iOS 26
iOS 18
આ કંટ્રોલમાં ફેરફાર કરવાથી આ પેજ ઑટોમૅટિક રીતે અપડેટ થઈ જશે.

iPhone પર મેસેજમાં તમારું લોકેશન શેર કરો

લોકેશન શેરિંગનો ઉપયોગ કરીને તમે ક્યાં છો તે અન્ય લોકોને જણાવી શકો છો (અથવા તેઓ ક્યાં છે તે જાણી શકો છો).

શેર કરેલા લોકેશન સાથે મેસેજ વાર્તાલાપ.

તમારું લોકેશન શેર કરો અને ઑટોમૅટિક રીતે અપડેટ કરો

જ્યારે તમે મેસેજ વાર્તાલાપમાં તમારું લોકેશન શેર કરો છો ત્યારે તે વાર્તાલાપમાં જ રિઅલ ટાઇમમાં અપડેટ થાય છે. જ્યારે કોઈ તમને પૂછે કે તમે ક્યાં છો ત્યારે તમે વર્તમાન લોકેશન (કીબોર્ડની ઉપર) પર ટૅપ કરીને તમારું લોકેશન શેર કરી શકો છો અથવા નીચે મુજબ કરી શકો છો :

  1. તમારા iPhone પર મેસેજ ઍપ પર જાઓ.

  2. નવો મેસેજ શરૂ કરો અથવા વાર્તાલાપ ખોલીને “ઍપ્સ” બટન પર ટૅપ કરીને લોકેશન પર ટૅપ કરો પછી “શેર કરો” પર ટૅપ કરો.

  3. તમે તમારું લોકેશન કેટલા સમય સુધી શેર કરવા માંગો છો તે નક્કી કરો.

    જ્યાં સુધી તમે તમારું લોકેશન શેર કરવાનું મૅન્યુઅલ રીતે બંધ ન કરો ત્યાં સુધી “અનિશ્ચિતકાળ માટે” પર ટૅપ કરો.

  4. તમારું લોકેશન મોકલવા માટે “મોકલો” બટન પર ટૅપ કરો. (અથવા જો તમારો વિચાર બદલાય તો મેસેજ બટનમાંથી ઍપ કાઢી નાખો પર ટૅપ કરો.)

તમે વાર્તાલાપની ટોચ પર વ્યક્તિ અથવા ગ્રૂપના નામ પર ટૅપ કરીને પછી “મારું લોકેશન શેર કરો” પર ટૅપ કરીને પણ તમારું લોકેશન શેર કરી શકો છો. જો તમે તેને ગ્રૂપ સાથે શેર કરો અને પછી અન્ય લોકોને ગ્રૂપમાં ઉમેરો તો ત્યારે તમે ક્યાં છો તે દરેકને જણાવવા માટે તમે તમારું લોકેશન ફરી શેર કરી શકો છો.

જ્યારે તમે SMS વાર્તાલાપમાં તમારું લોકેશન શેર કરવા માંગતા હોવ ત્યારે તેના બદલે પિન કરેલું લોકેશન મોકલો.

કોઈની સાથે ચેક ઇન કરવા માટે મેસેજનો ઉપયોગ કરવા માટે—ઉદાહરણ તરીકે જ્યારે તમે સુરક્ષિત રીતે તમારા ડેસ્ટિનેશન પર પહોંચો ત્યારે પરિવારના સભ્ય અથવા મિત્રને સૂચના મોકલવા માટે જુઓ : તમે પહોંચી ગયા તેની જાણ તમારા મિત્રોને કરવા માટે ચેક ઇનનો ઉપયોગ કરો.

જ્યારે તમે તમારું લોકેશન શેર કરો છો ત્યારે મેસેજ “ખોજી” ઍપનો ઉપયોગ કરે છે. કેવી રીતે તમારું લોકેશન શેર કરવું અને કેવી રીતે કોઈ વ્યક્તિને લોકેટ કરવી તે જાણો.

પિન કરેલું લોકેશન મોકલો

  1. તમારા iPhone પર મેસેજ ઍપ પર જાઓ.

  2. નવો મેસેજ શરૂ કરો અથવા વાર્તાલાપ ખોલો અને “ઍપ્સ” બટન પર ટૅપ કરો પછી લોકેશન પર ટૅપ કરો.

  3. નકશાની ઉપરની ડાબી બાજુએ “નકશો પિન” બટન પર ટૅપ કરો પછી પિન યોગ્ય જગ્યાએ ન આવે ત્યાં સુધી નકશો ડ્રૅગ કરો.

  4. “પિન મોકલો” પર ટૅપ કરો પછી તમારો પિન મોકલવા માટે “મોકલો” બટન પર ટૅપ કરો.

જેમ તમે મુવ કરો તેમ પિન કરેલાં લોકેશન અપડેટ થતાં નથી.

બીજા કોઈના લોકેશન માટે પૂછો

  1. તમારા iPhone પર મેસેજ ઍપ પર જાઓ.

