iOS 26
iOS 18
આ કંટ્રોલમાં ફેરફાર કરવાથી આ પેજ ઑટોમૅટિક રીતે અપડેટ થઈ જશે.

iPhone પર વૉઇસ મેમોમાં રેકોર્ડિંગ કરો

તમે વ્યક્તિગત નોટ્સ, ક્લાસરૂમના લેક્ચર, સંગીતના વિચાર વગેરે રેકોર્ડ કરવા માટે પૉર્ટબલ રેકોર્ડિંગ ડિવાઇસ તરીકે iPhoneનો ઉપયોગ કરી શકો છો. તમે ટ્રિમ, રિપ્લેસ અને ફરી શરૂ કરવા જેવા સંપાદન ટૂલની મદદથી પણ તમારાં રેકોર્ડિંગને ફાઇન-ટ્યૂન કરી શકો છો.

બિલ્ટ-ઇન માઇક્રોફોન, સપોર્ટેડ હેડસેટ અથવા એક્સટર્નલ માઇક્રોફોનનો ઉપયોગ કરીને વૉઇસ મેમો રેકોર્ડ કરો.

જ્યારે iCloud સેટિંગ્સ અથવા iCloud પ્રાથમિકતામાં વૉઇસ મેમો ચાલુ કરવામાં આવે છે ત્યારે તમારું રેકોર્ડિંગ તમારા iPhone, iPad અને Mac પર તમે જે Apple અકાઉંટમાં સાઇન ઇન થયા છો તેમાં ઑટોમૅટિક રીતે દેખાય છે અને અપડેટ થાય છે.

ચાલી રહેલા રેકોર્ડિંગને વેવફૉર્મમાં બતાવતું, ટાઇમ ઇંડિકેટર અને રેકોર્ડિંગ પૉઝ કરવાના બટન સાથેનું વૉઇસ મેમો રેકોર્ડિંગ.

સામાન્ય રેકોર્ડિંગ કરો

  1. તમારા iPhone પર વૉઇસ મેમો ઍપ (યુટિલિટી ફોલ્ડરમાં) પર જાઓ.

    નોટ : વૉઇસ મેમો ઍપને શોધવાનું અને ખોલવાનું સરળ બનાવવા માટે તમે તેને યુટિલિટિ ફોલ્ડરમાંથી હોમ સ્ક્રીન પર મુવ કરી શકો છો.

  2. રેકોર્ડિંગ શરૂ કરવા માટે “રેકોર્ડ કરો” બટન પર ટૅપ કરો.

    રેકોર્ડિંગ લેવલ ઍડજસ્ટ કરવા માટે માઇક્રોફોનને તમે જે રેકોર્ડ કરી રહ્યા છો તેની નજીક અથવા તેનાથી દૂર મુવ કરો.

  3. રેકોર્ડિંગ રોકવા માટે “વીડિયો રેકોર્ડિંગ બંધ કરો” બટન પર ટૅપ કરો.

જો સેટિંગ્સ > પ્રાઇવસિ & સુરક્ષામાં લોકેશન સેવાઓ ચાલુ હોય તો તમારું રેકોર્ડિંગ નવું રેકોર્ડિંગ નામ સાથે અથવા તમારા લોકેશનના નામ સાથે સેવ થાય છે. નામ બદલવા માટે રેકોર્ડિંગ પર ટૅપ કરો પછી નામ પર ટૅપ કરો અને નવું નામ ટાઇપ કરો.

તમારા રેકોર્ડિંગને ફાઇન ટ્યૂન કરવા માટે રેકોર્ડિંગને સંપાદિત કરો અથવા ડિલીટ કરો.

નોટ : તમારી પ્રાઇવસિ માટે જ્યારે તમે રેકોર્ડિંગ કરવા માટે વૉઇસ મેમોનો ઉપયોગ કરો છો ત્યારે તમારા સ્ક્રીનની ટોચ પર નારંગી રંગનું એક ડૉટ દેખાય છે જે સૂચવે છે કે તમારું માઇક્રોફોન ઉપયોગમાં છે.

બૅકગ્રાઉંડ સાઉંડને ફિલ્ટર કરો

તમે તમારા રેકૉર્ડિંગમાં બૅકગ્રાઉંડ સાઉંડ સામેલ કરી શકો અથવા તેમાંથી કાઢી શકો છો.

  1. તમારા iPhone પર વૉઇસ મેમો ઍપ (યુટિલિટી ફોલ્ડરમાં) પર જાઓ.

  2. કંટ્રોલ સેંટર ખોલો.

  3. કંટ્રોલ સેંટરમાં ઉપર વૉઇસ મેમો પર ટૅપ કરો.

  4. તમારા રેકૉર્ડિંગમાંથી બૅકગ્રાઉંડ સાઉંડને ફિલ્ટર કરવા માટે વૉઇસ આઇસોલેશન સિલેક્ટ કરો.

