone ମିରରିଂ ବ୍ୟବହାର କରିପାରିବେ। iPhone ମିରରିଂ ଚାଲୁଥିବା ସମୟରେ, ଆପଣ ନିଜ Mac ରେ iPhone ନୋଟିଫିକେଶନ୍ ମଧ୍ଯ ପ୍ରାପ୍ତ କରିପାରିବେ ଏବଂ ଲାଇଭ୍ କାର୍ଯ‍୍ୟକଳାପର ଟ୍ରାକ୍ ରଖିପାରିବେ, ତେଣୁ ଆପଣ କିଛି ମିସ୍ କରିବେ ନାହିଁ।

iPhone ମିରରିଂ ଆପ୍ ଏକ Mac କମ୍ପ୍ଯୁଟର୍ ଡେସ୍କ୍‌ଟପ୍‌ରେ ଦେଖାଯାଏ।

ଧ‍୍ୟାନ ଦିଅନ୍ତୁ: କ୍ୟାମେରା ଏବଂ ମାଇକ୍ରୋଫୋନ୍ ପରି କିଛି iPhone ଫୀଚର୍ iPhone ମିରରିଂ ସହିତ ସୁସଙ୍ଗତ ନୁହେଁ। ଏହାବ୍ୟତୀତ, iPhone ମିରରିଂ ବ୍ୟବହାର କରିବା ସମୟରେ କିଛି କଣ୍ଟିନ‍୍ୟୁଇଟି ଫୀଚର୍, ଯେପରିକି କଣ୍ଟିନ‍୍ୟୁଇଟି କ‍୍ୟାମେରା ଏବଂ AirPlay, ଆପଣଙ୍କ Mac ରେ ଉପଲବ୍ଧ ନାହିଁ।

ଆପଣ ଆରମ୍ଭ କରିବା ପୂର୍ବରୁ

ନିମ୍ନଲିଖିତ କାର୍ଯ୍ଯ କରିବା ନିଶ୍ଚିତ କରନ୍ତୁ:

ଯଦି ଆପଣ ଏକ VPN ବ୍ଯବହାର କରୁଛନ୍ତି, ତେବେ ନିଶ୍ଚିତ କରନ୍ତୁ ଯେ ଏହାର କନ୍‌ଫିଗରେଶନ୍ ସ୍ଥାନୀୟ ନେଟ୍‌ୱର୍କିଂକୁ ପ୍ରତିରୋଧ କରିନଥାଏ କାରଣ ଏହା କିଛି କଣ୍ଟିନ୍ଯୁଇଟି ଫୀଚର୍‌ରେ ବାଧା ସୃଷ୍ଟି କରିପାରେ।

iPhone ମିରରିଂ ବ୍ୟବହାର କରିବା ପାଇଁ, ଏହା ଆପଣଙ୍କ ଦେଶ କିମ୍ବା ଅଞ୍ଚଳରେ ନିଶ୍ଚିତ ଉପଲବ୍ଧ ହେବା ଆବଶ୍ୟକ। iPhone ମିରରିଂ ସମ୍ପ୍ରତି ୟୁରୋପୀୟ ୟୁନିଅନ୍‌ରେ ଉପଲବ୍ଧ ନାହିଁ।

ଯଦି iPhone ମିରରିଂ ଆପଣଙ୍କ ଦେଶ କିମ୍ବା ଅଞ୍ଚଳରେ ଉପଲବ୍ଧ ନାହିଁ, ତେବେ ସେହି କାରଣରୁ ଏହା ଆପଣଙ୍କ iPhone ସହିତ ସଂଯୋଗ କରିବାରେ ଅସମର୍ଥ ବୋଲି iPhone ମିରରିଂ ଆପଣଙ୍କୁ ଜଣାଇଥାଏ।

ଆପଣଙ୍କ Mac ରେ iPhone ମିରରିଂ ସେଟ୍ ଅପ୍ କରନ୍ତୁ

  1. ସ୍କ୍ରୀନ୍ ଲକ୍ ହୋଇଥିବା ସହିତ ଆପଣଙ୍କ iPhone ଚାଲୁଥିବା ଏବଂ ଆଖପାଖରେ ଥିବା ନିଶ୍ଚିତ କରନ୍ତୁ।

