iPadમાં સ્ક્રીન કરો અને કૉલ બ્લૉક કરો

iPadમાં તમે ચોક્કસ કૉલરને બ્લૉક કરી શકો છો અને તમે અજ્ઞાત અને સ્પૅમ કૉલને ઑટોમૅટિક રીતે ઓળખવા, સ્ક્રીન કરવા, ફિલ્ટર કરવા અને બ્લૉક કરવા માટે તમારું સેટિંગ બદલી શકો છો.

કૉલની ઓળખ ચાલુ કરો

iPad Apple Business Connect, સપોર્ટેડ નેટવર્ક પ્રોવાઇડર અને સપોર્ટેડ કૉલની ઓળખ કરનારી ઍપ્સનો ઉપયોગ કરીને ઇનકમિંગ કૉલની ઓળખ કરવામાં મદદ કરી શકે છે.

  1. તમારા iPadમાં સેટિંગ્સ ઍપ  પર જાઓ.

  2. ઍપ પર ટૅપ કરો, ફોન પર ટૅપ કરો પછી કૉલ બ્લૉકિંગ અને ઓળખ પર ટૅપ કરો.

  3. નીચેનામાંથી એક અથવા વધુ ચાલુ કરો :

    • બિઝનેસ કૉલની ઓળખ : Apple બિઝનેસ કનેક્ટ અથવા તમારા નેટવર્ક પ્રોવાઇડર દ્વારા કૉલરની માહિતી ઓળખવામાં આવે છે.

    • કૉલ ઓળખવાની ઍપ્સ : સપોર્ટેડ કૉલર ID ઍપ દ્વારા કૉલરની માહિતીને ઓળખવામાં આવે છે.

અજ્ઞાત નંબરોને સ્ક્રીન અથવા સાઇલેંટ કરવા માટે

કૉલ સ્ક્રીનિંગ તમને દખલ કર્યા વગર અજ્ઞાત નંબર પરથી આવતા કૉલનો ઑટોમૅટિક રીતે જવાબ આપે છે. એકવાર કૉલર તેમનું નામ અને કૉલ કરવાનું કારણ શેર કરે પછી તમારા iPadમાં રિંગ વાગે છે અને તેમનો જવાબ શેર કરે છે જેથી તમે નક્કી કરી શકો કે તમારે તે કૉલ ઉપાડવો કે નહિ. તમે અજ્ઞાત કૉલરના કૉલને સાઇલેંટ કરવાનું પણ પસંદ કરી શકો છો અને તેમને સીધા વૉઇસમેલ પર મોકલી શકો છો.

  1. તમારા iPadમાં સેટિંગ્સ ઍપ  પર જાઓ.

  2. ઍપ્સ પર ટૅપ કરો પછી ફોન પર ટૅપ કરો.

  3. નીચેનામાંથી કોઈ પણ એક પસંદ કરો :

    • ક્યારેય નહિ : કૉલ સ્ક્રીનિંગ બંધ હોય અને જ્યારે તમને સેવ કર્યા વગરના નંબર પરથી કૉલ આવશે ત્યારે તમારા iPadમાં રિંગ વાગશે.

    • કૉલ કરવા માટેનું કારણ પૂછો : અજ્ઞાત નંબર પરથી આવતા કૉલ માટે iPadમાં રિંગ વાગે તે પહેલાં તેમની વધુ માહિતી પૂછવામાં આવશે.

    • સાઇલેંટ : સેવ કર્યા વગરના નંબર પરથી આવતા કૉલ સાઇલેંટ કરવામાં આવશે, વૉઇસમેલ પર મોકલવામાં આવશે અને “તાજેતરના” સૂચીમાં દેખાશે.

નોટ : કૉલનો જવાબ આપતી વખતે Siri તમારા iPadની ડિફૉલ્ટ ભાષામાં બોલશે. જુઓ : iPadમાં ભાષા અને ક્ષેત્ર બદલો.

