iOS 26
iOS 18
આ કંટ્રોલમાં ફેરફાર કરવાથી આ પેજ ઑટોમૅટિક રીતે અપડેટ થઈ જશે.

કસ્ટમ iPhone લૉક સ્ક્રીન બનાવો

તમે વૉલપેપર પસંદ કરીને, મનપસંદ ફોટો બતાવીને, સમયના ફૉન્ટ બદલીને, વિજેટ ઉમેરીને વગેરે દ્વારા તમારી લૉક સ્ક્રીનને પર્સનલાઇઝ કરી શકો છો.

તમે એક કરતાં વધુ લૉક સ્ક્રીન બનાવી શકો છો, લૉક સ્ક્રીનમાં સ્વિચ કરી શકો છો અને લૉક સ્ક્રીન ફોકસને પણ લિંક કરી શકો. તેથી ઉદાહરણ તરીકે, તમે કામ કરતી વખતે ચોક્કસ લૉક સ્ક્રીન સેટ કરી શકો છો.

નવી લૉક સ્ક્રીનને પર્સનલાઇઝ કરવા માટે

  1. લૉક સ્ક્રીન પર જવા માટે તમારા iPhone પર સાઇડ બટનને બે વાર દબાવો.

  2. જ્યાં સુધી સ્ક્રીનમાં નીચે કસ્ટમાઇઝ અને નવું ઉમેરો બટન ન દેખાય ત્યાં સુધી લૉક સ્ક્રીનને ટચ અને હોલ્ડ કરો.

    જો તેઓ ન દેખાય તો લૉક સ્ક્રીનને ફરી ટચ અને હોલ્ડ કરો પછી તમારો પાસકોડ એંટર કરો.

  3. નવી લૉક સ્ક્રીન બનાવવા માટે “નવું ઉમેરો” બટન પર ટૅપ કરો અથવા લૉક સ્ક્રીનમાં ફેરફાર કરવા માટે તમે જે સ્ક્રીનમાં ફેરફાર કરવા માંગો છો તેના પર સ્વાઇપ કરો, “કસ્ટમાઇઝ કરો” પર ટૅપ કરો પછી લૉક સ્ક્રીન પર ટૅપ કરો.

    ફીચર કરેલ અને સૂચવેલ ફોટો જેવી શ્રેણીમાં iPhoneની લૉક સ્ક્રીનને કસ્ટમાઇઝ કરવા માટે વૉલપેપર વિકલ્પની ગૅલરી દર્શાવતી “નવું વૉલપેપર ઉમેરો”સ્ક્રીન. લૉક સ્ક્રીન પર ફોટો, લોકો, ફોટો શફલ, ઇમોજી અને હવામાન સ્ક્રીનનું બૅકગ્રાઉંડ ઉમેરવા માટે ઉપર બટન છે.

  4. જો તમે નવી લૉક સ્ક્રીન બનાવી રહ્યાં હોવ તો તેને તમારી લૉક સ્ક્રીન તરીકે સિલેક્ટ કરવા માટે એક વૉલપેપર વિકલ્પ પર ટૅપ કરો.

    જો તમે ફોટોસ અથવા ફોટો શફલ પસંદ કરો તો તમારા લૉક સ્ક્રીન ફોટોને કસ્ટમાઇઝ કરો જુઓ.

  5. ફૉન્ટ, રંગ અને શૈલી બદલવા માટે સમય પર ટૅપ કરો. (જુઓ : લૉક સ્ક્રીન પર ઘડિયાળની શૈલી બદલવા માટે.)

  6. આજની હેડલાઇન, હવામાન અને કૅલેંડર ઇવેંટ જેવી માહિતી સમાવતાં વિજેટ ઉમેરવા માટે “વિજેટ ઉમેરો”, તારીખ અથવા સમયની નીચેના ફીલ્ડ પર ટૅપ કરો. (જુઓ : વિજેટ ઉમેરો, સંપાદિત કરો અને કાઢી નાખો.)

    સંપાદન કરવાની પ્રક્રિયામાં કસ્ટમ લૉક સ્ક્રીન. કસ્ટમાઇઝેશન માટે ઉપલબ્ધ એલિમેંટ સિલેક્ટ કરવામાં આવે છે—તારીખ, સમય અને વિજેટ ઉમેરવા માટે બટન.