    ଧ‍୍ୟାନ ଦିଅନ୍ତୁ: iPhone ମିରରିଂ ବ୍ଯବହାର କରିବା ପାଇଁ ଆପଣଙ୍କ iPhone ଆଖପାଖରେ ଥିବା ଆବଶ୍ଯକ।

  2. ଆପଣଙ୍କ Mac ରେ iPhone ମିରରିଂ ଆପ୍ କୁ ଯାଆନ୍ତୁ।

  3. “ସଂଯୋଗ କରନ୍ତୁ” ରେ କ୍ଲିକ୍ କରନ୍ତୁ।

  4. ଆପଣଙ୍କ iPhone ର ପାସ୍‌କୋଡ୍ ଲେଖନ୍ତୁ, ତା’ପରେ ନିମ୍ନଲିଖିତ ମଧ୍ଯରୁ ଗୋଟିଏ ବାଛନ୍ତୁ:

    • ପ୍ରତ୍ଯେକ ଥର ପଚାରନ୍ତୁ: iPhone ମିରରିଂ ବ୍ଯବହାର କରିବା ସମୟରେ Touch ID, Face ID କିମ୍ବା ଆପଣଙ୍କ ଡିଭାଇସ୍ ପାସ୍‌କୋଡ୍ ପାଇଁ ପ୍ରମ୍ପ୍ଟ୍ ପ୍ରାପ୍ତ କରନ୍ତୁ।

    • ସ୍ୱୟଂଚାଳିତ ଭାବରେ ପ୍ରମାଣୀକରଣ କରନ୍ତୁ: ପ୍ରମାଣୀକରଣର ଆବଶ୍ଯକତା ବିନା ସ୍ୱୟଂଚାଳିତ ଭାବରେ iPhone ମିରରିଂ ସହିତ ସଂଯୁକ୍ତ ହୁଏ।

      ଧ‍୍ୟାନ ଦିଅନ୍ତୁ: ଆପଣ ନିଜ iPhone ରେ ଏକ ଆଲର୍ଟ୍ ଦେଖୁଛନ୍ତି କି ଯେଉଁଥିରେ ଲେଖାଅଛି ଯେ ଏହି କମ୍ପ୍ୟୁଟର୍‌କୁ ବିଶ୍ୱାସ କରିବେ? “ବିଶ୍ୱାସ କରନ୍ତୁ”ରେ ଟାପ୍ କରନ୍ତୁ। ଆଗକୁ ବଢ଼ିବା ପାଇଁ ଆପଣଙ୍କୁ ନିଜ ଡିଭାଇସ୍‌ର ପାସ୍‌କୋଡ୍ ଲେଖିବା ପାଇଁ କୁହାଯାଇପାରେ। ଯଦି ଆପଣ ଆପଣଙ୍କ Mac ରେ ଏକ ଆଲର୍ଟ୍ ଦେଖନ୍ତି ଯେଉଁଥିରେ କୁହାଯାଇଛି ଯେ “ଆକ୍ସେସରି ସଂଯୋଗ କରିବାକୁ ଅନୁମତି ଦେବେ?” “ଅନୁମତି ଦିଅନ୍ତୁ”ରେ କ୍ଲିକ୍ କରନ୍ତୁ।

  5. iPhone ର ନୋଟିଫିକେଶନ୍‌କୁ ଅନୁମତି ଦେବେ କି ଦେବେ ନାହିଁ ବାଛନ୍ତୁ।

କେଉଁ iPhone ଟି iPhone ମିରରିଂ ସହିତ ବ୍ୟବହାର କରିବେ ବାଛନ୍ତୁ

ଆପଣଙ୍କ Mac ରେ ଥିବା iPhone ମିରରିଂ ବ‍୍ୟବହାର କରିବା ପାଇଁ ଏକାଧିକ iPhone ସେଟ୍ ଅପ୍ କରିପାରିବେ କିନ୍ତୁ ଆପଣ ଥରକରେ କେବଳ ଗୋଟିଏ iPhone ସହିତ ସଂଯୋଗ କରିପାରିବେ।

