iPhoneમાં ફોન કૉલમાં રિમોટ કંટ્રોલની વિનંતી કરો અથવા આપો

iPhoneમાં આમને-સામને ફોન કૉલ દરમિયાન તમે બીજાની સ્ક્રીનને રિમોટ રીતે કંટ્રોલ કરી શકો છો અથવા વિશ્વાસપાત્ર વ્યક્તિને તમારી સ્ક્રીન રિમોટ રીતે કંટ્રોલ કરવાની અનુમતિ આપી શકો છો. સ્ક્રીનને કંટ્રોલ કરતી વ્યક્તિ સમસ્યામાં મદદ કરી શકે છે અથવા ઍપનો ઉપયોગ કેવી રીતે કરવો તે દર્શાવી શકે છે.

નોટ : યુરોપિયન સંઘમાં રિમોટ કંટ્રોલ હાલમાં ઉપલબ્ધ નથી.

રિમોટ કંટ્રોલની વિનંતી કરો

તમે તમારી સાથે શેર કરવામાં આવી રહેલી iPhone સ્ક્રીનના કંટ્રોલ માટે વિનંતી કરી શકો છો.

નોટ : તમારા અને અન્ય સહભાગી બંને પાસે iOS 26 અથવા તે પછીનું વર્ઝન હોવું જરૂરી છે.

  1. તમારા iPhoneમાં ફોન ઍપ પર જાઓ.

  2. કૉલ દરમિયાન શેર કરેલી સ્ક્રીન બતાવતી વિંડો પર ટૅપ કરો પછી “રિમોટ કંટ્રોલ” બટન પર ટૅપ કરો.

    જો અન્ય સહભાગી તમારી વિનંતી સ્વીકારે છે તો તમે શેર કરેલી સ્ક્રીન સાથે ઇંટરૅક્ટ કરવા માટે ટૅપ અથવા સ્વાઇપ કરી શકો છો. તમે ઍપ્સમાં પણ ઑનસ્ક્રીન કીબોર્ડનો ઉપયોગ કરી શકો છો.

રિમોટ કંટ્રોલ કરવાની વિનંતી સ્વીકારો

જો સહભાગીને તમારા સંપર્કમાં સેવ કરેલા હોય અને તેઓ iOS 26 અથવા તેના પછીના વર્ઝનવાળા iPhoneનો ઉપયોગ કરી રહ્યા હોય તો તેઓ તમારી સ્ક્રીનને રિમોટ રીતે કંટ્રોલ કરી શકે છે. તમારો ડેટા અને પ્રાઇવસિને સુરક્ષિત રાખવામાં મદદ કરવા માટે રિમોટ કંટ્રોલની વિનંતી પર વધારાના પ્રતિબંધ લાગુ થઈ શકે છે.

જ્યારે તમને તમારા iPhoneમાં ફોન ઍપ માં રિમોટ કંટ્રોલ આપવાની વિનંતીની સૂચના પ્રાપ્ત થાય ત્યારે અનુમતિ આપો પર ટૅપ કરો.

ચેતવણી : સ્ક્રીનને રિમોટલી કંટ્રોલ કરી રહેલી વ્યક્તિ તમારા iPhoneમાં ઍપ્સ ખોલવી અને બંધ કરવી, સેટિંગ્સ બદલવાં, આઇટમ ડિલીટ કરવી અથવા મેસેજ મોકલવા જેવાં કાર્યો કરી શકે છે. માત્ર તમારા વિશ્વાસપાત્ર લોકોની જ રિમોટ કંટ્રોલ વિનંતી મંજૂર કરો.

તમારી સ્ક્રીન રિમોટલી કંટ્રોલ કરી રહેલી વ્યક્તિને તમારા Apple અકાઉંટ અથવા Face ID સેટિંગ્સ બદલવાં, ચુકવણી કરવી અથવા તમારા ડિવાઇસને મિટાવી દેવા જેવાં કાર્યોથી કરવાથી પ્રતિબંધિત કરવામાં આવી શકાય છે. રિમોટ કંટ્રોલ સેશન દરમિયાન તમારું Face ID અને Touch ID અક્ષમ કરવામાં આવશે.

જ્યારે તમારી સ્ક્રીનને રિમોટલી કંટ્રોલ કરવામાં આવી રહી હોય ત્યારે પણ તમે ટૅપ કરી શકો છો, સ્વાઇપ કરી શકો છો અથવા ટાઇપ કરી શકો છો—તમારી ઍક્શનને રિમોટથી કરવામાં આવતી ઍક્શન કરતાં વધુ પ્રાથમિકતા આપવામાં આવે છે.

રિમોટ કંટ્રોલની વિનંતી નકારો

જ્યારે તમને તમારા iPhoneમાં ફોન ઍપ માં રિમોટ કંટ્રોલ આપવાની વિનંતીની સૂચના પ્રાપ્ત થાય ત્યારે અનુમતિ આપશો નહિ પર ટૅપ કરો. સ્ક્રીન શેરિંગ ચાલુ રહે છે અને અન્ય સહભાગીઓ હજુ પણ મહત્ત્વપૂર્ણ ભાગને હાઇલાઇટ કરવા માટે તમારી સ્ક્રીન પર ટૅપ કરી શકે છે, તેના પર દોરી શકે છે અથવા લખી શકે છે.

રિમોટ કંટ્રોલ રોકો

તમે ગમે ત્યારે રિમોટ કંટ્રોલને સમાપ્ત કરી શકો છો. નીચેનામાંથી કોઈ પણ એક કરો :

  • જો તમે કોઈને તમારી સ્ક્રીનને કંટ્રોલ કરવાની અનુમતિ આપી છે તો : સ્ક્રીન શેરિંગ વિંડોમાં નીચે “રોકો” પર ટૅપ કરો.

  • જો તમે કોઈની સ્ક્રીનને કંટ્રોલ કરી રહ્યા છો તો : સ્ક્રીન શેરિંગ વિંડોમાં નીચે “રિમોટ કંટ્રોલ” બટન પર ટૅપ કરો.

કૉલને સમાપ્ત કરવાથી રિમોટ કંટ્રોલ અને સ્ક્રીન શેરિંગ પણ સમાપ્ત થાય છે.

આ પણ જુઓiPhoneમાં FaceTimeમાં સાથે મળીને જોવા, સાંભળવા અને પ્લે કરવા માટે SharePlayનો ઉપયોગ કરોiPhoneમાં કૉન્ફરંસ અથવા થ્રી-વે કૉલ કરોiPhoneમાં વીડિયો કૉન્ફરંસિંગ ફીચરનો ઉપયોગ કરો
Morty Proxy This is a proxified and sanitized view of the page, visit original site.
મદદરૂપ થયું?
અક્ષરની સીમા 250
મહત્તમ અક્ષરની સીમા 250 છે.
તમારા પ્રતિસાદ બદલ ખૂબ ખૂબ આભાર.
Morty Proxy This is a proxified and sanitized view of the page, visit original site.