iPadOS 26
iPadOS 18
இந்தக் கட்டுப்பாட்டை மாற்றினால் இந்தப் பக்கம் தானாக மாற்றப்படும்

iPadஇல் iCloud Driveஐ அமைத்தல்

நீங்கள் iCloud Driveஐப் பயன்படுத்தி, கோப்புகளைச் சேமிக்கலாம், கோப்புறைகளை உருவாக்கலாம், நண்பர்கள் மற்றும் குடும்பத்தினருடன் ஆவணங்களைப் பகிரலாம். ஒரே Apple கணக்கு மூலம் உள்நுழைந்திருக்கும்போது உங்களின் அனைத்துச் சாதனங்களிலும் உங்கள் உள்ளடக்கங்களை அணுகலாம். இதில் Mac சாதனமும் அடங்கும், Finder மூலம் iCloud Driveஐ அணுகலாம்.

iOS 11, iPadOS 13 அல்லது அதற்குப் பிந்தைய பதிப்புகளைக் கொண்ட சாதனங்களில் “கோப்புகள்” செயலியிலேயே iCloud Drive உள்ளமைக்கப்பட்டுள்ளது. Mac கம்ப்யூட்டர்கள் (OS X 10.10 அல்லது அதற்குப் பிந்தைய பதிப்பு), Windows சாதனங்கள் (iCloud for Windows 7 அல்லது அதற்குப் பிந்தைய பதிப்பு) அல்லது iCloud.com மூலமாக ஆன்லைனிலும் iCloud Driveஐ நீங்கள் பயன்படுத்தலாம். உங்கள் iCloud சேமிப்பகத் திட்டத்தைப் பொறுத்து சேமிப்பக வரம்புகள் இருக்கும்.

iCloud Driveஐ ஆன் செய்தல்

  1. அமைப்புகள்  > [உங்கள் பெயர்] > iCloud என்பதற்குச் செல்லவும்.

  2. Driveஐத் தட்டி, “இந்த iPadஐ ஒத்திசை” என்பதை ஆன் செய்யவும்.

iCloud Driveஇல் உலாவுதல்

  1. உங்கள் iPad சாதனத்தில் உள்ள கோப்புகள் செயலிக்குச் செல்லவும்.

  2. திரையின் மேல்பகுதியில் உள்ள “சைடுபார்” பட்டன் என்பதைத் தட்டவும்.

  3. இருப்பிடங்கள் என்பதற்குக் கீழே உள்ள iCloud Driveஐத் தட்டவும்.

    இடங்கள் காட்டப்படவில்லை எனில், “சைடுபார்” பட்டன் என்பதை மீண்டும் தட்டவும். இருப்பிடங்களுக்குக் கீழே iCloud Drive காட்டப்படவில்லை எனில், “இடங்கள்” என்பதை மீண்டும் தட்டவும்.

  4. குறிப்பிட்ட கோப்புறையைத் திறக்க, அதைத் தட்டவும்.

    கோப்புகள், கோப்புறைகளை மாற்றுதல் மற்றும் பதிவிறக்கங்களைப் பார்வையிடுதல் என்பதைப் பார்க்கவும்.

iCloud Driveஐப் பயன்படுத்துவதற்கான செயலிகளைத் தேர்வுசெய்தல்

iCloud Driveஇல் உள்ளடக்கத்தைச் சேமிக்கவும் திருத்தவும் எந்தெந்தச் செயலிகளுக்கு அணுகல் வழங்க வேண்டும் என்பதை நீங்கள் தேர்வுசெய்யலாம்.

  1. அமைப்புகள்  > [உங்கள் பெயர்] > iCloud என்பதற்குச் செல்லவும்.

  2. “iCloudஇல் சேமிக்கப்பட்டுள்ளவை” என்பதற்கு அடுத்துள்ள “அனைத்தையும் காட்டு” என்பதைத் தட்டவும்.

  3. iCloudஇல் நீங்கள் சேமிக்க விரும்பும் செயலிகளை ஆன் செய்யவும், சேமிக்க வேண்டாம் என நீங்கள் விரும்பும் செயலிகளை ஆஃப் செய்யவும்.

இவற்றையும் பாருங்கள்iPadஇல் iCloud Driveஇல் உள்ள கோப்புகளையும் கோப்புறைகளையும் பகிர்தல்
Morty Proxy This is a proxified and sanitized view of the page, visit original site.
உதவியாக இருந்ததா?
எழுத்தின் அளவு: 250
அதிகபட்ச எழுத்தின் அளவு: 250
உங்கள் கருத்திற்கு நன்றி.
Morty Proxy This is a proxified and sanitized view of the page, visit original site.