  1. ଆପଣଙ୍କ Mac ରେ iPhone ମିରରିଂ ଆପ୍ କୁ ଯାଆନ୍ତୁ।

  2. iPhone ମିରରିଂ ସେଟିଂସ୍‌ରେ କ୍ଲିକ୍ କରନ୍ତୁ, ତା’ପରେ “iPhone ପରିବର୍ତ୍ତନ କରନ୍ତୁ”ରେ କ୍ଲିକ୍ କରନ୍ତୁ।

  3. ୱିଜେଟ୍ ଅନ୍ତର୍ଗତ, iPhone ପପ୍-ଅପ୍ ମେନ୍ଯୂରେ କ୍ଲିକ୍ କରନ୍ତୁ, ତା’ପରେ ଆପଣଙ୍କ iPhone ବାଛନ୍ତୁ।

ଆପଣ ନିଜ Mac ରେ ମଧ୍ଯ ସିଷ୍ଟମ୍ ସେଟିଂସ୍ ଆପ୍ ଖୋଲିପାରିବେ ଏବଂ ସାଇଡ୍‌ବାର୍‌ରେ ଥିବା ଡେସ୍କ୍‌ଟପ୍ ଓ Dock ରେ କ୍ଲିକ୍ କରିପାରିବେ (ଆପଣଙ୍କୁ ତଳକୁ ସ୍କ୍ରୋଲ୍ କରିବାକୁ ପଡ଼ିପାରେ)। ୱିଜେଟ୍ ଅନ୍ତର୍ଗତ, iPhone ପପ୍-ଅପ୍ ମେନ‍୍ୟୂରୁ ଆପଣଙ୍କ iPhone ବାଛନ୍ତୁ।

ଆପଣଙ୍କ Mac ରେ iPhone ମିରରିଂ ବ୍ୟବହାର କରନ୍ତୁ

  1. ସ୍କ୍ରୀନ୍ ଲକ୍ ହୋଇଥିବା ସହିତ ଆପଣଙ୍କ iPhone ଚାଲୁଥିବା ଏବଂ ଆଖପାଖରେ ଥିବା ନିଶ୍ଚିତ କରନ୍ତୁ।

  2. ଆପଣଙ୍କ Mac ରେ iPhone ମିରରିଂ ଆପ୍ କୁ ଯାଆନ୍ତୁ।

  3. “ଜାରି ରଖନ୍ତୁ”ରେ କ୍ଲିକ୍ କରନ୍ତୁ।

  4. ନିମ୍ନଲିଖିତ ମଧ୍ୟରୁ ଗୋଟିଏ କରନ୍ତୁ:

    • ଟାପ୍ କରିବାକୁ କ୍ଲିକ୍ କରନ୍ତୁ: ଟାପ୍ କରିବାକୁ ଆପଣଙ୍କ Mac କମ୍ପ୍ଯୁଟର୍ ମାଉସ୍ କିମ୍ବା ଟ୍ରାକ୍‌ପ୍ଯାଡ୍‌ରେ କ୍ଲିକ୍ କରନ୍ତୁ। ଆପଣ iPhone ମିରରିଂ ଆପ୍‌ରେ ମଧ୍ଯ ସ୍ୱାଇପ୍ ଏବଂ ସ୍କ୍ରୋଲ୍ କରିପାରିବେ ଏବଂ ଟାଇପ୍ କରିବାକୁ ଆପଣଙ୍କ କୀ’ବୋର୍ଡ୍ ବ୍ୟବହାର କରିପାରିବେ।

