iOS 26
iOS 18
આ કંટ્રોલમાં ફેરફાર કરવાથી આ પેજ ઑટોમૅટિક રીતે અપડેટ થઈ જશે.

iPhoneમાં આરોગ્યમાં ઊંઘનું શેડ્યૂલ સંપાદિત કરો

તમે તમારું પહેલું સ્લીપ શેડ્યૂલ સેટ અપ કર્યા પછી તમે વધુ શેડ્યૂલ સેટ કરી શકો છો—ઉદાહરણ તરીકે તમે અઠવાડિયાના દિવસો અને સપ્તાહાંત માટે અલગ શેડ્યૂલ બનાવી શકો છો. તમે કોઈ પણ શેડ્યૂલમાં ફેરફાર કરી શકો છો—ઉદાહરણ તરીકે તમે તેનો શરૂ થવા સમય બદલી શકો છો.

તમે તમારી વાઇંડ ડાઉન અવધિનો સમયગાળો, તમે કેટલા કલાક ઊંઘવા માંગો છો વગેરે જેવા ઊંઘના વિકલ્પો બદલી શકો છો.

સ્લીપ શેડ્યૂલ ઉમેરવું અથવા બદલવું

  1. તમારા iPhoneમાં આરોગ્ય ઍપ પર જાઓ.

  2. નીચે જમણી બાજુ “સર્ચ કરો” બટન પર ટૅપ કરો પછી ઊંઘ પર ટૅપ કરો.

  3. “ઊંઘ” પર ટૅપ કરો પછી તમારા શેડ્યૂલ સુધી નીચે સ્ક્રોલ કરો પછી સંપૂર્ણ શેડ્યૂલ અને વિકલ્પો પર ટૅપ કરો.

  4. નીચેનામાંથી કોઈ પણ એક કરો :

    • સ્લીપ શેડ્યૂલ ઉમેરવા માટે : “શેડ્યૂલ ઉમેરો” પર ટૅપ કરો.

    • સ્લીપ શેડ્યૂલ બદલવા માટે : તમે જે શેડ્યૂલ બદલવા માંગો છો તેના માટે “સંપાદિત કરો” પર ટૅપ કરો.

  5. નીચેનામાંથી કોઈ પણ એક કરો :

    • તમારા શેડ્યૂલ માટે દિવસ સેટ કરવા માટે : તમારા શેડ્યૂલમાંથી તેને ઉમેરવા અથવા કાઢી નાખવા માટે સ્ક્રીનમાં ઉપર દિવસ પર ટૅપ કરો. શેડ્યૂલ માત્ર ઘાટા રંગના વર્તુળોમાં દર્શાવવામાં આવેલા દિવસોને લાગુ પડે છે.

    • તમારા ઊંઘવાનો અને જાગવાનો સમય ઍડજસ્ટ કરવા માટે : તમારો ઊંઘવાનો સમય બદલવા માટે “સૂવાનો સમય” બટનને ડ્રૅગ કરો, તમારો જાગવાનો સમય બદલવા માટે “રિંગિંગ અલાર્મ” બટનને ડ્રૅગ કરો અથવા બંને વખત વારાફરતી શિફ્ટ કરવા માટે આઇકનની વચ્ચેના અર્ધવર્તુળ ડ્રૅગ કરો.

    • અલાર્મ વિકલ્પ સેટ કરવા માટે : અલાર્મ ચાલુ અથવા બંધ કરવા માટે.

      જ્યારે અલાર્મ ચાલુ હોય ત્યારે તમે સાઉંડ, તેનું વૉલ્યૂમ, વાઇબ્રેશન અને સ્નૂઝ વિકલ્પ પસંદ કરી શકો છો.

      નોટ : તમે સ્લીપ શેડ્યૂલ અલાર્મ માટે ગીત સિલેક્ટ કરી શકતા નથી. જોકે તમે ઘડિયાળ ઍપ દ્વારા અલાર્મ માટે ગીત સિલેક્ટ કરી શકો છો.

  6. તમે સમાપ્ત કરી લો ત્યારે “ઉમેરો” અથવા “પૂર્ણ” બટન પર ટૅપ કરો.

    જ્યારે તમે “પૂર્ણ” બટન પર ટૅપ કરો છો ત્યારે આ ફેરફારો શેડ્યૂલના દરેક દિવસ પર લાગુ થાય છે.

ફક્ત તમારું આગામી શેડ્યૂલ બદલો

તમે સ્લીપ શેડ્યૂલમાં ટેંપરરી ફેરફાર કરી શકો છો.

