iPadOS 26
iPadOS 18
இந்தக் கட்டுப்பாட்டை மாற்றினால் இந்தப் பக்கம் தானாக மாற்றப்படும்

iPadஇல் இழுத்து விடுவதன் மூலம் ஐட்டங்களை நகர்த்துதல் மற்றும் நகலெடுத்தல்

இழுத்து விடுதல் செயல்பாட்டின் மூலம் விரலைப் பயன்படுத்தி ஒரு செயலிக்குள் உரை மற்றும் மற்றும் ஐட்டங்களை நீங்கள் நகர்த்தலாம், ஒரு செயலியில் இருந்து மற்றொரு செயலிக்கு ஐட்டங்களை நகலெடுக்கலாம். எடுத்துக்காட்டாக, குறிப்புகள் செயலியில் உள்ள ஒரு படத்தை மின்னஞ்சலுக்கு இழுத்து விடலாம். (குறிப்பிட்ட சில மூன்றாம் தரப்புச் செயலிகள் மட்டுமே இழுத்து விடும் அம்சத்தை ஆதரிக்கின்றன.)

ஐட்டத்தை நகர்த்துதல்

  1. நீங்கள் நகர்த்த விரும்பும் ஐட்டத்தைக் கண்டறியவும்.

  2. அந்த ஐட்டம் மேலே எழும் வரை அதைத் தொட்டுப் பிடிக்கவும் (உரை எனில், முதலில் அதைத் தேர்ந்தெடுக்கவும்).

  3. செயலிக்குள் வேறொரு இடத்திற்கு அதை இழுத்துச் செல்லவும்.

    நீளமான ஆவணத்தின் கீழ்ப்பகுதி அல்லது மேல்பகுதிக்கு இழுத்தால், ஆவணம் தானாகவே ஸ்க்ரால் செய்யப்படும்.

திறந்துள்ள செயலிகளுக்கு இடையில் ஒரு ஐட்டத்தை நகலெடுத்தல்

  1. இரண்டு செயலிகளைத் திறந்து, நீங்கள் நகலெடுக்க விரும்பும் ஐட்டம் (உரை எனில், முதலில் அதைத் தேர்ந்தெடுக்கவும்) மேலே எழும்வரை அதைத் தொட்டுப் பிடிக்கவும்.

  2. அதை மற்றொரு செயலிக்கு இழுத்து விடவும்.

    உருப்படியை இழுக்கும்போது அதை விடக்கூடிய இடங்களில் எல்லாம் “சேர்” ஐகான் காட்டப்படும். நீளமான ஆவணத்தின் கீழ்ப்பகுதிக்கோ மேல்பகுதிக்கோ இழுத்தால், ஆவணம் தானாகவே ஸ்க்ரால் செய்யப்படும்.

    உதவிக்குறிப்பு: புதிய குறிப்பிலோ மின்னஞ்சலிலோ ஒரு ஐட்டத்தை இழுத்துவிட விரும்பினால், ஐட்டத்தை நேரடியாக இழுத்து விடுவதற்கு முதலில் ஒரு புதிய குறிப்பையோ மின்னஞ்சலையோ திறக்கவும்.

ஒரே நேரத்தில் அருகருகே திறந்திருக்கும் பல செயலிகளில் வேலை செய்வது காட்டப்பட்டுள்ளது. குறிப்புகள் இடதுபுறத்திலும் மின்னஞ்சல் வலதுபுறத்திலும் திறந்து காட்டப்பட்டுள்ளது. குறிப்புகள் செயலியில் எடுக்கப்பட்ட புகைப்படம் மின்னஞ்சலில் இழுத்து விடப்படுகிறது.

முகப்புத் திரையில் அல்லது Dockஇல் உள்ள செயலிக்கு ஒரு ஐட்டத்தை நகலெடுத்தல்

  1. நீங்கள் நகலெடுக்க விரும்பும் ஐட்டத்தைக் கண்டறியவும் (உரை எனில், அதைத் தேர்ந்தெடுக்கவும்).

  2. ஐட்டம் மேலே எழும் வரை அதைத் தொட்டு பிடிக்கவும்.

  3. ஐட்டத்தைத் தொடர்ந்து பிடித்துக்கொண்டு, மற்றொரு விரலைப் பயன்படுத்தி திரையின் கீழ் விளிம்பில் இருந்து மேலே ஸ்வைப் செய்து, இடைநிறுத்தி Dockஐ வெளிப்படுத்தவும் அல்லது (முகப்பு பட்டனைக் கொண்ட iPadஇல்) முகப்பு பட்டனை அழுத்தவும்.

  4. ஐட்டத்தைத் திறக்க அதை மற்ற செயலியின் மீது இழுத்துவிடவும் (இழுக்கும்போது உங்கள் விரலுக்குக் கீழே அந்த ஐட்டத்தின் நகல் படம் தோன்றும்).

    செயலியில் உள்ள ஐட்டங்களுக்கு மேல் ஐட்டத்தை இழுத்து நீங்கள் விரும்பும் இடத்தில் அதை விடவும் (இழுக்கும்போது ஐட்டத்தை இழுத்துவிடக்கூடிய இடங்களில் “சேர்” ஐகான் காட்டப்படும்). எடுத்துக்காட்டாக, ஐட்டத்தை நீங்கள் குறிப்புகள் பட்டியலுக்கு மேல் இழுத்து, நீங்கள் திறக்க விரும்பும் குறிப்பில் விடலாம். அல்லது விரலைப் பயன்படுத்தி புதிய குறிப்பைத் திறந்து ஐட்டத்தை இழுத்துவிடலாம்.

ஐட்டத்தை நகர்த்துவது குறித்த உங்கள் முடிவை மாற்றிக் கொண்டால், இழுப்பதற்கு முன் உங்கள் விரலை எடுத்துவிடவும் அல்லது திரைக்கு வெளியே ஐட்டத்தை இழுக்கவும்.

நகர்த்துவதற்குப் பல ஐட்டங்களைத் தேர்ந்தெடுத்தல்

  1. நீங்கள் நகர்த்த விரும்பும் ஐட்டங்களைக் கண்டறிந்து அவற்றைத் தேர்ந்தெடுக்கவும்.

  2. முதலில் தேர்ந்தெடுத்த ஐட்டத்தைத் தொட்டுப் பிடித்து, அப்படியே அதைச் சற்று இழுக்கவும்.

  3. முதல் ஐட்டத்தைப் பிடித்துக்கொண்டே, மற்றொரு விரலால் கூடுதல் ஐட்டங்களைத் தட்டவும். தேர்ந்தெடுக்கப்பட்ட ஐட்டங்களின் எண்ணிக்கையை பேட்ஜ் குறிக்கிறது.

  4. அனைத்து ஐட்டங்களையும் ஒன்றாக இழுக்கவும்.

ஐட்டங்களை நகர்த்துவது குறித்த உங்கள் முடிவை மாற்றிக் கொண்டால், இழுப்பதற்கு முன் உங்கள் விரலை எடுத்துவிடவும் அல்லது திரைக்கு வெளியே ஐட்டங்களை இழுக்கவும்.

இவற்றையும் பாருங்கள்iPadஇல் ஒரே நேரத்தில் பல சாளரங்களில் பணிபுரிதல்
Morty Proxy This is a proxified and sanitized view of the page, visit original site.
உதவியாக இருந்ததா?
எழுத்தின் அளவு: 250
அதிகபட்ச எழுத்தின் அளவு: 250
உங்கள் கருத்திற்கு நன்றி.
Morty Proxy This is a proxified and sanitized view of the page, visit original site.