  2. નવો મેસેજ શરૂ કરો અથવા કોઈ અન્ય વ્યક્તિ સાથે વાર્તાલાપ ખોલો પછી નીચેનામાંથી કોઈ પણ એક કરો :

    • “ઍપ્સ” બટન પર ટૅપ કરો અને લોકેશન પર ટૅપ કરો પછી “વિનંતી કરો” બટન પર ટૅપ કરો.

    • “તમે ક્યાં છો?” પ્રશ્ન સાથે સમાપ્ત થતો મેસેજ મોકલો. લોકેશનની વિનંતી કરો પર ટૅપ કરો (કીબોર્ડની ઉપર).

    • જે વ્યક્તિનું લોકેશન તમે વાર્તાલાપની ટોચ પર ઇચ્છો છો તેમના નામ પર ટૅપ કરો પછી “લોકેશનની વિનંતી કરો” પર ટૅપ કરો.

  3. તમારી વિનંતી મોકલવા માટે “મોકલો” બટન પર ટૅપ કરો.

કોઈ તમારી સાથે તેમનું લોકેશન શેર કરે પછી તેમનું લોકેશન વાર્તાલાપની ટોચ પર તેમના નામની નીચે દેખાય છે. તમે તેમના નામ પર ટૅપ કરીને નકશા પર તેઓ ક્યાં છે તે જોઈ શકો છો. નકશો મોટો કરવા માટે તેના પર ટૅપ કરો.

જ્યારે તમે જે વ્યક્તિને શોધી રહ્યાં છો તેની નજીક હોવ અને તમે બંને iPhone 15 અથવા પછીના મૉડલનો ઉપયોગ કરી રહ્યાં હોવ ત્યારે તમે તેમના લોકેશનના સચોટ દિશાનિર્દેશ મેળવવા માટે “ખોજી”નો ઉપયોગ કરી શકો છો. જુઓ : મિત્રને મળવા માટે સચોટ શોધનો ઉપયોગ કરો.

મિત્રને મળો

જો તમે અને કોઈ મિત્ર બંને સપોર્ટેડ મૉડલનો ઉપયોગ કરી રહ્યાં હોવ તો તમે બંને એકબીજાની નજીકમાં હોવ ત્યારે તેમના લોકેશનના સચોટ દિશા નિર્દેશનો મેળવવા માટે “ખોજી”નો ઉપયોગ કરી શકો છો. જુઓ : મિત્રને મળવા માટે સચોટ શોધનો ઉપયોગ કરો.

સચોટ શોધનો ઉપયોગ કરીને શેર કરવામાં આવેલા લોકેશન સાથે મેસેજનો વાર્તાલાપ.

તમારું લોકેશન શેર કરવાનું બંધ કરો

  1. તમારા iPhone પર મેસેજ ઍપ પર જાઓ.

  2. વાર્તાલાપ ખોલો પછી નીચેનામાંથી કોઈ પણ એક કરો :

    • તમારા શેર કરેલા લોકેશન સાથેના મેસેજ પર ટૅપ કરો પછી “મારું લોકેશન શેર કરવાનું બંધ કરો” પર ટૅપ કરો.

    • વાર્તાલાપની ટોચ પર તમે જેમની સાથે લોકેશન શેર કરી રહ્યાં છો તેના નામ પર ટૅપ કરો અને પછી શેરિંગ બંધ કરો અથવા મારું લોકેશન શેર કરવાનું બંધ કરો પર ટૅપ કરો.

વાર્તાલાપમાં અગાઉના બબલ હવેથી નકશો ડિસ્પ્લે નહિ કરે.

નોટ : લોકેશન શેરિંગ સાથે લોકોને શોધવાનું તમામ દેશ અથવા વિસ્તારમાં ઉપલબ્ધ નથી. જો તમે લોકેશન શેરિંગ સેટ અપ કર્યું હોય અને અન્ય લોકો હજુ પણ તમારું લોકેશન જોઈ શકતા ન હોય તો તમે ઍક્સેસની અનુમતિ આપી છે તેની ખાતરી કરો. સેટિંગ્સ  > પ્રાઇવસિ & સુરક્ષા > લોકેશન સેવા > ખોજી પર જાઓ પછી વિકલ્પ પસંદ કરો. જુઓ : તમે શેર કરો છો તે લોકેશનની માહિતી કંટ્રોલ કરો.

આ પણ જુઓiPhone પર મેસેજમાં iMessage ઍપ્સનો ઉપયોગ કરોતમે ડેસ્ટિનેશન પર પહોંચી ગયા તે તમારા મિત્રોને જણાવવા માટે iPhone પર ચેક ઇનનો ઉપયોગ કરોમિત્ર સાથે તમારું લોકેશન શેર કરવા માટે
Morty Proxy This is a proxified and sanitized view of the page, visit original site.
મદદરૂપ થયું?
અક્ષરની સીમા 250
મહત્તમ અક્ષરની સીમા 250 છે.
તમારા પ્રતિસાદ બદલ ખૂબ ખૂબ આભાર.
Morty Proxy This is a proxified and sanitized view of the page, visit original site.