  1. તમારા iPhoneમાં આરોગ્ય ઍપ પર જાઓ.

  2. નીચે જમણી બાજુ “સર્ચ કરો” બટન પર ટૅપ કરો પછી ઊંઘ પર ટૅપ કરો.

  3. “ઊંઘ” પર ટૅપ કરો, તમારા શેડ્યૂલ સુધી નીચે સ્ક્રોલ કરો પછી “સંપાદિત કરો” (“આગળ”ની નીચે) પર ટૅપ કરો.

  4. તમારો ઊંઘવાનો સમય બદલવા માટે “સૂવાનો સમય” બટનને ડ્રૅગ કરો, તમારો જાગવાનો સમય બદલવા માટે “રિંગિંગ અલાર્મ” બટનને ડ્રૅગ કરો અથવા બંને વખત વારાફરતી શિફ્ટ કરવા માટે આઇકનની વચ્ચેના અર્ધવર્તુળ ડ્રૅગ કરો.

  5. અલાર્મ વિકલ્પ પસંદ કરો.

    જ્યારે અલાર્મ ચાલુ હોય ત્યારે તમે સાઉંડ, તેનું વૉલ્યૂમ, વાઇબ્રેશન અને સ્નૂઝ વિકલ્પ પસંદ કરી શકો છો.

  6. “પૂર્ણ” બટન પર ટૅપ કરો.

નોટ : તમે ઘડિયાળ ઍપ નો ઉપયોગ કરીને તમારું આગામી સ્લીપ શેડ્યૂલ અલાર્મ બદલી શકો છો.

તમારા આગામી જાગવાના સમય પછી તમારું સામાન્ય શેડ્યૂલ ફરી શરૂ થાય છે.

તમારી વાઇંડ ડાઉન અવધિ, ઊંઘનો ગોલ વગેરે બદલવા માટે

  1. તમારા iPhoneમાં આરોગ્ય ઍપ પર જાઓ.

  2. નીચે જમણી બાજુ “સર્ચ કરો” બટન પર ટૅપ કરો પછી ઊંઘ પર ટૅપ કરો.

  3. “ઊંઘ” પર ટૅપ કરો પછી તમારા શેડ્યૂલ સુધી નીચે સ્ક્રોલ કરો પછી સંપૂર્ણ શેડ્યૂલ અને વિકલ્પો પર ટૅપ કરો.

  4. “વધુ વિગતો” સુધી નીચે સ્ક્રોલ કરો પછી તમારા ફેરફારો બનાવવા માટે :

    • વાઇંડ ડાઉન અવધિ : “વાઇંડ ડાઉન” પર ટૅપ કરો પછી તમારા શેડ્યૂલ કરેલ સૂવાના સમય પહેલાં તમારી જાતને વાઇંડ ડાઉન માટે કેટલી મિનિટ કે કલાક આપવા તે સિલેક્ટ કરો. તમારો ઊંઘવાનો ફોકસ વાઇંડ ડાઉન અવધિની શરૂઆતમાં ચાલુ થાય છે.

    • સ્લીપ ગોલ : “સ્લીપ ગોલ” પર ટૅપ કરો પછી સમય સિલેક્ટ કરો. તમે સેટ કરેલું કોઈ પણ નવું શેડ્યૂલ તમારું નવું લક્ષ્ય દર્શાવે છે.

    • સ્લીપ સંબંધિત સૂચનાઓ : સ્લીપ રિમાઇંડર ચાલુ અથવા બંધ કરો અથવા “સ્લીપ પરિણામો” ચાલુ કરો.

      નોટ : સ્લીપ પરિણામ સૂચના માટે Apple Watch અથવા અન્ય સ્લીપ ટ્રૅકિંગ ઍપ્સ અને હાર્ડવેરનો ડેટા જરૂરી છે.

આ પણ જુઓiPhoneમાં આરોગ્ય ઍપમાં ઊંઘ શેડ્યૂલ સેટ અપ કરોiPhoneમાં આરોગ્ય ઍપમાં અલાર્મ બંધ કરવા અને સ્લીપ શેડ્યૂલ ડિલીટ કરવા માટે
Morty Proxy This is a proxified and sanitized view of the page, visit original site.
મદદરૂપ થયું?
અક્ષરની સીમા 250
મહત્તમ અક્ષરની સીમા 250 છે.
તમારા પ્રતિસાદ બદલ ખૂબ ખૂબ આભાર.
Morty Proxy This is a proxified and sanitized view of the page, visit original site.