iOS 26
iOS 18
ଏହି କଣ୍ଟ‍୍ରୋଲ୍‌କୁ ପରିବର୍ତ୍ତନ କରିବା ଫଳରେ ଏହି ପୃଷ୍ଠା ସ୍ବୟଂଚାଳିତ ଭାବରେ ଅପ୍‌ଡେଟ୍ ହୋଇଯିବ

ଆପଣଙ୍କ iPhone କ୍ୟାମେରା ସହାୟତାରେ ଏକ ଭିଡିଓ ରେକର୍ଡ୍ କରନ୍ତୁ

ଭିଡିଓ ରେକର୍ଡ୍ କରିବା ପାଇଁ ଆପଣଙ୍କ iPhone କ୍ଯାମେରା ବ୍ଯବହାର କରନ୍ତୁ। ଡୁଅଲ୍ କ‍୍ୟାପ୍‌ଚର୍ ଭିଡିଓ କିପରି ରେକର୍ଡ୍ କରିବେ, ଭିଡିଓ ଫର୍ମାଟ୍ ମଧ‍୍ୟରେ ସ୍ୱିଚ୍ କରିବେ, ସିନେମାଟିକ୍, ସ୍ଲୋ-ମୋଶନ୍ ଏବଂ ଟାଇମ୍-ଲାପ୍ସ୍ ଭିଡିଓ ନେବା ପାଇଁ ମୋଡ୍ ପରିବର୍ତ୍ତନ କରିବେ ଏବଂ ଭିଡିଓ ଷ୍ଟାବିଲାଇଜେଶନ୍ ଉନ୍ନତ କରିବା ପାଇଁ ଆକ୍ସନ୍ ମୋଡ୍ ବ୍ଯବହାର କରିବେ ତାହା ଜାଣନ୍ତୁ।

ଧ‍୍ୟାନ ଦିଅନ୍ତୁ: ଫୋନ୍ କିମ୍ବା FaceTime କଲ୍ ସମୟରେ ଭିଡିଓ ରେକର୍ଡିଂ ଉପଲବ୍ଧ ନୁହେଁ।

ଏକ ଭିଡିଓ ରେକର୍ଡ୍ କରନ୍ତୁ

  1. ଆପଣଙ୍କ iPhone ରେ କ୍ଯାମେରା ଖୋଲନ୍ତୁ।

    କ‍୍ୟାମେରା ଭିଡିଓ ମୋଡ୍‌ରେ ଅଛି। କ‍୍ୟାମେରା କଣ୍ଟ୍ରୋଲ୍ ବଟନ୍ ଶୀର୍ଷ-ଡାହାଣ କୋଣରେ ଅଛି ଏବଂ ଭିଡିଓ ଫର୍ମାଟ୍ ବଟନ୍ ଶୀର୍ଷ-ବାମ କୋଣରେ ଅଛି। ଫଟୋ ଏବଂ ଭିଡିଓ ଭ୍ଯୁୟର୍ ବଟନ୍ ନିମ୍ନ-ବାମ କୋଣରେ ଅଛି। ରେକର୍ଡ୍ ବଟନ୍ ନିମ୍ନ ଭାଗ ମଝିରେ ଅଛି ଏବଂ କ୍ଯାମେରା ଚୁଜର୍ ବ୍ଯାକ୍-ଫେସିଂ ବଟନ୍ ନିମ୍ନ-ଡାହାଣ କୋଣରେ ଅଛି।

  2. ଭିଡିଓ ମୋଡ୍‌କୁ ସ୍ବିଚ୍ କରିବା ପାଇଁ ଭିଡିଓରେ ଟାପ୍ କରନ୍ତୁ।

  3. “ରେକର୍ଡ୍ କରନ୍ତୁ” ବଟନ୍‌ରେ ଟାପ୍ କରନ୍ତୁ, ରେକର୍ଡିଂ ଆରମ୍ଭ କରିବା ପାଇଁ ଯେକୌଣସି ଭଲ୍ୟୂମ୍ ବଟନ୍ ଦବାନ୍ତୁ କିମ୍ବା (ସମର୍ଥିତ ମଡେଲ୍)ରେ କ‍୍ୟାମେରା କଣ୍ଟ୍ରୋଲ୍‌ରେ କ୍ଲିକ୍ କରନ୍ତୁ। ରେକର୍ଡିଂ ସମୟରେ, ଆପଣ ନିମ୍ନୋକ୍ତ କାର୍ଯ୍ୟ କରିପାରିବେ:

