iPadOS 26
iPadOS 18
இந்தக் கட்டுப்பாட்டை மாற்றினால் இந்தப் பக்கம் தானாக மாற்றப்படும்

iPadஇல் உங்களின் “என் குரலைப்” பதிவுசெய்தல்

பேச்சுத்திறனை இழக்கும் அபாயத்தில் இருந்தாலோ பேச்சுத்திறனில் குறைபாடு இருந்தாலோ, iPadஇல் “என் குரல்” அம்சத்தைப் பயன்படுத்தி உங்களைப் போலவே பேசக்கூடிய செயற்கைக் குரலை நீங்கள் உருவாக்கலாம். நேரடி உரையாடல்களின்போதும், ஃபோன் மற்றும் FaceTime அழைப்புகளின்போதும், உதவக்கூடிய தகவல்தொடர்பு செயலிகளிலும், நீங்கள் டைப் செய்வதை iPad சத்தமாக வாசிக்கச் செய்ய “நேரலைப் பேச்சு” அம்சத்துடன் “என் குரல்” அம்சத்தையும் நீங்கள் பயன்படுத்தலாம்.

  1. iPadஇல் அமைப்புகள்  செயலிக்குச் செல்லவும்.

  2. “அணுகல்தன்மை” என்பதைத் தட்டி “என் குரல்” என்பதைத் தட்டவும்.

  3. “என் குரலை உருவாக்கு” என்பதைத் தட்டி திரையில் காட்டப்படும் வழிமுறைகளைப் பின்பற்றவும்.

    (உங்கள் பதிவுசெய்தல் அமர்வை இடைநிறுத்த வேண்டுமானால், “முடிந்தது” என்பதைத் தட்டவும். தொடர, “பதிவைத் தொடர்க” என்பதைத் தட்டவும்.)

    “சாதனங்கள் முழுவதும் பகிர்” என்பதை ஆன் செய்து iCloud உள்ள உங்கள் சாதனங்கள் அனைத்திலும் “என் குரல்” அம்சம் பயன்படுத்தப்பட நீங்கள் அனுமதிக்கலாம். “பயன்படுத்துவதற்காகச் செயலிகள் கோர அனுமதி” என்பதை ஆன் செய்வதன் மூலம் “என் குரல்” அம்சத்தைப் பயன்படுத்தக் கோருவதற்கு நீங்கள் செயலிகளை அனுமதிக்கலாம்.

குறிப்பு: உங்களின் “என் குரலை” உருவாக்குவதற்கான விருப்பத்தைப் பார்க்க, முதலில் பாஸ்கோடை அமைக்க வேண்டும். ஆதரிக்கப்படும் iPad மாடல்களில் “என் குரல்” அம்சம் கிடைக்கிறது, மேலும் இது குறிப்பிட்ட சில மொழிகளில் மட்டுமே கிடைக்கிறது. “நேரலைப் பேச்சு” அம்சத்தை “என் குரல்” உடன் எப்படிப் பயன்படுத்துவது என்பதைத் தெரிந்துகொள்ள, உங்கள் iPhone, iPad, Mac அல்லது Apple Watchஇல் நேரலைப் பேச்சு அம்சத்தைப் பயன்படுத்துதல் என்ற Apple உதவிக் கட்டுரையைப் பார்க்கவும்.

“என் குரல்” iPadஇல் பாதுகாப்பாகச் சேமிக்கப்படும் என்பதால், ஃபோன் மற்றும் FaceTime அழைப்புகள், நேரடி உரையாடல்கள் மற்றும் மூன்றாம் தரப்பு ஆல்டர்நேட்டிவ் மற்றும் ஆக்மென்டேட்டிவ் கம்யூனிக்கேஷன் (AAC) செயலிகளில் அதை நீங்கள் பயன்படுத்தலாம்.

முக்கியம்: நேரலைப் பேச்சு அம்சத்திலும் ஆக்மென்டேட்டிவ் அண்ட் ஆல்டர்நேட்டிவ் கம்யூனிக்கேஷன் (AAC) போன்று நீங்கள் அனுமதிக்கும் மூன்றாம் தரப்புச் செயலிகளிலும் மட்டுமே “என் குரல்” அம்சத்தைப் பயன்படுத்த முடியும். உங்கள் குரலைப் பயன்படுத்தி உங்களைப் போலவே பேசக்கூடிய குரலைச் சாதனத்தில் உருவாக்குவதற்காகவும் உங்களின் தனிப்பட்ட மற்றும் வியாபார நோக்கமற்ற பயன்பாட்டிற்காகவும் மட்டுமே நீங்கள் “என் குரல்” அம்சத்தைப் பயன்படுத்தலாம். “என் குரல்” அம்சத்தை உருவாக்குவது எப்படி என்பதை அறிய, உங்கள் iPhone, iPad அல்லது Macஇல் “என் குரலை” உருவாக்குதல் என்ற Apple உதவிக் கட்டுரையைப் பார்க்கவும். உங்களின் “என் குரல்” அம்சத்தை லெகஸி தொடர்பால் அணுக முடியாது.

இவற்றையும் பாருங்கள்Siri உடன் பேசுவதற்குப் பதிலாகத் டைப் செய்தல்திரையில் உள்ளவை, தேர்ந்தெடுக்கப்பட்ட உரை மற்றும் நீங்கள் டைப் செய்பவற்றை iPad வாசிக்கச் செய்து கேட்கலாம்பேச்சுக்கான iPad அணுகல்தன்மை அம்சங்கள்
Morty Proxy This is a proxified and sanitized view of the page, visit original site.
உதவியாக இருந்ததா?
எழுத்தின் அளவு: 250
அதிகபட்ச எழுத்தின் அளவு: 250
உங்கள் கருத்திற்கு நன்றி.
Morty Proxy This is a proxified and sanitized view of the page, visit original site.