    • ଆପ୍ ସ୍ୱିଚର୍ ଖୋଲନ୍ତୁ: ଟାଇଟଲ୍ ବାର୍ ଦେଖାନଯିବା ପର୍ଯ୍ଯନ୍ତ iPhone ମିରରିଂ ସ୍କ୍ରୀନ୍‌ର ଶୀର୍ଷକୁ ଆପଣଙ୍କ ପଏଣ୍ଟର୍ ମୂଭ୍ କରନ୍ତୁ, ତା’ପରେ ଆପ୍ ସ୍ବିଚର୍ ଖୋଲିବା ପାଇଁ ଆପ୍ ସ୍ୱିଚର୍ ବଟନ୍ ରେ କ୍ଲିକ୍ କରନ୍ତୁ।

    • ହୋମ୍ ସ୍କ୍ରୀନ୍‌କୁ ଯାଆନ୍ତୁ: ଯଦି ଆପଣ ଏକ ଆପ୍‌ରେ ଅଛନ୍ତି ଏବଂ ହୋମ୍ ସ୍କ୍ରୀନ୍‌କୁ ଫେରିବାକୁ ଚାହୁଁଛନ୍ତି, ତେବେ ଟାଇଟଲ୍ ବାର୍ ଦେଖାନଯିବା ପର୍ଯ୍ଯନ୍ତ iPhone ମିରରିଂ ସ୍କ୍ରୀନ୍‌ର ଶୀର୍ଷକୁ ଆପଣଙ୍କ ପଏଣ୍ଟର୍ ମୂଭ୍ କରନ୍ତୁ, ତା’ପରେ ହୋମ୍ ସ୍କ୍ରୀନ୍ ବଟନ୍ ରେ କ୍ଲିକ୍ କରନ୍ତୁ।

    • ଆପଣଙ୍କ ହୋମ୍ ସ୍କ୍ରୀନ୍ ପୁନଃ ବ୍ଯବସ୍ଥିତ କରନ୍ତୁ ଏବଂ ଶୀଘ୍ର କାର୍ଯ୍ଯ କରନ୍ତୁ: ହୋମ୍ ସ୍କ୍ରୀନ୍‌ରେ, ଯେକୌଣସି ଆପ୍‌ରେ କଣ୍ଟ୍ରୋଲ୍-କ୍ଲିକ୍ କରନ୍ତୁ, ତା’ପରେ “ହୋମ୍ ସ୍କ୍ରୀନ୍ ଏଡିଟ୍ କରନ୍ତୁ”ରେ କ୍ଲିକ୍ କରନ୍ତୁ। ଆପଣ ଏକ ଆପ୍‌ରେ କଣ୍ଟ୍ରୋଲ୍-କ୍ଲିକ୍ ମଧ୍ଯ କରିପାରିବେ ଏବଂ କିଛି ଆପ୍‌କୁ ୱିଜେଟ୍‌ରେ ପରିଣତ କରିବାକୁ କିମ୍ବା ନୋଟ୍‌ଗୁଡ଼ିକରେ ଏକ ନୂଆ ନୋଟ୍ ତିଆରି କରିବା କିମ୍ବା ମ୍ଯାପ୍‌ରେ ଆପଣଙ୍କ ଲୋକେଶନ୍ ପଠାଇବା ଭଳି ତ୍ୱରିତ କାର୍ଯ୍ଯ କରିବା ପାଇଁ ବାଛିପାରିବେ।

ଆପଣ ନିଜ Mac ରେ ଏକ iPhone ୱିଜେଟ୍ ଖୋଲିବା ସମୟରେ, ଏହା iPhone ମିରରିଂ ଆପ୍‌ରେ ଖୋଲିଥାଏ।

ଆପଣଙ୍କ Mac ରେ iPhone ନୋଟିଫିକେଶନ୍ ପ୍ରାପ୍ତ କରନ୍ତୁ

ଆପଣ iPhone ମିରରିଂ ସେଟ୍ ଅପ୍ କଲେ, ଆପଣ iPhone ନୋଟ୍‌ଫିକେଶନ୍‌କୁ ମଧ୍ଯ ଚାଲୁ କରିପାରିବେ। ଆପଣଙ୍କ Mac ରେ iPhone ବ୍ଯାଜ୍ ସହିତ iPhone ନୋଟ୍‌ଫିକେଶନ୍ ଦେଖାଯିବ, ଯାହାଦ୍ୱାରା ଆପଣ ଜାଣିପାରିବେ ଯେ କେଉଁ ନୋଟ୍‌ଫିକେଶନ୍ ଆପଣଙ୍କ iPhone ରୁ ଆସିଛି।

