iOS 26
iOS 18
આ કંટ્રોલમાં ફેરફાર કરવાથી આ પેજ ઑટોમૅટિક રીતે અપડેટ થઈ જશે.

iPhone પર કૅમેરાનાં વીડિયો રેકોર્ડિંગ સેટિંગ્સ બદલો

ડિફૉલ્ટ રૂપે iPhone 30 ફ્રેમ પ્રતિ સેકંડ (fps) પર વીડિયો રેકોર્ડ થાય છે. તમારા iPhone મૉડલના આધારે તમે અન્ય ફ્રેમ રેટ અને વીડિયો રિઝોલ્યૂશન સેટિંગ્સ પસંદ કરી શકો છો. વધુ ઝડપી ફ્રેમ રેટ અને વધુ રિઝોલ્યૂશનના કારણે વીડિયો ફાઇલની સાઇઝ મોટી થઈ જાય છે.

તમે કૅમેરા સ્ક્રીન પર જ વીડિયો રિઝોલ્યૂશન અને ફ્રેમ રેટને સરળતાથી બદલવા માટે ઝડપી ટૉગલનો પણ ઉપયોગ કરી શકો છો.

વીડિયો રિઝોલ્યૂશન અને ફ્રેમ રેટ બદલવા માટે ઝડપી ટૉગલનો ઉપયોગ કરો

વીડિયો મોડમાં તમારા iPhoneમાં ઉપલબ્ધ વીડિયો રિઝોલ્યૂશન અને ફ્રેમ રેટને બદલવા માટે સ્ક્રીનમાં ટોચ પરના ઝડપી ટૉગલનો ઉપયોગ કરો.

HD અથવા 4K રેકોર્ડિંગ અને તમારા મૉડલના આધારે 24, 25, 30 અથવા 60 fps વીડિયો મોડમાં સ્વિચ કરવા માટે ઉપરના જમણા ખૂણામાં આવેલા ઝડપી ટૉગલ પર ટૅપ કરો.

સપોર્ટેડ મૉડલમાં HD અથવા 4K અને 24, 25 અથવા 30 fps વચ્ચે સ્વિચ કરવા માટે સિનેમૅટિક મોડમાં ઝડપી ટૉગલ ઉપલબ્ધ છે.

FPS સેટિંગ્સ ઑટોમૅટિક રીતે ઍડજસ્ટ કરવા

iPhone ઝાંખા પ્રકાશમાં ફ્રેમ રેટને ઑટોમૅટિક રીતે 24 fps સુધી ઘટાડીને વીડિયોની ગુણવત્તામાં સુધારો કરી શકે છે.

સેટિંગ્સ  > કૅમેરા > વીડિયો રેકોર્ડ કરો પર જાઓ પછી તમારા મૉડલના આધારે નીચેનામાંથી કોઈ પણ એક કરો :

  • ઑટો FPS પર ટૅપ કરો અને માત્ર 30-fps વીડિયો અથવા 30-અને 60-fps વીડિયો બંને પર ઑટો FPS લાગુ કરો.

  • ઑટો લો લાઇટ FPS ચાલુ કરો.

સ્ટીરિઓ રેકોર્ડિંગ ચાલુ કરો અને બંધ કરો

iPhone સ્ટીરિઓ સાઉંડ હાંસલ કરવા માટે ઘણાં માઇક્રોફોનનો ઉપયોગ કરે છે.

સ્ટીરિઓ રેકોર્ડિંગ બંધ કરવા માટે સેટિંગ્સ  > કૅમેરા પર જાઓ પછી સ્ટીરિઓ સાઉંડ રેકોર્ડ કરોને બંધ કરો.

તમામ iPhone 16 મૉડલમાં ડિફૉલ્ટ રૂપે તમારો કૅમેરા સ્પેશિયલ ઑડિઓમાં રેકોર્ડ કરે છે. રેકોર્ડિંગ સેટિંગ્સ બદલવા માટે સેટિંગ્સ  > કૅમેરા > સાઉંડ રેકોર્ડ કરો પર જાઓ પછી સ્પેશિયલ ઑડિઓ, સ્ટીરિઓ અથવા મૉનો પર ટૅપ કરો.

HDR વીડિયો બંધ કરીને ચાલુ કરો

સપોર્ટેડ મૉડલ પર iPhone HDRમાં વીડિયો રેકોર્ડ કરે છે અને iOS 13.4, iPadOS 13.4, macOS 10.15.4 અથવા તે પછી વર્ઝનવાળા ડિવાઇસનો ઉપયોગ કરીને HDR વીડિયોને શેર કરે છે; અન્ય ડિવાઇસને એ જ વીડિયોનું SDR વર્ઝન મળે છે.

HDR રેકોર્ડિંગ બંધ કરવા માટે સેટિંગ્સ  > કૅમેરા > વીડિયો રેકોર્ડ કરો પર જાઓ પછી HDR વીડિયો બંધ કરો.

