iOS 26
iOS 18
આ કંટ્રોલમાં ફેરફાર કરવાથી આ પેજ ઑટોમૅટિક રીતે અપડેટ થઈ જશે.

iPhone પર પુસ્તક ઍપમાં પુસ્તક વાંચો

પુસ્તક ઍપમાં તમે વર્તમાનમાં વાંચી રહ્યા છો, વાંચવા માંગો છો તે પુસ્તક, પુસ્તક કલેક્શન વગેરે જોઈ શકો છો.

  • હોમ ઍપ : તમે વર્તમાનમાં વાંચી રહ્યાં છો તે પુસ્તક, ઑડિઓબુક અને PDF ઍક્સેસ કરવા માટે ટૅપ કરો, તમારા આગળના વાંચન માટે પર્સનલાઇઝ્ડ સૂચનો મેળવો, વાંચવાની ઇચ્છા તરીકે અંકિત કરેલા પુસ્તક શોધો અને બીજું ઘણું કરો. તમે દૈનિક વાંચનનાં લક્ષ્ય પણ સેટ કરી શકો છો અને આખા વર્ષ દરમિયાન તમે જે પુસ્તકનું વાંચન પૂર્ણ કરો છો તેનો ટ્રૅક રાખી શકો છો.

  • લાઇબ્રેરી : તમને અગાઉ પુસ્તક સ્ટોરમાંથી મળેલા અથવા પુસ્તકમાં મૅન્યુઅલી ઉમેરવામાં આવેલા તમામ પુસ્તક, ઑડિઓબુક, સીરિઝ, નમૂના અને PDF જોવા માટે ટૅપ કરો. “વાંચવાની ઇચ્છા”, “મારા નમૂના” ઑડિઓબુક, “સમાપ્ત” અથવા તમે બનાવેલાં કસ્ટમ કલેક્શન જેવાં કલેક્શનમાં સૉર્ટ કરેલી તમારી લાઇબ્રેરી જોવા માટે “કલેક્શન” પર ટૅપ કરો (કલેક્શન બનાવવા માટે જુઓ).

પુસ્તક ઍપમાં હોમ સ્ક્રીન. સ્ક્રીનની નીચે ડાબેથી જમણે, હોમ ઍપ, લાઇબ્રેરી, પુસ્તક સ્ટોર, ઑડિઓબુક અને સર્ચ ટૅબ છે. હોમ ટૅબ સિલેક્ટેડ છે.

પુસ્તક વાંચવા માટે

  1. તમારા iPhone પર પુસ્તક ઍપ પર જાઓ.

  2. પુસ્તકમાં નૅવિગેટ કરો, તેને ખોલવા માટે કવર પર ટૅપ કરો પછી નીચેનામાંથી કોઈ પણ એક કરો :

    • પેજ પલટવા માટે : જમણા માર્જિન પર ટૅપ કરો અથવા જમણેથી ડાબે સ્વાઇપ કરો.

      ડાબી અથવા જમણી બાજુના માર્જિનને પેજને પલટવાની અનુમતિ આપવા માટે સેટિંગ્સ  > ઍપ્સ > પુસ્તક પર જાઓ પછી “બંને બાજુના માર્જિન ઍડવાંસ” ચાલુ કરો.

    • પાછલા પેજ પર પાછા જવા માટે : ડાબા માર્જિન પર ટૅપ કરો અથવા ડાબેથી જમણે સ્વાઇપ કરો.

    • પાછલા રીડિંગ લોકેશન પર પાછા જવા માટે : પેજ પર ટૅપ કરો પછી પેજના ઉપરના ડાબા ખૂણામાં ગોળાકાર તીર પર ટૅપ કરો. તમારા વર્તમાન લોકેશન પર પાછા જવા માટે ગોળાકાર તીર પર ફરી ટૅપ કરો, પરંતુ ઉપરના જમણા ખૂણામાં.

    • દર્શાવેલા પેજ અથવા લોકેશન પર જવા માટે : પેજ પર ટૅપ કરો, “મેન્યૂ” બટન પર ટૅપ કરો પછી “પુસ્તક સર્ચ કરો” પર ટૅપ કરો. શબ્દ, શબ્દસમૂહ અથવા પેજ નંબર એંટર કરો પછી પરિણામ પર ટૅપ કરો.

    • અનુક્રમણિકાનો ઉપયોગ કરવા માટે : પેજ પર ટૅપ કરો, “મેન્યૂ” બટન પર ટૅપ કરો પછી કૉન્ટેંટ પર ટૅપ કરો.

