iPhoneમાં મૅગ્નિફાયરનો ઉપયોગ કરીને તમારી આસપાસના લોકોને ડિટૅક્ટ કરો

જો તમે દૃષ્ટિહીન છો અથવા તમને ઓછું દેખાતું હોય તો તમે લોકો નજીકમાં હોય ત્યારે ડિટૅક્ટ કરવા અને તેમના સુધીનું અંતર જાણવા માટે iPhoneમાં મૅગ્નિફાયર ઍપનો ઉપયોગ કરી શકો છો. જો તમે અન્ય લોકોથી શારીરિક અથવા સોશિઅલ અંતર જાળવવા માંગતા હોવ તો આ ઉપયોગી થઈ શકે છે.

મહત્ત્વપૂર્ણ : ઉચ્ચ જોખમ અથવા આપાતકાલીન પરિસ્થિતિઓમાં, તમને નુકસાન થઈ શકે અથવા ઈજા થઈ શકે તેવા સંજોગોમાં અથવા નૅવિગેશન માટે ડિટૅક્શન મોડ પર આધાર રાખવો જોઈએ નહિ. માત્ર iPhoneના સપોર્ટેડ મૉડલ પર લોકોને ડિટૅક્ટ કરી શકાય છે.

તમારી નજીકના લોકોને ડિટૅક્ટ કરો

  1. તમારા iPhoneમાં મૅગ્નિફાયર ઍપ પર જાઓ.

  2. ડિટેક્શન મોડ શરૂ કરવા માટે “ડિટૅક્શન મોડ” બટન ટૅપ કરો.

    જો તમને “ડિટૅક્શન મોડ” બટન દેખાતું નથી તો તમે તેને ઉમેરી શકો છો. જુઓ : કંટ્રોલ કસ્ટમાઇઝ કરો.

  3. “ડિટૅક્શન મોડ” બટન ટચ કરીને હોલ્ડ કરો અને પછી લોકો સિલેક્ટ કરેલા છે તેની ખાતરી કરો.

  4. iPhoneને એવી રીતે રાખો જેથી રીઅર કૅમેરા તમારી આસપાસના વિસ્તારને ડિટૅક્ટ કરી શકે. વ્યક્તિને નજીકમાં ડિટૅક્ટ કરવામાં આવે છે ત્યારે તમને સાઉંડ, સ્પીચ અથવા હેપ્ટિક ફીડબૅક દ્વારા સૂચિત કરવામાં આવે છે. વ્યક્તિ જેટલી તમારી નજીક હોય તેટલો ફીડબૅક વધુ વારંવાર આવતો રહે છે.

    જો તમને સાઉંડ અથવા સ્પીચ ફીડબૅક સંભળાતો નથી તો સાઇલેંટ મોડ ચાલુ નથી તેની ખાતરી કરો. જુઓ : વૉલ્યૂમ ઍડજસ્ટ કરો.

  5. ડિટેક્શનને ટેંપરરી પૉઝ કરવા માટે સ્ક્રીન પર બે આંગળીઓથી ડબલ ટૅપ કરો. ડિટેક્શન ફરી શરૂ કરવા બે આંગળીઓથી ડબલ-ટૅપ કરો. ડિટેક્શન મોડ બંધ કરવા માટે “ડિટૅક્શન મોડ” બટન ટૅપ કરો.

લોકોને ડિટૅક્ટ કરવા માટે સેટિંગ્સ કસ્ટમાઇઝ કરવા માટે

  1. તમારા iPhoneમાં મૅગ્નિફાયર ઍપ પર જાઓ.

  2. “સેટિંગ્સ” બટન પર ટૅપ કરો અને પછી “ડિટૅક્ટ કરો” પર ટૅપ કરો.

  3. લોકો પર ટૅપ કરો અને પછી નીચેનામાંથી કોઈ પણને કસ્ટમાઇઝ કરો :

    • યુનિટ : મીટર અથવા ફુટ પસંદ કરો.

    • સાઉંડ પિચ અંતર : સાઉંડ ફીડબૅક માટે અંતર ઍડજસ્ટ કરવા માટે “ઘટાડો” બટન અથવા “વધારો” બટન પર ટૅપ કરો. લોકોને આ અંતરની અંદર ડિટૅક્ટ કરવામાં આવે છે ત્યારે સાઉંડ ફીડબૅકની પિચ વધી જાય છે.

    • ફીડબૅક : લેબલ, સાઉંડ, સ્પીચ અને હેપ્ટિકનું કોઈ પણ સંયોજન ચાલુ કરો. જો તમે સ્પીચ ચાલુ કરો છો તો iPhone તમારા અને બીજી વ્યક્તિ વચ્ચેનું અંતર બોલે છે.

  4. લાઇવ મૅગ્નિફાયર લેંસ પર પાછા જવા માટે “પાછળ જાઓ” બટન પર ટૅપ કરીને ફરી તેને ટૅપ કરો પછી “પૂર્ણ” પર ટૅપ કરો.

આ પણ જુઓiPhoneમાં મૅગ્નિફાયરથી તમારી આસપાસની વિઝ્યુઅલ માહિતીનાં લાઇવ વર્ણન મેળવોiPhoneને મૅગ્નિફાઇંગ ગ્લાસ તરીકે ઉપયોગમાં લોiPhone પર વિઝન માટે ઍક્સેસિબિલિટી ફીચર
Morty Proxy This is a proxified and sanitized view of the page, visit original site.
મદદરૂપ થયું?
અક્ષરની સીમા 250
મહત્તમ અક્ષરની સીમા 250 છે.
તમારા પ્રતિસાદ બદલ ખૂબ ખૂબ આભાર.
Morty Proxy This is a proxified and sanitized view of the page, visit original site.