iPadOS 26
iPadOS 18
આ કંટ્રોલમાં ફેરફાર કરવાથી આ પેજ ઑટોમૅટિક રીતે અપડેટ થઈ જશે.

iPadમાં વીડિયોની લંબાઈ ટ્રિમ કરો, સ્પીડ ઍડજસ્ટ કરો અને ઑડિઓ સંપાદિત કરો

ફોટોસ ઍપમાં તમે તમારા iPadમાં રેકોર્ડ કરેલા વીડિયો ક્યાં શરૂ થાય અને ક્યાં પૂરા થાય તે બદલવા તેને ટ્રિમ કરી શકો છો. સ્લો-મોશન મોડમાં રેકોર્ડ કરતી વખતે તમે પ્લેબૅક સ્પીડ પણ ઍડજસ્ટ કરી શકો છો અને સ્લો મોશનમાં દેખાતા વીડિયોના ભાગને બદલી શકો છો.

જ્યારે તમે કોઈ પણ iPhone 16 મૉડલ અથવા પછીના મૉડલ (iPhone16e સિવાય) પર વીડિયો કૅપ્ચર કરો ત્યારે તમે ફોટોસ ઍપમાં સ્પેશિયલ ઑડિઓ સંપાદિત કરી શકો છો.

મધ્યમાં વીડિયો પ્લે કરતી ફોટોસ ઍપની સ્ક્રીન સંપાદિત કરો. વીડિયોના નીચેના ભાગમાં વીડિયોનું ફ્રેમ વ્યૂઅર છે અને ટ્રિમ કરેલા વીડિયોમાં સામેલ કરવા માટે સિલેક્ટ કરેલી ફ્રેમની આસપાસ પીળી આઉટલાઇન છે. સ્ક્રીનમાં ડાબી બાજુએ વીડિયો, ઍડજસ્ટ, ફિલ્ટર અને ક્રૉપ બટન છે; વીડિયો બટન સિલેક્ટ કરેલું છે.

વીડિયો ટ્રિમ કરો

  1. તમારા iPadમાં ફોટોસ ઍપ પર જાઓ.

  2. વીડિયો ખોલો અને પછી “સંપાદિત કરો” બટન પર ટૅપ કરો.

  3. શરૂ કરવા અને રોકાવાના સમયને ઍડજસ્ટ કરવા માટે ફ્રેમ વ્યૂઅરના કોઈ પણ છેડાને ડ્રૅગ કરો પછી પૂર્ણ પર ટૅપ કરો.

  4. ફક્ત ટ્રિમ કરેલો વીડિયો સેવ કરવા માટે “વીડિયો સેવ કરો” પર ટૅપ કરો અથવા વીડિયોના બંને વર્ઝન સેવ કરવા માટે વીડિયોને નવી ક્લિપ તરીકે સેવ કરો.

તમે સેવ કરો તે પછી ટ્રિમને અનડૂ કરવા માટે વીડિયો ખોલીને “સંપાદિત કરો” બટન પર ટૅપ કરીને પછી રિવર્ટ પર ટૅપ કરો.

નોટ : નવી ક્લિપ તરીકે સેવ કરેલા વીડિયોને રિવર્ટ કરીને અસલ કરી શકાતા નથી.

વીડિયો પ્લેબૅક સ્પીડને સંપાદિત કરો

તમે ઊંચા ફ્રેમ રેટ પર કૅપ્ચર કરવામાં આવ્યા હોય એવા વીડિયોને ધીમા કરી શકો છો જેથી ડ્રામૅટિક ઇફેક્ટ જોવા મળે.

  1. તમારા iPadમાં ફોટોસ ઍપ પર જાઓ.

  2. વીડિયો ખોલો, “સંપાદિત કરો” બટન પર ટૅપ કરો અને પછી વીડિયો પર ટૅપ કરો.

  3. “પ્લેબૅક સ્પીડ” બટન પર ટૅપ કરો અને પછી પ્લેબૅક સ્પીડ પર ટૅપ કરો.

    નોટ : ઉપલબ્ધ પ્લેબૅક વિકલ્પની સંખ્યાનો આધાર તમે કૅપ્ચર કરેલા વીડિયોના ફૉર્મેટ પર છે. તમે જેટલા મોટા ફોર્મેટને કૅપ્ચર કરશો તેટલા વધુ વિકલ્પો ઉપલબ્ધ હશે.

સ્લૉ-મો મોડમાં વીડિયો શૉટના સ્લૉ-મોશન સેક્શનને સંપાદિત કરવા માટે

  1. તમારા iPadમાં ફોટોસ ઍપ પર જાઓ.