અજ્ઞાત અને સ્પૅમ કૉલને ફિલ્ટર કરવા માટે

  1. તમારા iPadમાં સેટિંગ્સ ઍપ  પર જાઓ.

  2. ઍપ્સ પર ટૅપ કરો પછી ફોન પર ટૅપ કરો.

  3. નીચેનાને ચાલુ કરો :

    • અજ્ઞાત કૉલર : અજ્ઞાત નંબર પરથી આવતા કૉલ તમારી “તાજેતરના” સૂચીમાંથી કાઢી નાખવામાં આવે છે અને અજ્ઞાત કૉલરની સૂચીમાં મોકલવામાં આવે છે.

    • સ્પૅમ : તમારા નેટવર્ક પ્રોવાઇડર દ્વારા સંભવિત સ્પૅમ અથવા છેતરપિંડી તરીકે ઓળખવામાં આવતા કૉલને સાઇલેંટ કરવામાં આવે છે, વૉઇસમેલ પર મોકલવામાં આવે છે અને સ્પૅમ સૂચીમાં મુવ કરવામાં આવે છે.

તમે અજ્ઞાત કૉલરને જાણીતા તરીકે અંકિત કરી શકો છો જેથી ભવિષ્યમાં તેમના કૉલને અજ્ઞાત કૉલરની સૂચીમાં મોકલવાથી રોકી શકાય. ફોન ઍપ પર જાઓ, “ફિલ્ટર” બટન પર ટૅપ કરો, અજ્ઞાત કૉલર પર ટૅપ કરો, કૉલની બાજુમાં જાણીતા તરીકે અંકિત કરો પર ટૅપ કરો પછી જાણીતા તરીકે અંકિત કરો પર ટૅપ કરો.

તમારા જાણીતા કૉલરમાંથી નંબર કાઢી નાખવા માટે “ફિલ્ટર” બટન પર ટૅપ કરીને કૉલ પર ટૅપ કરીને તમે જે નંબર કાઢી નાખવા માંગો છો તેના પર ટૅપ કરીને પછી સ્ક્રીનમાં જમણી બાજુએ સંપર્ક કાર્ડમાં નીચે અજ્ઞાત તરીકે અંકિત કરો પર ટૅપ કરો.

ચોક્કસ લોકો અથવા નંબરના કૉલ બ્લૉક કરવા અથવા અનબ્લૉક કરવા માટે

  1. તમારા iPadમાં ફોન ઍપ પર જાઓ.

  2. તમારી સ્ક્રીનની ઉપરની ડાબી બાજુએ “ફિલ્ટર” બટન પર ટૅપ કરો પછી કૉલ, ચૂકી ગયેલ, અજ્ઞાત કૉલર અથવા સ્પૅમ પર ટૅપ કરો.

  3. તમારી સ્ક્રીનમાં ડાબી બાજુએ તમે જે નંબર અથવા સંપર્કને બ્લૉક કરવા માંગો છો તેના પર ટૅપ કરો.

  4. તમારી સ્ક્રીનની જમણી બાજુએ વિગતો પર ટૅપ કરીને નીચે સ્ક્રોલ કરો પછી સંપર્ક બ્લૉક કરો અથવા સંપર્ક અનબ્લૉક કરો પર ટૅપ કરો.

અજ્ઞાત અથવા સ્પૅમ કૉલરના કૉલ જુઓ

  1. તમારા iPadમાં ફોન ઍપ પર જાઓ.

  2. “ફિલ્ટર” બટન પર ટૅપ કરો.

  3. અજ્ઞાત કૉલર અથવા સ્પૅમ પર ટૅપ કરો.

આ પણ જુઓiPadમાં કૉલ પર હોવ ત્યારે
Morty Proxy This is a proxified and sanitized view of the page, visit original site.
મદદરૂપ થયું?
અક્ષરની સીમા 250
મહત્તમ અક્ષરની સીમા 250 છે.
તમારા પ્રતિસાદ બદલ ખૂબ ખૂબ આભાર.
Morty Proxy This is a proxified and sanitized view of the page, visit original site.