  7. “ઉમેરો અથવા પૂર્ણ કરો” પર ટૅપ કરો અને પછી નીચેનામાંથી કોઈ એક કરો :

    • લૉક સ્ક્રીન અને હોમ સ્ક્રીન બંને પર વૉલપેપરનો ઉપયોગ કરવો કે નહિ તે પસંદ કરો : “વૉલપેપર પેર તરીકે સેટ કરો” પર ટૅપ કરો.

    • હોમ સ્ક્રીનમાં વધુ ફેરફાર કરવા માટે : “હોમ સ્ક્રીનને કસ્ટમાઇઝ કરો” પર ટૅપ કરો. વૉલપેપરનો રંગ બદલવા માટે “રંગ” પર ટૅપ કરો, કસ્ટમ ફોટોનો ઉપયોગ કરવા માટે “ફોટો ઑન રૅક્ટેંગલ” બટન પર ટૅપ કરો અથવા વૉલપેપરને બ્લર કરવા માટે “બ્લર” સિલેક્ટ કરો જેથી ઍપ્સ અલગ દેખાય.

લૉક સ્ક્રીન પર ઘડિયાળની શૈલી બદલવા માટે

તમે તમારી લૉક સ્ક્રીન પર ઘડિયાળના ફૉન્ટ અને રંગ બદલી શકો છો.

  1. લૉક સ્ક્રીન પર જવા માટે તમારા iPhone પર સાઇડ બટનને બે વાર દબાવો.

  2. જ્યાં સુધી સ્ક્રીનમાં નીચે કસ્ટમાઇઝ અને નવું ઉમેરો બટન ન દેખાય ત્યાં સુધી લૉક સ્ક્રીનને ટચ અને હોલ્ડ કરો.

    જો તેઓ ન દેખાય તો લૉક સ્ક્રીનને ફરી ટચ અને હોલ્ડ કરો પછી તમારો પાસકોડ એંટર કરો.

  3. તમે બદલવા માંગો છો તે લૉક સ્ક્રીન પર જવા માટે સ્વાઇપ કરો, કસ્ટમાઇઝ પર ટૅપ કરો પછી લૉક સ્ક્રીન ઇમેજ પર ટૅપ કરો.

  4. સમય પર ટૅપ કરો પછી ફૉન્ટ અને રંગ પસંદ કરો.

    ફૉન્ટને વધુ ઘાટા અથવા પાતળા બનાવવા માટે સ્લાઇડરને ડ્રૅગ કરો (સૉલિડ ફૉન્ટ માટે ઉપલબ્ધ).

    લૉક સ્ક્રીન પર ઘડિયાળની શૈલીને સંપાદિત કરવા માટેની સ્ક્રીન જેમાં સિલેક્ટ કરેલો સમય અને ઘડિયાળ માટે ફૉન્ટની શૈલી, લાઇન ભારણ અને ફૉન્ટનો રંગ પસંદ કરવા માટે કંટ્રોલ દર્શાવવામાં આવ્યા છે.

તારીખ અને સમય સેટિંગ બદલવા માટે તારીખ અને સમય બદલો જુઓ.

લૉક સ્ક્રીનમાં નીચે આવેલા કંટ્રોલને બદલો

તમે ખરીદી કરતી વખતે કૅલ્ક્યુલેટર અથવા મુસાફરી કરતી વખતે અનુવાદ ઍપ જેવા અન્ય વિકલ્પ માટે લૉક સ્ક્રીનમાં નીચે આવેલા કંટ્રોલને સ્વેપ આઉટ કરી શકો છો. તમે આ કંટ્રોલને સંપૂર્ણપણે કાઢી પણ શકો છો અથવા અલગ-અલગ લૉક સ્ક્રીન પર અલગ-અલગ કંટ્રોલ પણ રાખી શકો છો.

iOS 18.3 અથવા તેના પછીના વર્ઝન સાથેના iPhone 16e પર તમે લૉક સ્ક્રીન કંટ્રોલ દ્વારા વિઝ્યુઅલ ઇંટેલિજંસ સક્રિય કરી શકો છો.

ટિપ : તમે લૉક સ્ક્રીનમાં નીચે કંટ્રોલને કસ્ટમાઇઝ કરી શકો છો પછી તે લૉક સ્ક્રીન પર ચોક્ક્સ ફોકસને લિંક કરો જે તે કંટ્રોલનો ઉપયોગ કરે છે.

  1. લૉક સ્ક્રીન પર જવા માટે તમારા iPhone પર સાઇડ બટનને બે વાર દબાવો.