ଧ‍୍ୟାନ ଦିଅନ୍ତୁ: ଆପଣଙ୍କ iPhone ର ନୋଟ୍‌ଫିକେଶନ୍ ଆପଣଙ୍କ Mac ରେ ଦେଖାଯିବାକୁ ହେଲେ ଏହା ଆଖପାଖରେ ରହିବା ଆବଶ୍ଯକ ନୁହେଁ କିନ୍ତୁ ଏହା ଚାଲୁ ଥିବା ଆବଶ୍ଯକ।

ଯଦି ଆପଣ iPhone ମିରରିଂ ସେଟ୍ ଅପ୍ କରିବା ସମୟରେ iPhone ନୋଟିଫିକେଶନ୍ ଚାଲୁ କରିବା ବାଛି ନାହାନ୍ତି ଏବଂ ଆପଣ ଏହା ଚାଲୁ କରିବାକୁ ଚାହୁଁଛନ୍ତି କିମ୍ବା ଆପଣଙ୍କ mac କୁ କେଉଁ ଆପ୍ ନୋଟିଫିକେଶନ୍ ପଠାଇବ ତାହା ବାଛିବାକୁ ଚାହୁଁଛନ୍ତି, ତେବେ ନିମ୍ନଲିଖିତ ମଧ୍ଯରୁ ଯେକୌଣସି କର୍ଯ୍ଯ କରନ୍ତୁ:

  • ଆପଣଙ୍କ iPhone ରେ:: ସେଟିଂସ୍ > ନୋଟିଫିକେଶନ୍‌କୁ ଯାଆନ୍ତୁ, ଯେକୌଣସି ଆପ୍ ବାଛନ୍ତୁ, ତା’ପରେ “Mac ରେ ଦେଖାନ୍ତୁ” “ଚାଲୁ କିମ୍ବା ବନ୍ଦ କରନ୍ତୁ।

  • ଆପଣଙ୍କ Mac ରେ:: Apple ମେନ୍ଯୂ > ସିଷ୍ଟମ୍ ସେଟିଂସ୍‌କୁ ବାଛନ୍ତୁ, ସାଇଡ୍‌ବାର୍‌ରେ ଥିବା ନୋଟିଫିକେଶନ୍‌ରେ କ୍ଲିକ୍ କରନ୍ତୁ (ଆପଣଙ୍କୁ ତଳକୁ ସ୍କ୍ରୋଲ୍ କରିବାକୁ ପଡ଼ିପାରେ), ତା’ପରେ “iPhone ରୁ ନୋଟିଫିକେଶନ୍‌କୁ ଅନୁମତି ଦିଅନ୍ତୁ”ରେ କ୍ଲିକ୍ କରନ୍ତୁ। ମିରର୍ iPhone ନୋଟିଫିକେଶନ୍ ଅଧୀନରେ, ଯେକୌଣସି ଆପ୍ ପାଇଁ ବିକଳ୍ପକୁ ଚାଲୁ କିମ୍ବା ବନ୍ଦ କରନ୍ତୁ।

iPhone ରୁ ଆପଣଙ୍କ Mac ରେ ଲାଇଭ୍ କାର୍ଯ୍ଯକଳାପ ଦେଖନ୍ତୁ

ଯେତେବେଳେ ଆପଣ iPhone ମିରରିଂ ସେଟ୍ ଅପ୍ କରନ୍ତି, ଆପଣଙ୍କ Mac ର ମେନ୍ଯୂ ବାର୍‌ରେ ଆପଣଙ୍କ iPhone ରୁ ଲାଇଭ୍ କାର୍ଯ୍ଯକଳାପ ଦେଖାଯିବ।