      ટિપ : પુસ્તકમાંથી ઝડપથી મુવ થવા માટે કૉન્ટેંટ પર ટચ અને હૉલ્ડ કરો પછી તમારી આંગળીને ડાબી કે જમણી તરફ ડ્રૅગ કરો; પુસ્તકમાં તે લોકેશન પર સીધેસીધા જવા માટે તમારી આંગળીને છોડો.

    • લૉક સ્ક્રીન ઑરિએંટેશન : પેજ પર ટૅપ કરો, “મેન્યૂ” બટન પર ટૅપ કરો પછી સ્ક્રીનને હૉરિઝૉન્ટલ અથવા વર્ટિકલ ઑરિએંટેશનમાં લૉક કરવા માટે “ઑરિએંટેશન લૉક” બટન પર ટૅપ કરો.

    • પુસ્તક બંધ કરવા માટે : પેજ પર ટૅપ કરો પછી ઉપરના જમણા ખૂણામાં “બંધ કરો” બટન પર ટૅપ કરો. અથવા પેજની ટોચ પરથી નીચે સ્વાઇપ કરો (વર્ટિકલ સ્ક્રોલિંગ ચાલુ હોય તો ઉપલબ્ધ નથી).

      પુસ્તક ઍપમાં પુસ્તકનું પેજ. તમે જે પેજ પર વાંચવાનું શરૂ કર્યું હતું તેના પર પાછા જવા માટે અને પુસ્તક બંધ કરવા માટે સ્ક્રીનની ટોચ પર બટન છે. સ્ક્રીનની નીચે જમણી બાજુએ “મેન્યૂ” બટન છે.

ટેક્સ્ટ અને પેજનો દેખાવ બદલવા માટે

  1. તમારા iPhone પર પુસ્તક ઍપ પર જાઓ.

  2. પુસ્તક ખોલો અને પછી પેજમાં નીચે “મેન્યૂ” બટન પર ટૅપ કરો.

    “મેન્યૂ” બટન દેખાય તે માટે તમારે પેજ પર ટૅપ કરવાની જરૂર પડી શકે છે.

  3. થીમ & સેટિંગ્સ પર ટૅપ કરો પછી નીચેનામાંથી કોઈ પણ એક કરો :

    • ફૉન્ટ સાઇઝ બદલવા માટે : ફૉન્ટ સાઇઝ વધારવા માટે મોટા A પર ટૅપ કરો અથવા તેને ઘટાડવા માટે નાના A પર ટૅપ કરો.

    • વર્ટિકલ સ્ક્રોલિંગ ચાલુ કરવા અથવા પેજ પલટાવવાની શૈલી બદલવા માટે : “પેજ પલટાવો” બટન પર ટૅપ કરો પછી કર્લ, ફાસ્ટ ફેડ અથવા સ્ક્રોલ પર ટૅપ કરો.

      PDF, મંગા અથવા અન્ય ફિક્સ્ડ લેઆઉટ ડૉક્યુમૅન્ટ જોતા સમયે વર્ટિકલ સ્ક્રોલિંગ ચાલુ કરવા માટે સ્ક્રીનની ટોચ પર “દેખાવ” બટન પર ટૅપ કરો પછી વર્ટિકલ સ્ક્રોલિંગ ચાલુ કરો.

    • બૅકગ્રાઉંડ મોડ ઍડજસ્ટ કરવા માટે : “દેખાવ વિકલ્પ લાઇટ” બટન પર ટૅપ કરો પછી વિકલ્પ પર ટૅપ કરો.

    • ડિસ્પ્લેની બ્રાઇટનેસ ઍડજસ્ટ કરવા માટે : બ્રાઇટનેસ બારને ટચ કરો પછી તમારી આંગળીને બંનેમાંથી કોઈ એક દિશામાં ડ્રૅગ કરો.

    • પેજની થીમ બદલવા માટે : શાંત અથવા બોલ્ડ જેવી પેજ થીમ પર ટૅપ કરો.

    • ફૉન્ટ બદલવા માટે : કસ્ટમાઇઝ પર ટૅપ કરો પછી ફૉન્ટ પર ટૅપ કરો. ફૉન્ટ વિકલ્પ જોવા માટે ઉપરની તરફ સ્વાઇપ કરો. સ્ક્રીનની ટોચ પર પ્રિવ્યૂ જોવા માટે ઑરિજિનલ અથવા પૅલાટીનો જેવા ફૉન્ટ નામ પર ટૅપ કરો. ફૉન્ટ લાગુ કરવા માટે “પૂર્ણ” પર ટૅપ કરો.