    • ଏକ ସ୍ଥିର ଫଟୋ ନେବା ପାଇଁ ହ୍ୱାଇଟ୍ ଶଟର୍ ବଟନ୍‌ରେ ଟାପ୍ କରନ୍ତୁ।

    • ରେକର୍ଡିଂକୁ ପଜ୍ କରିବା ପାଇଁ ପଜ୍ ବଟନ୍‌ରେ ଟାପ୍ କରନ୍ତୁ।

    • ଜୂମ୍ ଇନ୍ ଏବଂ ଆଉଟ୍ କରିବା ପାଇଁ ସ୍କ୍ରୀନ୍‌କୁ ପିଞ୍ଚ୍ କରନ୍ତୁ।

    • ଜୂମ୍ ଇନ୍ ଏବଂ ଆଉଟ୍ କରିବା ପାଇଁ .5x, 1x, 2x, 3x, 4x, 5x, କିମ୍ବା 8x (ଆପଣଙ୍କ ମଡେଲ୍ ଉପରେ ନିର୍ଭର କରି) ରେ ଟାପ୍ କରନ୍ତୁ।

      ଅଧିକ ସଠିକ୍ ଜୂମ୍ କଣ୍ଟ୍ରୋଲ୍ ପାଇଁ, 1x କୁ ସ୍ପର୍ଶ କରି ହୋଲ୍ଡ୍ କରନ୍ତୁ, ତା’ପରେ ଡାଏଲ୍‌କୁ ସ୍ଲାଇଡ୍ କରନ୍ତୁ।

    • ସମର୍ଥିତ ମଡେଲ୍ରେ, ଜୂମ୍ ଇନ୍ ଓ ଆଉଟ୍ କରିବା ପାଇଁ କ‍୍ୟାମେରା କଣ୍ଟ୍ରୋଲ୍ ବ୍ୟବହାର କରନ୍ତୁ।

  4. “ରେକର୍ଡ୍ କରନ୍ତୁ” ବଟନ୍‌ରେ ଟାପ୍ କରନ୍ତୁ, ରେକର୍ଡିଂ ବନ୍ଦ କରିବା ପାଇଁ ଯେକୌଣସି ଭଲ୍ୟୂମ୍ ବଟନ୍ ଦବାନ୍ତୁ କିମ୍ବା (ସମର୍ଥିତ ମଡେଲ୍)ରେ କ‍୍ୟାମେରା କଣ୍ଟ୍ରୋଲ୍‌ରେ କ୍ଲିକ୍ କରନ୍ତୁ।

AirPods ଏବଂ AirPods Pro ର ସମର୍ଥିତ ମଡେଲ୍ ସହିତ, ଆପଣ ଏକ ଭିଡିଓ ରେକର୍ଡ୍ କରିବା ପାଇଁ AirPod ଷ୍ଟେମ୍‌କୁ ଦବାଇ ପାରିବେ। AirPods ୟୁଜର୍ ନିର୍ଦ୍ଦେଶାବଳୀରେ “ସମର୍ଥିତ କ‍୍ୟାମେରା ଆପ୍ ସହିତAirPods କିମ୍ବା AirPods Pro ବ‍୍ୟବହାର କରନ୍ତୁ” ଦେଖନ୍ତୁ।

ଯଦି ଆପଣଙ୍କର ଏକ Apple Watch ଅଛି, ତେବେ ଏକ ଭିଡିଓ ରେକର୍ଡ୍ କରିବା ପାଇଁ ଆପଣ କ୍ଯାମେରା ରିମୋଟ୍ ବ୍ଯବହାର କରିପାରିବେ। Apple Watch ୟୁଜର୍ ନିର୍ଦ୍ଦେଶାବଳୀରେ “Apple Watch ରେ କ୍ୟାମେରା ରିମୋଟ୍ ବ‍୍ୟବହାର କରନ୍ତୁ” ଦେଖନ୍ତୁ।

ଧ‍୍ୟାନ ଦିଅନ୍ତୁ: ଆପଣଙ୍କ ସୁରକ୍ଷା ପାଇଁ, କ୍ଯାମେରା ବ୍ୟବହାର ସମୟରେ ସ୍କ୍ରୀନ୍ ଶୀର୍ଷରେ ଏକ ସବୁଜ ଡଟ୍ ଦେଖାଯିବ। iPhone ରେ ହାର୍ଡୱେର୍ ଫୀଚର୍‌କୁ ଆକ୍ସେସ୍ ନିୟନ୍ତ୍ରଣ କରନ୍ତୁ ଦେଖନ୍ତୁ।

