iPadஇல் உள்ள Apple Games செயலியில் நண்பர்களுடன் விளையாடுதல்

Apple Games செயலி மூலம், நட்புக் கோரிக்கைகளை அனுப்பலாம், லீடர்போர்டுகளில் போட்டியிடலாம் மற்றும் FaceTime அழைப்பின் போது நண்பர்களுடன் சேர்ந்து விளையாடலாம்.

நண்பர்களுக்குச் சவால்விடுதல்

Game Center லீடர்போர்டுகள் ஆதரிக்கப்படும் கேம்களில், அதிக ஸ்கோர் அல்லது குறிப்பிட்ட இலக்கிற்காக நண்பர்களுடன் போட்டியிட ஒரு சவாலை உருவாக்கலாம். சவால்கள் உங்கள் குழுவிற்குள் போட்டியை உருவாக்கும். தனிநபர் கேம்களை நண்பர்களுடன் சேர்ந்து விளையாடும் போட்டிகளாக மாற்றும். நீங்கள் கேமைத் தேர்வுசெய்து, அழைக்க வேண்டிய நண்பர்களைத் தேர்ந்தெடுத்து, அவர்கள் ஒவ்வொருவரும் சவாலை முடிக்கும்போது அவர்களின் முடிவுகளைப் பார்க்கலாம்.

  1. iPadஇல் Apple Games செயலிக்குச் செல்லவும்.

  2. “நண்பர்கள்” என்பதைத் தட்டி, “நண்பர்களுக்குச் சவால்விடுங்கள்” என்பதைத் தட்டவும்.

  3. கேமைத் தேர்ந்தெடுத்து, பின்வரும் விருப்பங்களில் ஏதேனும் ஒன்றைத் தேர்வுசெய்யவும்:

    • முயற்சிகளின் எண்ணிக்கை: 1 முயற்சி, 3 முயற்சிகள், வரம்பற்றவை ஆகியவற்றில் ஒன்றைத் தட்டவும்.

    • சவால் நேரஅளவு: 1 நாள், 3 நாட்கள், 1 வாரம் ஆகியவற்றில் ஒன்றைத் தட்டவும்.

    • பிளேயர்களைச் சேர்த்தல்: “பிளேயர்கள்” என்பதைத் தட்டி, தொடர்பை அல்லது நண்பரின் Game Center புனைபெயரைத் தேடி, பிளேயரின் பெயரைத் தேர்ந்தெடுத்து, “தொடர்க” என்பதைத் தட்டவும்.

  4. “தொடங்குக” என்பதைத் தட்டவும்.

சவாலை விட்டு வெளியேற, கேமைத் தேர்ந்தெடுத்து, “மேலும்” பட்டன்-ஐத் தட்டி, “சவாலை விட்டு வெளியேறு” என்பதைத் தட்டி, மீண்டும் “சவாலை விட்டு வெளியேறு” என்பதைத் தட்டவும்.

FaceTime அழைப்புகளின்போது நண்பர்களுடன் கேம்களை விளையாடுதல்

FaceTime அழைப்பின்போது SharePlayஐப் பயன்படுத்தி Game Center மூலம் மல்டிபிளேயர் பயன்முறையில் விளையாடுவதை ஆதரிக்கும் கேம்களை App Storeஇல் கண்டறிந்து பதிவிறக்கலாம். அழைப்பின் போது, ஆதரிக்கப்படும் மல்டிபிளேயர் கேமைத் திறந்து, SharePlayஐத் தொடங்கு என்பதைத் தட்டி, திரையில் உள்ள வழிமுறைகளைப் பின்பற்றவும். FaceTimeஇல் மற்றவர்களுடன் ஒன்றிணைந்து மீடியாவை பார்க்க, கேட்க, கேம் விளையாட SharePlayஐப் பயன்படுத்துதல் என்ற கட்டுரையைப் பார்க்கவும்.

அழைப்பில் இருக்கும்போது கேம் விளையாட FaceTimeஇன் திரைப் பகிர்வு அம்சத்தையும் நீங்கள் பயன்படுத்தலாம். FaceTime அழைப்பில் உங்கள் திரையைப் பகிர்தல் என்பதைப் பார்க்கவும்.

மல்டிபிளேயர் கேமுக்கு நபர்களை அழைக்க AirDropஐப் பயன்படுத்துதல்

Game Centerஐ ஆதரிக்கும் மல்டிபிளேயர் கேம்களுக்கு அருகிலுள்ள நண்பர்களை அழைக்க, AirDropஐப் பயன்படுத்தலாம்.

  1. iPadஇல் விளையாட விரும்பும் கேமைத் திறக்கவும்.

  2. நீங்கள் நண்பர்களை அழைக்கும் திரைக்குச் செல்லவும்.

  3. உங்கள் iPadஇன் டிஸ்ப்ளேவை மற்றவரின் iPhone, iPad அல்லது Apple Watchஇன் மேலிருந்து சில சென்டிமீட்டர் தூரத்தில் வைத்திருக்கவும்.

    இணைக்கப்படுவதைக் குறிக்க இரு சாதனங்களிலிருந்தும் ஒரு வெளிச்சம் வெளிப்படுகிறது.

  4. மற்றொருவரின் திரையில் கேம் தோன்றும் வரை உங்கள் சாதனங்களை ஒருவருக்கொருவர் நெருக்கமாக வைத்திருப்பதைத் தொடரவும்.

இவற்றையும் பாருங்கள்iPadஇல் உள்ள Apple Games செயலியில் கேம்களைக் கண்டறிந்து பதிவிறக்குதல்iPad உடன் கேம் கன்ட்ரோலரை இணைத்தல்
Morty Proxy This is a proxified and sanitized view of the page, visit original site.
உதவியாக இருந்ததா?
எழுத்தின் அளவு: 250
அதிகபட்ச எழுத்தின் அளவு: 250
உங்கள் கருத்திற்கு நன்றி.
Morty Proxy This is a proxified and sanitized view of the page, visit original site.