  2. સ્લો-મોશન મોડમાં વીડિયો શૉટ ખોલો અને પછી “સંપાદિત કરો” બટન પર ટૅપ કરો.

  3. વીડિયો સ્લો મોશનમાં ક્યાં પ્લે કરવો જોઈએ તે સેટ કરવા માટે સફેદ વર્ટિકલ બારને ફ્રેમ વ્યૂઅરની નીચે ડ્રૅગ કરો.

  4. તમારાં સંપાદનો સેવ કરવા માટે પૂર્ણ પર ટૅપ કરો અથવા જો તમને તમારા ફેરફારો પસંદ ન હોય તો રદ કરો પર ટૅપ કરો.

ઑડિઓ મિક્સ સાથે સાઉંડ સંપાદિત કરવા માટે

જ્યારે તમે iPhone 16 (iPhone 16e સિવાય) અથવા તેના પછીના મૉડલમાં વીડિયો કૅપ્ચર કરો ત્યારે તે વધુ ઑડિઓ કસ્ટમાઇઝેશનની અનુમતિ આપવા માટે સ્પેશિયલ ઑડિઓ અને સ્ટીરિઓ જેવા ઘણાં ફૉર્મેટમાં રેકોર્ડ થાય છે. જો તમે સ્પેશિયલ ઑડિઓ ચાલુ કરીને વીડિયો રેકોર્ડ કરો તો પછીથી તમારા iPadમાં વીડિયો સાઉંડને સંપાદિત કરી શકો છો—ઉદાહરણ તરીકે, બોલી રહેલી વ્યક્તિ પર ફોકસ કરવા માટે તમે બૅકગ્રાઉંડ નૉઇઝ ઓછો કરી શકો છો.

  1. તમારા iPadમાં ફોટોસ ઍપ પર જાઓ.

    ફોટોસ ઍપમાં વીડિયો ખુલ્લો છે. સ્ક્રીનમાં ડાબી બાજુએ વીડિયો, ઑડિઓ મિક્સ, ઍડજસ્ટ, ફિલ્ટર અને ક્રૉપ કરવા માટે સંપાદન બટન છે. ઑડિઓ મિક્સ સિલેક્ટ કરેલું છે. સ્ક્રીનમાં જમણી બાજુએ સ્ટૅન્ડર્ડ, ફ્રેમમાં, સ્ટુડિયો અને સિનેમૅટિક જેવા સાઉંડ વિકલ્પને ઍડજસ્ટ કરવા માટેના બટન છે. સ્ટુડિયો સિલેક્ટ કરેલો છે.

  2. વીડિયો ખોલો અને પછી “સંપાદિત કરો” બટન પર ટૅપ કરો.

  3. “ઑડિઓ મિક્સ” પર ટૅપ કરો અને પછી નીચેનામાંથી કોઈ પણ એક પસંદ કરો :

    • સ્ટૅન્ડર્ડ : તમે રેકોર્ડ કરેલો અસલ ઑડિઓ પ્લે કરો.

    • ફ્રેમમાં : વીડિયો ફ્રેમમાં દેખાતા ન હોય તેવા સોર્સમાંથી સાઉંડ અને વૉઇસ ઓછા કરો.

    • સ્ટુડિયો : તમે પ્રોફેશનલ સ્ટુડિયોમાં રેકોર્ડિંગ કરી રહ્યાં હોવ તેવો વધુ સાઉંડ આવે તે માટે બૅકગ્રાઉંડ સાઉંડ અને પડઘા ઓછા કરો.

    • સિનેમૅટિક : તમામ વૉઇસને ફ્રંટ ફેસિંગ ટ્રૅક પર મૂકો અને મૂવિમાં ઑડિઓ જેવા આસપાસના વાતાવરણીય નૉઇઝને છોડી દો.

  4. ઇફેક્ટ અને બૅકગ્રાંઉડ નૉઇઝ લેવલ વધારવા અથવા ઘટાડવા માટે સ્લાઇડરને મિક્સ વિકલ્પોની બાજુમાં ડ્રૅગ કરો.

  5. “પૂર્ણ” પર ટૅપ કરો.

આ પણ જુઓiPadમાં ફોટો અને વીડિયો સંપાદિત કરવા માટેiPadમાં સિનેમૅટિક મોડ વીડિયોને સંપાદિત કરોiPadમાં ફોટો સંપાદનોને અનડૂ અને રિવર્ટ કરવા માટે
Morty Proxy This is a proxified and sanitized view of the page, visit original site.
મદદરૂપ થયું?
અક્ષરની સીમા 250
મહત્તમ અક્ષરની સીમા 250 છે.
તમારા પ્રતિસાદ બદલ ખૂબ ખૂબ આભાર.
Morty Proxy This is a proxified and sanitized view of the page, visit original site.