iPadஇல் உள்ள Apple Games செயலியில் கேம்களைக் கண்டறிந்து பதிவிறக்குதல்

Apple Games செயலியில், ஆக்‌ஷன், அட்வென்ச்சர், ரேசிங், புதிர்கள் மேலும் பலவற்றை உள்ளடக்கிய பல்வேறு பிரிவுகளில் இருந்து உங்கள் அடுத்த கேமைக் கண்டறியலாம்.

குறிப்பு: Game Center, Apple Arcade மற்றும் Apple One சில நாடுகள் அல்லது வட்டாரங்களில் கிடைப்பதில்லை. Apple மீடியா சேவைகள் கிடைக்கும் தன்மை என்ற Apple உதவிக் கட்டுரையைப் பார்க்கவும். சாதனங்களில் Apple Arcade கேம்களின் கிடைக்கும் தன்மை வன்பொருள் மற்றும் மென்பொருள் இணக்கத்தன்மையின் அடிப்படையில் மாறுபடும். சில உள்ளடக்கங்கள் அனைத்துப் பகுதிகளிலும் கிடைக்காமல் போகலாம். அனைத்துச் சாதனங்களிலும் Apple Arcade கேம் கிடைக்கும் தன்மை என்ற Apple உதவிக் கட்டுரையைப் பார்க்கவும்.

Apple Games செயலியில் உள்ள முகப்புத் தாவலில் சிறப்பு நிகழ்வு, தொடர்ந்து விளையாடுவதற்கான கேம்கள், புதிய வெளியீடுகள் ஆகியவை காட்டப்பட்டுள்ளன.

கேம்களைப் பார்த்தல் அல்லது தேடுதல்

  1. iPadஇல் Apple Games செயலிக்குச் செல்லவும்.

  2. பின்வருவனவற்றில் ஒன்றைச் செய்யவும்:

    • புதிய வெளியீடுகளைக் கண்டறிதல், சிறந்தவற்றைப் பார்த்தல் அல்லது தனிப்பயனாக்கப்பட்ட பரிந்துரைகளைப் பெறுதல்: முகப்பைத் தட்டவும்.

    • விளம்பரங்கள் அல்லது செயலிக்குள் வாங்குதல்கள் இல்லாமல் Apple Arcadeஇல் (சந்தா தேவை) இருந்து தேர்ந்தெடுக்கப்பட்ட கேம்களின் தொகுப்புகளைப் பார்த்தல்: Arcade என்பதைத் தட்டவும்.

    • தேடுதல் அல்லது உலாவுதல்: “தேடு” பட்டன்-ஐத் தட்டி, வகைவாரியாகப் பார்க்கவும் அல்லது நீங்கள் தேடுவதை உள்ளிட்டு, திரையில் உள்ள கீபோர்டில் “தேடு” பட்டன்-ஐத் தட்டவும்.

  3. மதிப்பீடுகள், கேம் கன்ட்ரோலர் ஆதரவு, லீடர்போர்டுகள், சாதனைகள் போன்ற தகவல்களையும் மேலும் பலவற்றையும் பார்க்க, கேமைத் தேர்ந்தெடுக்கவும்.

    மதிப்புரைகள் மற்றும் தனியுரிமைத் தகவல் போன்ற கூடுதல் தகவல்களைப் பார்க்க, “App Storeஇல் காட்டு” என்பதைத் தட்டவும்.

கேமைப் பதிவிறக்குதல் அல்லது வாங்குதல்

  1. iPadஇல் Apple Games செயலிக்குச் செல்லவும்.

  2. நீங்கள் விரும்பும் கேமுக்குச் சென்று, “விலை” என்பதைத் தட்டவும். கேம் இலவசமாக இருந்தால், “பதிவிறக்கு” என்பதைத் தட்டவும்.

    கேமில் விலை அல்லது “பதிவிறக்கு” என்பதற்குப் பதிலாக “மீண்டும் பதிவிறக்கு” பட்டன் காட்டப்பட்டால், அதை ஏற்கெனவே வாங்கிவிட்டீர்கள் என்று அர்த்தம். மீண்டும் இலவசமாகப் பதிவிறக்க “மீண்டும் பதிவிறக்கு” பட்டன்-ஐத் தட்டவும்.

  3. வாங்குதலை நிறைவுசெய்ய, உங்கள் Face ID, Touch ID அல்லது பாஸ்கோடு (தேவைப்பட்டால்) மூலம் அங்கீகரிக்கவும்.

    வாங்குதல்கள் உங்கள் Apple கணக்குடன் இணைக்கப்பட்ட பேமெண்ட் முறையின் மூலம் மேற்கொள்ளப்படும்.

நீங்கள் குடும்பப் பகிர்வுக் குழுவின் ஓர் அங்கமாக இருந்தால், கேம்களைப் பதிவிறக்குவதற்கு அல்லது வாங்குவதற்கு முன் உங்கள் பிள்ளை அனுமதி கேட்க வேண்டியிருக்கலாம். குடும்ப உறுப்பினர்களுக்கான கேம் பதிவிறக்கங்களை நிர்வகிக்க, வாங்க அனுமதி கேள் அம்சத்தை ஆன் செய்வது எப்படி மற்றும் செயலி விதிவிலக்குக் கோரிக்கைக்குப் பதிலளிப்பது எப்படி என்பதைத் தெரிந்துகொள்ளுங்கள்.

கேம் விளையாடுதல்

  1. iPadஇல் Apple Games செயலிக்குச் செல்லவும்.

  2. பின்வருவனவற்றில் ஒன்றைச் செய்யவும்:

    • பதிவிறக்கிய கேமை விளையாடுதல்: “லைப்ரரி” என்பதைத் தட்டி, நீங்கள் விளையாட விரும்பும் கேமிற்கு அடுத்துள்ள “விளையாடு” என்பதைத் தட்டவும்.

    • கேமைத் தொடர: “முகப்பு” என்பதைத் தட்டி, “தொடர்ந்து விளையாடுங்கள்” பிரிவில் உள்ள கேமைத் தட்டவும்.

கேமில் இருந்து வெளியேறுதல்

கேமில் இருந்து வெளியேற, Exposéஐத் திறந்து, வலதுபுறமாக ஸ்வைப் செய்து கேமைக் கண்டறிந்து, கேமில் மேல்நோக்கி ஸ்வைப் செய்யவும்.

இவற்றையும் பாருங்கள்iPadஇல் உள்ள Apple Games செயலியில் நண்பர்களுடன் விளையாடுதல்iPad உடன் கேம் கன்ட்ரோலரை இணைத்தல்
Morty Proxy This is a proxified and sanitized view of the page, visit original site.
உதவியாக இருந்ததா?
எழுத்தின் அளவு: 250
அதிகபட்ச எழுத்தின் அளவு: 250
உங்கள் கருத்திற்கு நன்றி.
Morty Proxy This is a proxified and sanitized view of the page, visit original site.