ଏକ ଡୁଅଲ୍ କ‍୍ୟାପ୍‌ଚର୍ ଭିଡିଓ ରେକର୍ଡ୍ କରନ୍ତୁ

iPhone 17, iPhone 17 Pro, iPhone 17 Pro Max ଏବଂ iPhone Air ରେ, ଆପଣ ଡୁଅଲ୍ କ‍୍ୟାପ୍‌ଚର୍ ଭିଡିଓ ରେକର୍ଡ୍ କରିପାରିବେ, ଯାହା ଆପଣଙ୍କୁ ଏକା ସମୟରେ—ନିଜକୁ ଏବଂ ଆପଣଙ୍କ ସାମ୍ନାରେ ଥିବା ଆକ୍ସନ୍‌କୁ—ରେକର୍ଡ୍ କରିବାକୁ ଅନୁମତି ଦେଇଥାଏ।

କ‍୍ୟାମେରା ଭିଡିଓ ମୋଡ୍‌ରେ ଏକ ଡୁଅଲ୍ କ‍୍ୟାପ୍‌ଚର୍ ଭିଡିଓ ରେକର୍ଡ୍ କରୁଛି। ଫ୍ରଣ୍ଟ୍-ଫେସିଂ କ୍ୟାମେରା କ’ଣ ରେକର୍ଡ୍ କରୁଛି ତାହା ଫ୍ରେମ୍‌ର ଶୀର୍ଷ-ବାମ ପାର୍ଶ୍ୱରେ ଥିବା ଏକ ୱିଣ୍ଡୋରେ ଦେଖାଯାଏ ଏବଂ ପଛ କ‍୍ୟାମେରା କ’ଣ ରେକର୍ଡ୍ କରୁଛି ତାହା ଫ୍ରେମ୍‌ର ଅବଶିଷ୍ଟ ଅଂଶରେ ଦେଖାଯାଏ।

  1. ଆପଣଙ୍କ iPhone ରେ କ୍ଯାମେରା ଖୋଲନ୍ତୁ।

  2. ଭିଡିଓ ମୋଡ୍ ଚୟନ କରନ୍ତୁ।

  3. କ‍୍ୟାମେରା କଣ୍ଟ୍ରୋଲ୍ ବଟନ୍ ରେ ଟାପ୍ କରନ୍ତୁ, ତା’ପରେ ଡୁଅଲ୍ କ‍୍ୟାପ୍‌ଚର୍‌ରେ ଟାପ୍ କରନ୍ତୁ।

  4. ରେକର୍ଡ୍ ବଟନ୍ ଦେଖାଇବା ପାଇଁ ସ୍କ୍ରୀନ୍‌ରେ ଟାପ୍ କରନ୍ତୁ, ତା’ପରେ ରେକର୍ଡିଂ ଆରମ୍ଭ କରିବା ପାଇଁ ରେକର୍ଡ୍ ବଟନ୍‌ରେ ଟାପ୍ କରନ୍ତୁ।

  5. ଡୁଅଲ୍ କ୍ୟାପ୍‌ଚର୍ ବନ୍ଦ କରିବାକୁ, ଡୁଅଲ୍ କ୍ୟାପ୍‌ଚର୍ ବଟନ୍ ରେ ଟାପ୍ କରନ୍ତୁ।

ଭିଡିଓ ରେକର୍ଡିଂ ଫର୍ମାଟ୍ ପରିବର୍ତ୍ତନ କରନ୍ତୁ

ଆପଣଙ୍କ iPhone ମଡେଲ୍ ଉପରେ ନିର୍ଭର କରି, ଆପଣ HD, 4K, HD (PAL), ଏବଂ 4K (PAL) ପରି ଉଚ୍ଚ ଗୁଣବତ୍ତା ଫର୍ମାଟ୍‌ରେ ଭିଡିଓ ରେକର୍ଡ୍ କରିପାରିବେ। ଆପଣଙ୍କ ମଡେଲ୍ ଉପରେ ନିର୍ଭର କରି, ଆପଣ fps ହାରକୁ 24, 25, 30, 60 କିମ୍ବା 120 ରେ ପରିବର୍ତ୍ତନ କରିପାରିବେ।