    • ફૉન્ટને બોલ્ડ બનાવવા માટે : “કસ્ટમાઇઝ કરો” પર ટૅપ કરો, બોલ્ડ ટેક્સ્ટની બાજુના બટન પર ટૅપ કરો (લીલું મતલબ ચાલુ) પછી “પૂર્ણ” પર ટૅપ કરો.

    • સ્પેસિંગ અને જસ્ટિફિકેશન કસ્ટમાઇઝ કરવા માટે : કસ્ટમાઇઝ પર ટૅપ કરો પછી ઍક્સેસિબિલિટી & લેઆઉટ વિકલ્પની નીચે કસ્ટમાઇઝ ચાલુ કરો. લાઇન સ્પેસિંગ, કૅરેક્ટર સ્પેસિંગ, વર્ડ સ્પેસિંગ અને માર્જિન ઍડજસ્ટ કરવા માટે સ્લાઇડરને ડાબે અથવા જમણે ડ્રૅગ કરો. તમે જસ્ટિફાય ટેક્સ્ટ પણ ચાલુ અથવા બંધ કરી શકો છો. તમારા ફેરફારો લાગુ કરવા માટે ”પૂર્ણ” પર ટૅપ કરો.

  4. મેન્યૂ બંધ કરવા માટે “બંધ કરો” બટન પર ટૅપ કરો અથવા નીચે સ્વાઇપ કરો.

    પુસ્તક ઍપમાં પુસ્તકનું પેજ. થીમ અને સેટિંગ્સ વિકલ્પ ફૉન્ટ સાઇઝ, સ્ક્રોલિંગ વ્યૂ, પેજ પલટવાની શૈલી, બ્રાઇટનેસ અને ફૉન્ટ સ્ટાઇલ માટે કંટ્રોલ બતાવે છે.

    નોટ : સ્ક્રીનની કઈ બાજુએ “મેન્યૂ” બટન દેખાય તે તમે પસંદ કરી શકો છો. સેટિંગ્સ  > ઍપ્સ > પુસ્તક પર જાઓ પછી “રીડિંગ મેન્યૂ પોઝિશન”ની નીચે ડાબે અથવા જમણે પસંદ કરો.

ટેક્સ્ટ અને લેઆઉટ કસ્ટમાઇઝેશનને અનડૂ કરવા માટે “મેન્યૂ” બટન પર ટૅપ કરો, “કસ્ટમાઇઝ કરો” પર ટૅપ કરો પછી “થીમ રીસેટ કરો” પર ટૅપ કરો.

પેજને બુકમાર્ક કરવા માટે

જ્યારે તમે પુસ્તક બંધ કરો છો ત્યારે તમારું સ્થાન ઑટોમૅટિક રીતે સેવ થઈ જાય છે—તમારે બુકમાર્ક ઉમેરવાની જરૂર નથી પડતી—પરંતુ તમે જે પેજ પર પાછા જવા માંગો છો તે પેજ પર તમે બુકમાર્ક ઉમેરી શકો છો.

  1. તમારા iPhone પર પુસ્તક ઍપ પર જાઓ.

  2. પુસ્તકનું કવર ખોલવા માટે તેના પર ટૅપ કરો પછી તમે બુકમાર્ક કરવા માંગો છો તે પેજ પર ટૅપ કરો.

  3. પેજની નીચે “મેન્યૂ” બટન પર ટૅપ કરો.

    “મેન્યૂ” બટન દેખાય તે માટે તમારે પેજ પર ટૅપ કરવાની જરૂર પડી શકે છે.

  4. બુકમાર્ક ઉમેરવા માટે “બુકમાર્ક રિબન” પર ટૅપ કરો; બુકમાર્ક કાઢવા માટે તેને ફરી ટૅપ કરો.

તમારા તમામ બુકમાર્ક ઍક્સેસ કરવા માટે “મેન્યૂ” બટન પર ટૅપ કરો, બુકમાર્ક & હાઇલાઇટ પર ટૅપ કરો પછી બુકમાર્ક પર ટૅપ કરો.

ટેક્સ્ટ સિલેક્શન અથવા પુસ્તક લિંક શેર કરવા માટે

તમે AirDrop, Mail અથવા મેસેજનો ઉપયોગ કરીને ટેક્સ્ટ સિલેક્શન મોકલી શકો છો અથવા નોટ્સમાં સિલેક્શન ઉમેરી શકો છો. જો પુસ્તક બુક સ્ટોરનું હોય તો પુસ્તકની લિંક સિલેક્શન સાથે સામેલ કરવામાં આવે છે. (તમામ દેશ અથવા પ્રદેશમાં શેરિંગ ઉપલબ્ધ ન પણ હોઈ શકે.)