  2. જ્યાં સુધી સ્ક્રીનમાં નીચે કસ્ટમાઇઝ અને નવું ઉમેરો બટન ન દેખાય ત્યાં સુધી લૉક સ્ક્રીનને ટચ અને હોલ્ડ કરો.

    જો તેઓ ન દેખાય તો લૉક સ્ક્રીનને ફરી ટચ અને હોલ્ડ કરો પછી તમારો પાસકોડ એંટર કરો.

  3. કસ્ટમાઇઝ પર ટૅપ કરો પછી લૉક સ્ક્રીન પર ટૅપ કરો.

    iPhone લૉક સ્ક્રીનને કસ્ટમાઇઝ કરવા માટેની સ્ક્રીન. સંપાદિત કરી શકાય તેવી આઇટમને સ્ક્રીનમાં નીચે બટનની સાથે સિલેક્ટ કરવામાં આવે છે (તારીખ, સમય અને વિજેટ ફીલ્ડ ઉમેરો). કંટ્રોલ સેંટરમાંથી નવા કંટ્રોલને ઉમેરતા પહેલાં જૂનાને કાઢી નાખવા માટે નીચેનાં બટનમાં ઉપરની ડાબી બાજુએ “કાઢી નાખો” બટન હોય છે.

  4. સ્ક્રીનમાં નીચે એક કંટ્રોલ પર “કાઢી નાખો” બટન ટૅપ કરો પછી કંટ્રોલ ગૅલરી ખોલવા માટે “ઝડપી ઍક્શન ઉમેરો” બટન પર ટૅપ કરો.

    કંટ્રોલ સેંટર ગ્રૂપમાં અને લૉક સ્ક્રીનમાં નીચે ઉમેરી શકાય તેવા તમામ વૈકલ્પિક કંટ્રોલ બતાવતી કંટ્રોલ ગૅલરી.

  5. તમારી લૉક સ્ક્રીન પર કંટ્રોલ બદલવા માટે કંટ્રોલ ગૅલરીમાં કંટ્રોલ પર ટૅપ કરો.

  6. જ્યારે તમે લૉક સ્ક્રીનમાં નીચે કંટ્રોલને કસ્ટમાઇઝ કરવાનું સમાપ્ત કરો ત્યારે સ્ક્રીનમાં ઉપર “પૂર્ણ” પર ટૅપ કરો અને પછી લૉક સ્ક્રીન પર ટૅપ કરો.

તમારા લૉક સ્ક્રીન ફોટોને કસ્ટમાઇઝ કરો

જો તમે તમારી લૉક સ્ક્રીન માટે ફોટો પસંદ કરો તો તમે ફોટોનું ફરી સ્થાન બદલવું, ફોટોની શૈલી બદલવી વગેરે કરી શકો છો.

નીચેનામાંથી કોઈ પણ એક કરો :

  • તમારો ફોટોનું ફરી સ્થાન બદલો : તમારી સિલેક્ટ કરેલી ઇમેજનું ફરી સ્થાન બદલવા માટે તેના પર ઝૂમ કરવા માટે ખોલો પર પિંચ કરો, ઇમેજને મુવ કરવા માટે બે આંગળીથી ડ્રૅગ કરો અને પછી ઝૂમ આઉટ કરવા માટે બંધ કરો પર પિંચ કરો.

  • ફોટોની શૈલી બદલો : પૂરક રંગનાં ફિલ્ટર અને ફૉન્ટ દ્વારા ફોટોની અલગ શૈલી અજમાવવા માટે ડાબે અથવા જમણે સ્વાઇપ કરો.

  • બહુસ્તરીય ઇફેક્ટ બનાવો : જો તમારી પાસે લેયરિંગને સપોર્ટ કરતો કોઈ ફોટો હોય—જેમ કે લોકો, પાળતું પ્રાણી અથવા આકાશની ઇમેજ—તો નીચે જમણી બાજુએ “વધુ” બટન પર ટૅપ કરો પછી “ડેપ્થ ઇફેક્ટ” પસંદ કરો.

    નોટ : બહુસ્તરીય ઇફેક્ટ સપોર્ટેડ મૉડલ પર ઉપલબ્ધ છે. જો વિષયવસ્તુ વધારે ઊંચે અથવા વધારે નીચે હોય અથવા તેના કારણે ઘડિયાળનો વધારે ભાગ ઢંકાઈ જતો હોય તો લેયર ઉપલબ્ધ ન પણ હોય.