କ୍ଯାମେରା ଖୋଲାଥିବା ଏବଂ ଭିଡିଓ ମୋଡ୍ ଚୟନ କରାଯାଇଥିବା ସମୟରେ, ଆପଣଙ୍କ iPhone ରେ ଉପଲବ୍ଧ ଫର୍ମାଟ୍ ଦେଖିବା ପାଇଁ ଅନ୍‌ସ୍କ୍ରୀନ୍ ରିଜୋଲ‍୍ୟୁଶନ୍ ଏବଂ ଫ୍ରେମ୍ ରେଟ୍ ମୂଲ‍୍ୟରେ ଟାପ୍ କରନ୍ତୁ। ଏହାକୁ ବ୍ଯବହାର କରିବା ପାଇଁ ଏକ ଫର୍ମାଟ୍ ବିକଳ୍ପ କିମ୍ବା ଏକ fps ମୂଲ‍୍ୟରେ ଟାପ୍ କରନ୍ତୁ।

ଅତିରିକ୍ତ ଫର୍ମାଟ୍ ସକ୍ଷମ କରିବାକୁ, ନିମ୍ନରେ ଥିବା ନିର୍ଦ୍ଦେଶାବଳୀ ଅନୁସରଣ କରନ୍ତୁ। ଆପଣଙ୍କ iPhone ମଡେଲ୍ ଉପରେ ନିର୍ଭର କରି ବିକଳ୍ପ ଭିନ୍ନ ହୋଇଥାଏ।

  1. ଆପଣଙ୍କ iPhone ରେ ଥିବା ସେଟିଂସ୍ ଆପ୍ କୁ ଯାଆନ୍ତୁ।

  2. କ୍ଯାମେରାରେ ଟାପ୍ କରନ୍ତୁ, ତା’ପରେ “ଭିଡିଓ ରେକର୍ଡ୍ କରନ୍ତୁ”ରେ ଟାପ୍ କରନ୍ତୁ।

  3. ଆପଣଙ୍କ iPhone ସମର୍ଥନ କରୁଥିବା ଭିଡିଓ ଫର୍ମାଟ୍ ଏବଂ ଫ୍ରେମ୍ ରେଟ୍ ଲିଷ୍ଟ୍‌ରୁ ଚୟନ କରନ୍ତୁ।

    ଧ‍୍ୟାନ ଦିଅନ୍ତୁ: ଦ୍ରୁତ ଫ୍ରେମ୍ ରେଟ୍ ଏବଂ ଅଧିକ ରିଜୋଲ୍ୟୁଶନ୍ ବଡ଼ ଭିଡିଓ ଫାଇଲ୍ ଦେଇଥାଏ।

ଆପଣ ଦ୍ରୁତ ଫ୍ରେମ୍ ହାରରେ ରେକର୍ଡ୍ କରିଥିବା ଭିଡିଓକୁ ଫଟୋ ଆପ୍‌ରେ ସ୍ଲୋ ସ୍ପିଡ୍‌ରେ ଚଲାଇ ପାରିବେ। “ଭିଡିଓର ଅବଧି ଟ୍ରିମ୍ କରନ୍ତୁ, ସ୍ପୀଡ୍ ଆଡ୍‌ଜଷ୍ଟ୍ କରନ୍ତୁ ଏବଂ ଅଡିଓ ଏଡିଟ୍ କରନ୍ତୁ” ଦେଖନ୍ତୁ।

ଧ‍୍ୟାନ ଦିଅନ୍ତୁ: PAL ହେଉଛି ଏକ ଟେଲିଭିଜନ୍ ଭିଡିଓ ଫର୍ମାଟ୍ ଯାହା ୟୁରୋପ୍, ଆଫ୍ରିକା, ଏସିଆ ଏବଂ ଦକ୍ଷିଣ ଆମେରିକାର ଅନେକ ଦେଶ ଏବଂ ଅଞ୍ଚଳରେ ବ୍ୟବହୃତ ହୋଇଥାଏ।

ଆକ୍ସନ୍ ମୋଡ୍ ବ୍ଯବହାର କରନ୍ତୁ

ସମର୍ଥିତ ମଡେଲ୍ ରେ, ଭିଡିଓ ମୋଡ୍‌ରେ ରେକର୍ଡିଂ କରିବା ସମୟରେ ଆକ୍ସନ୍ ମୋଡ୍ ଉନ୍ନତ ଷ୍ଟେବଲାଇଜେଶନ୍ ପ୍ରଦାନ କରେ। କ‍୍ୟାମେରା କଣ୍ଟ୍ରୋଲ୍ ବଟନ୍ ରେ ଟାପ୍ କରନ୍ତୁ, ତା’ପରେ ଆକ୍ସନ୍‌ରେ ଟାପ୍ କରନ୍ତୁ। ଏହାକୁ ବନ୍ଦ କରିବା ପାଇଁ ଆକ୍ସନ୍ ମୋଡ୍ ଅନ୍ ବଟନ୍ ଅନ୍‌ସ୍କ୍ରୀନ୍‌ରେ ଟାପ୍ କରନ୍ତୁ।