  5. બૅકગ્રાઉંડ સાઉંડ સામેલ કરવા માટે વાઇડ સ્પેક્ટ્રમ સિલેક્ટ કરો.

    નોટ : iPhoneના તમામ મૉડલમાં વાઇડ સ્પેક્ટ્રમ ઉપલબ્ધ નથી.

સ્ટીરિઓ, મૉનો અથવા સ્પેશિયલ ઑડિઓ રેકોર્ડ કરો

તમે સિલેક્ટ કરેલો રેકૉર્ડિંગ મોડ નક્કી કરે છે કે જ્યારે રેકૉર્ડિંગ પ્લે કરવામાં આવે ત્યારે તેનો અવાજ કેવો છે.

  1. તમારા iPhoneમાં સેટિંગ્સ ઍપ  પર જાઓ.

  2. ઍપ્સ પર ટૅપ કરીને પછી વૉઇસ મેમો પર ટૅપ કરો.

  3. “રેકૉર્ડિંગ મોડ” પર ટૅપ કરીને પછી નીચેનામાંથી કોઈ પણ એક પસંદ કરો :

    • મૉનો : ઑડિઓ પ્લેબૅક બંને કાનમાં એકસરખું છે.

    • સ્ટીરિઓ : ડાબા અને જમણા કાન વચ્ચે ઑડિઓ પ્લેબૅકને અલગ કરે છે.

    • સ્પેશિયલ ઑડિઓ : ઑડિઓ પ્લેબૅક ઇમર્સિવ છે—તેનાથી એવું લાગે છે કે તે દરેક દિશામાંથી પ્લે થાય છે.

      નોટ : iPhoneના તમામ મૉડલમાં સ્પેશિયલ ઑડિઓ ઉપલબ્ધ નથી.

    જ્યારે સ્ટીરિઓ અથવા સ્પેશિયલ રેકૉર્ડિંગને સિલેક્ટ કરવામાં આવે ત્યારે વૉઇસ મેમો તમારા iPhoneમાં અને જમણી અને ડાબી ઑડિઓ ચૅનલ સાથે ઘણાં માઇક્રોફોનનો ઉપયોગ કરીને રેકોર્ડ કરે છે. જો તમે હેડફોન દ્વારા રેકોર્ડિંગ સાંભળો છો તો તમને અલગ-અલગ માઇક્રોફોનમાંથી અલગ-અલગ સાઉંડ સંભળાય છે; જોકે, વેવફૉર્મ ડિસ્પ્લે હજુ પણ એકસરખું જ દેખાય છે.

ઍડવાંસ રેકોર્ડિંગ ફીચરનો ઉપયોગ કરો

તમે ટુકડે-ટુકડે રેકોર્ડિંગ કરી શકો છો, રેકોર્ડ કરતી વખતે પૉઝ કરી શકો છો અને ફરી શરૂ કરી શકો છો.

  1. તમારા iPhone પર વૉઇસ મેમો ઍપ (યુટિલિટી ફોલ્ડરમાં) પર જાઓ.

  2. રેકોર્ડિંગ શરૂ કરવા માટે “રેકોર્ડ કરો” બટન પર ટૅપ કરો.

    રેકોર્ડિંગ લેવલ ઍડજસ્ટ કરવા માટે માઇક્રોફોનને તમે જે રેકોર્ડ કરી રહ્યા છો તેની નજીક અથવા તેનાથી ખુબ દૂર મુવ કરો.

    રેકોર્ડિંગ કરતી વખતે વધુ વિગતો જોવા માટે વેવફૉર્મની ટોચ પરથી ઉપરની તરફ સ્વાઇપ કરો.

  3. રેકોર્ડિંગ રોકવા માટે “પૉઝ કરો” બટન પર ટૅપ કરો; ચાલુ રાખવા માટે ફરી શરૂ કરો પર ટૅપ કરો.

  4. તમારા રેકોર્ડિંગને રિવ્યૂ કરવા માટે “પ્લે કરો” બટન પર ટૅપ કરો.

    પ્લેબૅક જ્યાં શરૂ થાય છે તે બદલવા માટે “પ્લે કરો” બટન પર ટૅપ કરતા પહેલાં વેવફૉર્મને પ્લેહેડ પર ડાબે કે જમણે ડ્રૅગ કરો.

  5. રેકોર્ડિંગ સેવ કરવા માટે પૂર્ણ પર ટૅપ કરો.

જો સેટિંગ્સ > પ્રાઇવસિ & સુરક્ષામાં લોકેશન સેવાઓ ચાલુ હોય તો તમારું રેકોર્ડિંગ નવું રેકોર્ડિંગ નામ સાથે અથવા તમારા લોકેશનના નામ સાથે સેવ થાય છે. નામ બદલવા માટે રેકોર્ડિંગ પર ટૅપ કરો અને નામ પર ટૅપ કરો પછી નવું નામ ટાઇપ કરો.