  1. ଆପଣଙ୍କ Mac ରେ, ଅଧିକ ସୂଚନା ଦେଖିବା ପାଇଁ ମେନ‍୍ୟୂ ବାର୍‌ରେ ଥିବା ଲାଇଭ୍ କାର୍ଯ୍ଯକଳାପରେ କ୍ଲିକ୍ କରନ୍ତୁ।

  2. ନିମ୍ନଲିଖିତ ମଧ୍ୟରୁ ଗୋଟିଏ କରନ୍ତୁ:

    • ଆପଣଙ୍କ Mac ରେ ଥିବା iPhone ମିରରିଂ ଆପ୍‌ରେ ପ୍ରାସଙ୍ଗିକ ଆପ୍ ଖୋଲିବାକୁ ଲାଇଭ୍ କାର୍ଯ୍ଯକଳାପରେ ପୁନଃ କ୍ଲିକ୍ କରନ୍ତୁ।

    • ଏହାକୁ ବନ୍ଦ କରିବା ପାଇଁ ଲାଇଭ୍ କାର୍ଯ‍୍ୟକଳାପ ବାହାରେ କ୍ଲିକ୍ କରନ୍ତୁ, କିନ୍ତୁ ଏହାକୁ ମେନ‍୍ୟୂ ବାର୍‌ରେ ଦେଖିବା ଜାରି ରଖନ୍ତୁ।

    • ଲାଇଭ୍ କାର୍ଯ‍୍ୟକଳାପରେ ପଏଣ୍ଟର୍ ମୂଭ୍ କରନ୍ତୁ, ତା’ପରେ ଲାଇଭ୍ କାର୍ଯ‍୍ୟକଳାପ ବନ୍ଦ କରିବା ପାଇଁ ଏବଂ ଏହାକୁ ମେନ‍୍ୟୂ ବାର୍‌ରୁ କାଢ଼ିଦେବା ପାଇଁ “ବନ୍ଦ କରନ୍ତୁ” ବଟନ୍ ରେ କ୍ଲିକ୍ କରନ୍ତୁ।

iPhone ମିରରିଂ ବ୍ଯବହାର କରି ଫାଇଲ୍ ଟ୍ରାନ୍ସ୍‌ଫର୍ କରନ୍ତୁ

ଆପଣ iPhone ମିରରିଂ ବ୍ଯବହାର କରି ସମର୍ଥିତ ଆପ୍‌ରେ ନିଜ mac ଏବଂ iPhone ମଧ୍ଯରେ ଫାଇଲ୍, ଫଟୋ, ଭିଡିଓ ଇତ୍ଯାଦି ଟ୍ରାନ୍ସ୍‌ଫର୍ କରିପାରିବେ। ଏକ ଫାଇଲ୍ ଟ୍ରାନ୍ସ୍‌ଫର୍ କରିବା ପାଇଁ, ଏହାକୁ ଆପଣଙ୍କ Mac ରୁ iPhone ମିରରିଂ ଆପ୍ ୱିଣ୍ଡୋକୁ କିମ୍ବା ଏହାର ବିପରୀତ ଦିଗକୁ ଡ୍ରାଗ୍ କରି ଡ୍ରପ୍ କରନ୍ତୁ।

iPhone ମିରରିଂ ବନ୍ଦ କରନ୍ତୁ

  1. ଆପଣଙ୍କ iPhone ରେ ଥିବା, ସେଟିଂସ୍ ଆପ୍ କୁ ଯାଆନ୍ତୁ।

  2. ସାଧାରଣରେ ଟାପ୍ କରନ୍ତୁ, AirPlay ଏବଂ କଣ୍ଟିନ୍ଯୁଇଟିରେ ଟାପ୍ କରନ୍ତୁ, ତା’ପରେ iPhone ମିରରିଂରେ ଟାପ୍ କରନ୍ତୁ।