ଟିପ୍‌: ଆପଣଙ୍କ କ୍ଯାମେରା ସ୍କ୍ରୀନ୍‌ରେ ସର୍ବଦା ଆକ୍ସନ୍ ମୋଡ୍ ବଟନ୍ ଦେଖାଇବା ପାଇଁ, ସେଟିଂସ୍ > କ‍୍ୟାମେରା > ଇଣ୍ଡିକେଟର୍‌କୁ ଯାଆନ୍ତୁ, ତା’ପରେ ଆକ୍ସନ୍ ମୋଡ୍ ଚାଲୁ କରନ୍ତୁ।

ବ୍ରାଇଟ୍ ଲାଇଟ୍‌ରେ ଆକ୍ସନ୍ ମୋଡ୍ ସବୁଠାରୁ ଭଲ କାର୍ଯ୍ଯ କରେ। ଯଦି ଆପଣ କମ୍ ଆଲୋକରେ ଆକ୍ସନ୍ ମୋଡ୍ ବ୍ୟବହାର କରିବାକୁ ଚାହୁଁଛନ୍ତି, ତେବ ସେଟିଂସ୍  > କ୍ୟାମେରାକୁ ଯାଆନ୍ତୁ, ରେକର୍ଡ୍ ଭିଡିଓରେ ଟାପ୍ କରନ୍ତୁ, ତାପରେ “ଆକ୍ସନ୍ ମୋଡ୍ ଲାଇଟ୍ କମ୍ କରନ୍ତୁ” ଚାଲୁ କରନ୍ତୁ। ଆକ୍ସନ୍ ମୋଡ୍‌ର ସର୍ବାଧିକ କ୍ୟାପ୍‌ଚର୍ ରିଜୋଲ୍ଯୁଶନ୍ 2.8K ରହିଛି।

ଫଟୋ ମୋଡ୍‌ରେ ଏକ ଭିଡିଓ ରେକର୍ଡ୍ କରନ୍ତୁ

ଆପଣ ଭିଡିଓ ମୋଡ୍‌କୁ ସ୍ୱିଚ୍ କରିବା ପରିବର୍ତ୍ତେ ଫଟୋ ମୋଡ୍‌ରେ ଥିବା ସମୟରେ ଏକ ଭିଡିଓ ରେକର୍ଡ୍ କରିପାରିବେ। ରେକର୍ଡିଂ ସମୟରେ, ଆପଣ ରେକର୍ଡ୍ ବଟନ୍ ଲକ୍ ପୋଜିସନ୍‌କୁ ମୂଭ୍ କରିପାରିବେ ଏବଂ ସେହି ସମୟରେ ସ୍ଥିର ଫଟୋ ଉଠାଇପାରିବେ।

  1. ଆପଣଙ୍କ iPhone ରେ କ୍ଯାମେରା ଖୋଲନ୍ତୁ।

  2. ରେକର୍ଡିଂ ଆରମ୍ଭ କରିବା ପାଇଁ ଶଟର୍ ବଟନ୍‌କୁ ସ୍ପର୍ଶ କରି ହୋଲ୍ଡ୍ କରନ୍ତୁ।

  3. ଶଟର୍ ବଟନ୍‌କୁ ଡାହାଣ ପାର୍ଶ୍ବକୁ ସ୍ଲାଇଡ୍ କରନ୍ତୁ ଏବଂ ହ୍ଯାଣ୍ଡ୍-ଫ୍ରୀ ରେକର୍ଡିଂ ପାଇଁ ଲକ୍ ଉପରେ ଯିବାକୁ ଦିଅନ୍ତୁ।

    • ଉଭୟ ରେକର୍ଡ୍ ଏବଂ ଶଟର୍ ବଟନ୍ ଫ୍ରେମ୍‌ର ତଳେ ଦେଖାଯିବ-ରେକର୍ଡିଂ ସମୟରେ ଏକ ସ୍ଥିର ଫଟୋ ନେବା ପାଇଁ ଶଟର୍ ବଟନ୍‌ରେ ଟାପ୍ କରନ୍ତୁ।