  1. તમારા iPhone પર પુસ્તક ઍપ પર જાઓ.

  2. પુસ્તકના કવરને ખોલવા માટે તેના પર ટૅપ કરો.

  3. કોઈ શબ્દને ટચ અને હૉલ્ડ કરો પછી સિલેક્શન ઍડજસ્ટ કરવા માટે ગ્રેબ પૉઇંટને મુવ કરો.

  4. મેન્યૂ આઇટમ પર જમણે સ્વાઇપ કરો પછી “શેર કરો” પર ટૅપ કરો.

  5. સિલેક્શન શેર કરવા માટે Mail, મેસેજ અથવા અન્ય ઍપ અથવા સેવા પર ટૅપ કરો.

તમે પુસ્તક સ્ટોરમાં પુસ્તક જોવા માટે લિંક પણ શેર કરી શકો છો. “મેન્યૂ” બટન પર ટૅપ કરો, “શેર કરો” બટન પર ટૅપ કરો પછી તમે જે રીતે લિંક શેર કરવા માંગો છો તેના પર ટૅપ કરો.

લાઇન ગાઇડ ચાલુ કરવા માટે

જેમ-જેમ તમે વાંચતા જાઓ તેમ-તેમ ટેક્સ્ટની અલગ-અલગ લાઇન પર ફોકસ કરવા માટે લાઇન ગાઇડનો ઉપયોગ કરો. લાઇન ગાઇડ ચાલુ હોય ત્યારે બાકીનું પેજ ડિમ થઈ જાય છે અને તમે જે લાઇન વાંચી રહ્યા હો તે વધુ દૃશ્યમાન બને છે.

પુસ્તક ઍપમાં પુસ્તકનું પેજ. ટેક્સ્ટની એક લાઇન હાઇલાઇટ કરવામાં આવે છે અને બાકીની ટેક્સ્ટ ડિમ કરવામાં આવે છે. સ્ક્રીનની નીચે-ડાબા ખૂણામાં “લાઇન ગાઇડ મેન્યૂ” બટન છે.

  1. તમારા iPhone પર પુસ્તક ઍપ પર જાઓ.

  2. પુસ્તકના કવરને ખોલવા માટે તેના પર ટૅપ કરો પછી પેજ પર ટૅપ કરો.

  3. પેજની નીચે “મેન્યૂ” બટન પર ટૅપ કરો.

  4. લાઇન ગાઇડ ચાલુ કરવા માટે “લાઇન ગાઇડ મેન્યૂ” બટન પર ટૅપ કરો પછી નીચેનામાંથી કોઈ પણ એક કરો :

    • લાઇન ગાઇડને ઉપર અથવા નીચે મુવ કરવા માટે તેની ઉપર અથવા નીચેના પેજ પર ટૅપ કરો.

    • લાઇન ગાઇડને ઉપર અથવા નીચે મુવ કરવા માટે ડાબી અથવા જમણી બાજુના પેજ માર્જિન પર ટૅપ કરો (વર્ટિકલ સ્ક્રોલિંગ ચાલુ હોય તો ઉપલબ્ધ નથી).

    • લાઇન ગાઇડને ટચ અને હૉલ્ડ કરો પછી તેને પેજ પર નવી લાઇન પર ડ્રૅગ કરો.

  5. ડિમ લેવલ ઍડજસ્ટ કરવા માટે અથવા લાઇન ગાઇડ બંધ કરવા માટે પેજની નીચે-ડાબા ખૂણામાં “લાઇન ગાઇડ મેન્યૂ” બટન પર ટૅપ કરો.

આ પણ જુઓiPhone પર પુસ્તક ઍપમાં પુસ્તકની ઍનટેટ કરોiPhone પર પુસ્તક ઍપમાં ઑડિઓબુક સાંભળોiPhone પર પુસ્તક ઍપમાં પુસ્તકો ઑર્ગનાઇઝ કરો
Morty Proxy This is a proxified and sanitized view of the page, visit original site.
મદદરૂપ થયું?
અક્ષરની સીમા 250
મહત્તમ અક્ષરની સીમા 250 છે.
તમારા પ્રતિસાદ બદલ ખૂબ ખૂબ આભાર.
Morty Proxy This is a proxified and sanitized view of the page, visit original site.