iOS 26
iOS 18
આ કંટ્રોલમાં ફેરફાર કરવાથી આ પેજ ઑટોમૅટિક રીતે અપડેટ થઈ જશે.

iPhone માટે મહત્ત્વપૂર્ણ હૅન્ડલિંગ માહિતી

સફાઈ.  જો iPhone ડાઘ અથવા અન્ય નુકસાન થઈ શકે તેવી કોઈ પણ વસ્તુના સંપર્કમાં આવે તો તરત જ તેને સાફ કરો—ઉદાહરણ તરીકે ધૂળ અથવા રેતી, શાહી, મેકઅપ, સાબુ, ડિટર્જંટ, ઍસિડ અથવા ઍસિડિક ફૂડ અથવા લોશન. સાફ કરવા માટે :

  • તમામ કેબલ ડિસ્કનેક્ટ કરીને પછી iPhoneને બંધ કરવા માટે નીચેનામાંથી કોઈ પણ એક કરો :

    • Face ID સાથેના iPhone પર : સ્લાઇડર દેખાય ત્યાં સુધી સાઇડ બટન અને કોઈ પણ એક વૉલ્યૂમ બટન એક સાથે દબાવો અને હોલ્ડ કરો પછી “ટોચના સ્લાઇડર”ને ડ્રૅગ કરો.

    • હોમ બટન સાથેના iPhone પર : સાઇડ બટન દબાવો અને હોલ્ડ કરો પછી સ્લાઇડરને ડ્રૅગ કરો.

    • તમામ મૉડલ : સેટિંગ્સ  > સામાન્ય > બંધ કરો પર જાઓ પછી સ્લાઇડરને ડ્રૅગ કરો.

  • નરમ, થોડા ભીના, રેસા વગરના કપડાનો ઉપયોગ કરો—ઉદાહરણ તરીકે લેંસના કપડાનો ઉપયોગ કરો.

  • ઓપનિંગમાં ભેજ થવા દેવાનું ટાળો.

  • સફાઈની પ્રૉડક્ટ અથવા કંપ્રેસ કરેલી એરનો ઉપયોગ કરશો નહિ.

iPhoneમાં ફિંગરપ્રિંટ પ્રતિરોધક ઑલિઓફોબિક (ઑઇલ-રિપેલંટ) કોટિંગ હોય છે. આ કોટિંગ સામાન્ય ઉપયોગથી સમય જતાં ઘસાઈ જાય છે. સફાઈ પ્રૉડક્ટ અને ઘર્ષક સામગ્રી કોટિંગને વધુ ઓછું કરશે અને iPhone પર સ્ક્રેચ કરી શકે છે.

પ્રવાહી અને ધૂળનું ઍક્સપોઝર.  જો iPhone પર પ્રવાહીના છાંટા પડે અથવા તેના પર ધૂળ પડે તો તેને નરમ, રેસા વગરના કપડાથી (ઉદાહરણ તરીકે લેંસનું કપડું) લૂછી લો અને SIM ટ્રે ખોલતા પહેલાં તમારો iPhone સૂકો અને ધૂળ વગરનો છે તેની ખાતરી કરો. સાબુ, ડિટર્જંટ, ઍસિડ અથવા ઍસિડિક ફૂડ અને કોઈપણ પ્રવાહી—જેમ કે ક્ષારવાળું પાણી, સાબુનું પાણી, પૂલનું પાણી, પરફ્યૂમ, જંતુ પ્રતિરોધક, લોશન, સનસ્ક્રીન, તેલ, એડહેસિવ રિમૂવર, હેર ડાઈ અને સોલવંટ સાથે iPhoneના ઍક્સપોઝરને ઓછું કરો. જો iPhone આમાંથી કોઈ પણ પદાર્થના સંપર્કમાં આવે છે તો ઉપર સફાઈ સેક્શનમાં આપેલી સૂચનાઓનું પાલન કરો.

સપોર્ટેડ મૉડલ સ્પ્લૅશ, પાણી અને ધૂળ પ્રતિરોધક છે અને IEC સ્ટૅન્ડર્ડ 60529 હેઠળ IP68 અથવા IP67 રેટિંગ સાથે નિયંત્રિત લેબોરેટરી પરિસ્થિતિઓમાં ટેસ્ટ કરવામાં આવ્યાં હતાં. સ્પ્લૅશ, પાણી અને ધૂળનો પ્રતિરોધ કાયમી નથી અને સામાન્ય વપરાશ સાથે કારણે પ્રતિરોધ ઓછો થઈ શકે છે. પ્રવાહીથી થતું નુકસાન વૉરંટી હેઠળ આવરી લેવામાં આવતું નથી. Apple સપોર્ટ લેખ iPhone 7 અને તેના પછીના વર્ઝનના સ્પ્લૅશ, પાણી અને ધૂળના પ્રતિરોધ વિષે જુઓ. iPhoneમાં પ્રવાહીથી થતું નુકસાન રોકવા તે માટે નીચેની બાબતોને ટાળો :