    • ଜୂମ୍ ଇନ୍ କରିବା ପାଇଁ ଆପଣଙ୍କ ବିଷୟରେ ଉପରକୁ ସ୍ୱାଇପ୍ କରନ୍ତୁ, କିମ୍ବା ଯଦି ଆପଣ ହ‍୍ୟାଣ୍ଡ୍-ଫ୍ରୀ ରେକର୍ଡିଂ କରୁଛନ୍ତି, ଜୂମ୍ ଇନ୍ କରିବା ପାଇଁ ସ୍କ୍ରୀନ୍‌ରେ ପିଞ୍ଚ୍ ଆଉଟ୍ କରିପାରିବେ।

  4. ରେକର୍ଡିଂ ବନ୍ଦ କରିବା ପାଇଁ ରେକର୍ଡ୍ ବଟନ୍‌ରେ ଟାପ୍ କରନ୍ତୁ।

    କ‍୍ୟାମେରା ଫ୍ରେମ୍ ସ୍କ୍ରୀନ୍‌କୁ ପୂରଣ କରେ। ସ୍କ୍ରୀନ୍‌ର ନିମ୍ନରେ, ଶଟର୍ ବଟନ୍ ଡାହାଣକୁ ମୂଭ୍ କରେ, ଯାହା ହ୍ୟାଣ୍ଡ୍-ଫ୍ରି ରେକର୍ଡିଂର ମୂଭ୍‌ମେଣ୍ଟ୍‌କୁ ପ୍ରଦର୍ଶନ କରେ।

    ଟିପ୍‌: ଫଟୋ ମୋଡ୍‌ରେ ଏକ ଭିଡିଓ ରେକର୍ଡିଂ ଆରମ୍ଭ କରିବା ପାଇଁ ଭଲ୍ୟୁମ୍ ଅପ୍ କିମ୍ବା ଭଲ୍ୟୁମ୍ ଡାଉନ୍ ବଟନ୍ ଦବାଇ ହୋଲ୍ଡ୍ କରନ୍ତୁ।

    ସମର୍ଥିତ ମଡେଲ୍ରେ, ପୂର୍ଣ୍ଣ ରିଜୋଲ୍ୟୂଶନ୍‌ରେ ଭିଡିଓ ରେକର୍ଡ୍ କରିବା ପାଇଁ ଆପଣ କ‍୍ୟାମେରା କଣ୍ଟ୍ରୋଲ୍‌କୁ କ୍ଲିକ୍ କରି ହୋଲ୍ଡ୍ କରିପାରିବେ।

ଫଟୋ ଆପ୍‌ରେ ଥିବା ଭିଡିଓ ଦେଖିବା ପାଇଁ ଥମ୍ବ୍‌ନେଲ୍‌ରେ ଟାପ୍ କରନ୍ତୁ।

ସ୍ଲୋ-ମୋଶନ୍ ଭିଡିଓ ରେକର୍ଡ୍ କରନ୍ତୁ

ସ୍ଲୋ-ମୋ ମୋଡ୍ ଆପଣଙ୍କ ଭିଡିଓକୁ ସ୍ୱାଭାବିକ ଭାବରେ ରେକର୍ଡ୍ କରେ ଏବଂ ତା’ପରେ ଏହାକୁ ପୁଣି ସ୍ଲୋ ମୋଶନ୍‌ରେ ଚଲାଏ। ସ୍ଲୋ ମୋଶନ୍‌ରେ କେଉଁ ଭାଗ ଚାଲିବ ତାହା ବାଛିବାକୁ ଆପଣ ପରେ ଆପଣଙ୍କ ଭିଡିଓକୁ ଏଡିଟ୍ କରିପାରିବେ; “ସ୍ଲୋ-ମୋ ମୋଡ୍‌ରେ ଏକ ଭିଡିଓ ଶଟ୍‌ର ସ୍ଲୋ-ମୋଶନ୍ ବିଭାଗ ଏଡିଟ୍ କରନ୍ତୁ” ଦେଖନ୍ତୁ।

  1. ଆପଣଙ୍କ iPhone ରେ କ୍ଯାମେରା ଖୋଲନ୍ତୁ।

  2. ଫଟୋ କିମ୍ବା ଭିଡିଓ ମୋଡ୍‌କୁ ସ୍ପର୍ଶ କରନ୍ତୁ, ତା’ପରେ ସ୍ଲୋ-ମୋ ମୋଡ୍ ଚୟନ କରିବାକୁ ସ୍ୱାଇପ୍ କରନ୍ତୁ।