તમારા રેકોર્ડિંગને ફાઇન ટ્યૂન કરવા માટે રેકોર્ડિંગને સંપાદિત કરો અથવા ડિલીટ કરો.

સ્ટાર્ટ અને સ્ટૉપ ટોન મ્યૂટ કરો

તમે સાઇલેંટ મોડ ચાલુ કરીને સ્ટાર્ટ અને સ્ટૉપ ટોનને મ્યૂટ કરી શકો છો.

કંટ્રોલ સેંટર ખોલો પછી સાઇલેંટ મોડ ચાલુ કરવા માટે “સાઇલેંટ મોડ બંધ કરો” બટન પર ટૅપ કરો.

રેકોર્ડિંગ કરતી વખતે બીજી ઍપનો ઉપયોગ કરો

તમે રેકોર્ડિંગ કરી રહ્યા હોવ ત્યારે તમે તમારા iPhone પર જ્યાં સુધી બીજી ઍપ ઑડિઓ પ્લે ન કરે ત્યાં સુધી તેનો ઉપયોગ કરી શકો છો.

  1. તમારા iPhone પર વૉઇસ મેમો ઍપ (યુટિલિટી ફોલ્ડરમાં) પર જાઓ.

  2. રેકોર્ડિંગ શરૂ કરવા માટે “રેકોર્ડ કરો” બટન પર ટૅપ કરો.

  3. તમે રેકોર્ડિંગ કરી રહ્યા હોવ ત્યારે હોમ સ્ક્રીન પર જાઓ પછી બીજી ઍપ ખોલો.

    જો બીજી ઍપ ઑડિઓ પ્લે કરવાનું શરૂ કરે તો વૉઇસ મેમો રેકોર્ડિંગ બંધ કરે છે.

    સપોર્ટેડ મૉડલ પર તમે હોમ સ્ક્રીનની ટોચ પર Dynamic Islandમાં અને અન્ય ઍપ્સમાં તમારા રેકોર્ડિંગની પ્રગતી જોઈ શકો છો. Dynamic Islandને એક્સપૅન્ડ કરવા માટે તેના પર ટૅપ કરો અથવા વૉઇસ મેમો પર પાછા નૅવિગેટ કરો. જુઓ : Dynamic Islandનો ઉપયોગ કરો.

    iPhone હોમ સ્ક્રીન Dynamic Islandમાં વૉઇસ મેમો રેકોર્ડિંગ દર્શાવે છે.

જો iCloud સેટિંગ્સ અથવા iCloud પ્રાથમિકતામાં વૉઇસ મેમો ચાલુ કરવામાં આવે તો તમારું રેકોર્ડિંગ iCloudમાં સેવ કરવામાં આવે છે અને તમારા iPhone, iPad અને Mac પર તમે જે Apple અકાઉંટમાં સાઇન ઇન થયા છો તેમાં ઑટોમૅટિક રીતે દેખાય છે. જુઓ : રેકોર્ડિંગને અપ-ટૂ-ડેટ રાખો.

સપોર્ટેડ iPhone પર બિલ્ટ-ઇન માઇક્રોફોનનો ઉપયોગ કરીને રેકૉર્ડિંગ ઑટોમૅટિક રીતે સ્પેશિયલ ઑડિઓમાં રેકોર્ડ થાય છે. iPhoneના અગાઉના મૉડલ મૉનોમાં રેકોર્ડ કરે છે, સિવાય કે તમે સેટિંગ્સમાં સ્ટીરિઓ રેકૉર્ડિંગ ચાલુ કરો. તમે સ્ટીરિઓમાં રેકોર્ડ કરવા માટે iPhone સાથે કામ કરતો એક્સટર્નલ સ્ટીરિઓ માઇક્રોફોન અથવા ઑડિઓ ઇંટરફેસ પણ ઉપયોગમાં લઈ શકો છો. Apple “iPhone માટે બનેલી” અથવા “iPhone સાથે કામ કરે છે” તેવા લૉગો સાથે અંકિત કરેલી ઍક્સેસરિ શોધો.

આ પણ જુઓiPhone પર વૉઇસ મેમોમાં રેકોર્ડિંગ પ્લે કરોiPhone પર વૉઇસ મેમો ટ્રાંસક્રિપ્શન જુઓ
Morty Proxy This is a proxified and sanitized view of the page, visit original site.
મદદરૂપ થયું?
અક્ષરની સીમા 250
મહત્તમ અક્ષરની સીમા 250 છે.
તમારા પ્રતિસાદ બદલ ખૂબ ખૂબ આભાર.
Morty Proxy This is a proxified and sanitized view of the page, visit original site.