  • iPhone સાથે રાખીને તરવું અથવા સ્નાન કરવું

  • સ્નાન કરતી વખતે, વૉટર સ્કીઇંગ, વેક બોર્ડિંગ, સર્ફિંગ, જેટ સ્કીઇંગ વગેરે જેવા દબાણયુક્ત પાણી અથવા ઉચ્ચ વેગવાળા પાણીમાં iPhone રાખવો

  • સૉના અથવા સ્ટીમ રૂમમાં iPhoneનો ઉપયોગ કરવો

  • ઇરાદાપૂર્વક iPhoneને પાણીમાં ડુબાડવો

  • iPhoneને સૂચવેલી તાપમાન શ્રેણીની બહાર અથવા અત્યંત ભેજવાળી સ્થિતિમાં વાપરવો

  • iPhone પડી જવો અથવા તેને અન્ય અસરો થવી

  • સ્ક્રૂ કાઢી નાખવા સહિત iPhone ડિસઅસેંબ્લિંગ કરવો

જો તમારો iPhone પ્રવાહીના સંપર્કમાં આવ્યો હોય તો તમામ કેબલને અનપ્લગ કરો અને જ્યાં સુધી તમારું ડિવાઇસ સંપૂર્ણપણે શુષ્ક ન થઈ જાય ત્યાં સુધી તેને ચાર્જ ન કરો. તમારો iPhone ભીનો હોય ત્યારે ઍક્સેસરિનો ઉપયોગ કરવાથી અથવા ચાર્જિંગ કરવાથી તેને નુકસાન થઈ શકે છે. ચાર્જિંગ કરતા પહેલાં અથવા Lightning અથવા USB-C ઍક્સેસરિ કનેક્ટ કરતા પહેલાં ઓછામાં ઓછા 5 કલાક રહેવા દો.

iPhoneને શુષ્ક કરવા માટે Lightning અથવા USB-C કનેક્ટરનું મોં નીચેની તરફ રાખીને વધારાનું પ્રવાહી કાઢવા માટે તેને તમારા હાથ પર હળવેથી ટૅપ કરો. ડિવાઇસને પર્યાપ્ત હવાની અવરજવરવાળા શુષ્ક ક્ષેત્રમાં મૂકો. Lightning અથવા USB-C કનેક્ટરમાં સીધી જ ઠંડી હવા ફૂંકતા પંખાની સામે ડિવાઇસને મૂકવાથી શુષ્ક કરવાની પ્રક્રિયામાં મદદ મળી શકે છે.

બાહ્ય હીટ સોર્સનો ઉપયોગ કરીને અથવા Lightning અથવા USB-C કનેક્ટરમાં કોટન સ્વૅબ અથવા કાગળના ટુવાલ જેવા બાહ્ય ઑબજેક્ટ નાખીને તમારા iPhoneને શુષ્ક કરવો નહિ.

કનેક્ટર, પોર્ટ અને બટનનો ઉપયોગ.  ક્યારેય કોઈ કનેક્ટરને પોર્ટમાં જબરદસ્તી દાખલ ન કરો અથવા બટન પર વધારે દબાણ ન કરો કારણ કે તેનાથી વૉરંટી હેઠળ આવરી લેવામાં ન આવે તેવું નુકસાન થઈ શકે છે. જો કનેક્ટર અને પોર્ટ વાજબી સરળતાથી જોડાતા નથી તો તેઓ કદાચ મૅચ થતા નથી. અવરોધની તપાસ કરો અને કનેક્ટર પોર્ટ સાથે મૅચ થાય છે અને તમે પોર્ટના સંબંધમાં કનેક્ટરને યોગ્ય રીતે ગોઠવ્યું છે તેની ખાતરી કરો.

