iOS 26
iOS 18
આ કંટ્રોલમાં ફેરફાર કરવાથી આ પેજ ઑટોમૅટિક રીતે અપડેટ થઈ જશે.

iPhone પર તમારી નોટ લૉક કરો

નોટ્સ ઍપમાં તમે તમારી સંવેદનશીલ માહિતીને સુરક્ષિત રાખવા માટે નોટ લૉક કરી શકો છો. તમે તમારા ડિવાઇસ પાસકોડ અથવા કસ્ટમ પાસવર્ડનો ઉપયોગ કરીને તમારી લૉક કરેલી નોટને ઍક્સેસ કરી શકો છો. જો તમારી પાસે ઘણાં નોટ્સ અકાઉંટ હોય તો તમે દરેક અકાઉંટ માટે લૉકિંગ પદ્ધતિ પસંદ કરો (ઉદાહરણ તરીકે, તમારા iCloud અકાઉંટ માટે).

તમારા ડિવાઇસના પાસકોડથી નોટ લૉક કરો

જો તમે લૉક કરેલી નોટને ઍક્સેસ કરવા માટે તમારા ડિવાઇસ પાસકોડનો ઉપયોગ કરો છો તો તમારે અલગ પાસવર્ડ બનાવવાની અને યાદ રાખવાની જરૂર નથી જે તમારી લૉક કરેલી નોટનો ઍક્સેસ ગુમાવવાની શક્યતા ઘટાડે છે. જો તમે તમારા ડિવાઇસ પાસકોડનો ઉપયોગ કરો છો તો તમે તમારી લૉક કરેલી નોટનો ઍક્સેસ મેળવવા માટે Face ID અથવા Touch IDનો ઉપયોગ પણ કરી શકો છો.

જો તમારી પાસે ઘણાં ડિવાઇસ હોય કે જ્યાં તમે એક જ Apple અકાઉંટમાં સાઇન ઇન કરેલું હોય તો તમે તે ડિવાઇસ પર તમારી લૉક કરેલી નોટને ઍક્સેસ કરવા માટે દરેક ડિવાઇસના પાસકોડ (અથવા Mac માટે લૉગ ઇન પાસવર્ડ)નો ઉપયોગ કરો.

ડિવાઇસ પાસકોડથી લૉક કરેલી નોટ ઍક્સેસ કરવા માટે તમારે iOS 16, iPadOS 16, macOS 13 અથવા પછીના વર્ઝનનો ઉપયોગ કરવો આવશ્યક છે. OSના પહેલાંના વર્ઝનવાળાં ડિવાઇસ પર તમે લૉક કરેલી નોટને ઍક્સેસ કરી શકશો નહિ.

  1. સેટિંગ્સ  > ઍપ્સ > નોટ્સ પર જાઓ.

  2. પાસવર્ડ પર ટૅપ કરો.

  3. જો તમારી પાસે ઘણાં અકાઉંટ હોય તો તમે જે અકાઉંટ માટે પાસવર્ડ સેટ કરવા માંગો છો તે પસંદ કરો.

  4. “ડિવાઇસ પાસકોડનો ઉપયોગ કરો” પર ટૅપ કરો.

  5. વધારાની સુવિધા માટે તમે Face ID અથવા Touch ID પણ ચાલુ કરી શકો છો.

કસ્ટમ પાસવર્ડ સાથેની નોટ લૉક કરો

લૉક કરેલી નોટ માટે કસ્ટમ પાસવર્ડ બનાવવાથી વધારાની સુરક્ષા મળી શકે છે પરંતુ જો તમે પાસવર્ડ ભૂલી જાવ તો તમે તમારી લૉક કરેલી નોટનો ઍક્સેસ ગુમાવી શકો છો.

તમે તમારા કસ્ટમ પાસવર્ડનો ઉપયોગ એવાં તમામ ડિવાઇસ પર લૉક કરેલી નોટને ઍક્સેસ કરવા માટે કરો છો કે જ્યાં તમે સમાન Apple અકાઉંટમાં સાઇન ઇન કર્યું હોય. જો તમારી પાસે એક કરતાં વધુ iCloud અકાઉંટ અથવા “મારા iPhone પર” અકાઉંટ હોય તો તમે દરેક અકાઉંટ માટે અલગ કસ્ટમ પાસવર્ડ સેટ કરી શકો છો.

કસ્ટમ પાસવર્ડ સાથે લૉક કરેલી નોટ ઍક્સેસ કરવા માટે તમારે iOS 9.3, iPadOS 13, OS X 10.11.4 અથવા પછીના વર્ઝનનો ઉપયોગ કરવો આવશ્યક છે. OSના પહેલાંના વર્ઝનવાળાં ડિવાઇસ પર તમને નોટ દેખાશે નહિ.

  1. સેટિંગ્સ  > ઍપ્સ > નોટ્સ પર જાઓ.

  2. પાસવર્ડ પર ટૅપ કરો.

  3. જો તમારી પાસે ઘણાં અકાઉંટ હોય તો તમે જે અકાઉંટ માટે પાસવર્ડ સેટ કરવા માંગો છો તે પસંદ કરો.

  4. “કસ્ટમ પાસવર્ડનો ઉપયોગ કરો” પર ટૅપ કરો.

  5. વધારાની સુવિધા માટે તમે Face ID અથવા Touch ID પણ ચાલુ કરી શકો છો.

