iPadOS 26
iPadOS 18
આ કંટ્રોલમાં ફેરફાર કરવાથી આ પેજ ઑટોમૅટિક રીતે અપડેટ થઈ જશે.

iPadમાં ઘણી Safari પ્રોફાઇલ બનાવો

તમે મલ્ટિપલ Safari પ્રોફાઇલ બનાવી શકો છો-જેમ કે કાર્ય અને વ્યક્તિગત-અને તેનો ઉપયોગ કરીને તમારા ઇંટરનેટ બ્રાઉઝિંગને અલગ થીમમાં વિભાજિત કરી શકો છો. દરેક પ્રોફાઇલમાં અલગ મનપસંદ, હિસ્ટરી, ટૅબ અને ટૅબ ગ્રૂપ હોય છે. તમે કોઈ પણ સમયે પ્રોફાઇલ ઉમેરી શકો છો, સંપાદિત કરી શકો છો અથવા કાઢી શકો છો.

પ્રોફાઇલ બનાવો

તમે iPadમાં બનાવેલી પ્રોફાઇલ જ્યાં તમે એક જ Apple અકાઉંટમાં સાઇન ઇન કરેલું હોય તેવા કોઈ પણ iPhone, iPad અથવા Mac પર Safari સેટિંગ્સમાં પણ દેખાય છે.

  1. તમારા iPadમાં સેટિંગ્સ ઍપ પર જાઓ.

  2. ઍપ્સ પર ટૅપ કરો પછી Safari પર ટૅપ કરો.

  3. નવી પ્રોફાઇલ પર ટૅપ કરો અને પછી નામ પર ટૅપ કરો.

  4. આ પ્રોફાઇલ માટેનું નામ એંટર કરો અને પછી આઇકન અને રંગ પસંદ કરો.

  5. બુકમાર્ક ફોલ્ડર પસંદ કરવા માટે સેટિંગ્સની નીચે મનપસંદ પર ટૅપ કરો.

    જો તમારી પાસે બુકમાર્કના ઘણાં ફોલ્ડર હોય તો આ વિકલ્પ બુકમાર્ક કરેલી વેબસાઇટના એવા ફોલ્ડરને સિલેક્ટ કરે છે જેની ભલામણ તમે સરનામું એંટર કરો, સર્ચ કરો અથવા નવું ટૅબ બનાવો ત્યારે કરવામાં આવે છે. ઉદાહરણ તરીકે, જો તમારી પાસે કાર્ય સાથે સંબંધિત બુકમાર્કનું ફોલ્ડર હોય તો તમે કામની પ્રોફાઇલ બનાવી શકો છો અને જ્યારે તમે અડ્રેસ ફીલ્ડમાં ટાઇપ કરો ત્યારે સૂચવવામાં આવેલી વેબસાઇટની ખાતરી માટે આ ફીલ્ડનો ઉપયોગ કરી શકો છો.

  6. “નવું ટૅબ ખોલો” પર ટૅપ કરો અને તમે જે પેજ પર નવું ટૅબ ખોલવા માંગો છો તે પસંદ કરો.

  7. પૂર્ણ બટન પર ટૅપ કરો.

Safariમાં પ્રોફાઇલનો ઉપયોગ કરો

તમે પ્રોફાઇલ વડે સરળતાથી ઇંટરનેટ બ્રાઉઝ કરી શકો છો અથવા પ્રોફાઇલ વચ્ચે મુવ કરી શકો છો.

  1. તમારા iPadમાં Safari ઍપ પર જાઓ.

  2. વિંડોમાં ઉપરની ડાબી બાજુએ વર્તમાન પ્રોફાઇલના નામ પર ટૅપ કરો.

  3. મેન્યૂમાં નીચે પ્રોફાઇલ પર ટૅપ કરો પછી તમે જે પ્રોફાઇલનો ઉપયોગ કરવા માંગો છો તેને પસંદ કરો.

Safariમાં ટૅબ ગ્રૂપ મેન્યૂ ખુલ્લું છે. મેન્યૂમાં નીચે પ્રોફાઇલ સિલેક્ટ કરવામાં આવે છે અને મેન્યૂ વ્યક્તિગત, સ્કૂલ અને કાર્ય વિકલ્પો દર્શાવે છે.

પ્રોફાઇલ સંપાદિત કરો

  1. તમારા iPadમાં સેટિંગ્સ ઍપ પર જાઓ.

  2. ઍપ્સ પર ટૅપ કરો પછી Safari પર ટૅપ કરો.

  3. તમે જે પ્રોફાઇલને સંપાદિત કરવા માંગો છો તેના પર ટૅપ કરો.

પ્રોફાઇલ સાથે કયા એક્સટેંશનનો ઉપયોગ કરવો તે પસંદ કરો

તમારા બ્રાઉઝરની iPadમાં કામ કરવાની રીતને કસ્ટમાઇઝ કરવા માટે તમે એક્સ્ટેંશન ઇંસ્ટૉલ કરી શકો છો. Safari કસ્ટમાઇઝ કરવા માટે એક્સટેંશન મેળવો જુઓ.

જો તમે તમારા iPadમાં એક્સ્ટેંશન ઇંસ્ટૉલ કરેલાં હોય તો તમે દરેક પ્રોફાઇલ સાથે કયા એક્સ્ટેંશનનો ઉપયોગ કરવા માંગો છો તેને કસ્ટમાઇઝ કરી શકો છો.

  1. તમારા iPadમાં સેટિંગ્સ ઍપ પર જાઓ.

  2. ઍપ્સ પર ટૅપ કરો પછી Safari પર ટૅપ કરો.

  3. પ્રોફાઇલ પર ટૅપ કરો પછી તે પ્રોફાઇલ સાથે તમે જે દરેક એક્સ્ટેંશનનો ઉપયોગ કરવા માંગો છો તે સિલેક્ટ કરો.

પ્રોફાઇલ કાઢી નાખો

તમે કોઈ પણ સમયે પ્રોફાઇલ ડિલીટ કરી શકો છો. આ ઍક્શન પ્રોફાઇલ સાથે સંકળાયેલા મનપસંદ અને હિસ્ટરીને પણ મિટાવી દે છે અને પ્રોફાઇલમાં ખુલ્લી તમામ વેબસાઇટને બંધ કરે છે.

મહત્ત્વપૂર્ણ : આ ઍક્શનને અનડૂ કરી શકાશે નહિ.

  1. તમારા iPadમાં સેટિંગ્સ ઍપ પર જાઓ.

  2. ઍપ્સ પર ટૅપ કરો પછી Safari પર ટૅપ કરો.

  3. પ્રોફાઇલ પર ટૅપ કરો.

  4. “પ્રોફાઇલ ડિલીટ કરો” પર ટૅપ કરીને પુષ્ટિ કરવા માટે “ડિલીટ કરો” પર ટૅપ કરો.

આ પણ જુઓiPadમાં તમારાં Safari સેટિંગ્સ કસ્ટમાઇઝ કરોiPadમાંથી તમારી કૅશ અને કુકિ સાફ કરો
Morty Proxy This is a proxified and sanitized view of the page, visit original site.
મદદરૂપ થયું?
અક્ષરની સીમા 250
મહત્તમ અક્ષરની સીમા 250 છે.
તમારા પ્રતિસાદ બદલ ખૂબ ખૂબ આભાર.
Morty Proxy This is a proxified and sanitized view of the page, visit original site.