  3. AirPlay ଓ କଣ୍ଟିନ୍ଯୁଇଟିରେ ଟାପ୍ କରନ୍ତୁ, ତା’ପରେ iPhone Mirroring ରେ ଟାପ୍ କରନ୍ତୁ।

  4. ଶୀର୍ଷର ଡାହାଣରେ “ଏଡିଟ୍ କରନ୍ତୁ”ରେ ଟାପ୍ କରନ୍ତୁ, ତା’ପରେ କାଢ଼ିବା ପାଇଁ Mac ଚୟନ କରନ୍ତୁ।

ଯଦି iPhone ମିରରିଂ କାମ କରୁନାହିଁ

  • ସୁନିଶ୍ଚିତ କରନ୍ତୁ ଯେ ଆପଣ ଉଭୟ ଡିଭାଇସ୍‌ରେ ସମାନ Apple ଆକାଉଣ୍ଟ୍ରେ ସାଇନ୍ ଇନ୍ କରିଛନ୍ତି।

  • ଆପଣଙ୍କ iPhone ଏବଂ Mac ର Wi-Fi, Bluetooth, ଏବଂ Handoff ଚାଲୁ ଥିବା ନିଶ୍ଚିତ କରନ୍ତୁ।

  • ଆପଣଙ୍କ ଡିଭାଇସ୍‌ଗୁଡ଼ିକ ପରସ୍ପତ ଠାରୁ 30 ଫୁଟ୍ (10 ମିଟର୍) ମଧ୍ୟରେ ରହିବା ଆବଶ୍ୟକ।

  • ଯଦି ଆପଣଙ୍କ iPhone ମିରରିଂ ପାଇଁ ଗୋଟିଏରୁ ଅଧିକ iPhone ରେ ସେଟ୍ ଅପ୍ ହୋଇଛି, ତେବେ ଆପଣ କେଉଁ iPhone ବ୍ୟବହାର କରିବାକୁ ଚାହୁଁଛନ୍ତି ତାହା ବାଛିପାରିବେ। ଆପଣଙ୍କ Mac ରେ, iPhone ମିରରିଂ ସେଟିଂସ୍‌କୁ ଯାଆନ୍ତୁ, “iPhone ପରିବର୍ତ୍ତନ କରନ୍ତୁ”ରେ କ୍ଲିକ୍ କରନ୍ତୁ, ତା’ପରେ ଆପଣଙ୍କ iPhone ବାଛନ୍ତୁ।

  • ଅତିରିକ୍ତ ଟ୍ରବଲ୍‌ଶୂଟ୍ ଷ୍ଟେପ୍‌ଗୁଡ଼ିକ ପାଇଁ, Apple ସହାୟତା ଆର୍ଟିକଲ୍ iPhone ମିରରିଂର ତଳେ “ଯଦି ଆପଣଙ୍କୁ ସହାୟତା ଦରକାର ଅଛି” ଦେଖନ୍ତୁ।

ଏହା ମଧ‍୍ୟ ଦେଖନ୍ତୁApple ଡିଭାଇସ୍‌ରେ କାର୍ଯ‍୍ୟ କରିବା ପାଇଁ “କଣ୍ଟିନ୍ଯୁଇଟି” ବ୍ଯବହାର କରନ୍ତୁMac ରେ ଆପଣଙ୍କ iPhone କୁ ଏକ ୱେବ୍‌କ୍ୟାମ୍ ଭାବରେ ବ୍ୟବହାର କରନ୍ତୁMac ରେ ଆପଣଙ୍କ iPhone ରୁ ସ୍କେଚ୍, ଫଟୋ ଏବଂ ସ୍କାନ୍ ଇନ୍‌ସର୍ଟ୍ କରନ୍ତୁ
Morty Proxy This is a proxified and sanitized view of the page, visit original site.
ସହାୟକ କି?
କ‍୍ୟାରେକ୍ଟର୍ ସୀମା: 250
ସର୍ବାଧିକ କ‍୍ୟାରେକ୍ଟର୍ ସୀମା 250 ଅଟେ।
ଆପଣଙ୍କ ମତାମତ ପାଇଁ ଧନ‍୍ୟବାଦ।
Morty Proxy This is a proxified and sanitized view of the page, visit original site.