    તમારી નોટને અનલૉકિંગ કરવાના એકમાત્ર માધ્યમ તરીકે Face ID અથવા Touch ID પર આધાર રાખશો નહિ. જો તમે તમારું Face ID અથવા Touch ID સેટિંગ્સ અપડેટ કરો છો અથવા તમારો નોટ્સ પાસવર્ડ બદલવા માંગો છો તો તમારે તમારો નોટ્સ પાસવર્ડ ફરીથી એંટર કરવો પડશે.

મહત્ત્વપૂર્ણ : જો તમે તમારો કસ્ટમ પાસવર્ડ ભૂલી જાઓ છો અને તમે તમારી લૉક કરેલી નોટને ઍક્સેસ કરવા માટે Face ID અથવા Touch IDનો ઉપયોગ કરી શકતા નથી તો Apple તમને તે નોટ ઍક્સેસ મેળવવામાં મદદ કરી શકશે નહિ.

તમે તમારો કસ્ટમ પાસવર્ડ રીસેટ કરી શકો છો પરંતુ આ તમને અગાઉ લૉક કરેલી નોટનો ઍક્સેસ આપતું નથી. નવો કસ્ટમ પાસવર્ડ હવેથી તમે લૉક કરેલી તમામ નોટ પર લાગુ થાય છે. સેટિંગ્સ > ઍપ્સ > નોટ્સ પર જાઓ પછી પાસવર્ડ > “પાસવર્ડ રીસેટ કરો” પર ટૅપ કરો.

તમારા iPhone અથવા iPad પર નોટને લૉક અથવા અનલૉક કેવી રીતે કરવી શીર્ષક વાળો Apple સપોર્ટ લેખ જુઓ.

લૉકિંગની પદ્ધતિ બદલવા માટે

જો તમે કસ્ટમ પાસવર્ડનો ઉપયોગ કરી રહ્યા છો તો તમે “તમારા ડિવાઇસ પાસકોડનો ઉપયોગ કરવો” પર સ્વિચ કરી શકો છો. જ્યારે તમે તમારી લૉકિંગ પદ્ધતિ બદલો છો ત્યારે તમે અગાઉની પદ્ધતિથી ઍક્સેસ કરેલી નોટ નવી પદ્ધતિનો ઉપયોગ કરવાનું શરૂ કરે છે.

  1. સેટિંગ્સ  > ઍપ્સ > નોટ્સ પર જાઓ.

  2. પાસવર્ડ પર ટૅપ કરો, અકાઉંટ પસંદ કરો (જો તમારી પાસે એક કરતાં વધુ અકાઉંટ હોય તો) પછી “ડિવાઇસ પાસકોડનો ઉપયોગ કરો” પર ટૅપ કરો.

નોટ લૉક કરવા માટે

તમે માત્ર તમારા ડિવાઇસ રહેલી નોટ અને iCloudમાં રહેલી નોટને લૉક કરી શકો છો. તમે એવી નોટને લૉક કરી શકતા નથી જેમાં PDF, ઑડિઓ, વીડિયો, કીનોટ, પેજ અથવા નંબર અટૅચમેંટ; અન્ય અકાઉંટ સાથે સિંક થતી નોટ; અથવા ક્વિક નોટ્સ હોય. તમે iCloudમાં શેર કરેલી નોટને લૉક કરી શકતા નથી.

  1. તમારા iPhone પર નોટ્સ ઍપ પર જાઓ.

  2. નોટ ખોલો પછી “નોટ ઍક્શન” બટન પર ટૅપ કરો.

  3. લૉક પર ટૅપ કરો.

જ્યારે નોટ લૉક હોય ત્યારે નોટ લિસ્ટમાં ટાઇટલ દેખાય છે.

નોટમાંથી લૉક કાઢી નાખવા માટે “નોટ ઍક્શન” બટન પર ટૅપ કરો પછી “કાઢી નાંખો” પર ટૅપ કરો.

તમારી લૉક કરેલી નોટ ખોલવા માટે

લૉક કરેલી એક નોટ ખોલવાથી સમાન અકાઉંટમાં લૉક કરેલી તમારી તમામ નોટ થોડી મિનિટ માટે ખુલી જાય છે જેથી તમે સરળતાથી બીજી નોટમાં જઈ શકો અથવા અન્ય ઍપમાંથી માહિતી કૉપિ અને પેસ્ટ કરી શકો.

  1. તમારા iPhone પર નોટ્સ ઍપ પર જાઓ.

  2. લૉક કરેલી નોટ પર ટૅપ કરો પછી “નોટ જુઓ” પર ટૅપ કરો.

  3. નોટ ખોલવા માટે Face ID, Touch ID તમારા ડિવાઇસનો પાસકોડ અથવા તમારી નોટ્સના પાસવર્ડનો ઉપયોગ કરો.

તમારી નોટને ફરી લૉક કરવા માટે નીચેનામાંથી કોઈ પણ એક કરો :

  • સ્ક્રીનની ટોચે લૉક આઇકન પર ટૅપ કરો.

  • નોટ લિસ્ટની નીચે “હમણાં લૉક કરો” પર ટૅપ કરો.

  • નોટ્સ ઍપ બંધ કરો.

  • તમારો iPhone લૉક કરો.

આ પણ જુઓiPhone પર તમારી નોટ્સનાં સેટિંગ્સ બદલોiPhone પર પાસકોડ સેટ કરો
Morty Proxy This is a proxified and sanitized view of the page, visit original site.
મદદરૂપ થયું?
અક્ષરની સીમા 250
મહત્તમ અક્ષરની સીમા 250 છે.
તમારા પ્રતિસાદ બદલ ખૂબ ખૂબ આભાર.
Morty Proxy This is a proxified and sanitized view of the page, visit original site.