iOS 26
iOS 18
આ કંટ્રોલમાં ફેરફાર કરવાથી આ પેજ ઑટોમૅટિક રીતે અપડેટ થઈ જશે.

iPhoneમાં હવામાન નકશા જોવા માટે

તમે તમારા લોકેશન અથવા અન્ય વિસ્તારમાં ફુલ સ્ક્રીનમાં વર્ષણ, તાપમાન, હવાની ગુણવત્તા અને પવનના નકશાને જોઈ શકો છો.

નોટ : તમામ ફીચર તમામ દેશ અથવા વિસ્તારમાં ઉપલબ્ધ નથી. Apple સપોર્ટ લેખ હવામાન ઍપમાં ફીચર ઉપલબ્ધતા અને ડેટા સોર્સ જુઓ.

હવામાન ઍપની સ્ક્રીન પર સમુદ્રથી આવતા પવનનો નકશો. નકશો બંધ કરો બટન અને પવનનો નકશો ઓવરલે સ્કેલ ઉપરના ડાબા ખૂણામાં છે. ઉપરના જમણા ખૂણામાં ઉપરથી નીચે, ઓવરલે મેન્યૂ, વર્તમાન લોકેશન અને લોકેશન બટન છે. નીચેની બાજુએ ટાઇમલાઇન છે.

ફુલ સ્ક્રીન હવામાન નકશો જુઓ

  1. તમારા iPhoneમાં હવામાન ઍપ પર જાઓ.

  2. લોકેશન સિલેક્ટ કરો પછી સ્ક્રીનમાં નીચે “નકશો બતાવો” બટન પર ટૅપ કરો.

    નોટ : બતાવવામાં આવેલા હવામાનના નકશાનો પ્રકાર સિલેક્ટ કરેલા લોકેશન માટે હવામાનની સ્થિતિને આધારે બદલાઈ શકે છે.

  3. વર્ષણ, તાપમાન, હવાની ગુણવત્તા અથવા પવનના નકશા પર સ્વિચ કરવા માટે ઉપર જમણી બાજુએ “ઓવરલે મેન્યૂ” બટન પર ટૅપ કરો.

  4. વર્ષણ અથવા પવનની આગાહીના નકશામાં નીચેનામાંથી કોઈ પણ એક કરો :

    • ટાઇમલાઇન બતાવવા માટે : નકશામાં નીચે “નજીક” પર ટૅપ કરો.

    • ટાઇમલાઇનની અવધિ બદલવા માટે : વર્ષણ નકશો જોતી વખતે “મેન્યૂ” બટન પર ટૅપ કરો પછી 12-કલાકની આગાહી અને આગામી-કલાકની આગાહી વચ્ચે સ્વિચ કરો.

  5. નકશો બંધ કરવા માટે “બંધ કરો” બટન પર ટૅપ કરો.

હવામાન નકશાનું લોકેશન બદલવા માટે

  1. તમારા iPhoneમાં હવામાન ઍપ પર જાઓ.

  2. ફુલ-સ્ક્રીન હવામાન નકશો જુઓ પછી નીચેનામાંથી કોઈ પણ એક કરો :

    • નકશાને મુવ કરવા માટે : તેને ડ્રૅગ કરો.

    • ઝૂમ ઇન અને આઉટ કરવા માટે : સ્ક્રીનને પિંચ કરો.

    • તમારી સૂચીમાંથી બીજું લોકેશન જોવા માટે : ઉપર જમણી બાજુએ લોકેશન લિસ્ટ બટન પર ટૅપ કરીને પછી લોકેશન પર ટૅપ કરો.

    • તમારા વર્તમાન લોકેશન પર પાછા જવા માટે : ઉપર જમણી બાજુએ “વર્તમાન લોકેશન” બટન પર ટૅપ કરો.

    • લોકેશનને તમારી યાદીમાં ઉમેરો, તેની વર્તમાન સ્થિતિઓ જુઓ અથવા તેને નકશામાં જુઓ : નકશામાં લોકેશનને ટચ કરીને હોલ્ડ કરો પછી “[લોકેશન] ઉમેરો”, “[લોકેશન] જુઓ” અથવા “નકશોમાં ખોલો” પર ટૅપ કરો.

  3. નકશો બંધ કરવા માટે “બંધ કરો” બટન પર ટૅપ કરો.

આ પણ જુઓiPhoneમાં હવામાન તપાસોiPhoneમાં અન્ય લોકેશનનું હવામાન તપાસવુંiPhoneમાં હવામાન સંબંધિત સૂચનાઓ મૅનેજ કરવીiPhoneમાં હવામાન વિજેટનો ઉપયોગ કરવો
Morty Proxy This is a proxified and sanitized view of the page, visit original site.
મદદરૂપ થયું?
અક્ષરની સીમા 250
મહત્તમ અક્ષરની સીમા 250 છે.
તમારા પ્રતિસાદ બદલ ખૂબ ખૂબ આભાર.
Morty Proxy This is a proxified and sanitized view of the page, visit original site.