    ସମର୍ଥିତ ମଡେଲ୍ରେ, ଆପଣ ସାମ୍ନା କ‍୍ୟାମେରାରେ ସ୍ଲୋ-ମୋ ମୋଡ୍‌ରେ ରେକର୍ଡ୍ କରିବା ପାଇଁ କ୍ଯାମେରା ଚୁଜର୍ ବ୍ୟାକ୍-ଫେସିଂ ବଟନ୍ ରେ ଟାପ୍ କରିପାରିବେ।

  3. ରେକର୍ଡିଂ ଆରମ୍ଭ କରିବାକୁ, “ରେକର୍ଡ୍ କରନ୍ତୁ” ବଟନ୍‌ରେ ଟାପ୍ କରନ୍ତୁ, ଯେକୌଣସି ଭଲ୍ୟୂମ୍ ବଟନ୍ ଦବାନ୍ତୁ କିମ୍ବା (ସମର୍ଥିତ ମଡେଲ୍)ରେ କ‍୍ୟାମେରା କଣ୍ଟ୍ରୋଲ୍‌ରେ କ୍ଲିକ୍ କରନ୍ତୁ।

    ରେକର୍ଡିଂ ସମୟରେ ଏକ ସ୍ଥିର ଫଟୋ ନେବାକୁ ଆପଣ ଶଟର୍ ବଟନ୍‌ରେ ଟାପ୍ କରିପାରିବେ।

  4. ରେକର୍ଡିଂ ବନ୍ଦ କରିବାକୁ, “ରେକର୍ଡ୍ କରନ୍ତୁ” ବଟନ୍‌ରେ ଟାପ୍ କରନ୍ତୁ, ଯେକୌଣସି ଭଲ୍ୟୂମ୍ ବଟନ୍ ଦବାନ୍ତୁ କିମ୍ବା (ସମର୍ଥିତ ମଡେଲ୍)ରେ କ‍୍ୟାମେରା କଣ୍ଟ୍ରୋଲ୍‌ରେ କ୍ଲିକ୍ କରନ୍ତୁ।

ଭିଡିଓର ଏକ ଅଂଶକୁ ଶ୍ଲୋ’ ମୋଶନ୍ ଏବଂ ବାକି ଅଂଶକୁ ନିୟମିତ ସ୍ପୀଡ୍‌ରେ ଚଲାଇବାକୁ ସେଟ୍ କରିବା ପାଇଁ, ଭିଡିଓ ଥମ୍ବ୍‌ନେଲ୍‌ରେ ଟାପ୍ କରନ୍ତୁ, ତା’ପରେ “ଏଡିଟ୍ କରନ୍ତୁ“ରେ ଟାପ୍ କରନ୍ତୁ। ଆପଣ ସ୍ଲୋ ମୋଶନ୍‌ରେ ଯେଉଁ ବିଭାଗଟିକୁ ପ୍ଲେ ବ୍ଯାକ୍ କରିବାକୁ ଚାହୁଁଛନ୍ତି ତାହା ନିର୍ଦ୍ଧାରଣ କରିବାକୁ ଫ୍ରେମ୍ ଭ୍ୟୁୟର୍ ତଳେ ଭର୍ଟିକାଲ୍ ବର୍ଗଗୁଡ଼ିକୁ ସ୍ଲାଇଡ୍ କରନ୍ତୁ।

ଆପଣଙ୍କ ମଡେଲ୍ ଉପରେ ନିର୍ଭର କରି, ଆପଣ ସ୍ଲୋ ମୋଶନ୍ ଫ୍ରେମ୍ ରେଟ୍ ଏବଂ ରିଜୋଲ୍ୟୁଶନ୍ ବଦଳାଇ ପାରିବେ। ସ୍ଲୋ-ମୋଶନ୍ ରେକର୍ଡିଂ ସେଟିଂସ୍‌ରେ ପରିବର୍ତ୍ତନ କରିବାକୁ, ସେଟିଂସ୍  > କ୍ୟାମେରାକୁ ଯାଆନ୍ତୁ, ତା’ପରେ ସ୍ଲୋ-ମୋଶନ୍‌ରେ ରେକର୍ଡ୍ କରନ୍ତୁରେ ଟାପ୍ କରନ୍ତୁ।

ଟିପ୍‌: iPhone 16 Pro ମଡେଲ୍ ଏବଂ iPhone 17 Pro ମଡେଲ୍‌ରେ, ଆପଣ ଭିଡିଓ ମୋଡ୍‌ରେ ସ୍ଲୋ-ମୋଶନ୍ ଭିଡିଓ ରେକର୍ଡ୍ କରିପାରିବେ। ସ୍କ୍ରୀନ୍‌ର କୋଣରେ ଥିବା ଫର୍ମାଟ୍ ଓ ରିଜୋଲ୍ଯୂଶନ୍ ମୂଲ‍୍ୟରେ ଟାପ୍ କରନ୍ତୁ, ତା’ପରେ 120 FPS ଚୟନ କରନ୍ତୁ।