  • Live Photo દ્વારા મોશન ઇફેક્ટ બનાવવા માટે : જો તમે સ્લો મોશનમાં ફેરવી શકાય તેવો Live Photo સિલેક્ટ કરો છો તો ડિવાઇસ સક્રિય હોય ત્યારે Live Photo પ્લે કરવા માટે નીચે ડાબી બાજુએ “પ્લે કરો” બટન પર ટૅપ કરો.

  • ફ્રીક્વંસિ શફલ કરવાનું સેટ કરવા માટે : જો તમે ફોટો શફલ પસંદ કરો છો તો “બ્રાઉઝ” બટન પર ટૅપ કરીને ફોટોનું પ્રિવ્યૂ કરી શકો છો અને “વધુ” બટન પર ટૅપ કરીને પછી નીચે આપેલી ફ્રીક્વંસિનો વિકલ્પ સિલેક્ટ કરીને ”ફ્રીક્વંસિ શફલ કરો” સેટ કરી શકો છો.

ટિપ : વૈકલ્પિક રીતે, તમે તમારી ફોટો લાઇબ્રેરીમાંથી સીધા જ તમારી હોમ સ્ક્રીન અને લૉક સ્ક્રીન પર ફોટો ઉમેરી શકો છો. ફોટોસ ઍપમાં લાઇબ્રેરી પર ટૅપ, ફોટો સિલેક્ટ કરો પછી “શેર કરો” બટન પર ટૅપ કરો. નીચે સ્ક્રોલ કરો અને “વૉલપેપર તરીકે ઉપયોગ કરો” સિલેક્ટ કરો, ઉમેરો પર ટૅપ કરો પછી તેને તમારી હોમ સ્ક્રીન અને લૉક સ્ક્રીન બંને પર બતાવવું કે નહિ તે પસંદ કરો.

ફોકસને તમારી લૉક સ્ક્રીન સાથે લિંક કરો

ફોકસ તમને ધ્યાનભંગ ઘટાડીને કામ પર ધ્યાન કેંદ્રિત કરવામાં મદદ કરે છે. તમે તમામ સૂચનાઓને ટેંપરરી સાઇલેંટ કરવા માટે ફોકસ સેટ અપ કરી શકો છો અથવા ફક્ત ચોક્કસ સૂચનાઓને અનુમતિ આપી શકો છો (ઉદાહરણ તરીકે જે તમારા કામ પર લાગુ થતી હોય તે). ફોકસને તમારી લૉક સ્ક્રીન સાથે લિંક કરવાથી તમે જ્યારે પણ ચોક્કસ લૉક સ્ક્રીનનો ઉપયોગ કરો છો ત્યારે તમારાં ફોકસ સેટિંગ્સ લાગુ થાય છે.

  1. લૉક સ્ક્રીન પર જવા માટે તમારા iPhone પર સાઇડ બટનને બે વાર દબાવો.

  2. જ્યાં સુધી સ્ક્રીનમાં નીચે કસ્ટમાઇઝ બટન ન દેખાય ત્યાં સુધી લૉક સ્ક્રીનને ટચ અને હોલ્ડ કરો.

  3. ફોકસ વિકલ્પ જોવા માટે વૉલપેપરમાં નીચે ફોકસ પર ટૅપ કરો—ઉદાહરણ તરીકે, ડૂ નૉટ ડિસ્ટર્બ, વ્યક્તિગત, ઊંઘ અને કામ.

    નોટ : જો તમને વૉલપેપરની નીચે ફોકસ દેખાતું ન હોય તો સેટિંગ્સ  > ફોકસ પર જાઓ અને ફોકસ સેટ અપ કરો.

  4. ફોકસ સિલેક્ટ કરો પછી “બંધ કરો” બટન પર ટૅપ કરો.

તમારી લૉક સ્ક્રીન સંપાદિત કરવા અથવા બદલવા માટે

કસ્ટમ લૉક સ્ક્રીન બનાવ્યા પછી તમે તેમાં ફેરફાર કરી શકો છો.

  1. લૉક સ્ક્રીન પર જવા માટે તમારા iPhone પર સાઇડ બટનને બે વાર દબાવો.

  2. જ્યાં સુધી સ્ક્રીનમાં નીચે કસ્ટમાઇઝ બટન ન દેખાય ત્યાં સુધી લૉક સ્ક્રીનને ટચ અને હોલ્ડ કરો.