USB-C અથવા USB-Cથી Lightning કેબલ. નિયમિત ઉપયોગ કરવાથી Lightning અથવા USB-C કનેક્ટરનો રંગ બદલાય તે સામાન્ય બાબત છે. ધૂળ, કચરો અને ભેજના સંપર્કમાં આવવાથી રંગ બદલાઈ શકે છે. જો તમારો Lightning અથવા USB-C કેબલ અથવા કનેક્ટર ઉપયોગ દરમિયાન ગરમ થઈ જાય અથવા iPhone ચાર્જ અથવા સિંક થતો નથી તો તેને તમારા કંપ્યૂટર અથવા પાવર અડૅપ્ટરથી ડિસ્કનેક્ટ કરો અને Lightning અથવા USB-C કનેક્ટરને નરમ, શુષ્ક, રેસા વગરના કપડાથી સાફ કરો. Lightning અથવા USB-C કનેક્ટરને સાફ કરતી વખતે પ્રવાહી અથવા સફાઇ પ્રૉડક્ટનો ઉપયોગ કરશો નહિ.

વપરાશ કરવાની અમુક પૅટર્નથી કેબલના ઉપરના પડ ફાટી શકે છે અથવા તૂટી શકે છે. ધાતુના અન્ય વાયર અથવા કેબલની જેમ સમાવિષ્ટ કેબલ પણ જો એક જ જગ્યાએથી વારંવાર વાળવામાં આવે તો તે નબળો પડી શકે છે અથવા બરડ થઈ શકે છે. કેબલને તીવ્ર રીતે વાળવાને બદલે હળવેથી વાળો. કોઈ પણ આંટી, ભંગાણ, વાંક અથવા અન્ય નુકસાન માટે નિયમિત રીતે કેબલ અને કનેક્ટરની તપાસ કરો. જો તમને આવું કોઈ પણ નુકસાન દેખાતું હોય તો કેબલનો ઉપયોગ બંધ કરો.

ઉપયોગ કરવાનું તાપમાન.  iPhoneની રચના 32° અને 95° F (0° અને 35° C)ની વચ્ચે વાતાવરણીય તાપમાનમાં ઉપયોગ કરવા માટે કરવામાં આવી છે અને તેને -4° અને 113° F (-20° અને 45° C)ની વચ્ચે રાખી શકાય છે. iPhoneને આ તાપમાન શ્રેણીની બહાર રાખવામાં આવે અથવા ઉપયોગમાં લેવામાં આવે તો તેને નુકસાન થઈ શકે છે અને બૅટરીની લાઇફ ઓછી થઈ શકે છે. તાપમાન અથવા ભેજમાં થતા નાટ્યાત્મક ફેરફારોમાં iPhoneને ઍક્સપોઝ કરવાનું ટાળો. તમે iPhoneનો ઉપયોગ કરો છો અથવા બૅટરી ચાર્જ કરો છો ત્યારે iPhone ગરમ થાય તે સામાન્ય બાબત છે.

જો iPhone નું આંતરિક તાપમાન ઉપયોગ કરવાના સામાન્ય તાપમાન કરતાં વધી જાય (ઉદાહરણ તરીકે લાંબા સમય સુધી ગરમ કારમાં અથવા સીધા સૂર્યપ્રકાશમાં રહે ત્યારે) તો તે પોતાનું તાપમાન નિયંત્રિત કરવાનો પ્રયાસ કરે છે તેથી તમને નીચેની બાબતોનો અનુભવ થઈ શકે છે :

  • iPhone ચાર્જિંગ થવાનું બંધ થઈ જાય છે.

  • સ્ક્રીન ડિમ થાય છે.

  • તાપમાનની ચેતવણીવાળી સ્ક્રીન દેખાય છે.

  • અમુક ઍપ્સ બંધ થઈ શકે છે.

મહત્ત્વપૂર્ણ : તાપમાનની ચેતવણીવાળી સ્ક્રીન ડિસ્પ્લે થતી હોય ત્યારે તમે કદાચ iPhoneનો ઉપયોગ કરી શકશો નહિ. જો iPhone તેના આંતરિક તાપમાનને નિયંત્રિત કરી શકતો નથી તો તે ઠંડો થાય ત્યાં સુધી ડીપ સ્લીપ મોડમાં જાય છે. iPhoneને સીધા સૂર્યપ્રકાશથી દૂર ઠંડા લોકેશન પર મુવ કરો અને તેનો ફરી ઉપયોગ કરવાનો પ્રયાસ કરતા પહેલાં થોડી મિનિટ રાહ જુઓ.

Apple સપોર્ટ લેખ iPhone, iPad અને iPod touchને ઉપયોગ કરવાના સ્વીકાર્ય તાપમાનમાં રાખવા જુઓ.

Morty Proxy This is a proxified and sanitized view of the page, visit original site.
મદદરૂપ થયું?
અક્ષરની સીમા 250
મહત્તમ અક્ષરની સીમા 250 છે.
તમારા પ્રતિસાદ બદલ ખૂબ ખૂબ આભાર.
Morty Proxy This is a proxified and sanitized view of the page, visit original site.