ଗୋଟିଏ ଟାଇମ୍-ଲାପ୍ସ୍ ଭିଡିଓ ରେକର୍ଡ୍ କରନ୍ତୁ

ଏକ ଚୟନିତ ବ‍୍ୟବଧାନ ମଧ୍ଯରେ ଅନୁଭୂତିର ଏକ ଟାଇମ୍-ଲାପ୍ସ୍ ଭିଡିଓ ତିଆରି କରିବା ପାଇଁ ଚୟନିତ ବ୍ୟବଧାନରେ ଫୁଟେଜ୍ କ୍ଯାପ୍‌ଚର୍ କରନ୍ତୁ-ଯେପରିକି ଅସ୍ତ ହେଉଥିବା ସୂର୍ଯ୍ୟ କିମ୍ବା ଯାତାୟତ ଟ୍ରାଫିକ୍।

  1. ଆପଣଙ୍କ iPhone ରେ କ୍ଯାମେରା ଖୋଲନ୍ତୁ।

  2. ଟାଇମ୍-ଲାପ୍ସ୍ ମୋଡ୍ ଚୟନ କରନ୍ତୁ।

  3. ଆପଣଙ୍କ ବିଷୟ ଫ୍ରେମ୍ କରିବା ପାଇଁ ଆପଣଙ୍କ iPhone କୁ ପୋଜିଶନ୍ କରନ୍ତୁ, ତା’ପରେ ଏହାକୁ ଏକ ସ୍ଥିର ସର୍‌ଫେସ୍ କିମ୍ବା ଟ୍ରାଇପଡ୍‌ରେ ରଖନ୍ତୁ।

  4. ରେକର୍ଡିଂ ଆରମ୍ଭ ଓ ବନ୍ଦ କରିବାକୁ “ରେକର୍ଡ୍ କରନ୍ତୁ” ବଟନ୍‌ରେ ଟାପ୍ କରନ୍ତୁ କିମ୍ବା (ସମର୍ଥିତ ମଡେଲ୍)ରେ କ‍୍ୟାମେରା କଣ୍ଟ୍ରୋଲ୍‌ରେ କ୍ଲିକ୍ କରନ୍ତୁ।

ଟିପ୍‌: iPhone 12 କିମ୍ବା ପରବର୍ତ୍ତୀରେ, କମ୍-ଲାଇଟ୍ ସ୍ଥିତିରେ ରେକର୍ଡିଂ କରିବା ସମୟରେ ଅଧିକ ବିବରଣୀ ଏବଂ ଉଜ୍ଜ୍ୱଳତା ସହିତ ଟାଇମ୍-ଲାପ୍ସ୍ ଭିଡିଓ କ‍୍ୟାପ୍‌ଚର୍ କରିବାକୁ ଟ୍ରାଇପଡ୍ ବ୍ୟବହାର କରନ୍ତୁ।

ଏହା ମଧ‍୍ୟ ଦେଖନ୍ତୁଆପଣଙ୍କ iPhone କ୍ଯାମେରା ସହାୟତାରେ ProRes ଭିଡିଓ ରେକର୍ଡ୍ କରନ୍ତୁiPhone ରେ ଭିଡିଓ ରେକର୍ଡିଂ ସେଟିଂସ୍ ପରିବର୍ତ୍ତନ କରନ୍ତୁiPhone ରେ ଭିଡିଓର ଅବଧି ଟ୍ରିମ୍ କରନ୍ତୁ, ସ୍ପୀଡ୍ ଆଡ୍‌ଜଷ୍ଟ୍ କରନ୍ତୁ ଏବଂ ଅଡିଓ ଏଡିଟ୍ କରନ୍ତୁ
Morty Proxy This is a proxified and sanitized view of the page, visit original site.
ସହାୟକ କି?
କ‍୍ୟାରେକ୍ଟର୍ ସୀମା: 250
ସର୍ବାଧିକ କ‍୍ୟାରେକ୍ଟର୍ ସୀମା 250 ଅଟେ।
ଆପଣଙ୍କ ମତାମତ ପାଇଁ ଧନ‍୍ୟବାଦ।
Morty Proxy This is a proxified and sanitized view of the page, visit original site.