    જો તે ન દેખાય તો લૉક સ્ક્રીનને ફરી ટચ કરો અને હોલ્ડ કરો પછી તમારો પાસકોડ એંટર કરો.

  3. તમે જે સ્ક્રીનને બદલવા માંગો છો તેના પર સ્વાઇપ કરો, કસ્ટમાઇઝ પર ટૅપ કરો અને પછી લૉક સ્ક્રીન પર ટૅપ કરો.

  4. નીચેનામાંથી કોઈ પણ એક કરો :

    • ઘડિયાળના ફૉન્ટ, રંગ અને શૈલી બદલવા માટે : સમય પર ટૅપ કરો.

    • જેમાં આજની હેડલાઇન, હવામાન અને કૅલેંડર ઇવેંટ સામેલ હોય તેવાં વિજેટ ઉમેરો : વિજેટ ઉમેરો, તારીખ અથવા સમયની નીચેના ફીલ્ડ પર ટૅપ કરો. (જુઓ : વિજેટ ઉમેરો, સંપાદિત કરો અને કાઢી નાખો.)

    • વૉલપેપર બદલવા માટે : “પૂર્ણ” પર ટૅપ કરો, “નવું ઉમેરો” બટન પર ટૅપ કરો, વૉલપેપર પસંદ કરો, ”ઉમેરો” પર ટૅપ કરો પછી “વૉલપેપર તરીકે સેટ કરો” અથવા “હોમ સ્ક્રીન કસ્ટમાઇઝ કરો” પર ટૅપ કરો.

લૉક સ્ક્રીન વચ્ચે સ્વિચ કરવા માટે

તમે ઘણી કસ્ટમ લૉક સ્ક્રીન બનાવી શકો છો અને આખા દિવસ દરમિયાન તેમની વચ્ચે સ્વિચ કરી શકો છો.

  1. લૉક સ્ક્રીન પર જવા માટે તમારા iPhone પર સાઇડ બટનને બે વાર દબાવો.

  2. જ્યાં સુધી સ્ક્રીનમાં નીચે કસ્ટમાઇઝ બટન ન દેખાય ત્યાં સુધી લૉક સ્ક્રીનને ટચ અને હોલ્ડ કરો.

  3. તમે જે લૉક સ્ક્રીનનો ઉપયોગ કરવા માંગો છો ત્યાં સુધી સ્વાઇપ કરો પછી તેના પર ટૅપ કરો.

નોટ : જો લૉક સ્ક્રીન કોઈ વિશિષ્ટ ફોકસ સાથે લિંક થયેલી હોય તો તે લૉક સ્ક્રીનમાંથી બીજી સ્ક્રીન પર સ્વિચ કરવાથી પણ તમારું ફોકસ સ્વિચ થાય છે. જુઓ : ફોકસને તમારી લૉક સ્ક્રીન સાથે લિંક કરો.

લૉક સ્ક્રીન ડિલીટ કરવા માટે

જેની તમને હવેથી જરૂર ન હોય તે સ્ક્રીન લૉકને તમે ડિલીટ કરી શકો છો.

  1. લૉક સ્ક્રીન પર જવા માટે તમારા iPhone પર સાઇડ બટનને બે વાર દબાવો.

  2. જ્યાં સુધી સ્ક્રીનમાં નીચે કસ્ટમાઇઝ બટન ન દેખાય ત્યાં સુધી લૉક સ્ક્રીનને ટચ અને હોલ્ડ કરો.

  3. તમે ડિલીટ કરવા માંગો છો તે લૉક સ્ક્રીન પર જવા માટે સ્વાઇપ કરો, સ્ક્રીનમાં ઉપર સ્વાઇપ કરો, “ટ્રૅશ” બટન પર ટૅપ કરો પછી “આ વૉલપેપર ડિલીટ કરો” પર ટૅપ કરો.

આ પણ જુઓiPhone ડિસ્પ્લે લાંબા સમય સુધી ચાલુ રાખોiPhone પર વૉલપેપર બદલો
Morty Proxy This is a proxified and sanitized view of the page, visit original site.
મદદરૂપ થયું?
અક્ષરની સીમા 250
મહત્તમ અક્ષરની સીમા 250 છે.
તમારા પ્રતિસાદ બદલ ખૂબ ખૂબ આભાર.
Morty Proxy This is a proxified and sanitized view of the page, visit original site.