“કૅમેરા લૉક કરો” ચાલુ કરો અને બંધ કરો

સપોર્ટેડ મૉડલ પર કૅમેરા લૉક કરો સેટિંગ વીડિયો રેકોર્ડ કરતી વખતે એક કૅમેરાથી બીજા કૅમેરામાં સ્વિચ થવાનું અટકાવે છે. “કૅમેરા લૉક કરો” ડિફૉલ્ટ રૂપે બંધ છે.

કૅમેરા લૉક કરો ચાલુ કરવા માટે સેટિંગ્સ  > કૅમેરા > વીડિયો રેકોર્ડ કરો પર જાઓ પછી કૅમેરા લૉક કરો ચાલુ કરો.

ઇનહાંસ કરેલું સ્ટેબિલાઇઝેશન બંધ કરો અને ચાલુ કરો

સપોર્ટેડ મૉડલમાં વીડિયો મોડ અથવા સિનેમૅટિક મોડમાં રેકોર્ડિંગ કરતી વખતે વધુ સારું સ્ટેબિલાઇઝેશન પ્રદાન કરવા માટે ઇનહાંસ કરેલું સ્ટેબિલાઇઝેશન સેટિંગ સહેજ ઝૂમ ઇન થાય છે. ઇનહાંસ કરેલ સ્ટેબિલાઇઝેશન ડિફૉલ્ટ રૂપે ચાલુ છે.

ઇનહાંસ કરેલું સ્ટેબિલાઇઝેશન બંધ કરવા માટે સેટિંગ્સ  > કૅમેરા > વીડિયો રેકોર્ડ કરો પર જાઓ પછી ઇનહાંસ કરેલું સ્ટેબિલાઇઝેશન બંધ કરો.

“વ્હાઇટ બૅલેંસ લૉક કરો” ચાલુ કરો અને બંધ કરો

તમે તમારા iPhone પર વીડિયો રેકોર્ડ કરતી વખતે લાઇટની સ્થિતિના આધારે સચોટ રંગ કૅપ્ચર વધારવા માટે વ્હાઇટ બૅલેંસ લૉક કરી શકો છો.

વ્હાઇટ બૅલેંસ લૉક કરો ચાલુ કરવા માટે સેટિંગ્સ  > કૅમેરા > વીડિયો રેકોર્ડ કરો પર જાઓ પછી વ્હાઇટ બૅલેંસ લૉક કરો ચાલુ કરો.

સ્લો-મોશન રેકોર્ડિંગ ફ્રેમ રેટ ઍડજસ્ટ કરવા

સ્લો-મોશન પાછળના કૅમેરામાંથી 240 fps પર 1080 HD અને આગળના કૅમેરામાંથી 120 fps પર 1080 HD રેકોર્ડ કરવા માટે સેટ કરેલ છે. બૅક કૅમેરાને 120 fps પર બદલવા માટે સેટિંગ્સ  > કૅમેરા > સ્લો-મોશન રેકોર્ડ કરો પર જાઓ.

સિનેમૅટિક મોડ રિઝોલ્યૂશન અને ફ્રેમ રેટ ઍડજસ્ટ કરવા

સપોર્ટેડ મૉડલમાં સિનેમૅટિક વીડિયો 30 fps પર 1080 HDમાં રેકોર્ડ કરવા માટે સેટ કરેલો છે. 24 fps પર 4K અથવા 30 fps પર 4K પર સ્વિચ કરવા માટે સૅટિંગ્સ  > કૅમેરા > સિનેમૅટિક રેકોર્ડ કરો પર જાઓ.

ઍક્શન મોડ લૉઅર લાઇટ ચાલુ કરો

સપોર્ટેડ મૉડલમાં જો તમે ઝાંખા પ્રકાશમાં ઍક્શન મોડનો ઉપયોગ કરવા માંગતા હોવ તો સેટિંગ્સ  > કૅમેરા > વીડિયો રેકોર્ડ કરો પર જાઓ પછી ઍક્શન મોડ લૉઅર લાઇટ ચાલુ કરો.

આ પણ જુઓતમારા iPhoneના કૅમેરાથી વીડિયો રેકોર્ડ કરોતમારા iPhoneના કૅમેરાથી ProRes વીડિયો રેકોર્ડ કરોતમારા iPhoneના કૅમેરાથી સિનેમૅટિક મોડમાં વીડિયો રેકોર્ડ કરો
Morty Proxy This is a proxified and sanitized view of the page, visit original site.
મદદરૂપ થયું?
અક્ષરની સીમા 250
મહત્તમ અક્ષરની સીમા 250 છે.
તમારા પ્રતિસાદ બદલ ખૂબ ખૂબ આભાર.
Morty Proxy This is a proxified and sanitized view of the page, visit original site.