iPadOS 26
iPadOS 18
இந்தக் கட்டுப்பாட்டை மாற்றினால் இந்தப் பக்கம் தானாக மாற்றப்படும்

iPad சாதனத்தில் உள்ள உடல்நலத் தரவுகள் குறித்த அறிமுகம்

உடல்நலம் செயலியானது உங்கள் iPhone, iPad, Apple Watch சாதனங்கள், இணக்கமான மூன்றாம் தரப்பு செயலிகள், இணைக்கப்பட்ட சாதனங்கள் ஆகியவற்றில் இருந்து உங்கள் உடல்நலத் தகவல்களைப் பாதுகாப்பாக சேமிக்கிறது. உடல் அளவீடுகள், அறிகுறிகள், மாதவிடாய் சுழற்சி குறித்த தகவல்கள் மற்றும் பல தரவுகளை நீங்கள் நேரடியாக உள்ளிடலாம்.

Siri: ஆதரிக்கப்படும் மாடல்களில், Siriஐக் கேளுங்கள் அம்சத்தைப் பயன்படுத்தி, இதுபோன்ற எதையேனும் சொல்லுங்கள், “What’s my heart rate?” அல்லது “How far have I walked today?” சில மொழிகள் அல்லது வட்டாரங்களில் இது கிடைப்பதில்லை. Siriஐ எப்படி பயன்படுத்துவது என்பதை அறிக.

“உடல்நலம்” செயலியில் சுருக்கவிவரத் திரை உள்ளது. செயல்பாடு, மருந்துகள், உயிர்க்கூறு அளவீடுகள், மனநிலை, உறக்கம், இதயத்துடிப்பு, உடற்பயிற்சிகள் ஆகியவை பற்றிய தகவல்கள் “பின் செய்தவை” என்பதற்குக் கீழ் காட்டப்படும்.

iPad சாதனத்தில் உள்ள உடல்நலத் தரவு

பின்வருபவை உட்பட முக்கியமான உடல்நலத் தரவுகளை iPad தானாகவே சேமித்து பகுப்பாய்வு செய்யும்:

பிற செயலிகள் மற்றும் சாதனங்களில் இருந்து பெறப்பட்ட உடல்நலத் தரவு

உடல்நலம் மற்றும் ஃபிட்னஸ் செயலிகளை App Storeஇல் இருந்து நீங்கள் பதிவிறக்கி அமைக்கும்போது, அவை உடல்நலம் செயலியுடன் தரவைப் பகிர்வதை அனுமதிக்க, திரையில் உள்ள வழிமுறைகளைப் பின்பற்ற வேண்டும்.

இரத்த அழுத்த மானிட்டர்கள் மற்றும் வெயிட் ஸ்கேல்கள் போன்ற சாதனங்களிலிருந்து தரவைச் சேமிப்பதற்கு, அவற்றை அமைப்பதற்கான வழிமுறைகளைப் பின்பற்றவும். Bluetooth® சாதனங்கள் iPad உடன் இணைக்கப்பட வேண்டும்.

குறிப்பு: செயலிகள் மற்றும் சாதனங்களுக்கான உடல்நலத் தரவு அனுமதிகளை எப்போது வேண்டுமானாலும் மாற்றலாம்.

நீங்கள் நேரடியாகச் சேர்க்கும் தரவு

உங்கள் மாதவிடாய் சுழற்சிகள், மருந்துகள், உடல் அளவீடுகள் மேலும் பலவற்றைப் பற்றிய தரவுகளை நீங்கள் நேரடியாக உள்ளிடலாம்.

  • உங்கள் மாதவிடாய் சுழற்சியைப் பற்றிய தகவல்களைச் சேர்க்க: மாதவிடாய் சுழற்சித் தகவல்களைப் பதிவுசெய்வதன் மூலம், மாதவிடாய் மற்றும் கருவுறுதல் காலம் குறித்த கணிப்புகளைப் பெறலாம். உடல்நலம் செயலியில் மாதவிடாய் சுழற்சித் தகவலைப் பதிவுசெய்தல் என்பதைப் பார்க்கவும்.

  • உங்கள் மருந்துகள், வைட்டமின்கள் மற்றும் கூடுதல் மருந்துகளைச் சேர்க்க: இவற்றைச் சேர்ப்பதன் மூலம் அவற்றை எடுத்துக்கொள்வதற்கான நினைவூட்டல்களைப் பெறுவதுடன் அவற்றைப் பற்றி மேலும் அறிந்துகொள்ளலாம். உடல்நலம் செயலியில் உங்கள் மருந்துகளைக் கண்காணித்தல் என்பதைப் பார்க்கவும்.

  • பிற உடல்நல வகைகளில் தகவலைச் சேர்க்க: “தேடு” பட்டன்-ஐத் தட்டி, ஒரு வகைப்பிரிவைத் தட்டி, நீங்கள் புதுப்பிக்க விரும்பும் தரவுக்காக “விவரங்கள்” பட்டன்-ஐத் தட்டி, மேலே வலதுபுறத்தில் உள்ள “தரவைச் சேர்” என்பதைத் தட்டவும்.

முக்கியம்: iPhone, iPad மற்றும் Apple Watch ஆகியவை மருத்துவ சாதனங்கள் அல்ல. iPadக்கான முக்கியப் பாதுகாப்புத் தகவல்கள் என்பதைப் பார்க்கவும்.

இவற்றையும் பாருங்கள்iPad சாதனத்தில் உள்ள உடல்நலம் செயலியில் உங்கள் தரவைப் பார்வையிடுதல்iPad சாதனத்தில் உள்ள உடல்நலம் செயலியில் உங்கள் தரவைப் பகிர்தல்
Morty Proxy This is a proxified and sanitized view of the page, visit original site.
உதவியாக இருந்ததா?
எழுத்தின் அளவு: 250
அதிகபட்ச எழுத்தின் அளவு: 250
உங்கள் கருத்திற்கு நன்றி.
Morty Proxy This is a proxified and sanitized view of the page, visit original site.